|
الهيئه ومعرض الكتاب [COLOR="LightBlue"] صبـآح ومسآء الخير لكل متصفح الموضوع :ba1: سوري الموضوع ماصخ بدون الوآن وحركات بنات:smilie47: بس كتبت بسرعه لاني شفت شى اليوم مره غريب كنت في معرض الكتاب متحمس ابوي ومودينا اول يوم ماشالله حلو ومرتب مثل العاده وتقريبا اغلب دور النشر موجوده .. بس لاحظت انه فيه هيئه عددهم كبييير عمري ماشفت هالعدد بالاسواق الي تستاهل هيئه وبشكل مو منظم عشوآآآآآئيه بشكل مو طبيعي يعني مثلا حرمه وحده ينصحها 7 قروبات هيئه على الاقل اول شئ انا طوول عمري آدافع عنهم اقول يكفي وجودهم يحسسك بالآمان :smilie47: حتى اخر مره رحت للكويت كلهمم يقولون شلون متحملين الهيئه مره متأزمين من هيئتنا خصوصا بالحرم ومره جو للسعوديه مسكوا زوج خالتي واخذوة بمكان لجنه او شى زي كذا علشان ليه مو مغطين وجيهم يقولون عمرنا ماراح ننسى هالموقف يأخذون الرجل المسؤل عنا وحنا في مكان غريب ولا نعرف شى .. بس كله اقول لا والله يكثرهم وبالعكس شى مره حلو الهيئه بس بعضهم يخرب او بعضهم يتحمس عن حسن نيه :smilie47: بس اليوووم صراحه استغربت يعني مثلا انسانه عبايتها اسود في اسود ولالا لون نقاب و فوق النقاب طرحه علشان تسكر الي حول العيون تنصحها ليه وش بآقي من جد وش باقي خصوصا ان كشف الوجه مختلف عليه ... كنا نشوف كتب مع مجموعه كبيره من البنات ويجي كذا مطوع غطوووا وغطوووا ونناظر بعض وش باقي والله العضيم فيه رجال كبآآر مالهم دخل ردوا عليه قالوا وش فيه الناس متستره طيب يمكن يبي اكثر بس يعني حلو الواحد يكون عنده اسلووب قال الله تعالى (ادع إلى سبيل ربك بالحكمة والموعظة الحسنة وجادلهم بالتي هي أحسن ) مثلا فيه وحده تبيع بجناح الطفل ممره متضايقه من الاسلوب تقول ماقدرت اشتغل انا اتحمل بس حز بخاطري وحده مو سعوديه تاخذ فكره غلط عن الهيئه .. الاهم من هذاكله فجئه كنا طالعين الا نسمع صراخ رجال طبعا صوت الرجال مزعج شلون لو يصرخ ولا بعد مجموعه مطوعين موقف مرررعب شرطه وهيئه يتضاربون ورجال امن كثاار كل واحد يأشر لك بمكان للخروج حمد لله ربي ستر وطلعنا بسرعه بس والله شى يقهر نآس كل عمرك تتوقع منهم شى حلو واخلآق يصير كذا الي فهمته ان الهيئه متهاوشه مع الشرطه وطبعا كلهم اعداد كبيييره علشان نصحوا بنات وكأن فيه مسؤل كبير قالهم مو اسلوب هذا وصارت طقاق بينهم الشرطه تدافع عن المسؤل والهيئه اجتمعت مع بعض ضد المسؤل يعني معقوله كل اليوم تدور وتنصح اخرتها تطق شخص بصراحه انا انقهرت مابي صوره الهيئه تتغير وتروح هيبتها يعني انا احس لو بدال من خطابآت الاسف الي يصدرونها بين فتره وثانيه يشلوون الصلاحيات من الي مايعرفون ينصحون بدآل الاشياء الي تصير وتخرب عليهم كلهم مثلا شفنا مطوع كل ملابسه مبهذله ومطوع ماعليه جزم وماسكينه شرطه ويدخلونه مكان ظلما يعني بكرا لمى ينصنح بنفس المكان تتوقع احد بسمع لك وهو شاف هالموقف مستحيل .. الي حابه اوصله انا مع الهيئه وبشده :smilie47: بس اتمنى يسوون لهم دورات تدريبه مثل بعض الوظائف الي تسوي دورات للموظفين الكبارعلشان يجددون من مهاراتهم منها يكسبون الناس بأسلوب ارقى ومنه يحافظون على سمعه الهيئه خصوصا انه في بعض شرائح المجتمع تدور على زلاتهم .. هذا رائئي مادري يمكن صح ويمكن غلط :yes: |
