[ماجد المحمد]

تحية لجميع الزعماء والزعيمات
مالكم بالطويلة
أشوف كثير من الأعضاء ماهوب عاجبهم مستوى رابطة الهلال وتشجيعهم
ياناس حرام عليكم تبونا نستغني عن رابطة تعد من أفضل الرابطات الجماهيرية على المستوى العالمي
وبعدين أبي بس واحد منكم يتبرع ويعلمني لو أستغنينا عنهم من يصير يقول عندنا في المدرجات ( وحبيبكم مييييين ...هلال .. حبيب الملايييييييين ... هلال )
أصلاً إذا ما صارت الرابطة في جميع دول العالم تقول هالجملة ما تسمى رابطة
وبعدين فيهم ميزة رابطة الهلال أنهم منظمين صح ويعرفون متى يشجعون حتى من زود الدهاء اللي عندهم ما يستهلكون مجهودهم قبل المباراة عشان إذا بدت يتابع ويقيم المباراة لك صح
وأصلاً لو تلفون بأندية العالم كلها ما راح تلقون مثل تشجيعنا ( مكرفونات وطبول ) تحس أنك داخل سامري ما دخلت ملعب 0
بس اللي فهمته من مواضيع بعض الأعضاء أنهم الله يصلحهم ودهم نصير مثل جمهور بوكا جونيورز هالضعيفين اللي ماعندهم ناس تعرف تنظمهم ( مساكين ما يعرفون يشجعون )
YouTube - ‫اقوى جمهور بالعالم (الملعب يحترق) مجااانين‬‎

ولا جمهور ( بشتكاتش التركي ) الله لا يقوله بس ( بالله هذا تسمونه جمهور )
YouTube - ‫جماهير نادي بشكتاش التركي - الرهاب النفسي‬‎

ولا الظاهر ودهم نصير مثل جمهور الوداد البيضاوي أعوذ بالله شفهم على هالرابط وتحمد ربك مساكين ما عندهم أي تنظيم ولا يخرشون الملعب ونايمين في المباراة YouTube - ‫سابع أحسن جمهور في العالم جمهور الوداد البيضاوي wydad casa‬‎

ولا هالمساكين الجماهير اللي مالهم حس أبد في الملعب الله يشفيهم
YouTube - ‫والله جمهور اسطوري مرعب (زلزال بالملعب)‬‎

يانـــــاس ترى ذا اللي شفتوهم كلهم مساكين لآنهم يفتقدون لرابطة مثل اللى عندنا تهز الملعب هز بقولتهم المشهورة ( وحبيبكم مييييين .... هلال ... حبيب الملاييييين ..هلال )

مسكين اللي ماعنده رابطة مثل رابطتنا