|
شدي حيلك بالدراسة واذكري ربك حاجة طبيعية انتي الآن في فترة انتقالية كبيرة راح تحدد مسارك في الكلية وربما بعد الكلية مع الوقت صدقيني راح تتعودين و ركزي على اهلك و لا تحطين نفسك بقوقعة لأنها راح تعود عليك بأمور سلبية للغاية ربي يوفقك و تصبري هالفترة و بعدها راح تتسهل إن شاء الله ربي يوفقك |
أهلآ بك أختي : وضع أقل من عادي اللي تمرين به و هذا بسبب ( الشوق ) إلى دراسة الثانوي و ( أصدقاء ) الدراسة و لكن سرعان مايتغيّر الوضع إلأى الأفضل بمجرد مرور هذهـ السنة على خير .. و أذكر أيام ماكنت في السنة التحضيرية كان أخوي يقول أنت متغيّر بشكل غير طبيعي لا أخلاقك هي أخلاقك و لا نفسيتك هي نفسيتك و كل هالأمور بسبب التفكير المستمر و الحنية لإيام الثانوي و أصدقاء الطفولة ! أختي من أهم العوامل المساعدة على التحول نحو الأفضل : 1- التوكل على الله 2- عدم التفكير المستمر في الأصدقاء لإن الرجوع إلى السابق من المحال 3- عدم إرهاق النفس بما لاتستطيع فساعة أو ساعتين بالكثير باليوم ممتازة و هناك عامل مهم جداً للتخلص من الكئابة في الحياة الجديدة ( الجامعية ) و هي الجلوس مع الأهل بشكل أكبر من السابق حتى و لم يكن داعي لهذا الشئ .. فحتى الضحك معهم و لم يكن هناك مجال للضحك شئ طيب .. فـ كثرة الجلوس مع الأهل و الضحك و السوالف من أهم المسببات في التخلص مما أنتِ فيه ! أتمنى لكِ التوفيق في الدارين |
اهلين اختي انا مرت عليا فتره مثل حالتك تمام كنا ندرس مواد بالعربي وفجأه تغيرة كلها انجليزي بحت ولا حرف عربي حتى الرياضيات والساينس .... الخ المهم مستوايا نزل رغم اني كنت اشد حيلي بالمذاكره وكنت تحت ظغط نفسي هائل انا حطيتي نفسي تحته لاني كنت اشيل هم كل شيئ كل صغيره وكبيره تعبت نفسيا وكنت افكر اكثر من اني اذاكر حسيت ان المواد تراكمت عليا وجاني كم كويز درجاته ماكانت عال كنت مسجل بنادي وتركته علشان الاقي وقت اكبر للمذاكره وندمت طبعا لانه كنت غلطان الوقت كافي بس انا ماعرفت استغله . ماراح اطول عليك بس بعطيك اللى استفدته من تجربتي. 1- لازم تكتشفين المواد وكيف تذاكرينها يعني حددي طريقه للمذاكره ولا تنسين الملخصات سوي ملخصاتك بنفسك (( العلم صيد والكتابة قيده ) وانتي اذا كتبتي بنفسك ولخصتي بعدين لمن تقرين راح توصل لك المعلومه اسرع . انا مثلا كنت ألخص واكتب الملخص اكثر من مره واردد صوتي وانا اكتب والحمد لله استفدت . 2- اطلعي على الدروس قبل ما تاخذوها بالكلاس احلا طريقه للتميز ( هذي تخليك بالفورمه خصوصا وانتي فاهمه عن ايش تتكلم المحاظره اما لو مو فاهمه بتكوني مثل الاطرش بالزفه وبالتالي بتطنشين . 3- المراجعه بعد الكلاس وكتابة الملاحظات . 4- اعطاء انطباع جيد عن مستواك . نصيحه لا تشيل هم ولا شيئ انتي سوي اللى عليك وتأكدي ان الله ما يضيع تعب احد وكل اللى بتذاكريه راح يجي يوم ويفيدك اما في وظيفه او مقابله شخصيه او في مرحله تعليميه متقدمه استمتي بالتعلم وتعلمي علشان تتميزين بالعلم قبل المعدل الدراسي واحتسب الاجر وانتي تذاكري انا متأكد انك متعوده على التميز الدراسي من صغرك وخايفه لا تفقديه خصوصا انتي بمكان ما احد يعرف انك كنتي مميزه دراسيا والحرص الزياده ممكن يؤثر سلبا على صاحبه بس تجي الاختبارات راح تجيكم الدكتوره وتقلكم هذا محذوف وهذا معاكم وهذا لا وراح تجيكي تساهيل وتتذكرين انك ظلمتي نفسك وشيلتيها هم وان شاء الله الاختبارات بتكون ولا اسهل منها توكلي على ربك واذكريه ولا تنسي قراءة القران فهو نور للقلب والعقل اذا كنتي من جامعة الملك عبدالعزيز في منتديات لطلاب الجامعه تنزل فيه ملخصات ومحاظرات من السنتر صوت وصوره شرح مفصل وممتااااااااااااز جدا راح تفيدك كثير كل الامنيات لك بالتوفيق ولهلالنا اليوم ان شاء الله بالفوز سوري طولت |
إْممَ ب آقوِل لكَ شيَ . لوِ رآح تسمعينَ كلآم آلنآإْسَ مآرِآح تنجحين ب حيآإْتك وآللي ملآحظة آنَ متفآجئة من آلتغيرِ آللي صآرِ ب حيآتكَ ف لآزم تعرفينَ حآجتينَ إْولآ : آنتِ آلحينَ ب وِضع لآزِم تحددين فيةَ طرِيقكَ ي آنك ترِكزين ب درآستك ومستقبلك , آوِ تهملينهآإ وتخلينَ وِقتك للطلعآإْت وآلوِنآسةَ . آذآ يهمك مستقبلك . تآكديَ هيَ فترِة ورِآح تتآقلمينَ وبتكوِنين شي كبيرِ عشآإْن كذآ لآزم لآزم آوِل شي تسوِينة تنظمينَ وِقتك تسوِين جدوِل خآص وِقت دوِآمك وقت آلنوِم ووقت للدرآسة وآلتحضيرِ ووقت آلجلسة مـع آلآهلَ بكذآ سوِيتِ كل آلآشيآء ب ترتيب آحسن من آن وقتك كله تجلسين تفكرِين ب آلتعب وآلآرهآق وِآلله يوِفقكَ .~ |
ماعندي شي اقوله واضيفه الاخوان ماشاء الله ماقصرو لكن ما اقول الا الله يوفقك ويسعدك والله ييسر امورك . |
ظروفي كانت مشابهه لظروفك بحكم اني كنت ادرس الثانوي بالخارج.. كان ينتهي الدوام الساعة 3:30 و اقعد في المدرسة حتى الساعة 5 بحكم مشاكلي في اللغة في البداية فكنت اقعد مع الاستاذ و يشرحلي لوحدي.. و ما اوصل البيت الا الساعة 5:30 او 6 لاني اروح مشي.. طبعا هذا الكلام ثالث ثانوي،، المهم، اريح في البيت حتى الساعة 7 بعدين اتعشى و اقعد على كتبي حتى الساعة 10 و بعض الاحيان حتى الساعة 12 اذا كان عندي امتحان او كنت متأخر في الدراسة.. و اقوم كل صبح الساعة 7 .. قد يبدو الكلام سهل لكن صدقيني التنفيذ جدا صعب و خصوصا انه تمر علي ايام اجي من المدرسة و انام مباشرة و اقوم بدري اذاكر قبل الدوام لاني اكون مرهق .. اما في نهاية الاسبوع اعوض التعب هذا بالنوم الطويل و ما اذاكر اكثر من 3 ساعات الا لو عندي امتحان،، شيء اخر احب اوضحه مستحيل يلتزم اي شخص باي جدول دراسي من دون مساعدة اهله او اللي عايش معهم.. |
انا نفس حالتك طالب سنه تحضيريه ولاعنين والدينا :s2: ومانطلع الا خمس:d ونسيت اشكال الحروف العربيه :d وكل اسبوع اختبارت :d والدكاتره والعميد يحسبونا مكاين وكثير من الطلاب قالو خلاص مانقدر نتحمل السنه التحضيريه ونبي ننقل كليات ماتحتاج سنه تحضيريه بس انا وش الي مصبرني تخيلي وضعك بعد خمس سنين وانتي معاتس شهادة طب ولا هندسه ولا حاسب ولا صيدله ووضعك وانتي معاتس شهادة تربيه ولا اداب :d طبعا فيه فرق كبير من ناحية المكانه الاجتماعيه والراتب >>>>> واثق انه بيلقى وظيفه :d وهذا هو الي مصبرني بالعربي الشي الوحيد الي راح يصبرك هو الدعاء والطموح وعادي اذاا رسبتي فيه صيفي :d |
شوفي وانا اختك مافيه شي بالساهل لازم تواجهين صعوبه وبعدين خلاااص بقى كم شهر وتدخلين القسم اللي تبينه على خير حطي التوكل على الله نصاب عينك. وانو ربي ماراح يضيع شي تعبتي فيه وان المعين هو الله وحده وقولي هالدعاء(اللهم اعني من عندك وباارك لي في وقتي) وحاولي انك تدعين كثير بالسجود والله يوفقك ويعينك |
وعليكم السلام ورحمة الله وبركاته انتي الآن بمرحله انتقالية من حياتك طبيعي بتواجهين فيها صعوبات بالبداية ولاتفكرين تقارنين ايام المدرسة بالجامعة عشان لاتتحطمين :d نصيحه شدي حيلك ولاتاجلين ولاتخلين فكرة الانسحاب تطري على بالك عشان مايكبرها الشيطان براسك :s5s: شوفي البنات الي خلصو السنه التحضيرية اساليهم كيف كانو يدرسون وكل دكتورة كيف طريقتها بالاسئلة ترى بيريحونك كثييييييييير انتي الحين الكرة بملعبك شدي حيلك وسوي كلشي تقدرين عليه عشان تدخلين التخصص الي تبينه وماتندمين :yes: الله يوفقك وييسرلك دربك :wub: |
مالك الا الصبر يا اختي والدعاء والاذكار تزيل الهموم والله يعينك والزمن لا بد تجي ايام هم وغم والله يعينك |
مشكووووووووووووورين والله أسعدتوووني بردوودكم ونصايحكم الله يوفقكم جميعا ويحقق أمنياتكم يارب |
/ مشكلتك هذي ذكرتني بأول ترم لي بكليتي :cry: كآن ترم كآبوس وسوسه :d موآد دسمه تجمعت علي :d ، وصرت مزنوق واقنعت نفسي اني بحمل الموآد :s3s: ولكن ولله الحمد تسهلت ونجحت فيها وبعضها بقريد حلو :naughty: اهم شي ادعي ربك يوفقك وتذكري شي مهم مهم ( اجتهدي وسوي الي تقدرين عليه ) وقسم بالله ربك ما يضيع تعبك وبتلقين تعبك بالنتآيج اخر شي : ) بالنسبه لحالتك هذي تنم انك ( طالبه مجتهده ) وهذا حرص منك وشي جميل كما قلت لك اجتهدي وشد حيلك وان شاء الله اعلى قريد :ba1: / |
حياك الله أختي أول شي وقبل كل شي ترى الدنيا وربي ماتسوى , وسعي صدرك كلها فترة وتعدي بإذن الله الشي الثاني أنا درست سنة تحضيرية وجوها نفس الي قلتي أو أسواء , لوتفكرين شوي مع نفسك ليه تسوين بنفسك كذا والله أدري إن التحضيرية قلق وتفكرين كما المعدل ومن الكلام كل هذا مريت فيه لكن : كل الي صار لك وكل الي يبي يصير لك بحياتك كلها مكتوب ومقدر لك من الله , أنتي بس إفعلي السبب وتوكلي على الله وبعدها قولي الحمد لله على كل حال .. ركزي الحمد لله على كل حال أهم شي أنتي إفعلي السبب وتوكلي على الله والي يقدره لك رب هو خير لك بإذن الله .. حاولي ماتفكرين كثير إن المواد صعبة وكذا لأنك أنتي جالسة تزرعين في نفسك إن الترم هذا صعب وراح تواجهني مشاكل وكذا وكذا .... إلخ , زي ماقلت لك أنتي راجعي وشدي حيلك وادرسي بقدر الإستطاعة (هذا هو فعل السبب) وتوكلي على الله .. أعيد وأكرر ترى الدنيا والله ماتسوى إن الواحد يزعل نفسه عشانها والواحد بأي وقت راح يتركها .. توكلي على الله فهو حسبك .. وفيه نقطة إنه وخصوصاً بالوقت هذا مافيه شي يجي بالسهل لازم نعمل ونشد حيلنا وكل واحد قادر إنه يحصل على الي يبي , بس المشكلة إننا نقول صعب , ماأقدر ومن الكلام الي يزرعة بالنفس وكله تحطيم في تحطيم .. كوني طموحة واعملي وتوكلي على الله وقادرة بإذن الله إنك تتجاوزين كل الصعوبات الي قدامك .. ( الإستغفار والدعاء كنوز للأسف ماعرفنا قيمتهم ) .. بالأخير الله يوفقك ويسهل عليك |
انا كنت نفسك السنة الماضيه و الحين في كلية الطب الحمدلله انا في حياتي ما جبت مدرسين خصوصيين ،، بس الترم الثاني في التحضيريه جبت فيزياء و كيمياء و فادوني كثييييييييييير و جبت احصاء قبل الاختبار باسبوع بحكم ان المنهج قصير |
انا مريت بنفس تجربتك ,, لكن في شي حفزني ماأحب أشوف أحد أحسن مني مدري ليش >> هلالية خخخخ لا بجد اول سنة بالكلية كنت ناوية اجتهد واشد حيلي لكن المحبطين من الاهل حبطوني كانوا يقولون لي لاتذاكرين تعبتي عمرك من الابتدائية الى الثانوية وانتي الاولى الاولى خلاص هالمرة طنشي ( عمرك شفتي اهل كذا ) واللي صار طنشت اول سنة واخذت جيد جدا لكن شفت البعض من اللي حولي احسن مني جن جنوني ,, وصرت اذاكر اخذت الثالث في السنة الثانية والثالثة والرابعه " صارت لزمة " وكان عندي طرق احفز نفسي عساس اذاكر :: مثلا اوعد نفسي بهدية لاحليت زين ,, اذاكر مع خوياتي بالاتصال كل ماخلصنا جزئية ندق بمعنى نحدد جزئية واللي تخلص اول تدق والله راح تستمتعين خصوصا اذا سويتي المادة زي القصة وحطي رموز واشياء تذكرك صدقيني بتتذكرين كل شي .. انا خويتي داجة وكانت تقولي ياحظك تاخذين مكافأة التفوق ( 1000 ) ريال >> همها فلوس ’’ عاد استغليتها وقلت لها تبين تشترين لك جوال ذاكري معي ومشت معي والله نلعب لعب بالمادة نحولها لقصص وصور ورموز تذكرنا بالاجابات وانصدمت يوم اخذت العاشرة على الدفع ورقصت من اول الشرقية لآخرها خخخخ .. حاولي تذاكرين مع خوياتك وقلبوا المادة ضحك ووناسة وصدقيني راح تخلصين المواد بسرعة وتلقين الوقت اللي تطلعين فيه وتجلسين مع اهلك وتطالعين الكورة بعد ^_^ .. ايام ماكنت طالبة اذا عندي اختبار نهائي وفيه مباراة للهلال ماتصدقين قد ايش هالشي يحفزني اول مااجي اذاكر واحفظ الكتاب عن ظهر قلب وانام واجلس واطالع الكورة ع كيف كيفي .. ( يعني شوفي اي شي يحفزك عشان تذاكرين ) مدري يمكن افدتك بقصتي لكن قبل مااختم بعلمك بسر والله ماعمري سويته الا وصار .. اذا جيتي بتذاكرين روحي مكان مااحد يطب فيه غرفتك اذا كنتي فيها بلحالك ok ,, وخلي قدامك ساعة وقولي مثلا عقب اربع ساعات بخلص هالمادة وبتنصدمين انك راح تخلصين ع الوقت ... دعواتي لك ... لاتنسين الصلاة في وقتها ~ |
| الوقت المعتمد في المنتدى بتوقيت جرينتش +3.
الوقت الان » 05:46 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd