#1  
قديم 07/03/2011, 08:58 AM
الصورة الرمزية الخاصة بـ حاتم
زعيــم مميــز
تاريخ التسجيل: 29/09/2001
مشاركات: 8,221
رحلتي الى معرض الكتاب .. صور + فيديو

بسم الله الرحمن الرحيم

(إقرأ بإسم ربك الذي خلق )






إعداد : عبد العزيز اليامي ، حاتم
صور : عبد العزيز اليامي
فيديو : تصوير حاتم ، حوار عبد العزيز اليامي
كتابة التقرير : عبد العزيز اليامي
تنسيق واخراج: حاتم



الوقت : الاحد 1/4/1432هـ (من 7 الى 12 ظهرا)
المكان : معرض الكتاب في مخرج 10 ،


مدخل
إقرا مدام الوقـــــــــــت خلاك تقرأ
إقرأ ما أشوف الجهل في يوم ينفع








أرسلي الشايب حاتم على الخاص وقال "إذا انت معزم على الروحه للمعرض فتراني خويك " وإتفقنا على الموعد يوم الاحد صباحا وتبادلنا الأرقام ليلة الجمعة على أساس يكلمني صباح السبت ونتفق على كل شي ، المهم الرجال سحب علي صباح السبت وكلمني الظهر وانا في اعز نومه وقال معليش نسيت الجوال في البيت وداومت ونسيت منك وقلت خير انشالله هذا اول العيد والفهاوة ، المهم انه قال مرني غدا باكرا في حي النظيم وخذني معك وصراحه من يوم قال حي النظيم وانا بديت اتردد بقوه لان الحي هذا ما اواطنه وبيني وبينه سوابق سوداء واذكر قبل ثلاث سنوات دخلته وكان مكتوب على جدار بيت فيه بالبخاخ عباره بليغه تختصر كل شي داخل الحي " لا تنظيم في حي النظيم " فقلت لاخونا حاتم معصي النظيم ماني جايه قال اجل قابلني في جامعة الامام ....



كلمني حاتم ليلة الاحد ووصف لي وين مكان كليته عشان امره في الجامعه وكان وصفه سهل كما يبدو ووقت جوالي فرحا بلقياه وقبل يدق المنبه صحيت قبل الفجر بربع ساعه المهم اني لقيت الوالد في المجلس يصلي الشفع والوتر فقلت يلا دامنا قمنا نصلي مع الشايب ذا يمكن تحسن صورتي في عينه ...
صليت وقمت ابي البس لقيت اخواني قد خذوا شرابي فلبست البلا ذي بدون شراب وتوكلت على الله وكنت من البارح مغسل الموتر لعيون حتومه انطلقت في الساعة 6 والنصف من ضاحية لبن الشعبيه الاشتراكيه العظمى بجوار نادي الرياض العريق وكان الطقس جميلا حسب لوحة البلدية ...





ولفت انتباهي في الشارع نوع من السيارات مدري اللي شاريها وش يحس فيه ....






المهم يوم وصلت مخرج 2 كلمني حاتم وقال وينك انت قلت في راس الدايري الشمالي قال انا فيني ثلث ساعه اللحين واللقا في الجامعه المهم اني وقفت اشتري شراب قلت فضيحه والله يالربع اقابل هالاطخم بدون شراب ..
دخلت جامعة الامام واتبعت وصف اخوي حاتم والحقيقه اني فريت ام الجامعه كلها ومالقيت كليته وبعد ما اتصلت عليه وهايطت بقوه وخاصمته على وصفه وصف لي بشكل ادق وعلى وصفه رحت وبغيت ادخل مواقف الدكاتره فقال السكيورتي يكل عنف " هذي مواقف الدكاتره ياولد ، روح صفط في مواقف الجحلط يمين ودقها كعابي لين توصل الكليه " المهم اني قلت لحاتم دقها انت كعابي وانا احتريك ...
وحين اقترب مني حاتم لاقابله ودقت ساعة السعف على قولة ابو سيف الاسلام القذافي العنزي ...
وحقيقة كنت اتوقع شايب والا ثلاثيني ولكني فوجئت بشاب وسيم ابيض صغير السن عمره ما يتعدى العشرون ربيعا متوسط الطول تقريبا 165 سم وبعد السلام والكلام ركبنا الموتر وتوجهنا كعادة أي سعوديين يتعرفون على بعض الى اقرب مطعم ....
افطرنا صحن شكشوكة جبن وصحن كبده غنم وصحن حمس لحم وبراد شاهي يعدل ام المزاج في مطعم الشام على طريق عثمان بين الملك عبد الله والامام ...

وتوكلنا بعدها للمعرض الساعه 9 الا ربع وقال الحارس يوم بغينا ندخل مع مدخل كبار الشخصيات ضفوا مع بوابة 2 حقت الجحلط وصراحه يوم شافني كان ناوي يدخلني لكن شاف حاتم وقال يمدحون بوابه 2 ....

لقينا على البوابه 2 حارس وقال الدخول الساعة عشرة ، ورحنا جنب شقق مفروشه توها تشطب وجلسنا على كراسي حولها نتبادل اطراف الحديث ونحش فيكم كلكم دون استثناء ما عدى داق لطمه كنت اعزز له ...

وخلينا موترنا برى ودلخنا على رجولنا المعرض وكان فيه عالم تقول الملك يوزع شرهات بزران ونسوان وشباب فعلا تاكدت ان الشعب السعودي اما انه مثقف جدا والا داشر جدا ..

المهم مالكم في الطويله دخلنا وفي الدخول تفتيش زي حق المطارات وحركات بعدين تلاقي مكاتب الخدمات على يمينك من استعلامات ومراكز اعلامية ومكاتب الشرطه وعلى يسارك مطاعم وخدمات اخرى ...














استأذنا في المركز الاعلامي في التصوير واذن لنا وحاولنا نحصل على اوراق رسميه ولكن رفض وقال المواقع الالكترونيه تعتبر جهات غير رسميه واحس انه شاف في وجهي اني موقوف ....

طبعا في البداية دخلنا وصورنا الجهات والمكتبات السعوديه ..




































وبعدها توجهنا الى جناح وزارة الثقافية والاعلام وكان فيها مسؤولين كبار رفضوا التصريح او التعليق عن أي شي الا ان الاخوان المنسقين وحقين الاستعلام كانوا قمه في التعاون والتسهيل واخذنا منهم تصريح حلو وقصير عن المعرض وهم الاخوان سعيد الزهراني (اهلاوي) وفهيد الحميداني (هلالي صميم ) وبعدها توجهنا لمكتب وجناح الهيئة اللي رفضوا فيه الادلاء باي تصريح او تعليق واكتفينا بصور متواضعه عن مكتب التنسيق لهم في المعرض ....

YouTube - MVI 3808




















بعدها توجهنا لجناح الطفل وهو من انجح واكبر الاجنحه في المعرض وفيها بزران السعوديه كلهم مشالله على الثقافه ...











وهذي صوره اهداء لحروف الغلا وامبراطوية الامارات ...





بعدها توجهنا لجناح ضيف الشرف وهي دولة الهند الشقيقه ...









ثم اخذنا صور منوعه للمعرض وغادرنا المعرض الى الساحة الخارجيه وخذنا كوفي وكابتشينو وصورت حتومه غصب عنه ...





























ثم رجعنا للسيارة واكتشفت اني من فهاوتي ناسي المفتاح فيها وبعد ما دورنا سيخ واسيام وليل وحاولت افتحها وما قدرت وحاتم يقول خلني احاول وانا رافض لاني مو مقتنع في شنبه صراحه حاول ومن اول مره فتحها فامنت ان الهلاللين محظوظين صراحه ....
وبعدها رجعت حاتم للكلية حقته وانتهت الرحله بسلام .



مقتطفات :
المعرض في غاية التنظيم وفاتح من الساعة 10 الصباح الى الساعة 10 المساء وهذا الجدول حقه :


وما انصحكم تجون الصبح لان زيارات المدارس واجد.

يوجد دور للسنما تعرض فلم الطريق الى الحج مدري الى مكه قيمة التذكرة 25 ريال ويحكي قصة سفر ابن بطوطه لمكه عشان يحج وهو مفصول للنسوان والرجال .
يوجد مداخل وتفتيش خاصه للرجال وللنساء وخدمات ومصلى ودورات مياه ومطاعم وبوفيات
يوجد بث مباشر لقناة الثقافية زي ما لاحظتوا في الصور من ارض المعرض .
داق لطمه كان متابع من هناك من تبوك بجواله وقلبه .
حتومه طلع عسل يالربع يالبى قلبه بس
حتومه استر ما واجهت من الفهاوة ياذيب تكفى
هذي صورة قال حاتم ودي ابلغ عليك لاني حاط ريال يمسل شبك المكيف في السياره







مخرج

قريتوا والا ما قريتوا وش علي منكم


شباب الصور تطلع كبيره وتعبت اصغرها ما قدرت اعذروني لو عبد العزيز عرف يصغرها بس ما قدرت

اخر تعديل كان بواسطة » هلالي من ارض اليمن في يوم » 08/03/2011 عند الساعة » 04:23 PM السبب: تحرير الصور المخالفة
اضافة رد مع اقتباس
  #2  
قديم 07/03/2011, 09:20 AM
زعيــم مميــز
تاريخ التسجيل: 29/12/2007
مشاركات: 2,189
أنــــــــــــــــــــا جيــــــــــــــــت

سؤال يا الاملط

وش سالفتك مع العنوز

اظاهر ما خليت عنزي على وجه الارض الا وتعرفت عليه << احس اني هااايطت



المهم


الله يعطيك العافية انت وحاتم على المجهود الرااااااااااااااايع << بالياء ماهو بــ ء



بالنسبة للريال اللي مثبت فتحته المكيف تصدق فيه ابركلك انت ووجهك يالخاايس



تصدق عاد اني تمنيت اني اكون معكم والله انت وحااتم

لكن الجايات اكثر

تحياااتي لك يالاملط




لكم يالملطان ( جمع املط )


اخر تعديل كان بواسطة » داق لطمة في يوم » 09/03/2011 عند الساعة » 02:02 AM
اضافة رد مع اقتباس
  #3  
قديم 07/03/2011, 09:38 AM
الصورة الرمزية الخاصة بـ leader ksa
زعيــم متألــق
تاريخ التسجيل: 06/09/2009
المكان: -
مشاركات: 1,433
اقول اللي يسولف ذا بالفيديو ترااااااااااااه بطططل


والله موهبة المفروض يروح يقدم في الرياضية 2
ويسوي دويتوا مع احمد العجلان عشان تكمل ام الاسئلة اللي مدري وش تبي

يعطيكم العافيه
اضافة رد مع اقتباس
  #4  
قديم 08/03/2011, 05:02 PM
الصورة الرمزية الخاصة بـ حاتم
زعيــم مميــز
تاريخ التسجيل: 29/09/2001
مشاركات: 8,221

الله يعطيك عاافية اخوي مااجد
والله يعطيك العاافية عبدالعزيز الياامي انت وحااتم
وزياارة موفقة وزياارة تسجل بالتااريخ لان بهذه الزيااة تعرفت على رجل من القليل تجدهم بهذه الزمـن
والحمدلله عدت بخير وسلامـة من فهااوة بعض النااس ومن يوم كاامل تسحب على جاامعة ستة محاضرات
وثااني يوم الدكتور نااشب برااسك وليش ابني تعمل كذا
وبالأخير شكر ابو هادي شكر حاتم
اضافة رد مع اقتباس
  #5  
قديم 08/03/2011, 05:36 PM
الصورة الرمزية الخاصة بـ **الـــــــــواوا**
زعيــم مميــز
تاريخ التسجيل: 31/10/2006
المكان: وهل لي غير المـديـــنـــة موطناً ؟
مشاركات: 3,315
الله الله وش هالحركات ياشباب
سد وجهي أن أشتريتوا كتاب ,,



إقتباس
الرسالة الأصلية كتبت بواسطة حاتم

أستأذنا في المركز الاعلامي في التصوير واذن لنا وحاولنا نحصل على اوراق رسميه ولكن رفض وقال المواقع الالكترونيه تعتبر جهات غير رسميه واحس انه شاف في وجهي اني موقوف ...



تقرير أكثر من رائع وقريباً سوف يصدر قرار العفو بعد هذا التقرير
بس حلللوه صورة الريال فالمكيف >> ياخي غسسل سيارتك ماتشوف الغباركيف

اللحين سويتوا كل شي ماشاء الله عليكم الا الصور عاجزين لاتصغروونها , الله يصلحكم بس

حاتم + عبالعزيز لاهنتوا وعساكم على القوة

اخر تعديل كان بواسطة » **الـــــــــواوا** في يوم » 08/03/2011 عند الساعة » 06:13 PM
اضافة رد مع اقتباس
  #6  
قديم 08/03/2011, 05:46 PM
الصورة الرمزية الخاصة بـ حروف الغلا
عضو استشاري بالمجلس العام
رئيسة رابطة توتنهام
تاريخ التسجيل: 02/04/2010
مشاركات: 7,040


مساكم ورد

شكلها الطلعة حلوة

المهم يا عزوز شفت الحاتم

و تعرفت على ولدنا العاقل

و ان شا الله مايقلب نفسك

و شكرا على الاهداء

وين هديتي ؟؟



اضافة رد مع اقتباس
  #7  
قديم 08/03/2011, 05:59 PM
الصورة الرمزية الخاصة بـ الهآووي
زعيــم مميــز
تاريخ التسجيل: 18/04/2010
المكان: نادي الهلال
مشاركات: 3,590
ان شآآآْء الله رآآآح اجيةة

بسس متىآ يقفل المعرض
اضافة رد مع اقتباس
  #8  
قديم 08/03/2011, 06:14 PM
الصورة الرمزية الخاصة بـ ! DANGER !
زعيــم فعــال
تاريخ التسجيل: 24/04/2010
المكان: مدينة رسول الله
مشاركات: 405
السلآم عليكم
.
.
.
.
.
.
إعداد : عبد العزيز اليامي ، حاتم
صور : عبد العزيز اليامي
فيديو : تصوير حاتم ، حوار عبد العزيز اليامي
كتابة التقرير : عبد العزيز اليامي
تنسيق واخراج: حاتم
.
.
.
.

مشكووورين والله جبتوا المعرض في المنتدى
.
.
.
.
تسلموووون
.
.

إقتباس

سعيد الزهراني (اهلاوي) وفهيد الحميداني (هلالي صميم )

.
.
.
هههههههههه
مآ شآء الله أول ما تسألون عنه
{وش تشجع؟!}
.
.
.
ننتظر جديدكم
اضافة رد مع اقتباس
  #9  
قديم 08/03/2011, 07:53 PM
الصورة الرمزية الخاصة بـ يوجين.
زعيــم فعــال
تاريخ التسجيل: 25/03/2010
مشاركات: 338
اسلوب منمق عيشتونا الرحله بصراحه
يعطيكم العافيه لاهنتم

عبوره
اضافة رد مع اقتباس
  #10  
قديم 08/03/2011, 09:21 PM
مشرف سابق في منتدى الجمهور الهلالي
تاريخ التسجيل: 03/10/2008
المكان: الله كريم يمد الخير / و يساعد ..!!
مشاركات: 4,180
طيب وين صورة حــاتــم ..؟؟


الله يعطيكم ألف عافية و يبيّض وجيهكم و جهد جبّار


مشكورين
اضافة رد مع اقتباس
  #11  
قديم 08/03/2011, 09:50 PM
زعيــم مميــز
تاريخ التسجيل: 10/05/2010
المكان: بريدهـ
مشاركات: 3,979
ماشاء الله ...
جهد مميز وتغطيه أكثر من رائعه ماشاء الله
الله يعطيك ألف عافيه
أختك ... بالتوفيق
اضافة رد مع اقتباس
  #12  
قديم 08/03/2011, 11:31 PM
الصورة الرمزية الخاصة بـ بلو كادي
زعيــم مميــز
تاريخ التسجيل: 30/06/2009
المكان: اللهم إني أسألك الأنس بقربك..,{
مشاركات: 3,473
حجزززززززززز
..........................

يآآآك
اهم شي حاتم وعبدالعزيز طالعين مع بعض

رحله ممتعه صراحة حبيت احداثها

إقتباس
الرسالة الأصلية كتبت بواسطة حاتم
ثم رجعنا للسيارة واكتشفت اني من فهاوتي ناسي المفتاح فيها

الله اعلم من الفاهي ياعبدالعزيز
شكرا لكم

اخر تعديل كان بواسطة » بلو كادي في يوم » 09/03/2011 عند الساعة » 04:51 PM
اضافة رد مع اقتباس
  #13  
قديم 08/03/2011, 11:58 PM
الصورة الرمزية الخاصة بـ 3ash8.alz3im
زعيــم مميــز
تاريخ التسجيل: 16/06/2010
المكان: آلقٌـصًـيًـمً ♥
مشاركات: 7,922
يعطيك العاافيه ,,

ماشاء الله تغطيه حلووه ,,

وكل التوفيق لك~
اضافة رد مع اقتباس
  #14  
قديم 09/03/2011, 01:01 AM
الصورة الرمزية الخاصة بـ Ops
Ops Ops غير متواجد حالياً
زعيــم متواصــل
تاريخ التسجيل: 23/10/2010
مشاركات: 61
و الله يا خوك موضوعك أكبر لغز عندي
اللحين من اللي حضر فيكم ؟ أنت ولا حاتم ؟
طيب حاتم ليه ما راح ؟


يعطيك العافيه ع التغطيه
و بإذن الله لنا زياره له
اضافة رد مع اقتباس
  #15  
قديم 09/03/2011, 08:54 AM
الصورة الرمزية الخاصة بـ حاتم
زعيــم مميــز
تاريخ التسجيل: 29/09/2001
مشاركات: 8,221
إقتباس
الرسالة الأصلية كتبت بواسطة داق لطمة
أنــــــــــــــــــــا جيــــــــــــــــت

سؤال يا الاملط

وش سالفتك مع العنوز

اظاهر ما خليت عنزي على وجه الارض الا وتعرفت عليه << احس اني هااايطت



المهم


الله يعطيك العافية انت وحاتم على المجهود الرااااااااااااااايع << بالياء ماهو بــ ء



بالنسبة للريال اللي مثبت فتحته المكيف تصدق فيه ابركلك انت ووجهك يالخاايس



تصدق عاد اني تمنيت اني اكون معكم والله انت وحااتم

لكن الجايات اكثر

تحياااتي لك يالاملط




لكم يالملطان ( جمع املط )


حراام عليك حجز يوم كاامل
اماا ساالفة العنوز والله اذا كل ياامي مثل عبدالعزيز والله لي الشرف اتعرف عليهم وااحد واحد
وبالأخير اعجاابك غير مقبول بالموضوع لاسبااب فنية قد تستدعي اعاادة الزياارة للمعرض
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:34 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube