دعوة لجماهير الزعيم لاتحظرو للمباريات القادمة دعوهم يحسو بينا - نادي الهلال السعودي - شبكة الزعيم

زعيم العيون · #1 02/03/2011, 02:36 PM

نعم وعذرا للهلاليين الاعزاء

لاتحظرو للمباريات القادمة يمكن الاعبون يحسو بينا لاعبون لا روح لهم ولا احساس بينا سوا انهم يطالبونا

بالحظور وانتم لاروح ولا تضحية للشعار الذي ترتدونة دفاع متهالك لا اسامة ولا المرشدي ولا نامي

غاب الهلال سنين عن الاسيوية وهذا ماجعل الهلاليين يخسرون

مع احترامي للجميع وعلى راسهم سامي الجابر لا يستحق ارتداء الكابتنية الا رادووووووي

ارجو من الجميع ان يفهم كلامي صح ولا يفهمني غلط دعوهم يلعبون بدون جماهير يمكن يحسو فينا

وسلامتكم : اخوكم زعيم العيون

farsenho · #2 02/03/2011, 02:39 PM

معك بإن رادوي هو الوحيد اللي يستحق الكبتنية

أما اننا ما نحظر لا والف لا

المفروض انك تعتبرها كبوة جواد

وايضا المفروض انك تطرح عكس ما طرحته

خلونا نكون جماهير وفية

ويا ليت ما نشوف مواضيع مثل كذا

مع احترامي لك [ من أجل هلالنا ]

هلال اسيآ · #3 02/03/2011, 02:39 PM

وش ذنب الاعبين !

المشكله في مجاملة الاداره للدلخ كالديرون

و جمهور الهلال ياعزيزي مع الهلال في كل الاحوال

أميـــر الليل · #4 02/03/2011, 02:42 PM

لآ

بنحظر ونسآند الهلآل في الحلوة والمرة

وهذي أول مبآرآة نخسرهآ في الموسم

نقوم الدنيآ ونجلسهآ عشآن مبآرآة

الأمل مآ زآل موجود و بقوه

وبإذن الله سنتآهل من الطريق الصعب

ورآح نوقف مع اللآعبين لآخر مبآرآة

من وجهة نظري

ملآحظه :

آختلآف وجهآت النظر لآ يفسد للود قضية

هـلـآلـي سـديـر · #5 02/03/2011, 02:42 PM

ياخي وش تبي انت ؟

حنا مع الهلال بالحلوه والمره ويكون بعلمك الهلال هو من يصنع المدربين وتوك اول مباراة بسم الله تبدا تنتقعد انا اول الحاضرين لو الهلال يغيب عن جميع البطولات ..

ومدري وشلون سامحين لموضوعك الغبي والتحطيمي يتنزل

ابوساره الازرق · #6 02/03/2011, 02:56 PM

إقتباس

الرسالة الأصلية كتبت بواسطة هـلـآلـي سـديـر


	ياخي وش تبي انت ؟ حنا مع الهلال بالحلوه والمره ويكون بعلمك الهلال هو من يصنع المدربين وتوك اول مباراة بسم الله تبدا تنتقعد انا اول الحاضرين لو الهلال يغيب عن جميع البطولات .. ومدري وشلون سامحين لموضوعك الغبي والتحطيمي يتنزل

اولا اخوي انا احييك على موقفك وصدق شعورك ..

وانا اضم صوتي لصوتك لماذا المشرفين يسمحون بمثل هذه الدعوات في مثل هذا الوقت ؟!!

ارجو ان نجد الشجاعه منهم بالرد

[ آبو خآلد ] · #7 02/03/2011, 02:44 PM

يآ رجل الكبتنيه خلها في حال وخلنا باللي فينا بحال .. كبتنيه مو كبتنيه .. احنا نبي الفريق يرجع لوضعه الطبيعي وراح تكون عند الهلال مباراه قويه وقريبه جدا وهي يوم الاحد في جده مع الاهلي ..

كيفي هلالي9 · #8 02/03/2011, 02:47 PM

كالعاده تقوولون اول مباراه

وفالاخير الهلال في الترتيب الاخير

هلال اسيآ · #9 02/03/2011, 02:53 PM

إقتباس

الرسالة الأصلية كتبت بواسطة كيفي هلالي9


	كالعاده تقوولون اول مباراه وفالاخير الهلال في الترتيب الاخير

مندس كبير !

بالله شوفو ردوده

عاشق الهلال ومغرمبه · #10 02/03/2011, 02:47 PM

والله وعلى ايش احنا جماهييييييير الهلال بس بالفوز نسانده وبالهزيمه نعاديه وش ذي العقليه اللي عليك

قوووت القلوب · #11 02/03/2011, 02:49 PM

اسمحلي عزيزي لا اتفق معك
خسارة المباراة ماتعني نهاية العالم
بالعكس لازم نوقف مع اللاغبين هالفترة
ون شاءالله القادم احلى

20عاشق الزعيم2020 · #12 02/03/2011, 02:51 PM

شكلك جاسوس انت مافيه هلالي مايحضر حتى لو خسرنا اتمني اذا كنت هلالي

ترجع وتعيد حسبتك

<الزعيم> · #13 02/03/2011, 02:52 PM

ليش ما نحظر يعني هم الى الان مايحسون ان حنا مستائين ؟؟؟؟؟؟؟؟؟؟؟؟؟

هم عارفين ان حنا مستائين منهم ما يحتاج ان حنا ما نحظر لنعبر عن استيائنا

سويده الهلالي · #14 02/03/2011, 02:53 PM

اسف لا اتفق معك مو انا اللي يشجع الهلال اذا فاز ويكره اذا خسر
بحضر مباريات لو يلعب دوري مناطق

والخساره مو نهاية العالم
واذكركم الهلال راح يتاهل من هالمجموعه للدور القادم باذن الله
واتمنى عدم اقالة كالديرون

S A L E H 20 · #15 02/03/2011, 02:55 PM

عليك موضوع بااايخ بصصراحه

يعني يااافوز ولا نبي نزعل

المفروض تسسساند الهلال في الحلوه والمره معآآهـ

وموضوع هذآآ بصصراحه يشخص نفسك بعدم الوفآء للزعيم

بالتوفيق للزعيم