|
هل يـبـقى كـآلـديـرون ؟! بسم الله الرحمن الرحيم السلام عليكم ورحمة الله وبركاته مساء / صباح الخير كل على حسب توقيته راح ابدآ بالموضوع بدون مقدمات و بصراحه اثرت الصمت حتى ارى ردة فعل الاعضاء و رايت ردة فعل عنيفه ضد كالدي :smilie47: كالدي بصراحة قدم ربع موسم روعه و اجزم لو اتى مدرب غيره ما قدم مثل الي قدمه كالدي و اذكر ان اكثر الاعضاء طالبوا ب مارتن اونيل لو اتى اونيل ما راح يقدم الي قدمه كالدي لانه يحتاج معرفة اللاعبين و انسجام حتى يطور الفريق اما كالدي ساذكر ابرز ما قام به كالدي : 1/اخرج لنا لاعبون شبان مثل شافي الدوسري و القرني و السديري رغم انه يتحمل الثاني الا انها ثاني مباراة و لا يمكن لومه <اعلم انه سيرد علي احد الاعضاء و سيقول اشركهم لانه هناك لاعبين مصابين وانا اقوله ما في مدرب جاء و قام بهالشجاعه و يدخل لاعب مثل السديري بالكلاسيكو وليس من محض الصدفه 2/كالدي ثبت الصدارة للزعيم بفارق 8 نقاط 3/قاد الزعيم للربع النهائي اما اذا تم انتقاده لانه العب الشلهوب محور هل تعلم ما هي ظروف عزيز حتى يشركه ربما تكون ايقاف من الادارة و اثر ان يلعب الشلهوب بدل ان يشرك القرني و الشلهوب لعب كمحور في مباراة الاهلي وقدم مستوى جيد جدا اما بالنسبه لسحب الاطراف كوزمين عملها امام الاتحاد و خسرنا 4 علما انها كانت 2-1 و لكنه جازف اما كالدي كان مضطرا لان يلعب على ارضه و اثمر عن ضغط وكدنا ان نحرز التعادل لكن قدر الله و ما شاء فعل في النهايه اتمنى التجديد مع كالدي لانه سيكون مكسب للزعيم و اتمنى ان نتاهل الى دور 16 حتى يتسنى لكالدي اختيار المعسكر و التعاقدات و اتمنى الغاء عقد ويلي لانه خلاص لايملك ما يقدمه للزعيم و اتمنى ان يجلب مهاجم ارجنتيني لان الارجنتيني يجيد اللعب الجماعي و الفردي :smilie47: وبعد انتهاء عقد احمد علي اتمنى جلب مدافع صلب بجانب بو كلبشه :ga: اسف على الاطاله و اتمنى ان اكون قد وفقت في موضوعي و ان تتقبلوه بصدر رحب و انا بانتظار ارائكم اي رد مسيئ لي او للزعيم لن يتم الرد عليه < اتمنى الرفع في اسرع وقت ممكن >:ranting: |
مشكورين يا احلى ادارة على الرفع |
والله اتفق معك 100% موضوعك خياال كالدي سوا شي مو سهل للهلال وباقي عنده الكثير .. وبخصوص تغييراته .. مع ان الكثير انتقدها بس انا مؤويد لها لانه اراد اللعب ب 3-4-3 طبعا للايضاح القرني وهوساوي والمرشدي قلوب دفاع .. والباقي واضح .. ياااارب يجددون معه اتشرف بان اكون اول من يرد على موضوعك :rose: |
إقتباس:
وبالنسبه للتبديلات لان الفريق انهزم حملو التبديلات الهزيمه مع انها حسنت الفريق |
وكأنك تبحث عن اعذار لكالديروووون ... اتمنى يستمر حتى انتهاء عقده وعدم التمديد معه.. قاارن الهلال مع غريتس وكوزمين ورااح تعرف انه ماقدم ولانص اللي قدموووه . وبنسبه للدور يولي العهد كنا على المحك ومازلنا على المحك والحظ لعب دوووره.. وبكل الاحواال شكراً له.. |
إقتباس:
لا تكون من الي يحكمون على المدرب من اول خسارة على العموم لا تحكم عليه و هو جاي من نص الموسم |
ياخوان خلو الفريق يكتمل وراح نشوف الهلال الحقيقي كالدي عندة تخبطات ولكن مالومةالعناصر المهمة بالفريق كلها في عيادة النادي |
الله يعطيك العافيه اخوي على الموضوع انت تقول اخي انه برز لنا لاعبين جدد انا قولك لا لأنه كانو مفروضين عليه اولا شافي الدوسري ليش لعب او متى لعب لعب لمن اصيب الزوري وكان بديله لاعب شاب ثاني مايحظرني اسمه الأن وكمان كان لي يونج يلعب مع منتخب بلده يعني شي مفروض والقرني لعب ايضا لأانه شي مفروض عند اصابة عزيز والغنام والبرقان مافي بديل غيره وهذا شي مفروض منه هو مابذل جهد هو لقي لاعبين امامه وانا ماأيد بقائه ابدا وسامحني تقبل وجهة نظري وتقبل مروري ودمت بألف خييير |
ويلي ماتلاحضون هبوط في مستواه شكله يلعب بدون نفس وسئ دفاعيا اتمني التعاقد مع مهاجم بدله وياليت يكون مغمور برازيلي او ارجنتيني |
إقتباس:
|
إقتباس:
تبقى وجهة نظر و بعدين هو يقدر يلعب يحيى الكعبي او يكمل و يلعب الفرج بس مدرب ذكي و انت تحكم عليه و هو ما اعد الفريق من بداية الموسم حتى يجرب اللاعبين براحته يا ليت ما تتعجل عليه |
إقتباس:
|
ويلي اوفقك مستواه هل الموسم صفر لا يجيني واحد يقول صنع وسجل كم هدف ناظرو مستواه هالموسم والموسم اللي راح احس بعد مباراة الاتحاد اللي في جده العام يوم انهزمن 2 \1 وهو زفت مقارنه بسعره اغلى لاعب |
إقتباس:
نيفيز يسجل و يحسم و يصنع اما ويلي ما يسدد مثل الناس و صناعته عرضيات فقط صحيح ان الهلال محتاجها بس انه ما يعرف يضرب راس و كم فرصه تجيه لازم راسيه ولا استفيد منها اجيب مهاجم سفاح قدام الباب ما يضيع يفيدني بالاسيويه افضل |
المدرب جاء في نصف الموسم .. وقدم مسسستوى خيالي مع الفريق وهذي أول خسسساره له .. رغم أن المباراه كانت من الخيال ...تخبطات من أول لاعب الى اخر لاعب ... أن شاء الله خير |
هلآل كوزمين و جيرتس آفضل بكثير من هلال كآلديرون |
تبون الصرااحه ما نبي كاديرون يكفي ان الاعبين يلعبون و المدرب حي الله يكفي انه اماام الفتح بغينا نخسر و هو الاعب رادوي و العابد و الشلهوب يكفي دفااع عن كاديرون ..! |
الي يقول كوزمين او جيرتس هاؤلاء جاين من اول الموسم اختاروا الاعبين والمعسكر .. مو مثل كالديرون جا في نص الموسم وغير كذا الفريق كله إصابات من مسك كالديرون الفريق ولا مره لعب في كامل صفوفه شلون تحكم عليه وعلى كل هذا الفريق ولله الحمد متصدر فرق 8 نقاط ومتاهل إلى نصف النهائي كاس ولي العهد وهاذي اول مباره يخسر فيها وإن شاء الله القادم احلى ... انا اخالفك يا اخي الكريم في نقطه انه يجددون له موسم الجايه انا من وجهت نظري انه يجلب الامير عبدالرحمن بن مساعد مدرب عالمي وكبير وله اسمه افضل من كالديرون هذا وجهت نظر وارجوا انت تقبلها .. لك ودي يا غالي . |
إقتباس:
|
كالديرون فاشل فاشل مباراة سهلتن عرفت انه مافي راسه كوره حتى واذا كان عندك اصابات ونقص قفل مالك الا الطريقه هاذي واقتنص هدف احترام الخصم واجب كالديرون مااحترمهم واكلناها والقادم مذهل |
هي ميزة كالديرون الوجيه الشابه فقط فقط فقط ! وإلا ع التكتيك والخطط خرطي ..... وبالنسبة لمركز الشلهوب لو اجيب ولد اخوي ياسر ما تعدى سنتين يقولي مستحيل هذآ جسم محور ولا إمكانيات محور ! واتمنى نهاية الموسم التعاقد مع مدرب كبير واهم شئ اوروبي يعطيك العافية ع الموضوع |
لا نوريد كاديروووووووووووووووووووووووووووووووووووووووون لماذا منتضرين يا ادراه لماذا لا تتعاقدو مع كوزمين |
والله اتفق معك 100% موضوعك خياال كالدي سوا شي مو سهل للهلال وباقي عنده الكثير .. وبخصوص تغييراته .. مع ان الكثير انتقدها بس انا مؤويد لها لانه اراد اللعب ب 3-4-3 طبعا للايضاح القرني وهوساوي والمرشدي قلوب دفاع .. والباقي واضح .. ياااارب يجددون معه |
كالدي مبدع بسس يخطي كثير :yes: |
| الوقت المعتمد في المنتدى بتوقيت جرينتش +3.
الوقت الان » 08:05 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd