|
هذا ما دار بيني وبين لاعب الهلال والمنتخب حاليآ وتوقعه لمبارة الاتحاد بسم الله الرحمن الرحيم اخواني واخواتي أعضاء وزوار منتدى الزعيم ... السلام عليكم ورحمة الله وبركاته ،،، نبدأ موضوعنا بالدعاء لخادم الحرمين الشريفين الملك عبدالله بن عبدالعزيز - حفظه الله - بأن يمد بعمره ويلبسه ثوب الصحة والعافية وأن تدوم علينا نعمة الأمن والأمان وراحة البال. يوم الأحد..نهائي الدوري..مباراة كسر العظم..مباراة كبيرة..مباراة عملاقين..بعد توفيق الله هي مباراتكم يا جمهور الزعيم.. أرجوكم لا تخذلوا الإدارة واللاعبين ولا تبخلوا بالحضور والمؤازرة فهذه المباراة هي فرس الرهان بالدوري. نرجع لموضوعنا .. يوم الأربعاء الظهر دق جوالي ناظرته والقى اسم لاعب هلالي ودولي يلعب الآن مع الهلال وهو زميلي منذ خمس سنوات .. المهم رديت عليه وقعدنا نسولف شوي .. قلتله تعال تعال وش أخبار مباراة الإتحاد؟ قال الحمد لله أمس فزنا على الغرافة واليوم راح نبدأ تحضيراتنا للإتحاد .. قلتله هذا كلام كلنا نعرفه .. ابي اللي ما نعرفه .. قلتله ابي التشكيلة ؟ قالي التشكيلة اللي هو متوقعها من وجهة نظره وقالي اقسم بالله ما احد يعرف التشكيلة بالذات بعدم وجود رادوي. قالي ياليت الجمهور يصبرون على بعض اللاعبين, قلتله مين تقصد ؟ قال الفريدي وعزيز .. قالي عزيز راجع من اصابته ودخل بمباريات قوية وهو قاعد يحاول يرجع لمستواه بس اصبروا عليه ، قلتله ترى الجمهور يححب عزيز وصابرين عليه .. قال ادري بس في ناس مستعجله. وبالنسبة للفريدي قالي وجهة نظر فنية بحته ( طبعآ وجهة نظر ممتازة ) بس ما اقدر اقولها هنا لانها تختص بطريقة من طرق لعب الهلال. وكذلك تطرقنا لموضوع محمد الشلهوب وليه يلعب محور في بعض الأحيان وقالي وجهة نظر كالديرون الفنية وبصراحة اقنعني. جبنا طاري مباراة سباهان قالي كل الفريق ما كان بيومه والله يخليك قفل على موضوع هذيك المباراة. ومن خلال سواليفنا مع بعض من ايام اول اسأله عن توقعاته في مباريات الهلال وكان يقولي ان المباريات اللي بالرياض ما نشيل همها حتى لو نهائي .. قلتله ليش؟ قال انت ناسي الجمهور؟؟؟ هذا اللاعب سألته كثير عن توقعاته لمباريات الهلال وكان يتوقع ويقولي وبكثير من الأحيان تطلع توقعاته صح. سألته عن توقعه لمباراة الإتحاد؟ قال . . . . . . . . . . . . فوز الهلال أو التعادل ( إن شاء الله ) يالله يارب يا كريم يفوز الهلال بكأس ولي العهد والدوري وكأس الأبطال والآسيوية وعلى دروب البطولات نلتقي بإذن الله |
أشكر المشرفين الكرام على نشر الموضوع وبالذات الأخ / حمد الهلالي شكرآ |
نفسي أعرف مين هالاعب !! وبالتوفييييييييييييييق للهلال والفوز هلاااالي بإذن الله |
إقتباس:
|
عرفت الاعب .......................... بالتوفيق للهلال يارب والحصول على الثلاث نقاط |
اللاعب هو ماجد المرشدي ,, وش رايك بالقفطه :D مشكور اخوي غالموضوع وان شاء الله خماسية جديدة . |
بالتوفيق للزعيـــم ..~ واتوقع 2- 1 للهلال ..~ |
يالبية والله ياخالد عزيز هو الامل فية بعد رادوي في خانة المحور وبالنسبة للفريدي صانع لعب ممتاز بس نبية يخلص الكورة بسرعة |
أممممممممممممممم لقاء جميل . لكن كان ودنا تقول أسم اللاعب :D وإن شاء الله على قولته فايزين فايزين مشكور |
مشكوووووور على الموضوع اما عزيز لا والله لعيب كان قلتله بدال عزيز ماجد المرشدي <<<<<<مع اني اتوقع انه ماجد المرشدي |
أشكر الجميع على المرور بس والله العظيم اللاعب مو ماجد المرشدي .. واعذروني لاني ما اقدر اقول اسم اللاعب .. |
ما ادري انا احساسي ما يخيب ابد .... انا احلف لك .... انه ما يتعدى هالثنين .. يالزوري .....او عبداللطيف الغنام ....<<احساسي ما يخيب ابد ... .......................... اتمنى التوفيق ... والمؤازه من الجماهير في مباراة الهلال ... وبالتوفيق ... ويعطيك العافيه اخوي..على المجهود والموضوع الرائع كروعة كاتبه ... وافــــــــــــــــــــــــــــــــــــــــــــــــــــــــــــــــــــــــــــي |
8 8 8 والله انك خليتهم يهوجسون بالاعب عموما اياً كان الاعب قوله عزيز لاعب كبير وما قصر مستواه حلو والفريدي كمان لاعب كبير بس لو يفكنا شوي من التسحيب الزايد عن اللزوم بالتوفيق للزعيم وان شاءالله يارب يقدمون مستوى ويوفقنا ربي للفوز يعطيك العافيه |
انا اتفق مع اخوي الاعب اتوقع انه عبداللطيف الغنام |
يالله يارب يا كريم يفوز الهلال بكأس ولي العهد والدوري وكأس الأبطال والآسيوية |
| الوقت المعتمد في المنتدى بتوقيت جرينتش +3.
الوقت الان » 07:25 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd