بسم الله الرحمن الرحيم
السلام عليكم ورحمة الله وبركاته
,
’
,
’
الف مبروك الفوز يا زعماء الفوز العريض على الجزيرة
ولكن الهلال كان مستواه منخفض قليلاً , والجمهور لم يحضر كما توقعنا
والشلهوب الذي انتقده في المباراة , رد عليهم بهدف يبرد قلبه
وان شاء الله المباراة الجاية يفوز الهلال بنتيجة ومستوى + ( حظور )
احب اقول لـ الذين حضروا المباراة ( بيض الله وجيهكم ) + باقة ورد لكم
لكن ما سوو اللي عليهم , وهو التشجيع 90 دقيقة
و والله الرابطة ما قصرت حطت الاكياس البلاستيكة على كلمة الهلال بالانقلش , لكن الجمهور خربها
بس تروا الوعد يوم الاحد نبي حركات جمهور الزعيم المعتاد , ونبيكم تقولون النشيد
على ايش سوينا نشيد ؟
المهم نبي نبدي الموضوع
بطآقة اللقاء :
الفريقان : الهلال × الشباب .
اليوم : الاحد .
التاريخ : 6 / 5 / 1432 هـ
الملعب : استاد الملك فهد الدولي
المدينة : الرياض .
........
احصائيات :
المباراة على ما اعتقد ان فيها تقسم 80% للمضيف وهو الهلال
وعلى فكرة هذي مباراة الاياب
انتهت مباراة الذهاب لصالح الهلال 2 - 0
وكانت على ارض الشباب بأستاد الملز والمباراة القادمة على استاد الملك فهد الدولي
........
تحليلي :
المباراة السابقة كان الهلال مو بمستواه المعهود
مع ان الهدف كان من بداية المباراة , وكان المفروض اكمال الهجمات
بالعكس الهلال لعب بطريقة خاطئة , لعب وسجل الهدف من الدقيقة الرابعة وتراجع ودافع وخلا الجزيرة تهاجم
بس بمرتدة جاء فرج الهلال من اللاعب ياسر القحاطني اللي كان نجم المباراة بصراحة
لكن برضوا تراجع الهلال وجاء هدف الجزيرة من غلط الكبير المرشدي , الذي دائماً يهدي الخصوم اهدافه
انا ما اقول لا يسجل الهلال من بداية المباراة اذا جاته فرصة
انا اقول خله يسجل وبالعكس ما يضيع ولا فرصة بس ما نبيه يتراجع
ونبيه يدخل مهاجمين ( احمد علي - ياسر القحطاني )
وفي الشوط الثاني , يخرج احمد ويدخل عيسى او نواف العابد , لان كلهم نجوم
.......
توقعآتي لنتيجة المباراة لو لعب كالدي بتحليلي
4 - 1
او اذا لعب بطريقته المعتاده فـ بيفوز بنتيجة
2 - 1
المهم الفوز

لعب بطريقتي او غيرها الهلال فايز ( بإذن الله )
......
الجمهور :
جمهورنا العزيز

, نبي نعوض حظور المباراة اللي فاتت
ونبي اكبر حضور للزعيم
ونبي حركات , ولا تخربوا حركات الرابطة

.......
مقتطف :
انا اقول للأعضاء اللي خايفين من الاتحاد في دوري ابطال اسيا ( الاتحاد ما يخوف )
ولا انذكركم بالخمسة

وان شاء الله كأس اسيآ من نصيب الزعيم ..
.......
نهآية :
اتمنى ان الموضوع اعجبكم
تحياتي ..