كلام سليم والله لازم دورات يتثقفون شوي والحمدلله مانقول فيهم شئ بس شدتهم في الامور الغير ضروريه تكره الناس لهم شكرا ع الطرح |
إقتباس:
ياليت يسوون هالدورات , لان المجتمع مختلف فيـه اللي يتقبل النصيحه وفيه اللي مايتقبل , اللي مايتقبل يقدروون يقنعونه بأسلوب فعال بعيد عن المهاوشات والصرآآخ ,قدام اللي يسوى واللي مـايسوى. عموما أرى وجودهــم ضروري في مثل هالتجمعات . تحيــاتي |
إذآ كآن زي مآتقولين إنه مجموعآت كبيرة ينصحون حرمة وحدة وإنهم يقولون غطّوآ للبنآت اللي حجآبهم سآتر فـ أعتقد إنهم مبآلغين جدآ في أدآء مهمتهم كل رجآل الهيئة لهم الاحترام بس مآيكون التعآمل بهذه المبآلغة بالنسبة للهوشة اللي صآرت شفتي البنآت اللي الهيئة سوت المشكلة عشآنهم؟ مآنقدر نحكم وإحنآ مآندري وش الوضع يعطيك العآفية :rose: وتقبلي مروري |
إقتباس:
غلط 100% ... انا أقولك ليه ... لان انتي طلبتي بدورات تثقيفية لرجال الهيئة و لو رحنا لرجال الهيئة لاجل نقنعهم بدورات تثقيفية راحوا يقلون لك كل المجتمع يحتاج تثقيف ..... وهم صادقين ... ما سمعتي وزير التجارة يوم رفعوا الاسعار و تداخل بالقناة لاجل يحل المشكلة وقال بطلوا اكل رز و غيرا عادتكم في الأكل ..... هذا برضوه يحتاج الى دورة في فن الرد و المسئولية ..... ما سمعتي رجال المرور و كيف يعطيك مخالفة وبرضوه يصارخ عليك و يكلمك كأنك عبد عنده مو كانك مواطن شريف .... هذا بعد يحتاج الى دورة تدربية ... رجال الشرطة و تعاملهم الهمجي ....يضربك ويأخذك للسجن مكلبش و بعد هذا تطلع مظلوم و ما عملت حاجة وحتى الاسف ما تسمعه منهم ... هذا يحتاج الى دورة تدربية .... بعض الامراء وكلامهم البايخ مثل روساء النصر و تهكمهم على الجماهير و الشعوب بأسلوب استعلاء و ضربهم لرجال الان امام الاعلام .... هولاء ايضا يحتاجون الى دورة في فهم ما معنى ان تكون امير باخلاقك لا أمير بمقامك... الاعلام المرئ و المقرواء و بعض المواضيع و الكلام البذي و التطاول على البعض و الكذب المستمر و اظهار اسقط الناس و حجب اهل العلم و الفضيلة ... هولاء ايضا يحتاجون الى دورة تدربية في الضمير و الحس الانساني ... الشعب السعودي او لنقول بعض الشعب السعودي حتى استثني نفسي منهم و الفاظهم السوقية و حتى لو كان يسلم على اخوه (يلعن امه وابوه ) و لقفتهم المستمرة و الازعاج الدائم بعد كل مبارة او مناسبة وطنية وعدم احترام الطريق او السكان او حتى المرضى .... هولاء يحتاجون الى دورة تديبية في الفرح و الانضباط .... مما يلي يعني ان المجتمع بكبره يحتاج الى درة تدريبية ...!!!!!:s2: و الهيئة وليدة هذا المجتمع.. فهل تعتقدين مجلس الوزراء راح يوافق على هذه الدورات و خاصة انها تحتاج ميزانية ضخمة ...!!!! فهل نضيع ميزانيتنا على دورات تدريبية ام نترك الهيئة و الشرطة و الامرءا و المرور و الاعلام و الشعب بدون دورات و نوفر الميزانية ونوظف العاطلين ..؟؟؟:to::to: أيهم برأيك اجدر دورة ام اعانة للفقراء ؟؟ |
أختي العزيزة تأكدي بأنه ليس كل ملتحي هو من الهيئة وخصوصاً في معرض الكتاب لأن هناك الكثير من الشباب المتحمس في كثير من الأحيان لا يحسن التصرف وفعله تطوعي من باب النصيحة وما يسند إعتقادي هو ذكرك للمشادة بين رجال الأمن وبين الملتحين شكراً لك . |
