يا ناس هذا الزعيم وهذي امواجه
أموج لزرق تهز الارض بفنونه

من كان وده يشوفه يرفع احجاجه
هو فوق وسط السماء والغير من دونه


هذي جماهير لزرق هذي افواجه
معذور من مات فيه وصار مجنونه


يا زين لونه وكن الضوء ديباجه
لونه على البحر وإلا البحر من لونه


الشمس والبدر بدري تطفي اسراجه
لا نصر لا آتي ولا اهلاوي يهمونه


ياسر يرقص وكن اللعب بإخراجه
وإن جاك ويلي يغرد فاسمع ألحونه


شوفوا البطولات يا الله شوفوا ادراجه
كل البطولات في الادراج مضمونه


يا ابو مساعد أبيك وحاجتي حاجه
تكفى طلبتك وهذا النص مضمونه


ما دام هذا الزعيم وذا توهاجه
تكفون هذا المدرب لا تفكونه