|
إقتباس:
سارة بامكانك تضيفين الشطة الحارة ع البيض اذا ما تحبين طعمه و شدي حيلك بالتمارين براااافو عليك |
^ ^ واللي تقولك ماتاكل شطة " لو بحط لك وش اللي ماآكله كان صفحة ماكفتني ~ خليها على الله .. شكراً للتحفيز ~ :rose: |
إقتباس:
الندى لونه على اصفر :s3s: ------------------------------------------ و اليوم خلصنا اول يوم رجيم + تمارين بالنادي :smilie47: :d |
هآآذا عشآآي الآن تونه وشطه وليمون + زباآآدي قليل الدسم +خـبز أسمـر كآآسة عصــيرر أنـانآس ... :s4s: شدوآآ الهمه << كل يوم أقوول متى يجي اليوووم المفتوح .:wub: |
الحمد الله اليوم يوم عصيب البدايه صعبه لاك ان شاء الله نتعود في النهاية في ناس خوفوني قالو ما يصلح احد يسوي رجيم في مرحلة النمو عاد قلت نرجع للمدربين وهم يفيدونا اتمنى منكم الإفاده |
إقتباس:
إقتباس:
إقتباس:
يعتمد كم عمرك و وزنك |
مسسكـت غلط ورحت بنـده كلووا عشان قريب فروت وآآآخرتها حــآآآمض ماينشرب أبدأ :s5s:.. أشتريته عصير وفاكهه. خلوووكم على نــدى أناناس أصرف.>> اليووم قلبت عليه ثلاجة المحل مالقيته وآخر شي أحصله مدسوس آخر الثلاجه آخر وآحد ...:ap: .... يارب يسامحني اللي دآسه :d يمدحوون جبن المراعي شرآيح منزوع الدســم ياجماعة الخيـر... |
صبحكم الله بالخير جميعاً .. :smilie47: ياجماعة الخير .. أنا منيب أخصائي تغذيه ولا ُمدرب لياقه .. :razz: لكني شخص جربت أنواع كثيرهـ جداً جداً من الريجيمات .. ووصلت لقناعات كثيره ماكنت أعرفها سابقاً .. والحمدلله نزلت كيلووات كثيره جداً ( ماودي أقولها علشان العين تخبرون :wub::d) .. ووصلت للوزن المثالي . ولذلك أحب أعطيكم شيء بسيط من خبرتي في هالمجال .. ورح أكتب اللي براسي على أكثر من رد .. موضوع الريجيمات والصحه هو متشعب بشكل ماتتصورونه وله دخل بحاجات كثير ، لكن بحاول اقول اللي عندي بهالنقاط .. أولاً / الريجيم اللي تم وضعه في بداية الموضوع .. بوجهة نظي هو ريجيم ( غَلط ) .. لسبب بسيط جداً وهو : أنه قاسي جداً واعتبره فيه : حرمان .. بمعنى أوضح خلني أشرح لكم .. الريجيم اللي تم وضعه ، هل كل شخص فيكم يقدر يستمر عليه دائماً ؟ يعني أنت بتسوي هالريجيم لمدة أسبوعين أو ثلاث وربما أكثر .. لكن بعدها هل ترى أنك رح تقدر تستمر ؟ ولا بتجيك لحظه بتحس ( انك محرووووم :s5s: ) وبترجع بشكل سريع لعادتك القديمه وتطيح بالحلويات والرز والمقآلي ؟! s121s من قناعة تامه ومن تجربه طويله ، أفضل ريجيم هو الريجيم اللي يكون ( تخفيف ) للأكل واهتمام بالسلطه ، أكثر من أي شيء أخر . يعني للرجال اللي يتحركون ويروحون ويجون .. مايكفيهم أن غَداهم يكون خس فقط .. والعشا يكون سلطه فقط ! حتى لو تحملوا كم يوم .. لكن حَرام والله ، مابيقدروا يستمروا :rose: أنا ما أحبط احد ، لكن محد يقدر يستمر على هذا ( الحرمان ) مده طويله ، وبنفس الوقت ترا الجسم يحتاج مواد كثيره من أهمها ( بروتين ) .. واللي أشوف أنه قليل جداً في هذا الريجيم ! بإختصار .. لا تحرمون أنفسكم بزياده ، والريجيم ليس معناه أنك ( تكون جوعااان بشكل فظيع طول اليوم ) .. الأفضل انه يكون ريجيمكم عباره عن ( تنظيم غذائي ) .. يتبع بالرد التالي .. |
ثانيا / كيف تحرق الدهون ؟ ياجماعة الخير كل جسم فيه ( عضلات ) وكذلك فيه ( دهون ) .. فلا تحسب أنك لما تمنع نفسك من الأكل .. وماتاكل شيء يحتوي على ( بروتين ) معناه انك رح تفقد الدهون ! هذا كلام خاطئ .. لأنك لما يكون أكلك للبروتين قليل .. هذا معناه أنه رح ينسحب ( بروتين ) من العضلات اللي بجسمكـ أصلاً .. لأنك بحاجه لها في الحركه والنشاط .. :yes: وبالتالي رح تلقى عضلاتك خَفت .. لكن الدهون مازالت مثل هي ! ولما تجي تقيس وزنك .. رح تلاقيه نزل كَم كيلو .. لا تفرح ياحبيبي .. لأن هذه مهيب الدهون .. هذه العضلات . واحنا هدفنا اننا نحرق الدهون ونخففها .. وليس أننا نجوع أنفسنا ونحرم حالنا من أكل الاشياء اللي تحتوي على بروتين وبالتالي يتم تخفيف الوزن ( من العضلات وليس من الدهون ) .. لذلك .. لازم كل ريجيم يكون يحتوي على ( بيض + دجاج + لحم وسمك ) .. هذول أهم مصادر البروتين ، وأشوف ان البيض لحاله مايكفي ! لآزم إدخال الدجاج معه .. ونبتعد عن الحاجات اللي تزود الدهون وتخليها مثل : المقآلي و الحلويات . يتبع بالرد التالي .. |
ثالثا / فصيلة الدم .. أفضل طريقة علشان تختار الاكل المناسب لك وتحافظ على وزنك .. أنك تعرف فصيلة دمك وتعرف ماهي الأكلات اللي تسمنك علشان تبتعد عنها .. والأكلات اللي تنحفك علشان تكثر منها .. وكذلك الأكلات المحايده اللي ماتزود ولا تنحف .. :yes: بشكل أوضح .. أنا فصيلتي ( A + ) .. هل تعلمون أن اللحوم الحمراء .. تزود وزني ؟! وبالعكس اللحوم البيضاء ( السمك أو الدجاج ) .. ممتازه جداً لي . طيب تعرف أن اللي فيصلة دمهم ( O ) .. اللحوم الحمراء كويسه لهم .. بعكس فصيلة ( + A ) مو معنى هالكلام أني مستحيل أكل ( لحم أحمر ) .. لا عادي .. أكله عادي في العزايم أو بأوقات معينه .. لكن مب بشكل كبير لأنه مهوب زين لي . وغيرها الكثير من الأكلات الممنوعه والمسموحه والمحايده لفصائل الدم .. علشان تعرفوا أكثر .. ابحثوا في جوجل ورح تلقوا جداول كثيرهـ عن ريجيم فصائل الدم .. وهذا الريجيم ممتاز للناس اللي يبون يثبتون أوزانهم ، يعني بعد ماتسوي ريجيم وتنحف 10 او 20 كيلو ! يبيلك تشوف وش الاشياء اللي تزود الوزن لفصيلة دمك .. وتحاول تبتعد عنها او تخففها .. وهكذا .. يتبع بالرد التالي :smilie47: |
رابعا / إراشادات هامه ونصائح متنوعه من عندي .. 1- إحدى الأخوات تَحدثت عن ( دايت وتشرز ) و ( دايت سنتر ) .. أحب أقولكم أن منتجات الحلى والشوكولاتات حقتهم ممتازهـ .. يعني بعض الأوقات لو حسيت ان بخاطرك ( تاكل تشيز كيك ) أو ( قطعة شوكولاته ) .. رح عندهم وأشتري لك وكلها .. وبتلقى مكتوب على كل منتج ( عدد السعرات الحراريه المتواجده فيه ) .. وهو بشكل عام منتجاته صحيه وللدايت .. 2 – أنصح جميع الشباب أنهم يسجلوا في نادي رياضي .. ويصيروا يمارسوا الرياضه بمعدل 5 ايام بالاسبوع .. خاصة رياضة السويدي .. لأنها تحرق بشكل كبير وكذلك ترفع اللياقه .. أنا أكثر مانفعني إلا السويدي والله :yes:. 3- بالنسبه للبنات .. لو كل بنت تسوي ( مجرد تخفيف ) في أكلها وتنظيم غذائي .. وتصير تمشي بشكل يومي ( بأي ممشى قريب من بيتهم ) .. رح تستفيد بشكل كبير .. رياضة المشي .. هي أفضل رياضه للبنات .. لو نص ساعه يوميا .. ممتاز جداً والله :rose: :yes:. 4 - للجميع .. أي ريجيم يقعد يقول لكم ( تغدى 100 جرام من الدجاج + 70 جرام من المدري ايش:s5s: ) .. اعرف انه ريجيم ( خرطي و أي كلام ) :razz:.. وانك مارح تستمر عليه ! أفضل ريجيم هو أنك تكثر من السلطه وتتناول قطعة دجاج معه أو إيدام خفيف .. 5 - لا تعيش علشان تاكل .. بل كُل علشان تعيش :s2:.. يعني ماتصير كل شوي داخل طالع عالمطبخ .. وهدفك انك ( بس تاكل ) في الحياه . . بعض الأحيان الواحد إذا كان ( طفشان ) يجلس طول اليوم ياكل .. لازم تغير هذه العاده الخاطئه ، للأسف أنا كنت سابقاً طول الوقت أكل أكل وكنت مسنتر عند معلم الشاورما أو مطاعم ( الكبده بالجبن آووح ) :wub: وحاولت أغير هالعاده .. وفعلاً . مع التخفيف رح تحس أنك مرتاح طول الوقت .. لأن الأكل ( متعته لحظيه فقط ) :) . 6 - أنصحكم باستخدام شاي اسمه ( جامو تي ) .. علبته لونها اخضر وتلقونه بالصيدليات .. وهو شآي لونه أحمر لكن يساعد في حرق الدهون .. لو تاخذ كاسه في اليوم بعد وجبة الغدا .. كويس .. وكذلك أنصحكم بـ استخدام ( ستيفيانا ) .. وهذا بديل للسكر .. حط منه لا بغيت تشرب شاي أو نسكافيه او حتى كابتشينو .. يعطيك نفس طعم السكر .. ويحلي لك المشروب .. لكن سعراته الحراريه قليله جداً .. يعني لازم تستغني عن السكر الأبيض تماما .. وتستخدمه وتراه أفضل من ( تروبيكانا ) .. :) سعر العلبه : 13 ريال تقريبا .. 7- قاعده : الشي اللي يروح بسرعه ، يرجع بسرعه :yes: لا تضغط على نفسك بزياده في الريجيم وتنزل ( بسرعه ) .. لأنك لما توقف الريجيم وترجع للأكل الطبيعي رح ترجع للزياده بسرعه كبيره ! :s5s: أعرف شخص معي بالنادي .. قام بتنزيل 80 كيلو من وزنه في مدة 9 شهور .. طبعا هذا ( خطأ كبير ) .. لأنه نزل كيلووات كثيره في مده تعتبر قصيره جداً . تدرون وش المحصله ؟! يوم انقطع مده عن النادي ورجع يخربها بالأكل ! زاد وزنه 60 كيلو في كم شهر .. حرآم والله :cry: . 8 - اهتموا بتمارين الشَد والرياضه بشكل عامل .. لأنه هي اللي رح تشد أجسامكم بعد حرق الدهون .. الريجيم لحاله مايكفي ..لأن جسمك بيترهل ويصبح شكله ( بايخ ) .. فلازم تقوم بتمارين رياضيه علشان ( تشد ) جلدك المترهل .. وتصير جذاب :$ ض1 9 - وسعوا صدوركم .. ولا تقلقوا كثير .. وكل ماجعتوا كلوا تَمر حتى لو كان سكري ، اشربوا شاي لكن ( بستيفيانا ) .. اشربوا عصاير طازجه قد ماتحبون خاصة من ( التفاح الاخضر والبرتقال والاناناس والكيوي ) .. كثروا من الخس تراه بطل . 10 - ببداية الريجيم .. جسمك رح ينزل بشكل أكبر من أي وقت ثاني .. لأنك بتكون متعود سابقا على ( أكل الاخضر واليابس:razz: ) .. فلما تجي فجأه توقف هالتخبيص وتبدأ بالريجيم والرياضه .. جسمك رح يستجيب بسرعه .. وكبداية لو نزل من وزنك ( 4 إلى 7 كيلو ) في أول شهر .. يعتبر ممتاز جداً .. 11 - حاول تمسك نفسك في العزايم .. ولو كليت ماتخربها كثير .. ولو بتخربها خربها في النهار بالغدا .. علشان تقدر تحرقه قبل يجي موعد النوم ! 12 - لاتقيس وزنك كل يوم .. لأنه أحيانا يكون الواحد له كم يوم مسوي ريجيم كويس ، ويجي يقيس وزنه يلقاه ( ثابت ) .. ثم يتحطم .. وكذلك أحيانا يكون الواحد مخرب أبووها بالأكل ويجي يقيس وزنه يلقاه ( ناقص ) :s5s:.. يعني كيلو نازل أو كيلو زايد .. عادي جداً ولا تغترون أو تهتمون بها وماتخلوها تأثر على نفسياتكم .. قيس وزنك مره بالأسبوع .. وابتعد عن الميزان باقي ايام الاسبوع .. لأنك بشكل عَام رح يكون وزنك في نزول 13- هل تعلمون ان صحن سلطه كامل ومليان .. مايتجاوز الـ 100 سعر حراري .. يعني شي بسيط .. رح تخليك تشبع وتفيد جسمك .. اعرف ان كلكم ماتحبون طعم السلطه .. لكن علشان تظبطون طعمها حطوا عليها ( ملعقة زيت زيتون + نص ملعقة خل التفاح + عَصرة ليمون ) .. زيت الزيتون مع خل التفاح .. طعمه خرااافي .. ولا تنسوا تكثروا من الخس ( اهم شي ) . 14- طوال فترة الريجيم .. رح تجيك حيره مب طبيعيه .. بتلتقي بناس يقولون لك : لازم تخفف الاكل تماما علشان تنحف .. وناس ثانيه بتقول لك : لازم تكثر فواكه علشان مدري وش يصير فيك ! .. بتلقى نفسك احترت بين الكلام الكثير اللي تسمعه .. لكن أنت امشي على نظام متوازن وتشوف انه مناسب لك :) .. لا كثيير مره .. ولا قليل .. أهم حَاجه / كل شيء ممكن بالإرادة .. والأمر ليس بصعب .. ولكن أيضا ليس بسهل ! :smilie47: وقف قدام المرايه ، وتخيل أن الأرانب اللي مربيها في جوانبك وبطنك رح يتم القضاء عليها خلال مده معينه :smilie47: .. وصدقني رح تقدر ! وحط في بالك أنك تبي توصل لـ وزن مثالي .. لا تقول : وش هاللي بيشيل هالدهون كلها ؟! :cry: صدقني :) .. رح تنشال غصب عن أبوها ، بالريجيم والتنظيم الغذائي .. والرياضه أولاً . يتبع بالرد التالي .. :rose: |
عن تجربتي ../ لمن يبي يستفيد من تجربتي ! أنا جربت انواع كثيره من الريجيم .. جَت علي فترهـ ، كنت أنزل 6 كيلو خلال اسبوعين .. لكن لأن الريجيم يكون قاسي .. ما أقدر أكمل وأحس أني ( محروووم ) فأرجع اخربها بالاكل مره ثانيه .. ويرجع يزيد وزني مره ثالثه ! ثم ارجع واسوي ريجيم ، وهكذا ! غير أني أحس جسمي ذابل بالريجيمات القاسيه ، ومحتاج ( غذاء ) علشان أقدر ألعب رياضه .. الخلاصه هنا : أن الريجيمات القاسيه خطأ . في النهاية وصلت لقناعه .. أن أكبر غلط الواحد يحرم نفسه من الأكل .. ويجوع نفسه ! أفضل الريجيمات اللي سويتها ومستمر عليها للحين ، كنت أبدل الادوار بين الرز والسلطه .. أخلي السلطه هي الأساس ، ومعها شوية ( رز مسلوق مضاف له زيت زيتون ) .. وقطعة دجاج ! وكنت أفطر 3 بيضات يوميا .. ( بياض البيض فقط ) لانه هو اللي يحتوي على اكبر كميه من البروتين .. ولأن كثرة ( الصفار ) يرفع الكوليسترول . وكنت ومازلت اشرب عصاير طازجه وتمر واحيانا بسكويتات وحلويات بسيطه .. كنت ماخذ راحتي ومدلع نفسي بالريجيم .. علشان اقدر استمر عليه .. وأحاول قدر الإمكان أن كل ساعتين ( أتناول شي سواء وجبه أو فاكهه او عصير أو اي شي اخر خفيف ) .. والنتيجه أني وصلت لوزن ماكنت أحلم أني أوصل له .. واكتشفت اني كنت مخطئ لما كنت احرم نفسي بقوه ثم ارجع واخربها وازيد ! ولله الحمد .. وصلت للوزن المثالي .. وتغير شكلي وجسمي بصورة كبيره .. واعتبر هذا الانجاز .. هو اجمل الانجازات في حياتي ! الحمدلله وصلت له وانتهيت :) .. بقي الأن علي شيء بسيط لتثبيت الوزن .. قبل لا أختم .. اللي عنده ( سكر ) ويبي يسوي ريجيم .. ويحتاج نصائح معينه يعلمني ! :smilie47: لأنه أنا أيضا عندي سكر من زمان .. بالختام .. أشكر الأخ وينك يالزعيم .. موضوع مميز بكل مافي الكلمه من معنى .. :ba1: أبدعت فيه من ناحية الفكره والإخراج والمتابعه .. والشكر لكل اللي معك .. ورساله اخيره للجميع .. ( قسسسسسسسم بالله تقدرون تنحفون وتغيرون حياتكم :yes::smilie47: ) دمتم بأجمل حال .. ربما لي عودهـ :rose: أبو يوسف .. |
^^^^^^^^^^^ أيــــووووه هاآآآذي المعلووومات السنعه موو مدربين وخبراء بالاسم :s2: عن نفسي أبظغط نفسي الاسابيع الجآآيه على نفس البرنامج زآآيد تمارين السويدي بالنآآدي وبعدها اكيد ماراآح أحرم نفسي الاكل مع الاستمرار فالتمارين والحركه بعد كل وجبه شكرا لــك :rose: |
^ ^ ^ كلام سليم الريجيم اللي يحدد لنا شنو تاكل وشنو ماتاكل ماراح ينفع !! نقلل كمية الوجبات ونخفف من اللحوم ونبتعد عن الدهون وسلامتكم ~ |
