بسم الله الرحمن الرحيم

الحمدلله على كل حال ليله عدت بخيرها وشرها وان شاء الله تكون درس للاعبين والاداره والمدرب والجمهور بعدم التكبر والاستهتار باي فريق نقابله مهما كان اسمه ومركزه في الدوري وتاريخه في المشاركات وبالاخص لللاعبين والمدرب لان الاداره والجمهور ماقصرو في كل شي الاداره وفرت اشياء كل نادي في السعوديه يتمنى ان الاشياء المتوفره في الهلال متوفره عندهم من دعم مادي ومن معسكر للفريق وكل التجهيزات اللي يحتاجها الفريق والجمهور حضور وحضر ودعم موجود واول من اشكر الرابطه البحرينيه اللي قطعو 450 كيلو تقريبا للدعم رغم الاحداث الحاصله في البحرين لكن ماحدث امس كان خيبه امل للجميع من مستوى ونتيجه واللي يتحمل الخساره في الاول والاخير كالديرون بمستوى اول واللاعبين بمستوى ثاني نبدا بسرد الاحداث نقطه نقطه

1- كالديرون اخطا في التشكيله من بدايه المباراه انت تلعب على ارضك واول مباراه يعني تفرق كثير في الاطمنان والارتياح وزياده الثقه في باقي المباريات المفروض دخل بتشكيله 4-4-2 تقفل الدفاع وتضمن الهجوم بشكل متوازن وبدون اي مخاطره يكون رادوي وعزيز في المحور الكل لاحظ مركز المحور في الشوط الاول كيف ضايع مافي اي بدايه هجمه صحيحه ولا في قطع الكور بين خط الوسط الايراني والهجوم توقعت مع بدايه الشوط الثاني يجري تغيير باخراج الفريدي وادخال عزيز لكن ولا شي حصل حتى في التكتيك داخل الملعب واتمنى محاسبته من الاداره .

2- الفريدي وماادراك ما الفريدي لاعب اقل مايقال عنه انه يقتل نفسه بنفسه من جميع النواحي مركزه في الوسط وواقف عند المرمى الايراني وتارك خط الوسط تائهه حتى ماعنى نفسه ورجع المحياني دخل الشوط الثاني ورجع الدفاع والفريدي في نفس المكان انا اعتبره استهتار وبحث عن تسجيل هدف بدون اي اهتمام في الفريق والجمهور وكل مباراه استهتاره بالفريق واللعب لنفسه يزيد عن المباراه اللي قبلها واتمنى من الاداره معاقبته بالخصم والاحتياط علشان يعرف ان الفريق اهم بكثير منه مهما وصل مستواه .

3- احمد علي اللي للاسف كل مباراه يثبت بانه صفقه فاشله بجميع النواحي لامن تمركز ولا من تحركات داخل المنطقه ولا حتى من التفاهم مع لاعبين الوسط تلاحظه مايتكلم معاهم كثير يمشي على حسب الكره في اي اتجاه .


نقاطي اتمنى الاهتمام منها

1- الشريده قال كلام بعد المباراه كله صحيح ميه في الميه يقول العالم تطور واحنا مكانك سر لا في الانديه ولا في المنتخبات نردد على انفسنا مقوله ابطال اسيا وافضل دوري عربي لكن مافكرنا نطور واثبتت كاس اسيا للمنتخب ومشاركه الهلال امس وحتى الهلال يعتبر سئ لكن لان دورينا ضعيف وافضل في فريق في الدوري الهلال فما اي مقارنه في المستويات بين المشاركه في الدوري والمشاركه في اسيا لان الدوري وجميع انديته ضعيفه وبتظهر الاثباتات كل ماتقدمت المباريات في دوري ابطال اسيا ,,وبالنسبه لي واراهن على كلامي هذا ان مافي لا نادي سعودي بيتعدى دور 16 بسبب ضعف الانديه وضعف الدوري وقوه الانديه الاسيويه بمقارنه بانديتنا .

2- اتمنى من الاداره تطبيق الكلام اللي قاله الامير عبدالرحمن من ناحيه تقسيم قيمه العقد على سنوات العقد لان اللاعبين بكل صراحه مايهمهم الحين الا الجيب اكثر من الفريق وعلى كل الانديه ماهو بس الهلال واذا على الطريقه الشباب على كلام خالد البلطان طبقها وبموافقه لجنه الاحتراف واتمنى تطبيقها ابتدا من يوم السبت وهذا الطريقه الصحيحه لضمان حقوق الانديه من استهتار اللاعبين بالفريق وعدم الاهتمام في تطوير مستواه من ناحيه التدريب والنوم والاكل .

3- اتمنى من اللاعبين مشاهده مباراه الامس بين مانشستر وتشليسي وكيف احتراق وحماس اللاعبين والمقاتله علشان الفريق يفوز ماهو لاعبينا اللي للاسف يلعب اللاعب في مكانه ولا يتحرك من مكانه واذا وصلته الكوره مرر من دون يعني نفسه بالاختراق ومحاوله كشف مساحات في الفريق المنافس واي احتكاك بينه وبين اللاعب المنافس يطيح مكانه ويجلس يصايح على الحكم .

4- اتمنى من الجمهور عدم التطبيل والتنفيخ لاي لاعب واولهم الفريدي اللي شفناه امس وباقي اللاعبين كلهم لان مافي لاعب فوق الفريق مهما وصل اسمه ومستواه الللي مايخدم الفريق مكانه الاحتياط وشفنا اساطير في الهلال مثل يوسف وسامي والتمياط والدعيع وغيرهم جلسوا على الاحتياط واعتزلو والهلال بطلا .

5-اتمنى من الامير عبدالرحمن والكابتن سامي الاجتماع مع اللاعبين في تمرين اليوم وحثهم على نسيان مباراه الامس والبداء من اليوم مرحله جديده ومحاوله الاهتمام والجديه لضمان الفوز امام الاهلي وضمان الدوري على الاقل وعدم التفريط في اي نقطه من نقاط المباريات المقبله سواء في الدوري وفي اسيا .