[سـ6ـآم]

السلام عليكم ورحمه وبركاته

صبآآح .. مسآء / الخير لكل الزعمآء

أول شي أقول هاردلك على التعادل اليوم مع إنه يعتبر أقل المكاسب وليس أقل الأضرار .
والحقيقه إني مثل أكثر المشجعين والجماهير إستغربت طريقه كالديرون باللعب بـ3 سناتر لأكثر من سبب
*لم يسبق للزعيم أن لعب بهذه الطريقه في الدوري ولا بكأس ولي العهد {{ اللاعبين ما تعودا عليها}}
*ضعف خبره الخالدي بالذات في مباريات كبيره ومهمه فما بالك اذا كاتت في إيران وأما م المتصدر للدوري الإيراني ..!
*اللعب بالزوري كضهير وهمي وهذا ما سبب فجوه بين قلوب الدفاع والإتكاليه في أكثر من كره .
*قتل الوسط الهلالي والهجوم على حساب الدفاع المبالغ فيه بالشوط الأول .





على كل حال نحن نثق بكالديرون وبالمدير والعقل المدبر الاسطوره سامي لكن ما تعودنا نشوف الهلال بالطريقه هذي ..



بصراحه اللي لفت إنتباهي وشدني..
إني والله العظيم داخل المنتدى وتوقعت اشوف شي بسيط من الثناء على الفريدي ..
ياما شاف هجوم وانتقادات وتجريح من المنتدى هذا حتى لو كان مبدع في مباراه كامله وأخطأ في هجمه او لعبه
تشن عليه الحروب وترفع أمامه أصابع الإتهام ( إنت مغرور .. إنت بارد وتلعب بأعصابنا .. إنت ما تحس .. إنت عاله على الفريق )..

أنا ما ألوم المشجع معك تنتقد وتتكلم ولكن بدون تجريح هذا أولاً ..
واذا انتقدت انسان ورجع وعدل غلطته مو عيب انك تقول احسنت وشكراً لك ..

المصيبه العظمى حتى اليوم والفريدي يقدم مباراه أقل ما يقال عنها انها ملحميه يواجه الانتقاد .....!

الفريدي اليوم يلعب لحاله بالوسط ويصنع كور وهجمات من كرات ميته وبين اربعه مدافعين ولا نقول له احسنت ..!

الفريدي هو اللاعب الوحيد في وسط الهلال اللي يقطع كوره ويوصل كوره ..

رادوي يقطع كور بس ما يوصلها بالطريقه السليمه واذا وصلها ما تكون خطيره .
الشلهوب يوصل كوره ولا يقطع كور ولا يجيد الدفاع الا قليلاً ..
العابد يوصل كوره ويقطع ولكن لا يرجع للدفاع كثيراً .
الدوسري يوصل كوره بس ما يقطع او يقتل هجمه للخصم ..
وليهامسون يوصل أيضاً ولكن لايقطع أبداً مع انه يعود للخلف ويعطل الهجمات لكنه لا يستخلص الكرات ..

الفريدي هو الوحيد اللي يقطع ويوصل الكوره بنفس الجوده والمهاره ..
ولا يجد الإهتمام ولا يسلم من الإنتقاد ...!

انا ما اقول ان الفريدي خالي من العيوب .. بالعكس
كل لاعب فيه نقاط إيجابيه وسلبيه ..
لكن اتمنى اننا نخف شوي على الفريدي وأن نعطيه حقه ..
ولا نعامل كل لاعب على حسب إعجابنا به .
ولكن نعامله بالعمل الذي يقوم به.
مهما كان اللاعب ومهما كان رقمه ومركزه ..


ما ودي اطيل عليكم ..

شكرأ حسن العتيبي .. شكراً الفريدي .. شكراً لي يونق ...
وشكراً للاعبين الهلال وإدارته

اتمنى التوفيق للزعيم في المباراه القادمه والتأهل كأول المجموعه ..
دمتم بخير

[سـ6ـآم]

للرفع يا إدارتنا الغاليه ...

[هـلالي من زمن آخر]

والله هذا اللي كنت ابحث عنه عضو يقدّر المنطق والواقع ..

اشكرك يااخ سام ..

[bret1234]

الخالدي جدا سيء

ومكانة غير الهلال

الفريدي جدا مبدع

وخاصة عندما يلعب وسط خامس

خلف المهاجم

يكون في قمة حضورة

ويحتاج لتقوية تصويباتة فقط

[منيف عاشق الازرق]

للامانة الفريدي لاعب خطير ومميز جدا ولكن اللة يهدي الجمهور شايلين علية وبصراحة اذا كان الفريدي في الملعب فالهلال رائع

[سـ6ـآم]

أشكركم على المرور والتعليق ..
المقصد من الموضوع اننا نعطي كل لاعب حقه ..
والله ما همني الفريدي او نامي أو أي لاعب كلهم يلعبون لشعار الزعيم
نقول للمحسن احسنت وللمسيئ اسأت ..

[هلالي مـووت]

-

كِلآم صحيح ألآ في نقطِه وحده نقطِه آلفريدِي ,




آنأ وآلله مآششِوف آن آلجمهور قآيم عَليه بدِون سببَ يـ عزيِزي وديِ ترجع لـ آلمبآره وتشِوف كمِ هجمِه ضيعهآ

آلفريدِي , آنآ معك آن كل لآعب يضيعِ آوكِ نقول آن إلآعب مآتوفق في هآلمبآره , نرجع لـ آلمبآريآت

آلسآبقه بتششِوف آلفريدي ععآله , آلفريدي ككِويس جدآ في قطعِ آلكور آلخطيره وكِويس في نقل آلكورِ من لآعب

لـ لآعب آخر , آنت تقول قآيمين تجريح بـ آلفريديِ ,


آنآ وآلله بعضضَ ألآيآم آذ آلفريدي قطِع كِوره آتسآل آشِوف هألآعب وآلله غغِريب , مزآجي بـ قوهِ


آتآسفِ عَ ألآطآلهِ ,

[سـ6ـآم]

اخوي هلالي موت حياك الله ..
انت تقول الفريدي ضيع كم هجمه ..؟
بوقف عند كلمه ضيع .. يعني فرصه محققه , مافيه فرصه محققه اضاعها الفريدي الا فرصه وحده وسوا فيها المستحيل .
اللي هي يوم توغل واخترق اربعه مدافعين من كره ميته حولها الا هجمه خطيره وسددها لكن الحارس ابعدها ببراعه ..
هذي اللي يقهر لاعب يقاتل ويقدم مستوى مميز بالمباراه ولاحد يهتم او يثني على المستوى اللي قدمه ..!
اتمنى ترجع للمباراه بجميع القنوات وتشوف المعلقين وش قالوا عن الفريدي اليوم .
أحترم رايك وتبقى وجهه نظر ..
نتحاور ونختلف والسبب خدمه الزعيم

[رادويهـ]

الفريدي موهوب ....
فيلسوف....
مهاري ....

وكل شي ماشاء الله عليه

بس ياااليت لويبعد عن العصبيه والنرفزه
ويحافظ على مستواااه


يعني احسه مباراة فوق وخمسه تحت<<بدون مبااالغه
مو زي العام

[abdu ahmed]

إقتباس الرسالة الأصلية كتبت بواسطة bret1234 الخالدي جدا سيء ومكانة غير الهلال الفريدي جدا مبدع وخاصة عندما يلعب وسط خامس خلف المهاجم يكون في قمة حضورة ويحتاج لتقوية تصويباتة فقط

انا معك بهذي النقطة الفريدي جيد جدا اذا لعب خلف المهاجمين

[زِيْزُو المَسْعُودِي]

الدفاع اليوم فيه خلل كبير جدآ بوجود الثنائي المرشدي والخالدي
ولو تلاحظون هدف سيباهان تعرفون كل شيء !
/
الفريدي بطل بطل
قتال ع الكره قطع كرات تمريرات صناعه بكل شيء أبدع صراحه
أفضل لاعب بمباراة اليوم مع حسن العتيبي

[حساافهه النهدي]

سـ6ـآم

الله يعطيك العافيه بس الفريدي اليوم ما اعطى ياسر ولا كوره ليش؟؟

[سـ6ـآم]

ياهلا والله بالزعماء ...
اوقات اقول ما ودي ارد علشان تاخذون راحتكم واوقات اقول لازم ارد ابين وجهه نظري ..
اخوي عفناك ..
ياسر لاعب كبير ومهم لكن ما نختلف ان مستواه نازل كثير بالفتره الاخيره .
من اهم مميزات المهاجم انه يفتح خانه ويعطي لاعب الوسط مجال انه يلعب له الكور .
لكن ياسر الفتره هذي ما يتحرك كثير علشان كذا ما يعطي صانع اللعب مجال انه يلعب له كثير من الكرات ..
شرفني مروركم يالغاليين

[يحلمون بس مايقدرون]

إقتباس الرسالة الأصلية كتبت بواسطة عفناك النهدي سـ6ـآم الله يعطيك العافيه بس الفريدي اليوم ما اعطى ياسر ولا كوره ليش؟؟

ويعطي ياسر ليه؟؟؟؟انا بصراحه تمنيته يطلع من المباراه لان ياسر ما كان في يومه والله لو لعب احمد ع كان اصرف على الاقل يجنن المدافعين واسرع من ياسر
بصراحه اللاعبين ماقصرو واحمد الفريدي بدع بس {تجري الرياح بما لاتشتهي السفن}اه شي جينا بنقطه بمثابة الفوز وبأذن اللي ماتنام عينه الهلال بيتأهل بس نبي مباراة الغرافه فل لاتخيبون ابن مساعد ونواف والله عتبه غالي صدقوني لو كنت ولد كان رحت واخذت عيال الحي كلهم وأوقف مع الفريق الهلال يحتاج الوقفه تكفو نبي الدره فل فل فل

[bret1234]

إقتباس الرسالة الأصلية كتبت بواسطة يحلمون بس مايقدرون ويعطي ياسر ليه؟؟؟؟انا بصراحه تمنيته يطلع من المباراه لان ياسر ما كان في يومه والله لو لعب احمد ع كان اصرف على الاقل يجنن المدافعين واسرع من ياسر بصراحه اللاعبين ماقصرو واحمد الفريدي بدع بس {تجري الرياح بما لاتشتهي السفن}اه شي جينا بنقطه بمثابة الفوز وبأذن اللي ماتنام عينه الهلال بيتأهل بس نبي مباراة الغرافه فل لاتخيبون ابن مساعد ونواف والله عتبه غالي صدقوني لو كنت ولد كان رحت واخذت عيال الحي كلهم وأوقف مع الفريق الهلال يحتاج الوقفه تكفو نبي الدره فل فل فل

والدليل انة جنن المدافعين

انه مامسك الكورة إلا مرة او مرتين

وتحول الظغط علينا

والله يستر لانخرج من اسيا

بسبب اختيار التحفة احمد علي

كنا ننتظر مهاجم يحل مشكلة الهجوم

إلا جانا واحد

مكانة الدرجة الأولى

واضحك كثير من البعض الي يطالب بالتجديد معاة