17/03/2011, 12:14 PM
|
 | زعيــم متواصــل | | تاريخ التسجيل: 22/02/2009 المكان: الجــوف -- سكاكا
مشاركات: 124
| |
|
تنبيه وتحذير بخصوص الاجهزة المستخدمه وطريقة معرفه نظافة شاشتها !!
السلام عليكم ورحمه الله وبركاته
اعزائي وعزيزاتي الغاليين والغاليات
الموضوع هذا مهم جدا جدا جدا للتنبيه واخذ الحيطه والحذر من الاجهزة المستعملة
الموضوع هذا مو شرط انه يخص اجهزة البلاك بيري فقط بل يخص كل انواع وموديلات اجهزة الجوال ،،،
قبل فترة ماهي ببسيطه جونا زباين عملاء كثير جدا لكي يصلحو اجهزتهم عندنا بالشركة لاسباب واعطال في اجهزتهم ،،،
ايش اللي صار ؟
جانا زبون ومعاه جهاز عطلان والعطل هو (زر الباور عطلان) ،،،
اقسم بالله الجهاز هذا جا بيدي انا شخصيا ويشهد عليا الله بكلامي هذا ،،،
لما فكيت غطا الجهاز الخلفي وشفت مسامير الجهاز جيت وقلت مستحيل تكون هذه مسامير الجهاز لاني بعرف نوعيه مساميرنا الخاصه بالاجهزة !!!
المهم فكيت الجهاز ولقيت الجهاز سبق وقد دخل صيانه لاكثر من مرة وسوو فيه تلحيم لاكثر من مرة !!!
جيت وسئلت العميل :
انت شريت الجهاز جديد ولا مستخدم ؟
قالي شريته مستخدم !!
بس شريته بكرتونه وضمانه وبكامل اغراضه !!!
سئلت صديقي عندي بقسم الصيانه واحد جنسيته (فلبيني) وماشاءالله عليه اعتبره انسان ساحر بالصيانه وسئلته عن سر هذه المسامير وهذا الجهاز ،،
الرجال جاوبني بكل صدق وصراحه وامانه وقالي :
في بعض المحلات اللي يبيعون الاجهزة (المفتوحه والمفكوكه والتي لها سوابق سابقه بدخول مراكز الصيانة) هؤلاء اصحاب المحلات يشترون الاجهزة المفتوحه والتي انعمل فيها صيانه لاكثر من مرة يشتروها برخص التراب
وهم بأنفسهم يفكو المسامير القديمه الموجوده على الجهاز ويجيبون مسامير جديدة تماما وطيب تدرون كيف يربطونها ويركبوها بالاجهزة ؟ ؟ ؟
يجي واحد منهم ومعاه المفك ويجيب كيس نايلون او حتى منديل ويحطه على راس المفك ويربط فيه المسمار بالجهاز !!!
تدرون ليه يسوون هالحركه ؟
عشان المسمار الجديد ماينخدش براس المفك ويصير المسمار مخدوش ووقتها راح يبان انو الجهاز انفك قبل كذه !!!!
لكن لما يحطون كيس النايلون او المنديل على راس المفك ويركبون المسمار بالجهاز وقتها المسمار بيركب بالجهاز ويبان المسمار جديد تماما ويبان الجهاز وقتها انو مستخدم نظيف ماقد دخل صيانة من قبل !!!
واقع الجهاز بيكون من الخارج مستخدم نظيف ماقد دخل صيانة من قبل !!!
لكن واقع الجهاز من الداخل بيكون جهاز مفكوك مفتوح وقد لعب فيه اكثر من مهندس صيانة !!
خلاصة الكلام هذا كله قد سبق وقلته لكم انكم ماتشترون من المحلات والاكشاك الصغيرة الموجوده بالاسواق او بالمراكز التجارية
ملاحظه بسيطه بقولها لكم :
في بعض المحلات لما يشترون الاجهزة المستخدمه وخصوصا الاجهزة اللي بتكون شاشتها الامامية مخدوشه جدا جدا وسيئة جدا جدا تدرون وش يسوون وقتها (بعض) اصحاب المحلات ؟
الواحد منهم يجيب اللصقه المعروفه اللياسمها (لصقه اللقافة) ويحطها على شاشة الجهاز عشان لما يجي الزبون ويشوف لصقه اللقافه بيقول اكيد الجهاز هذا نظيف وشاشته نظيفه !!
لكن الزبون ماهو داري بانو الشاشة سيئة جدا جدا وانو صاحب المحل او العامل حط اللصقه عشان الخدوش الموجوده على الشاشة ماتبان للزبون !!!!
فعشان كذه الاجدى فيكم انكم لما تشوفون اي جهاز مستعمل وعليه لصقه اللقافة او اي لصقه ثقيله الاحسن انكم تقولو لعامل المحل لو سمحت ممكن تشيل اللصقه بس ابي اشوف نظافه الشاشة ،، عشان تكونو على بينة وعلى معرفه كيف شكل الشاشة بيكون بدون اللصقة !!!
كلمة اخيرة :
لا تتعاملو مع محلات ماتعرفوهم ، المحلات اللي تثقون فيهم او عليكم بالشركات الكبيرة وريحو بالكم وراسكم من هذا كلو ،،،
واسف جدا للاطالة واسف للازعاج والمضايقه
وعن اذنكم
ومع السلامة
ارجو التثبيت
منقوووول
|
الوضع الشجري