والله ان بعض رجال الهيئة يخلونك تكره انك تطلع من البيت بس وش نسوي مانقول الا الله يجزاهم خير بس مازلت اقول فيه اسلوب افضل للنصح |
على فكرة صدر توضيح من الرئاسة العامة للهيئات بأن الذين تواجدوا في معرض الكتاب لم يكونوا من اعضاء الهيئة بل انهم كانوا مجموعة من المحتسبين والشباب الملتزم |
شكرا لكل الي ردوا ولي عوده :ba1: بس شدني رد مرسال :yes: اسعدني مرورك وجهه نظرك مااقنعتني بس احترمها 100% بس الي حابه اعلق عليه لمى تقول ان الهيئه لازم تثقف المجتمع هي تخصصها اصول دين فتتوقع في ايش تثقف المجتمع ؟ بالدين.. الدين واضح والحلال والحرام مثل الشمس .. اللهم اختلاف بدرجه الدين بين الناس مايحتاج دورات تدريبه علشان يعلمونا الدين يكفي القرآن معلمنا الدين من ابسط الى اعقد الامور كله احكام .. بس الاهم هم يتثقفون لان طرق و وسائل النصح تختلف واساليب النصح تختلف حتى درجات النصح لازم تختلف بأختلاف الفعل وكل هاذي الاشياء تجدد مع العلم والتطور بأساليب الاقناع عكس الدين ثابت محد يحتاج فيه زياده ثقافه اللهم تذكير والحمد لله البرامج والمحاضرات الدينيه تذكرنا بشكل كبير.. ودخلت في نقطه الميزانيه والفقراء والعاطلين :s2: الهدف هو زياده المعرفه مو شرط دوره تدريبه طيب لو فرضنا مافيه ميزانيه ولافيه استعاره قاعه من جامعه ولا فيه محاضر يتطوع والفلوس بتروح للعاطلين وبيدلعون الفقراء:d المعرفه الي يبها وحاب يتطور يعرف كيف لو كتاب مفيد عن فن الحوار واسلوب الاقناع يصير مقرر لكل من يمارس دور الناصح يمكن يفيد اكثر من مسمى( دوره تدريبه )..:yes: للتذكير :d انا احب الهيئه :smilie47::smilie47: |
إقتباس:
الله يهاديهم .. يجونك بعض الشباب متحمسين بالحيل .. الهيئه لها شعار يحطونه على ثيابهم عند الكتف :) |
يعطيك العافية أختي حبيت اوضح بعض النقاط ان ما حصل في معرض الكتاب انه تواجد في ذلك اليوم عدد من المشائخ وطلبة العلم وبعض الشباب المتدينين واعترض بعضهم على اعتلاء مذيعة للمنصة بشكل متبرج واعترضوا كذلك على بعض الكتب التي تعرضت للدين فحصل رد من الطرف الآخر وتدخل وزير الاعلام خوجه في الموضوع وتدخل رجال الأمن لفك النزاع الذي حصل هذا والله أعلم والسلام عليكم ورحمة الله وبركاته |
إقتباس:
يا شينهم :s3s: بعض الشباب يعتقد أنه مطوع يعني خلاص أنا الصح وكل الناس غلط و هو معصوم و وصل لدرجة الأنبياء :d يعني وقسم يشوهون سمعة الدين و المطاوعة :cry: ياخي أنت رايح تنصح ولا رايح تنفر الناس من الدين بأسلوبك البايخ هذا :s5s: المهم عسى الشرطة مسكوهم و جلدوهم :d < أكره النوعية هذي من الأشخاص و هم أكثر من يسبب مشاكل للهيئة مع الناس عودا حميدا تميميه ..:rose: و إن شاء الله كل يوم تصير مشكلة عشان نشوفك :d |
غغـــًريبةة هالهيئةة يعني مررة صصــح ومرة ودك تكفخهم من ججــد |
كلنا نخطى ونصيب واصاابع اليد غير متسااوية اتفق بكثير من كلامك ولكـن الشبااب الملتزم يجيك مطبح او متشدد وبالأخير يشوه صورة رجاال حسبة ومن هالكلام الشر يعم والخير يخص |
،، إقتباس:
الله يقويهم على الخير ومنعهم للشر ... ،، |
| الوقت المعتمد في المنتدى بتوقيت جرينتش +3.
الوقت الان » 03:51 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd