هلآإآإآإآإآإآل خيآإآإآإآإآإآل \ تقييمي للاعبين \ قصتي مع النصراوي \ رساله الى جمهور العاصمه - نادي الهلال السعودي - شبكة الزعيم

نمر بن عدوان الهلالي · #1 02/04/2011, 01:59 AM

السلام عليكم ورحمة الله وبركاته

أول شي الف الف الف مبروك هالفوز الجميل والثلاث نقاط

اليوم كان الجمهور رووووووعه .. كنت من الموجودين بالمدرجات

تفاعل الجمهور رائع .. جمهور والله اناظر فيه اقول يا لبيه وربي هيبه

كالديرون (( غامر )) باللعب بدون محاور

مع ان خالد عزيز شفته يسخن مع اللاعبين قبل المباراه .. والغنام والقرني عالدكه

خالد عزيز .. نقدر نقل انه يبي يريحه ولا يستعجل عليه عشان مباراة الجزيره

بس سؤالي .. ليه ما تلعب الغنام او القرني من البدايه !!

لاحد يزعل مني .. انا عاشق للشعار .. ولا اطبل لفلان وعلان ..

اليوم خط الدفاع ممتاز .. والوسط ضايع .. مافيه الا الفريدي والشلهوب يتحركون

ويوزعون !! طيب الدوسري وش محله من الاعراب !!؟؟

اتمنى بعدم المغامره في المبارايات الجايه .. وانشالله سامي مدير الكره يتكلم مع كالدي

في هالنقطه .. لان المبارايات الجايه كلها مبارايات كؤوس

تقييمي للاعبين اليوم وبدون زعل .. واتوقع كل الجمهور بيقول نفس كلامي ..

حسن 9\10

هوساوي 10\10

مرشدي 9\10

لي يونج 9\10

الزوري 7\10 اللياقه ما ساعدتك نهاية المباراه

الفريدي 8\10

الشلهوب 10\10 << مع انك ما تلعب في مركزك بس وربي دينمو

عزيز الدوسري 3\10 بصراحه يا زيزو .. ماعرفت وش مركزك .. حسيتك ضايع .. لا انت مهاجم ولا انت مدافع ..وبس تطيح تنتظر فاول !! راجع نفسك

ويلي 9\10 رغم الهدفين اللي ضاعت منك لكن سويت لهم (( قلق )) وحسن مظفر اتوقع انه بيتحلم فيك

ياسر 6\10 بالرغم من الهدف اللي سجلته .. لسى انت مو ياسر اللي نعرفه .. ارجع ياسر اللي يفكك الدفاعات ويتعبهم

احمد علي 100\10 سجل هدف .. تسبب بالفاول .. صنع الثالث

يا ليتك بالمستوى هذا دايما يا بو علي

وبالنسبه للي دخلوا من الاحتياط ماقدر اقيمهم .. لانهم ما لعبوا غير ربع ساعه !!

شحطه بسيطه

اليوم لقيت واحد مع اثنين من عياله صغار اعمارهم تقريبا 7 سنوات .. قال ممكن اجلس جنبك .. قلت تفضل ..
قاعد يسولف معاي .. يقول تراني مو هلالي !!
قلت اتحادي ؟؟
قال لا نصراوي ولا تعلم احد لاني بينكم

قال والله عيالي نشبوا لي يبون يحضرون

سالت واحد منهم .. قلت له كم عمرك .. قال سبعه
قلت له كم بطوله اخذه الهلال

قال واااااااااااااجد

والتفت للاب .. وقلت متى اخر مره اخذت بطوله

قال زمااااااااااااان

قلت عيالك فرحوا اكثر منك بالبطولات .. فانشالله ربي يهديك وتصير هلالي .. وتصير صحتك كويسه

لا ضغط ولا سكر ولا صلع

انتهى الحوار

جمهور الرياض ..

انا بالشرقيه

.. واليوم جبت معاي 17 رجال كلهم هلاليين والجمهور كان فعال بطريقه رهيبه .. تكفون يا جمهور العاصمه .. حضوركم مهم .. وتفاعلكم أهم
اليوم لما الهلال تأخر بهدفين .. والله العظيم انواع التشجيع .. لو كانت المباراه بالرياض .. كان كلن حط يده على خده وسكت
نبيكم في مبارايات الهلال الجايه تخلون الملعب فللللللللللللللللللللللل
نبي اهازيج
نبي حماس
اليوم لو ماحد شجع وحمس اللاعبين .. ماكان جبت هدف
الجمهور رجع الروح للاعبين
اتمنى كل جماهير الهلال تسوي مثل جمهور الشرقيه

الف مبروك لشبيه الريح
الف مبروك للاداره الناجحه
الف مبروك يا معشر الزعماء

اخوكم : نمر

اتمنى من المشرفين الرفع

فراشه زرقاء · #2 02/04/2011, 03:20 AM

أوافقك الرأي بكل ماكتبته

والحمد لله ع الفوز

وشكرا لجمهور الشرقيه وأتمنى جمهور الرياض يتعلم منهم

بالتوفيق للزعيم في باقي المباريات

الله يعطيك العافيه

*زعيمه جنوبيه* · #3 02/04/2011, 04:34 AM

يعطيك العافيه

بالنسبه لتقييمك للاعبين انا اختلف معك

اولا عزيز مو جاهز للعب كما ذكر سامي

والغنام راجع من اصابه وصعبه يحطه

صحيح المدري اخطا لكن لعب بتكتيك جيد

ياسر ماينلام ع الهجوم اللي جاه من منشطات الى اصابه الى هجوم اعلامي لكن الحمد لله انه سجل وقدر يرد ع المشككين رد ملجم

وجمهور الشرقيه بصراحه امتعنا الليله وقدر يتحدى جماهير الزعيم بكافة المناطق

شكرياتي نمر

Emtenan · #4 02/04/2011, 04:54 AM

اللهم انصر الهلال فوق كل ارض وتحت كل سماء ..

Sultan | سلطان · #5 02/04/2011, 04:58 AM

الف مبروك للزعماء .. ياليت جمهور الهلال في الرياض يشدون حيلهم ويبدعون
مثل ما ابدعنا في لقاء الإتفاق

امام الجزيرة موعدنا يازعماء .. مازال للإبداع بقية

بالتوفيق للزعيم

▐ĞћмĐỗй▌ · #6 02/04/2011, 04:59 AM

الله يعطيك العافيه

المباراه حلوه بصراحه

وانا توقعت الهلال يرجع للمباراة لان مستواه حلو

تقييمك حلو لللاعبين

وكلن اخذ حقه

ما قصرت انت واخوياك كفو والله

بصراحه الاهازيج ما نسمع شي مدري عن القنوات الثانيه انا تابعتها على لاين سبورت

الرابطه لازم تشوف لها حل

مسكت معهم [ لاتقولوا مقدر اجيبه ] هذي والله اللي سمعتها من الاهازيج وعرفت انها للهلال

قلب تبوك · #7 02/04/2011, 05:21 AM

يعطيك العافية , وياليت نشوف جمهور الرياض يشجعون زي الشرقية نبي حماس مو هدوء وسكوت ؟؟؟

نمر بن عدوان الهلالي · #8 03/04/2011, 02:16 AM

شكرررررررررااااا على تواجدكم الجميييل

عتيـ511ـبه · #9 03/04/2011, 02:31 AM

آهنيك ع القصه والمحآوره الاسطوريه اللي دآرت بينك وبين الشيبه النصرآوي ،،

آن شاء الله بعد كلآمك يخرج من الظلمآت " النصر " ويهتدي للنور " الهلال "

مضيع عمره ومتعب حيآته يشجع الفقر على وش !! لا لعب ولا آدآره ولا بطوله !!

مستشفىآ الشميسي مدخل خير من ورآهم بعد كل مبآره تلآقي جمآهير النصر آنوآع الجلطآت

على قولت الحكمه الشهيره اللي قآلت " اذ تبي قصر العمر شجع النصر "

تقققققققـبل ً وووووودي يآبعدددددهم ،،

ابتسامة صمت · #10 03/04/2011, 02:39 AM

مااكنك نسيييييييييييت الشمشووومي لبى قلببببببببببه
هوو ويلي قوه ضاربه جابوا الصدااع للعمااني يحزن ماغير يشتت الكور وبدون عقل.

اما الجمهور روووووعه ياليت كل مباريات الهلال بالشرقيه

راكان الغامدي · #11 03/04/2011, 02:42 AM

والله المباراه ذي العمده احمد علي والجمهور اهم النجوووووووووم

20 الكاسر ياسر 20 · #12 03/04/2011, 02:46 AM

كالديرون دخل المباراه بتشكيله هجوميه ومدري وش كان يبي بالضبط ، ممكن كان ينهي المباراه
من بدري ويخلص عليهم لكن انا اشوف انها مجازفه ، على الاقل كان ممكن يلعب الغنام ويعزز
دفاعنا ، ومع هذا الاهداف مايتحملها المحاور لأنها جت من ضربات حره .

اما خويك النصراوي ، ان شاء الله يسمع النصيحه والله يهديه

انفاس هلاليه · #13 03/04/2011, 02:49 AM

أِنَ شٌأٌأِء أًلّلَهُ نّشّۇۈۉوِوِفّ حَضًوَوُرِ جَمّأُهًيًرًيً مّشُرُفِ

يٌلًيَقّ بِنُأٌدُيٌ أُلٌزّعُيَيًيَمُ

وًأٌتٌوّقًعٌ مِأُفّيِ سُبِبِ يَمّنِعًڳُمَ مًنُ أَلَحُضَوّوَوِوٌرِ

وُفًأًلّڳَمَ أٌلٌفًوِوّوّزً بَأَذَنُ أَلّلّهِ

تَحّيُأُتّيِ

خالد ، الدعجااًَني · #14 03/04/2011, 02:52 AM

يعطيـــــــــــــــك العافيه

OMAR15 · #15 03/04/2011, 10:29 AM

إقتباس

الرسالة الأصلية كتبت بواسطة بآتشينو


	الف مبروك للزعماء .. ياليت جمهور الهلال في الرياض يشدون حيلهم ويبدعون مثل ما ابدعنا في لقاء الإتفاق امام الجزيرة موعدنا يازعماء .. مازال للإبداع بقية بالتوفيق للزعيم

..........................................