. توكم تسوون حملات .. وينكم قبل سنتين :razz::s2: ولله الحمد وصلت للوزن المثالي ولي شهرين حالياً بادي حديد s121s بالبداية اشد على النقاط اللي ذكرها ابو خليل :smilie47: وبرضو من واقع تجربه .. شخصياً جربت كل الريجيمات بدون مبالغة .. والافضل كان اللي مافيه حرمان + يعطي طاقة خصوصاً للي متلزم بنادي + سهل الحرق . اول شي بالنسبة للريجيم الموضوع اللي يمشي عليه راح ينزل من 3 إلى 5 كيلو بالاسبوع وليس بالشهر (حسب المجهود) .. بس قاسي كثير وفيه حرمان وكذلك زي ما قال ابراهيم مافيه بروتين كثير .. البروتين ضروري للجسم ويحوّل الدهون إلى عضلات .. طبعا البروتين اللي اقصده موجود (بالدجاج والسمك واللحوم) مسلوقة او مشوية والمقلية ممنووعة (بالنسبة للدجاج يفضل صدر الدجاج والابتعاد عن الفخذ) .. وهذي من وجهة نظري ومن واقع تجربة يحتاجها كثير للي يعاني من زيادة كبيرة بالوزن علشان يشد الجسم وما يصير فيه ترهلات :s5s: عموما انا بآخر ايام الريجيم طحت بمنتج معيّن فيه كل المواد الغذائية اللي يحتاجها الجسم وينزل على الاقل 3 كغم بالاسبوع (جربته اسبوعين نزلت 11 كغم مع التمارين بالنادي) وما يسبب ارهاق بس ماودي احطه على اساس اني ما اسوي دعاية فاللي يبي يستفسر عنه حياه على الخاص . الشي الثاني اكل الدجاج او السموك أو اللحوم يُفضل يكون على الغداء لان امتصاص الجسم للمواد الغذائية في الليل وتحديداً وقت النوم قليل بعكس النهار .. واللحوم والاسماك صعبة الهضم بالليل .. وأنصح بـ ملعقة نخاله مع زبادي وعسل مفيد جداً قبل النوم ويحرق دهون بشكل كبير و تلاحظون هالشي لما تصحون من النوم وتشوفون اجسامكم :naughty: الشي الاخير اللي احب انوه عليه .. الشرب مع الاكل + الاكل ثم النوم .. احد اهم اسباب ظهور الكرش .. فاللي يبي يشرب مع الاكل يا إما يشرب قبل الاكل بـ ربع ساعة أو بعد الاكل بنصف ساعة على الاقل .. وما انسى عصير القريب فروت مفيد جداً جداً ثم الاناناس .. لان هالعصيرات تحرق الدهون الموجودة في البطن . آخر آخر شي :s2: الرياضه ثم الرياضه ثم الرياضه .. ريجيم بدون رياضه ما ينفع .. وهنا ما اقصد بالرياضه تمارين سويدية او تمارين مرهقة وشاقة .. مثلاً الحريم اللي ما يقدرون يروحون نادي او يسوون تمارين أو ممكن فيه اشخاص وزنهم كبير ويستحي يسجل بنادي .. المشي نص ساعه مع ريجيم يسوي فرق كبير جداً جداً تشوفه وتشعر به مع اول اسبوع . مكافآة النفس امر محبب .. مثلا شديت على نفسك اسبوعين نزلت 8 كيلو .. ما يمنع تكافئ نفسك بوجبه من اللي تحبها .. بمعنى تخريبة كل اسبوعين ما راح تضر ان شاء الله وتحفز الواحد للعمل أكثر والوصول إلى ما يريد . ربي يوفقكم وأشكر القائمين على العمل .. وأي إستفسار أو سؤال أو برامج ريجيم انا حاضر :rose: |
| الوقت المعتمد في المنتدى بتوقيت جرينتش +3.
الوقت الان » 10:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd