السلام عليكم ورحمة الله وبركاته


صباح - مساء الخير
على الجميع في شبكة الزعيم العزيزة وكلاً بيوزره


حقيقةً هذا ثاني موضوع او ثالث موضوع اكتبه واجتهد فيه لي آجل آوصل لآشياء مهمة آريد ان اوصلها لجمهور الزعيم الكبير وصاحب اكبر قاعدة جماهيرية في آسيا
(الجمهور المثقف) >> مو (الجمهور الملقف)



الموضوع دغري
<< عن أخلاء مدرجات الهلال مبكراً في آغلب المباريات ..!!!!؟؟




آعزائي جمهور الهلال والله الذي لا اله سواه انو مستحيل في عالم الكورة تكون النتيجة دائماً هي (الفوز) فللكرة ثلاث حالات لارابع لها (فوز - تعادل - خسارة) ويجب عليك قبل ان تآتي من منزلك الى الملعب ان تؤمن بهذه الحالات الثلاث وعدم الارتكاز على حالة الفوز حتى وان كان الفريق معودك على الانتصارات دوماً فلابد من كبوة للجواد , ولكن حينما يكبو الجواد من خيله هل تتركه ام آنك تجلس على الكرسي حتى اخر دقيقة وتؤازه وتحفزه ؟؟؟ << والله مايصلح يا جمهور الهلال



اللي آبي اوصله جمهور (يبي الفوز فقط) ابي انصحه نصيحة وحدة بس











لاتجي الملعب واحسلك روح غرفة النوم وسوي مثل اللي في الصورة








بالله يا زعماء هل يرضيكم عادة الجماهير والخروج المبكر في كل مباراة يسجل فينا هدف ؟؟؟!!!





تحياتي للزعماء




آتمنى الرفع يا آحلى ادارة الموضوع جداً هآآآآم

يشرفني اني اول من يرد ،،

ولكن اخوي ترى الوضع تكرر اكثر من مرهـ

ماعاد باقي الا نربطهم

ع العموم كل التوفيق للزعيم وكل الشكر لك على اهتمامك

ودي واحترامي

إقتباس الرسالة الأصلية كتبت بواسطة cot6 يشرفني اني اول من يرد ،، ولكن اخوي ترى الوضع تكرر اكثر من مرهـ ماعاد باقي الا نربطهم ع العموم كل التوفيق للزعيم وكل الشكر لك على اهتمامك ودي واحترامي

يعطيك العافيه آخوي وتسلملي



ادري ان التصرف هذا مكرر من الجمهور العزيز اللي يحضرون المباراة عشان كذا طرحت هذا النقاش << وياريت اللي مايبي ينهزم لايحضر للملعب ويتابعها على ....



خليك على اللاين << لانو ملينا من اخلاء المدرجات وكان الهلال ماينهزم او يتعادل




تحياتي

غ ــير الاخلاء

اطــالب بالح ــضور لانهــم يع ـــتبر وفقة رج ــال مع وطنــهم ومن ثـم زع ــيمهم

وأتمنـى أن لا أشــاهد ح ــضور على الــصامت مثـل هالصـورهـ (( او أكل فصـفص ))




تشــكراتي يا راعي الم ــوضوع

الخميس راح يكون الحضور للوطن قبل الهلال وان شاء الله الجماهير ستسركم وتغبن المحرضين

بالتوفيق للزعيم وحفظ الله أمن واستقرار مملكتنا الحبيبه وامن ديار المسلمين ... آمين

للاسف ما ينفع الكلام , بالذات بمباراة الاهلي الاخيره , بعد ما ضيعو لاعبين الهلال اغلب الجمهور طلع وانا بصراحه كنت واقف عند البوابه بس داخل الملعب المفروض مثل مباراة الاهلي تجلس للاخير لان مافي زحمه كبيره كانت , لكن مثل مباراة زوباهان ويجيك قول يخلص على امالك والملعب مليان وينطرد لي يونق بالدقيقه 70 والفريق مطالب ب3 اهداف ؟؟! انا عن نفسي طلعت لان اللاعبين لو كانو مأدين اوك لكن اداءهم ما يشفع لهم وعلى فكره مباراة زوباهان خروجهم كان ايجابي لانه يكون بمثابة العقاب , لكن مثل مباراة الاهلي كان المفروض نجلس بالملعب , عموما لو نتكلم لبكره ما راح ينفع المشجع يكون معصب من اشياء كثيره , كتمه ودخان وخياس ومعامله سيئه من رجال الامن وش يقعده وفريقه خسران ..

عموما الله الله بالحضور الفعال امام النصر وفالنا الفوز باذن الله ..

إقتباس الرسالة الأصلية كتبت بواسطة ع ـــبدالع ـــزيز غ ــير الاخلاء اطــالب بالح ــضور لانهــم يع ـــتبر وفقة رج ــال مع وطنــهم ومن ثـم زع ــيمهم وأتمنـى أن لا أشــاهد ح ــضور على الــصامت مثـل هالصـورهـ (( او أكل فصـفص )) تشــكراتي يا راعي الم ــوضوع

والله الجمهور اللي يحضر بالملعب مع احترامي لهم مش جماهير مسانده يااخوان اذا مااهتزيتم 90 دقيقة واهازيج وامواج والله مع احترامي لكم المفروض ماتجون وتعبون نفسكم وفي الاخير تآكلون فصفص والا صامتين !!!



تحياتي

اكيد هذا شىء سيء من الجمهور و انا ثاني الحضور بعد العضو الي فووق ومعي 6 اشخاص

إقتباس الرسالة الأصلية كتبت بواسطة لآ تعلم احد للاسف ما ينفع الكلام , بالذات بمباراة الاهلي الاخيره , بعد ما ضيعو لاعبين الهلال اغلب الجمهور طلع وانا بصراحه كنت واقف عند البوابه بس داخل الملعب المفروض مثل مباراة الاهلي تجلس للاخير لان مافي زحمه كبيره كانت , لكن مثل مباراة زوباهان ويجيك قول يخلص على امالك والملعب مليان وينطرد لي يونق بالدقيقه 70 والفريق مطالب ب3 اهداف ؟؟! انا عن نفسي طلعت لان اللاعبين لو كانو مأدين اوك لكن اداءهم ما يشفع لهم وعلى فكره مباراة زوباهان خروجهم كان ايجابي لانه يكون بمثابة العقاب , لكن مثل مباراة الاهلي كان المفروض نجلس بالملعب , عموما لو نتكلم لبكره ما راح ينفع المشجع يكون معصب من اشياء كثيره , كتمه ودخان وخياس ومعامله سيئه من رجال الامن وش يقعده وفريقه خسران .. عموما الله الله بالحضور الفعال امام النصر وفالنا الفوز باذن الله ..

يا لاتعلم آحد


تصدق آنك جالس تلف وتدور << الحين انتا مشجع (فوز) والا ترضى بالهلال في كل حالاته وتقف معه ؟؟


ياعزيزي لك مثال في الطحالب (الاهلي) فريقهم ينطق من الاندية كلها وخسر 9 خسائر في هذا الدوري ومع هذا كله جمهوره لايتوقف عن الحضور ويحضروون و (بكثافة) !!! شفت الفرق بيننا وبينهم يا لاتعلم آحد ؟؟؟




تحياتي

إقتباس الرسالة الأصلية كتبت بواسطة عزوز الهـلآلي يآ حبيبي لا تلاومهم اذا طلعوآ او نآموا .. آذآ كان فيه آستهتآر من الاعبين .. وان شآء الله ليله الخميس .. ليله زرقــــآء هـلآليييييييـه ..

ياحبيبي يا عزوز انتا جاي تساند اللاعبين واذا استهتروا وتهانوا لازم توقف معهم وتساندهم حتى اخر دقيقة << والا لاتحضر للملعب بالمره




تحياتي

ان شآء الله ليله الخميس .. ليله زرقــــآء هـلآليييييييـه ..

اتفق معك ،،،، يوم الخميس بتشوووووف الهلال بمستواه المعروف عنه ..

واذكرك ان شاء الله يوم المباراة ..

شكرا لك يالغالي ،،،