الـ USB فيها معلوماتي لحقوني ياشباب - نادي الهلال السعودي - شبكة الزعيم

الدوسري محمد · #1 14/03/2011, 07:01 PM

ابغى برنامج استرجاع معلومات من اليو اس بي

لانه صاحبي حذف كل مافيها

واتمنى احد يسعفني وياليت تكون البرنامج مجرب

شكرا لكم

متعب الحآرثي · #2 14/03/2011, 07:25 PM

شوف اخوي اذا انت من النوع الصبور لان البحث دقييييق بيكون وبياخذ له وقت طويل..

فانصحك ببرنامج..

recover my files

عن تجربه خاصه مني يطلع لك كل ما بالفلاش من ساعة تشغل اول مره لبى قلبك

لكن اخذ مني وقت قريب 5 ساعات بحث لاني بحثت بالبحث العميييق..

لو احتجت البرنامج والشرح بلغني لبى قلبك وتبشر من عيوني

وعلى فكره يرجع لك كل انواع وامتدادات الملفات ايا كانت..

Madr!d · #3 14/03/2011, 07:25 PM

برنامج...

USB Drive Data Recovery...

برنامج لاسترجاع ملفات USB...

وللآمانه آلبرنآمج غير مجرب...

لآكن آلبرنآمج معروف...

للتحميل البرنآمج من هنا

تحيآتي...

الدوسري محمد · #4 14/03/2011, 08:04 PM

يعافيكم اخواني

لكن بالنسبه لخوي متعب اتوقع لانه من تجربه موقعه
واتمنى منك البرنامج وانا بنتظارك

لك الف شكر

متعب الحآرثي · #5 15/03/2011, 01:04 AM

بآك..

العذر منك اخوي تأخرت لكن على ما عملت تطبيق على فلاش عندي عشان اقدر اسوي لك الشرح لبى قلبك

اول شي حمل البرنامج من هنــآآ

كود:

http://www.mediafire.com/?v1ix7692g4amu7c

ثبت البرنامج بطريقه عاديه وقم بتسجيله بالسيريال المرفق مع البرنامج..

الان قفل البرنامج اخوي بعد التسجيل وارجع افتحه مره ثانيه {لو تستخدم ويندوز 7 او فيستا} افتحه تشغيل كمسؤول ؛؛ والا ما رح يشتغل معاك ..

ايضا اخوي نصيحه ابحث لك عن جهاز يكون معالجه والرام تبعه قويه عشان ما يطول معاك..

على العموم بعد تشغيل البرنامج اختر مثل ما تشوف بالصوره وبعدين اضغط التآلي "Next"..

في الصوره التاليه اختر القرص الي حاب تبحث فيها "الفلاش ؛ او الهارد ديسك"..

واضغط التآلي..

بعد كذا بتظهر لك الامتدادات الي حاب تبحث عنها {الصور ؛ الفيديو....الخ}

ملوحظه: اختر بس الي تحتاج البحث عنها بس ولا تحدد الكل عشان ما يطول بالبحث

وهذي صوره للامتدادات الي اقصدها..

بعد الاختيار اضغط بدء "Start" ورح يبدء عملية البحث..

الان انتظر وخليه ياخذ رااااحته بالبحث لبى قلبك

بعد الانتهاء نجي لحفظ الملفات..

حدد الي تبي تحفظه اخوي مثل ما تشوف بالصوره بعد التحديد اضغط على "Save"..

بعدين حدد سطح المكتب واضغط "موافق"..

ملوحظه : البرنامج رح يسوي لك مجلد بشكل تلقائي ويحط فيه الملفات

الان انتظر يقوم بالحفظ

الف مبروك انتهى البرنامج من الحفظ وهذي هي الملفات..

لو مافهمت الشرح اخوي او احتجت شرح مفصل ياريت تبلغني برساله خاصه ورح اسوي لك شرح فيديو ..

في امان الله..

الدوسري محمد · #6 15/03/2011, 04:55 PM

كفيت ووفيت ياغالي والله ماعرف وش اقولك

لكن

الوندوز الي عندي اكس ابي

2- البرنامج الي حملته في فايروس عشان كذا ماراح يشتغل الملف

والعذر والسموحه على الا زعاج