تغطيه لمعرض الكتاب بعدستي ..[ مجهود شخصي ] - نادي الهلال السعودي - شبكة الزعيم

فزعة هلآلي · #1 04/03/2011, 11:23 PM

[

السلام عليكم ورحمة الله وبركاته

بقدم لكم تغطيه بسيطه لزيارتي للمعرض الكتآب
وهي من عدستي

وان شاء الله تعجبكم

رحت من صبح الخميس وكنت مستعجل لدرجة ان الفطور كان بهالشكل

هذي صورتين للمعرض من الجهة المقابلة له

ما فتح المعرض لكن شوفوا هذي الصوره رد لكل المشككين في انتظام الشعب السعودي

لبى حنا

فتحوا البوابه وعند الدخول كان في زحمة لكن الامور ماشيه بطريقة حلوه والبركة بذولا ..

هو شاف الكاميرا ترك التنظيم وسحب على العالم فديته بس هههههههههههه

وهذي كانت لوحة من وزارة الثقافه ترحب بالزوار ..اللي مثلي طبعا

طبعا لازم يتحمدون لملكنا عبدالله على سلامته الله يحفظه ويعطيه الصحه

نجي لاحلى شي اللي هو هذا المكتب ..

يعطونك دليل للمعرض يوضح لك كالاقسام واماكنها ويسهل عليك البحث عن اي قسم

وهذي صوره للدليل ..

ومن الاشياء الحلوه واللي تفيدك في البحث الاجهزة الموجوده في كل مكان ..

لكن فيها عيب انك مرات تكون مو صح المعلومات .. شي صار لي كنت ابحث عن مؤلفات اجاثا كريستي عطاني الجهاز اسم الدار رحت لهم قالوا ما عندنا وقلت السبب قالوا ما جبناها معنا من بلدنا لكن هي مسجله في الجهاز

الحين نجي لاول جناح اللي هو ..

جميل جدا مفيد وفيه نشاطات و اشياء مره حلوه يستحق الزيارة

..

هذي صوره لشركة مفضلة بالنسبة لي في هذا القسم انصحكم بزيارتها

بعد ما طلعت من جناح الاطفال لقيت مكتب الهيئة فحبيت استفسر منهم عن موضوع الكاميرا وكذا لان سمعت انهم يسحبونها لكن قالوا ما نسحبها من احد الا اللي يصور بنات العالم ..الله يجزاهم خير . عاد انا قلت لهم من منتدى وهيك ولقيت منهم كل ترحيب ..

هذي صوره للعقيد ناسي اسمه

..لكن الرجال ما قصر

بعد كذا توجهت لقسم الهيئة وطبعا هو غير مكتب الهيئة واستقبلوني باحلى استقبال الله يجزاهم خير ويكثر من امثالهم .. قال تعالى: ( ولتكن منكم أمة يدعون إلى الخير ويأمرون بالمعروف وينهون عن المنكر وأولئك هم المفلحون ).

في هدايا لزوار القسم

وهذي كانت هديتي

الهديه عباره عن ..:
1- كتيب لفضيلة الشيخ د.عبدالله بن وكيل الشيخ عن [ المرأة وكيد الاعداء ]
2- كتيب لفضيلة الشيخ محمد بن عثيمين رحمه الله عن [ عقيدة اهل السنه والجماعه ]
3- سي دي فيه محاضرة للشيخ عبدالعزيز الراجحي بعنوان [ إغتنم خمسا قبل خمس ]
4- شعار يعلق على الصدر للهيئة
5- ارقام مراكز الهيئة بالرياض ..

الله يعطيهم العافيه على مجهوداتهم ويجزاهم خير ..

بعد كذا توجهت لقسم لقيت فيه شي حلو اللي هي طبعات للقران كاملة ..

نتوجه الحين للقسم الايراني اللي كان عليه زحمه لان فيه ايرانيه تخط لك اللي تبي على اوراق مزخرفه وباسعار رخيصه لكن عليها خط

ما شاء الله

هذي صوره مثال للصور اللي يحتويها القسم

هي ما تعرف عربي لكن تجيب لها الكلام وهي تنقله لك

بعد كذا لقيت هالجهة اللي هي جهة الجامعات كل شي تبيه عن الجامعات تلقاه عنده ..

هذي شطحه صح لكن حبيت اصور لكم مجلدات ابن كثير لكتابه البدايه والنهاية انصحكم باقتنائه

نجي لقسم جرير احب هالقسم لان عندهم روايات كثير لاجاثا كريستي وهذي صوره لرواياتها .

ي لبيييه بسس يا اجاثا

صورت لكم رواية من اجمل روايتها

مره ممتعه لا تفوتكم