السلام عليكم ورحمة الله وبركاته
موضوع في خاطري اكتبه من سنة الا وهو الاعداد النفسي للاعبين
رئيسنا بعد ما خسر البطولة الاسيويه امام ذوب اهان العام الماضي صار له حاله من الصدمه واوكل الامور لطيب الذكر رفيق الخمسات وملك التوفير اخوه عبدالله كلنا يذكر ايام رئاسه عبدالله بن مساعد كان يجلب ارخص اللاعبين وانصافهم الى ان اعطانا الشارقه خمسه وبعده الاهلي خمسه والان بعد ما رئيسنا ضغط اللاعبين العام الماضي بطلب البطوله الاسيويه ولم يهيأهم نفسيا مثل ما فعل مدرب ذوب اهان يوم قال نبي نلعب ان فزنا والا كسبنا عمره وهم يحترقون على الفوز بس طبعا اللاعبين بشر لا تحملهم فوق طاقتهم انظر لبعض الامثله الشباب مع الرائد ينهزم لوجود ضغط نفسي بين الريس وجمهور الرائد النصر ينهزم من الشباب لوجود ضغط نفسي على اللاعبين لشده المطالبه بالفوز لقهر البلطان والامثله كثير ارجع لوضع الهلال بعد الخروج من الاسيويه لماذا جلبنا كالديرون وهو المحاضر في الاتحاد الدولي ولايفقه بالتدريب العملي هل السبب لانه صديق لسامي ؟ ام لرخص ثمنه وارجح الامرين معا تعبنا بعد ما اتبعنا ياسر بالهجوم وطالبنا بمهاجم صريح عالمي قوي معه وبعد صياح خمس سنوات تكافئنا الادارة بلاعب مصري مستواه متواضع جدا هل لكي لا يبرز ونقول وينك يا ياسر ؟ سامي في عز مستواه احضرنا معه مهاجمين ومن دوون ما نستنقص بسامي احضرنا سيرجيو والكاتو والهويدي وبشار وصلاح الدين بصير و و و والقائمة طويله


اختصار الموضوع

نظام عبدالله بن مساعد التوفير ما نبيه تبدل نيفيز بمصري ما العبه بحوش بيتنا
وتبدل جيرتيس بمدرب فاشل يحط افضل صانع لعب بالمملكه الشلهوب يخليه محور
ويعتمد على ابو كشه والبارد لصناعه اللعب للاعب اقل من انه يمثل فريق مثل الهلال

عبدالرحمن بن مساعد اذا كان جاك ملل وهبوط وشي طبيعي لانك تعبت العام الماضي وخسرت اموال طائله للحصول على الاسيويه ولم تتمكن منها وليس لديك القدرة على اكمال المسيره فرجال الهلال كثير ويستطيعون الاكمال واذا كنت بتضغط لاعبين الهلال نفسيا فتاكد لن تحصل على اي نتيجه فالهلال حقق السوبر الاسيوي بدون رئيس


ادري كلامي قاسي وصريح وملخبط بس مالنا الا هنا نفضفض ونطلع ما بقلوبنا

اشكركم على النشر ........

كلام كبير بس مو وقته الحين العتب بعد نهائية الموسم افضل شي

إقتباس الرسالة الأصلية كتبت بواسطة الزعيم الابيض كلام كبير بس مو وقته الحين العتب بعد نهائية الموسم افضل شي

يابعدي تونا بالبدايه نقدر نصحح وشاكر مرورك

اخوي كيف بالبداية الحين وقت حصاد وفترة التسجيل الثانية انتهت والو تجيب مدرب يبله وقت حتى الفريق ينسجم مع احترامي لرايك الشخصي ولك تحياتي

إقتباس الرسالة الأصلية كتبت بواسطة الزعيم الابيض اخوي كيف بالبداية الحين وقت حصاد وفترة التسجيل الثانية انتهت والو تجيب مدرب يبله وقت حتى الفريق ينسجم مع احترامي لرايك الشخصي ولك تحياتي

اي وقت حصاد وهذي اول مباراة باسيا وباقي لنا اكثر من 7 مباريات بالدوري وولي العهد مالعبنا الا مباراتين وباقي دوري الابطال
ياخي انا اشيل المدرب واحط بداله اي مدرب وطني افضل منه لو احط الخالد افضل منه اما الانسجام المحترفين ما يحتاجون وقت وكان عندهم وقت يوم راح جيرتس وما كنا بحاجه لمدرب مؤقت مثل كالديرون وكيف بيعطيك مدرب وانت قايله وللاعلام انه حق ست شهور ؟؟؟ اي ادارة تتصرف هالتصرف
وانا جالس الوم على اشياء مضت اما التصحيح مابعد تطرقنا اليه
واحترم وجهة نظرك

