|
لماذا النفاق والغلو السلام عليكم ورحمة الله وبركاته.. الحمدلله والصلاة والسلام على رسول الله اما بعد .. كلنا سمع المكرمة التي يتكلمون عنها وعن الاوامر الملكية .. التي يتغنى بها من لايعي ماهي حقيقتها.. لن اطيل بالكلام ولكن يؤسفني ان ارى النفاق والتطبيل بان الملك فعل العجائب واكرم الكرم الكبير.. بكل بساطه واختصار ..ا شكر للملك عبدالله على الذي فعله فشئ أفضل من لا شئ.. هي كلمة كنت اتمنى اسمعها في المكرمة ولكن للاسف لم أسمعها ولم اسمع بها ابدا بتاريخ المكرمات.. وهذا الشي لا اقول انه نابع من سياسة جوع شعبك ...ولكن لعل وعسى انه لم يفطن احد لهذه النقطة المهمة.. والتي اعلم انه لو ملك الانسانيه علم بها لسارع بها حالا واضافها مع الاوامر الملكية .. والنقطة التي اشير اليها هي القروض فكل مواطن سعودي اول راتب يستلمه الراتب الثاني يكون قد اخذ قرض يسد فيه الثغرات الهائله التي كانت في حياته قبل الوظيفه واولها اقتناء سياره تعينه على قضاء حوائجه كل مواطن هنا عليه من الدين ماالله به عليم وقروض من البنك مهلكة والراتب مايقدر عليها وهو كامل فما بالك لما يقتص من راتبك الفين شهريا واكثر.. كان من الاجمل ان يخصم نصف القرض ان لم يسقط كامل القرض عن الجميع.. هو هو الحال ونفس الوضع ماتغير واللي فرحانين بالزيادة الراتبين بتروح للبنك لانه يطلبنا دين ماله نهاية يعني المكرمة منهم واليهم.. انا سعودي حبيت اشارك باحساسي بدون اي نفاق او مجاملة ليس هذا ماتمنيناه أو اردناه حقيقه.. شارفت على الثلاثيين ولا استطيع ان اجمع مهر للزواج وانا موظف .. فما بالك بالعاطلين..؟ اليكم التعليق والحوار مفتوح. |
انا معترض على شغلتين الاولى المفروض الحد الادنى لرواتب الوظائف الحكوميه 5 الاف 3 الاف اش تسوي الحين ماتعيش عزوبي فما بالك واحد يبغى يتزوج ويبغى يفتح بيت الله يعين بس الثانيه القطاع الخاص ماشملهم ولا شي يعني ماهو من زين الراتب ولا هو من زين الدوام وفوق هذا ماشملنا شي من الحكومه يعني ياادبر واسطه واخش وظيفه حكوميه يااني اتبهذل في القطاع الخاص على الاقل نبغى مكافاه مقطوعه ولا راتب شهر زياده مانبغى شهرين شهر على الاقل الله يعين بس |
من واجبات الحاكم يوفر الأمن والراحة والسعادة لجميــــع المواطنين بناء وحدات سكنية ومستشفيات وغيرها ، هذه من واجبات الحاكم على شعبه . ( فئة القطاع الخاص ) أعتقد ربع الشعب السعودي يشتغل بقطاع خاص ؟؟ وين حقوقهم ؟ وهم يكرفون واحيانا ينذلون عند الاغنياء والاقطاعيين براتب الفين والفين وخمسمئة !! الله لنا |
والله صدقت :) صحيح انها مكرمات لكن واجب عليه كأب يعطف على ابناءه ويعطيهم :) الحمدلله على كل حال |
صدقت اسير المحبة ولا حبيت اذكر اشياء كثيره منها زي ماذكرت الراتب الاساسي 3000؟ اصلا الراتب الاساسي هو 2900 واللي في اردى قطاع 2700 يعني اعلى شي زادوا 300 ريال ولعدد محدود فقط اشكرك مرورك وابداء رايك |
صدقت اخوووووووووووووي بااااااااسكن هذي نقطة مهمة ايضا اشكر لك مرورك عزيزي |
والله من جد قرآرآت نص الشعب ما استفآد منهآ حتى طلآب الجآمعآت والموظفين الحكوميين حـ يستفيدوا بس شهرين بعدين حـ يرجعوا زي أول الشي الوحيد اللي أقدر أقول عليه أفضل القرآرآت هو وضع حد أدنى للروآتب .. مع إنو المفروض يكون المبلغ عـ الأقل ( 5 ) آلآف أما الشي اللي موتني ضحك هو صرف الإعآنآت السنة الجآية ! << لآ تعليـق :d أما موظفين القطآع الخـآص ما أقول إلآ الله يعينكم ،، :rose::smilie47: |
الله يفرجها علينا وعليك :smilie47: ><><><><><><><><><><><>< |
حاله مثل هذي , راجع فيها مصدر مسؤول أفضل لك من مناقشتها هنا . الله يكون في حالك . |
أولآ .. لديك ملك الملوك ينزل لسمآءه كل ليله .. هل طلبته !! ثآنيآ .. أوآفقك فيمآ ذكرت .. و أرى إن فيه نوعآ من التقصير و أن من في حالتك أحق ب الشمول منّ القطآع الخآص .. ! قدمّ معروض عن حالتك .. و بإذن الله ( منت خآيب ) .. كآن الله في عونك .. |
الله يفرج عليك و يفتح لك باب الرزق يآخوي و يوفقك و ييسر امركـ |
الملك نسى الكثير من أبنائه =( |
القطاع الخاص ليس حكومي ولايأخذ رواتبه من الحكومة وبالتالي فالقرار صحيح .. الحكومة مسئولة عن الوظائف الحكومية أما الوظائف الخاصة وكل من يتبع قطاع خاص فهو يتبع جهة ليس للحكومة علاقة بها . المنحة لم تكن للشعب حتى يطالب الجميع بها هي للقطاع الحكومي وهنا الفرق |
إقتباس:
ماعتقد بيكون هذا رايك يالقحماني لو انت مازلت في القطاع الخاص:d سبحان الله كل واحد يتكلم ويدافع لانه استفاد من القرارت :yes: |
إقتباس:
وش هالحكم و الله درر :s2: الحكومه مسئولة عن الشعب مو عن الوظائف :to:!!!!!! و اللي يشتغل للخاص يتبع من مو برضو مواطن بما أنها حكومه :naughty: بالتوفيق بما أني شعرت إنك مواطن حكومي و بالأخص مدرس :d:rose: |
| الوقت المعتمد في المنتدى بتوقيت جرينتش +3.
الوقت الان » 01:27 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd