السلام عليكم ورحمة الله وبركاته
موضوع في خاطري اكتبه من سنة الا وهو الاعداد النفسي للاعبين
رئيسنا بعد ما خسر البطولة الاسيويه امام ذوب اهان العام الماضي صار له حاله من الصدمه واوكل الامور لطيب الذكر رفيق الخمسات وملك التوفير اخوه عبدالله كلنا يذكر ايام رئاسه عبدالله بن مساعد كان يجلب ارخص اللاعبين وانصافهم الى ان اعطانا الشارقه خمسه وبعده الاهلي خمسه والان بعد ما رئيسنا ضغط اللاعبين العام الماضي بطلب البطوله الاسيويه ولم يهيأهم نفسيا مثل ما فعل مدرب ذوب اهان يوم قال نبي نلعب ان فزنا والا كسبنا عمره وهم يحترقون على الفوز بس طبعا اللاعبين بشر لا تحملهم فوق طاقتهم انظر لبعض الامثله الشباب مع الرائد ينهزم لوجود ضغط نفسي بين الريس وجمهور الرائد النصر ينهزم من الشباب لوجود ضغط نفسي على اللاعبين لشده المطالبه بالفوز لقهر البلطان والامثله كثير ارجع لوضع الهلال بعد الخروج من الاسيويه لماذا جلبنا كالديرون وهو المحاضر في الاتحاد الدولي ولايفقه بالتدريب العملي هل السبب لانه صديق لسامي ؟ ام لرخص ثمنه وارجح الامرين معا تعبنا بعد ما اتبعنا ياسر بالهجوم وطالبنا بمهاجم صريح عالمي قوي معه وبعد صياح خمس سنوات تكافئنا الادارة بلاعب مصري مستواه متواضع جدا هل لكي لا يبرز ونقول وينك يا ياسر ؟ سامي في عز مستواه احضرنا معه مهاجمين ومن دوون ما نستنقص بسامي احضرنا سيرجيو والكاتو والهويدي وبشار وصلاح الدين بصير و و و والقائمة طويله


اختصار الموضوع

نظام عبدالله بن مساعد التوفير ما نبيه تبدل نيفيز بمصري ما العبه بحوش بيتنا
وتبدل جيرتيس بمدرب فاشل يحط افضل صانع لعب بالمملكه الشلهوب يخليه محور
ويعتمد على ابو كشه والبارد لصناعه اللعب للاعب اقل من انه يمثل فريق مثل الهلال

عبدالرحمن بن مساعد اذا كان جاك ملل وهبوط وشي طبيعي لانك تعبت العام الماضي وخسرت اموال طائله للحصول على الاسيويه ولم تتمكن منها وليس لديك القدرة على اكمال المسيره فرجال الهلال كثير ويستطيعون الاكمال واذا كنت بتضغط لاعبين الهلال نفسيا فتاكد لن تحصل على اي نتيجه فالهلال حقق السوبر الاسيوي بدون رئيس


ادري كلامي قاسي وصريح وملخبط بس مالنا الا هنا نفضفض ونطلع ما بقلوبنا

اشكركم على النشر ........

كلام كبير بس مو وقته الحين العتب بعد نهائية الموسم افضل شي

إقتباس الرسالة الأصلية كتبت بواسطة الزعيم الابيض كلام كبير بس مو وقته الحين العتب بعد نهائية الموسم افضل شي

يابعدي تونا بالبدايه نقدر نصحح وشاكر مرورك

اخوي كيف بالبداية الحين وقت حصاد وفترة التسجيل الثانية انتهت والو تجيب مدرب يبله وقت حتى الفريق ينسجم مع احترامي لرايك الشخصي ولك تحياتي

لا اوفق على كلامك الامير عبدالله كل الانديه تحسدنا عليه في التفاوض
ونيفيز هو الي طلب الاعاره هو ياجماعه مو الاداره والمصري اصبرو لين يلعب جنبه ياسر ونشوف
وكالديرون انا مو مقتنعه فيه بس الحين لازم اقتنع ولا انتقد لان بكل بساطه الهلال الحين يحتاج دعم مو انتقاد ارجو ان تفهموا ذلك ياجمهور الزعيم انتقدو بعد نهايه الموسم

قارن اللاعبين الأجانب عندنا بأجانب الانديه الثانيه وراح تعرف منهو عبدالله بن مساعد

إقتباس الرسالة الأصلية كتبت بواسطة الزعيم الابيض اخوي كيف بالبداية الحين وقت حصاد وفترة التسجيل الثانية انتهت والو تجيب مدرب يبله وقت حتى الفريق ينسجم مع احترامي لرايك الشخصي ولك تحياتي

اي وقت حصاد وهذي اول مباراة باسيا وباقي لنا اكثر من 7 مباريات بالدوري وولي العهد مالعبنا الا مباراتين وباقي دوري الابطال
ياخي انا اشيل المدرب واحط بداله اي مدرب وطني افضل منه لو احط الخالد افضل منه اما الانسجام المحترفين ما يحتاجون وقت وكان عندهم وقت يوم راح جيرتس وما كنا بحاجه لمدرب مؤقت مثل كالديرون وكيف بيعطيك مدرب وانت قايله وللاعلام انه حق ست شهور ؟؟؟ اي ادارة تتصرف هالتصرف
وانا جالس الوم على اشياء مضت اما التصحيح مابعد تطرقنا اليه
واحترم وجهة نظرك

إقتباس الرسالة الأصلية كتبت بواسطة اشواق بنت سامي لا اوفق على كلامك الامير عبدالله كل الانديه تحسدنا عليه في التفاوض ونيفيز هو الي طلب الاعاره هو ياجماعه مو الاداره والمصري اصبرو لين يلعب جنبه ياسر ونشوف وكالديرون انا مو مقتنعه فيه بس الحين لازم اقتنع ولا انتقد لان بكل بساطه الهلال الحين يحتاج دعم مو انتقاد ارجو ان تفهموا ذلك ياجمهور الزعيم انتقدو بعد نهايه الموسم

نيفيز طلب الاعارة وجانا مبلغ جامد له بس الادارة قالت ما راح نجيب لاعب بنفس المبلغ ولا بربع المبلغ ليه الهلال خلاص ما يستاهل والا الادارة طفرت ؟؟ والا تفكر بالاستثمار - تفكير عبدالله بن مساعد ياخي دور استثمار برى النادي جيبو اسيا وما نبي شي قفلو النادي
نحتاج مهاجم مبدع يفرض نفسه اما هذا علي لو احط جمبه ميسي ما راح يقدم شي شلون عاد جمبه طيب الذكر اللي يضيع الفرص للبحث عن الاستعراض (ياسر )
اللي يصير بالهلال الحين شي ما ينسكت عليه ولا ينفع معه دعم نحتاج تغييرات جذريه - وجهة نظر

إقتباس الرسالة الأصلية كتبت بواسطة بروفسور قارن اللاعبين الأجانب عندنا بأجانب الانديه الثانيه وراح تعرف منهو عبدالله بن مساعد

خلاص قارن انت زياييه بالاتحاد وعلي ورد علي من احسن ومع ذلك زيايه الاتحاد يدور احسن منه

اخوي يعني الهلال خسر مبراه وحده طلع كل هذا الرائيس ماله ذنب
والسبب هو المدرب بس ون شاء الله راح يعدل اخطاه
وبتوفيق لزعيمنا المبراه القادمه لانها اهم وبعده راح نشوف الزعيم باحلى المستوياات

قارن اللاعبين الأجانب عندنا بأجانب الانديه الثانيه وراح تعرف منهو عبدالله بن مساعد

إقتباس الرسالة الأصلية كتبت بواسطة al_doesry قارن اللاعبين الأجانب عندنا بأجانب الانديه الثانيه وراح تعرف منهو عبدالله بن مساعد

اقول كيف الحال
تنسخ رد خويك يعني زياده مشاركات بس ؟
للمعلوميه افضل اجنبي لنا ما جابه عبدالله بن مساعد رادوي جابه لك كوزمين

اخوي لو تشكيلة الهلال تصير 4 4 2 بيختلف الفريق جدرياً وفي المقدمه ياسر واحمد علي ويساندهم في المنتصف نواف ووالي هامسون في المحور عزيز ورادوي والدفاع الكوري وهوساوي المرشدي وشافي الفريق بتغير 100%

مع احترامي لك جريتس هو الي راح ولو جبنا مدرب مايعرف الدوري ونهزم قلنا اقيلوه مثل ليكنز وتدري ليكنز وينه الحين يدرب منتخب بلجيكا
وبالنسبه لعبدالرحمن بن مساعد ماقصر جاب نيفيز وجاب ولهامسون 58مليون جبلي رئيس نادي دفعها وكيف تقول مايدفع وجاب رادوي وجاب لي يونق
واحمد علي تراه سعره غالي 400 الف دولار 6 شهور يعني غالي مايقارب مليون 300الف في 6شهور ولهامسون قعد كم مباراة وقلنا فاشل وقلنا مقلب لاكن يوم اصبرنا شفنا
اخوي تكلم بعقل انت متحامل على ادراة الهلال ترانا نهزمنا مباراة مع كالدي هي اامام سيباهان وكالديرون حقق مع الاتحاد الدوري وصل نهائي الابطال في اسيا وانت تقول محاضر ومايفقه بالتدريب طيب كيف حقق مع الاتحاد ولاتنسى وصلنا نهائيات كاس العالم معه بدون هزيمة قول انه مايفقه بعد
يعني امامنا فرصه اسبانيا خسرة اول مباراة في كاس العالم وحققت اللقب