لا اوفق على كلامك الامير عبدالله كل الانديه تحسدنا عليه في التفاوض
ونيفيز هو الي طلب الاعاره هو ياجماعه مو الاداره والمصري اصبرو لين يلعب جنبه ياسر ونشوف
وكالديرون انا مو مقتنعه فيه بس الحين لازم اقتنع ولا انتقد لان بكل بساطه الهلال الحين يحتاج دعم مو انتقاد ارجو ان تفهموا ذلك ياجمهور الزعيم انتقدو بعد نهايه الموسم

إقتباس الرسالة الأصلية كتبت بواسطة اشواق بنت سامي لا اوفق على كلامك الامير عبدالله كل الانديه تحسدنا عليه في التفاوض ونيفيز هو الي طلب الاعاره هو ياجماعه مو الاداره والمصري اصبرو لين يلعب جنبه ياسر ونشوف وكالديرون انا مو مقتنعه فيه بس الحين لازم اقتنع ولا انتقد لان بكل بساطه الهلال الحين يحتاج دعم مو انتقاد ارجو ان تفهموا ذلك ياجمهور الزعيم انتقدو بعد نهايه الموسم

نيفيز طلب الاعارة وجانا مبلغ جامد له بس الادارة قالت ما راح نجيب لاعب بنفس المبلغ ولا بربع المبلغ ليه الهلال خلاص ما يستاهل والا الادارة طفرت ؟؟ والا تفكر بالاستثمار - تفكير عبدالله بن مساعد ياخي دور استثمار برى النادي جيبو اسيا وما نبي شي قفلو النادي
نحتاج مهاجم مبدع يفرض نفسه اما هذا علي لو احط جمبه ميسي ما راح يقدم شي شلون عاد جمبه طيب الذكر اللي يضيع الفرص للبحث عن الاستعراض (ياسر )
اللي يصير بالهلال الحين شي ما ينسكت عليه ولا ينفع معه دعم نحتاج تغييرات جذريه - وجهة نظر

قارن اللاعبين الأجانب عندنا بأجانب الانديه الثانيه وراح تعرف منهو عبدالله بن مساعد

إقتباس الرسالة الأصلية كتبت بواسطة بروفسور قارن اللاعبين الأجانب عندنا بأجانب الانديه الثانيه وراح تعرف منهو عبدالله بن مساعد

خلاص قارن انت زياييه بالاتحاد وعلي ورد علي من احسن ومع ذلك زيايه الاتحاد يدور احسن منه

اخوي يعني الهلال خسر مبراه وحده طلع كل هذا الرائيس ماله ذنب
والسبب هو المدرب بس ون شاء الله راح يعدل اخطاه
وبتوفيق لزعيمنا المبراه القادمه لانها اهم وبعده راح نشوف الزعيم باحلى المستوياات

قارن اللاعبين الأجانب عندنا بأجانب الانديه الثانيه وراح تعرف منهو عبدالله بن مساعد

إقتباس الرسالة الأصلية كتبت بواسطة al_doesry قارن اللاعبين الأجانب عندنا بأجانب الانديه الثانيه وراح تعرف منهو عبدالله بن مساعد

اقول كيف الحال
تنسخ رد خويك يعني زياده مشاركات بس ؟
للمعلوميه افضل اجنبي لنا ما جابه عبدالله بن مساعد رادوي جابه لك كوزمين

إقتباس الرسالة الأصلية كتبت بواسطة الزيرابوعزيز اقول كيف الحال تنسخ رد خويك يعني زياده مشاركات بس ؟ للمعلوميه افضل اجنبي لنا ما جابه عبدالله بن مساعد رادوي جابه لك كوزمين

هههاييي ضحكتني

طيب كوزمين جاب رادوي

طيب من جاب ويلهامسون

هااا رح انت وموضوعك بس

ما بقى الا انت تنتقد عبد الرحمن بن مساعد

إقتباس الرسالة الأصلية كتبت بواسطة ĄĹ-ĦįĻĂĻ هههاييي ضحكتني طيب كوزمين جاب رادوي طيب من جاب ويلهامسون هااا رح انت وموضوعك بس ما بقى الا انت تنتقد عبد الرحمن بن مساعد

عساه دوم الضحكه ما تفارق محياك
ارجع واقول العام بن مساعد ما قصر وسوى كل شي عليه وكنا نلومه نبي مهاجم بدل يا ولي والا نيفيز ماخبرنا فريق يجيب ثلاث اجانب وسط ؟ مع وجود مواهب وسط مثل الدوسري والفريدي والشلهوب والعابد يعني يمدي نجيب ثنين يكفون ولي ورادوي ومهاجم اجنبي محترف
وعن اذنك بروح انا وموضوعي وما راح ارد بعد هالرد واحترم كل وجهة نظر تجي بعد هالرد واعتذر عن الرد
وهذي وجهة نظري وتحمل الخطا والصح