اللي يبي يعرف مستوى سالازار يدخل؟؟؟؟؟؟ بسم الله الرحمن الرحيم السلام عليكم جميعاً ............. بعد حضوري لمباراة الهلال والشباب الوديه شوفت اللاعب سالازار (بأم عيني) عرفت ان اللاعب صب (كـــــــــــــــــــــــافي) للأسف:sad: :sad: :sad: - وصلت للاعب سالازار كوره جاء بيشوتها بالطاير وشات الهوا:D :D :D -وصلت له كوره على الجناح الايمن وجاء بيفرفر ( مسوي ابو يعقوب ) ولاقدر يسوي شي :smilewink :smilewink - تحركات اللاعب بدون كره ماعندك احد ...... والزبده ان اللاعب ماهو بالمستوى المطلوب مننا كجماهير ( والله ياجماعه مايبرد القلب ) يعني على اقل الاحوال لو بنقارنه بأفضل الاجانب الموجودين الان وهو (سيرجيو) نلاحظ انه ماهو حوله ابد وحرام بصراحه نخسر عليه ملايين بدون مايفيدنا بشكل كبير مثل ما اجانب الاتهاد فايدينهم واجانب النثر فايدن فريقهم واذا بصراحه مستواه كذا امام شباب الشباب فشلون بيصير وضعه في المباريات الحاسمه والقويه ............ بس فيه نقطه اخيره احب اذكرها لكم وهي ان الخطه اللي لعب فيها الهلال امام الشباب هي كالعاده 4-5-1 وهو الوحيد بالهجوم من دون مسانده ويمكن هالشي ماخلاه يظهر بالصوره المطلوبه... ولكن مهما كان فرأيي فيه انه لاعب غير مفيد بالدرجه الكبيره ودون المستوى المأمول..:blueroll: والله يكتب اللي فيه الخير :none: :none: |
شكرا لك يالازرق بريش ولو انه مانفع مانبيه مانبغى نعطي فرصه لأي لاعب مهما كان ... كفاية مقالب نبي واحد ضامنينه بدون مانجربه |
حكمت على الاعب من مباره تجريبيه وحده وبعد جيته بكم يوم وقبل ما ينسجم مع الاعبيين ما يجوز الحكم السريع وانا اخوك الصبر الجميل |
.. وش ذا الكلام ؟ لا ... غير معقووووول |
إقتباس:
|
ياشباب الله يخايكم اعقلوا ترونا ملينا من لعيبة التجارب والمشكلة كل واحد يقول اعطيه وقت وفي الاخير نندم على الوقت اللي اعطيناه اياه صدقوني ماينفع اي لاعب مانعرفه او حتى المدرب مايعرفه لانه سيضيع علينا مال ووقت على الفاضي ولو تبوا تدونه فرصة معناها توقعون عقد معه .. معناها فلوس على الفاضي مانبي الا لاعب نعرفه انه بينفعنا |
ومازلنا ننتظر .... |
مو معقولة!!!!!!!!!!!!!!!! اللاعب متصدر الهدافين في بلده رغم صغر سنه و من ضمن لعّيبة منتخب بلاده الأولمبي و هذا مستوآه....!!!! ما أدري و ش السالفة بس أتمنى إننا ما نستعجل في الحكم عليه لأنه لو كان فعلاً هو هداف الدوري حقهم فأكيد إنه كويس و هذا بلانا هنا نبي الواحد من أول ما يجي يكون أطلق من مارادونا ولا نحط في إعتبارنا إنه أول مرّة يطلع من بلده ولا بعد تأقلم مع الوضع الجديد ولا لعب مع المجموعه الأساسية و غير كذا قد تكون طريقة المدرب تقتل أيّ فرصة في بروز أيّ لاعب فمثلاً من يوم ما أستلم المدرب بلاتشي الفريق هو و طريقته العقيمة و الهلال المعروف بفرقته المرعبة مو قاعد يقدم و لا نسبة 1% من مستواه المعروف فكيف نتوقع أن يقدم سالازار كل ما عنده من تمرينين و مباراة تجريبية مع المسعري و طقته؟؟؟؟؟!!!!!! ما ودّي إننا نستعجل في الحكم عليه ثمن نشوفه في فريق ثاني قاعد يفتّ بعدين نعض أصابع الندم عليه كما حصل مع لعّيبه قبله!!!! هذا مجرد رأي لا أكثر و لا أقل و أنا كلّي ثقة في رجال الهلال و القائمين عليه فيما يتعلّق بإتخاذ الإجراء المناسب الذي فيه مصلحة كياننا العظيم.... أختكم Celinish |
أنا أتوقع أنة مقلب جديد!!! |
اقووووول يا ليل ما أطولك ... والله ما عندك أحد ... نادي كبير ما يعرف يجيب أجانب على مستوى . ما أقول إلا الشكوى لله .... |
الصبر. الصبر. الصبر. الصبر. والله حلو. لا تسيرون سواقين تكاسي والله الصبر حلو. |
إقتباس:
|
خلاص يا شباب إدارة الهلال صرفت النظر عنه ... |
ردد ردد ردد ردد ردد ردد يليل ما اطو لك |
عـــــــــادي عـــــــــادي . لاعبيين الهلال الاجانب = مسلسل مكسيكي لانهايه له :( |
الظاهر لو رونالدو جاينا قبل مايشتهر ان تطلعون فيه عيوب الدنيا ويطلع من عندنا وصلعته مشيبه .. ياجماعه ترى المباراه تجريبيه وهي اول مباراه للاعب ومن الصعوبه الحكم عليه .. اصبروا واثقلوا واعقلوا !! اوين ,, |
أصبروا اصبروا ياشباب |
اشكركم يا جماهير الهلال الغيوره على ابداءكم الرأي في الموضوع ........ لكن حبيت اعطيكم رأيي بالموضوع صدقوني اللاعب يبين من لمساته ومستوى اللاعب ماهو اللي (يبـــــــــــــــرد القلب ) هذا اللي انا شفته بعيني وانا مااقول هالكلام علشان أحطمكم بس صدقوني هذا الواقع وبدال لانخسر ملايين على لاعبين زي صومالــــــــــــــــــــــيا(واخوه من الرضاعه) سالازار نيجب لنا واحد معروف مستواه ومشهور بملايين ذا (الخمه) مثل ماهم قاعدين يسوون بالدوري الاماراتي لاننا ماحنا مظطرين نجيب ثلاث محترفين محترف واحد فلته يكفي ......... صح وعلى كل حال انا دايماً اقول الله يكتب اللي فيه الخير دائماً ويوفق الإدارة الهلالية بجلب لاعبين مميزين دوماً ومشكوررررررررررررين |
الصبر ياجماعه تكفون ............ اللاعب (حسب ما سمعنا) هداف الدوري في بلاده تشيلي وكلنا عارفين انها دولة متقدمة كروياً وكثير من نجومها يلعبون في أفضل الأندية الأوربيه (طبعاً ما تقاس بالبرازيل والإرجنتين .... ) ولايزال صغير السن وهذي أول تجربة خارجية له لا وما كمل اسبوع ........... ليه ما نصبر ونعطيه فرصه يمكن ينجح ويعوضنا ؟؟؟؟؟ مشكلتنا يا جمهور الهلال بالذات دايم مستعجلين نبي لاعب من أول تمرين نجم كبير اعتقد الكل يذكر زيدان أول ما انتقل لريال مدريد جلس وقت طويل يقدم مستوى ضعيف ولعب احتياطياً ولكن بعدما تجاوز مرحلة الإنتقال عاد النجم الأبرز وأصبح يقود ناديه للإنتصارات في الهلال مرينا بالكثير من التجارب والمفروض انا تعلمنا نعطي اللاعب فرصه يقدم اللي عنده وفي الانديه الأخرى حالات كثيره مشابهه أتمنى ان الإداره ما تستعجل وتفهم المدرب بعد يصبر ........ وتحياتي للجميع بدر |
اقول بلا فرصه بلا هم العود من اول ركزه يعني يمسكونه الباب ابرك |
اتوقع ان الهلال من بين مليون محترف يجي نص لاعب زين |
فعلا مستواه لم يعجب الجهاز الفني وبيدورون على غيره لكن ان شاء الله ان الادارة بتجيب واحد قد المستوى |
اولا بالاتشي يلعب بخطة 5\4\1 حاليا.... بعدين حرام عليكم..من اول تمرينين تبون تحكمون على اللاعب ؟!!! جاء سيرجيو ولا برز مع الاهلي الا في نهاية الدور الاول...و جاء ادميلسون ولا برز الا في الدور الثاني... يا جماعة... الطالب في المدرسة...من اول يوم او اول يومين يقول عليه المدرس هذا نابغة و هذا بيطلع الاول ؟؟؟؟؟ ترى الادارة متفقة مع الشركة على 10 ايام موب اذا عدا من تكر ولا سجل في الدعيع !!! و لا تصدقون كلام هالجرايد اللي تقول فشل فشلا ذريعا... ولا لم يظهر اي لمحات..وشو يعني لازم يدخل الملعب يسوي دبل كيك و يسجل اهداف و يجرجر لاعبين الدفاع كلهم ولا احد يقطع منه الكورة من اول يوم... و يجي يقول لهم هااااااه وش رايكم فيني !!!! ترى والله هذا اللي يبونه الجرايد.. من يذكر قبل ما يجي صوماليا..الجرايد حطته جنقر... وعلى اي اساس؟؟ الصحفي اللي كتب عنه وين شافه ؟؟ و من اول تمرين والله اني اذكرها قالوا اظهر لمسات و لمحات تدل على انه صفقة رابحة و قد سجل هدفا سينمائيا في مرمى الدعيع حين تجاوز احد المدافعين و الحق به الدعيع و وضع الكره بكل هدوء في المرمى :confused: :confused: :confused: يا هلاليييييين... اصبروا...الصبر.. الصبر.. ولا تطيرون مع عجة الهرج !! و ارجع و اقول... الاختلاف في الرأي لا يفسد للود قضية |
الوقت المعتمد في المنتدى بتوقيت جرينتش +3.
الوقت الان » 01:12 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd