[كابتشينو]

السلام عليكم ..
أسعد الله صباحكم ومسائكم يازعماء و زعيمات

نخش بالموضوع دوغري
مباراتنا ضد الجزيرة الي كانت في أرضنا كان فيه تحدي بيني وبين نصراوي ..
قال لي : أتحدى إذا كان عدد جمهوركم بمباراة الجزيرة 50 ألف !
أنا وبكل ثقه قلت يسوونها جمهور الزعيم دامنا ملينا 90 ألف كرسي وش الي يمنعنا نملي 50 ألف كرسي ؟ و 50 ألف شويه
جاء يوم الثلاثاء ودخلت الملعب طبعاً أنصدمت بالجماهير ، قلت ياولد اصبر تبدأ المباراة وبيتملون !
بدت المباراة وللأسف الواجهه وهي الواجهه مامتليت ..
طول المباراة كنت معصب وزيادة على كذا كنت أشوف مستوى { خايس }

رجعت وفاز بالتحدي وكانت عقوبتي إني أحضر مباراة للنصر
<<< شي مقرف تحس أنك وصخ يوم تحط شال النصر على رقبتك .. ان شاء الله أنها أول وآخر مره ..
طبعاً أنا الوحيد الي فرحت بهدف السد والكل كان يناظرني بتعجب
الحمد لله بس إني هلاااااالي بس
<<< ع فكرة بو يزيد كان زعلان من حضورنا في مباراة الجزيرة وكان مستغرب !

فأنا تحديته تحدي قلت مباراة الأحد إن ما امتلى الجزء حقنا أكثر من حقكم ماراح أجي للتويج الهلال بدرع الدوري


وإن كان جزءنا أكثر منكم راح تحضر معي مباراة تتويج الهلال بالدوري

واتفقنا ع كذا ..

فأتمنى ثم أتمنى ثم أتمنى يكون حضورنا أقوى وأفضل ..
نبي يكون تتويجنا قدام الجار ..



صراحه مالكم عذر يا أهل الرياض والي جمبها !!
الهلال ماحضرنا له مباراة بعد كأس ولي العهد والفوز ع الجزيرة ..

نبي حضور قوي وتشجيع طول الـ 90 دقيقة ..
لاعبيننا يتأثرون بالجماهير كثيير !!

فأتمنى يكون حضورنا اكثر منهم ..


بالتوفيق وفالنا الفوز إن شاء الله