سبب عدم تقديم اللاعبين لمستوياتهم انا اعرفه + محمد نامي نصيحه + العبوا بدون كره ولا لازم اعلمكم ؟؟
 

بسم الله الرحمن الرحيم

الهلال فريق مزاجي ، كيف يعني ..! بمعنى ان اللاعبين اذا ارادو انهم يأدون بمستواهم المعروف فإنهم يأدون واذا لا فإننا مانشاهد اي مستوى يذكر في الملعب ..!

انا شخصياً صرت اتابع اول عشرين دقيقه من اي مباراهـ يلعبها الهلال ، ليه؟ لان اول10 دقائق تكون فترة حذر وجس نبض ودخول في اجواء اللقاء لكن الـ10 دقائق التاليه هي اللي اعرف من خلالها هل لاعبين الهلال في هاذي المباراهـ لهم نفس يلعبون او لا ، وعلى اساسها اقرر اذا كنت ابي اتابع بقية اللقاء او لا

انا اعرف السبب المؤكد في عدم تقديم الفريق لاي مستوى في بعض المباريات مثل مباراة البارحه اللي قهروني فيها لاعبين الهلال لانهم مايستاهلون حظوري ابداً لاني من الساعه 3 العصر وانا بين وزارة التربيه والتعليم وادارتها اجري المقابله ثم اختبار الكفايات وماصاحبهم من اعمال روتينيه ومانتهيت الا بانتهاء شوط اللقاء الاول ومع بداية الشوط الثاني وانا في الملعب ، بجد هاذا الموقف ماراح اكررهـ ابد (حسوا بالحسرهـ يالاعبين الهلال لاني كمشجع متيم بالهلال اضطريت بسببكم اني اقول هاذا الكلام s77s)

نرجع للسبب ، وهو حسب تعريف "الدافعيه" [ مجموعة من القوى الدافعة في داخل الشخصية الإنسانية تعمل على ديمومة النشاط الإنساني و تدفع الفرد باتجاه تحقيق أهداف معينة و ذلك عن طريق ممارسة بعض أنواع السلوك ]
، احد ثلاث اسباب وانتم اختاروا بينهم :
1/ اما ان اللاعبين ماعندهم رغبه داخليه بتحقيق الفوز او بمعنى اوضح عديمي احساس .
2/ او ان اللاعبين ماينتظمون في اداء التدريبات بشكل جدي تمكنهم من ترجمة رغبتهم بالفوز الى اداء فني يذكر .
3/ او ان الادارهـ ماهي واضعه الاسيويه ضمن الاهداف الواجب تحقيقها .

واضح ان السبب الاول هو الاقرب للصحه، طيب كيف نحفز اللاعبين عشان نرفع من دافعيتهم ليظهروا بمستوياتهم الطبيعيه الي تاهلنا لتحقيق الفوز مستوى ونتيجه في غالبية المباريات او تحقيق المستوى الجيد على الاقل؟؟

التحفيز يتم بطريقتين :

1/ تحفيز ايجابي : واللي تتم بطرق منها :

أ. فرصة الترقيه : من خلال تقديم المكافئات عند تقديم المستوى والنتيجه مع بعض فقط ، وكذلك شارة الكابتنيه صحيح انه مايتقلدها الا لاعب صاحب خبرهـ وشخصيهولكن ايضاً يجب ان يتقلدها من يستحقها والا تظل جامده في ذراع لاعب انا استحقها اكثر منه

ب. تقدير جهود اللاعبين : من خلال الثناء على الاعبين اللي قدموا ادائهم المعروف عنهم عن الاجتماع باللاعبين في غرفة تبديل الملابس بعد كل مباراهـ مباشره ، مع الانتباهـ الى عدم عمل ذلك امام شاشات التلفزهـ ومايكات المذيعين الميدانيين.

ج. اشراك اللاعبين في الادارهـ : من خلال ان يكون لهم ممثل في مجلس الادارهـ وان يكون مساهم فعّال في رسم سياسة ادارة الكرهـ الخاصه بالفريق الاول وذلك يعمل على تنمية الشعر بالمسؤوليه

2/ تحفيز سلبي : هي الطرق و الوسائل التي تستخدمها الإدارة لغرض الحد من السلوك السلبي و التصرفات غير المقبولة بين اللاعبين مثل إطاعة الأوامر و عدم الشعور بالمسئولية و الكسل في العمل و هذا ينبع منه أسلوب التنبيه و التحذير و منع بعض الامتيازات عنه لفترة معينة و الإنذار و ربما خفض الراتب أو نقل اللاعب ليتدرب مع الفريق الاولمبي مثلاً و يتم استخدام هذه الوسائل حسب درجة المخالفة للاعب ، ومن فوائد هاذا النوع من الحفز الآتي :

أ. تعتبر عملية استخدام الحوافز السلبية ضرورية لزيادة الكفاءة الإنتاجية .

ب. حتى لا يستمر في الخطأ .

ج. تعتبر تحذير للاخرين لعدم الوقوع في الاخطاء.

د. تحفز اللاعبين لتحسن ادائهم لابعاد العقوبه عنهم من جهه وحصولهم على الحوافز الايجابيه من جهه اخرى .

نقاط فنيه :

1/ محمد نامي ابوس ايدك لاترفع الكروسات من خط منتصف الملعب او بالقرب منه ، العرضيات ترفع بالقرب من راية الركنيه لانها في هاذي الحاله تخلي المهاجم في موقف افضل من المدافع لانه يجي من الخلف ووجهه للمرمى فترتفع نسبة التهديف ، اما عرضياتك المعتاده فاهي تعتبر نقطه لبدء هجمه مرتده من الفريق الخصم

2/ لاعبي الوسط المهاجمين اضطروا في مباراة الامس كلهم بدون استثناء ان يتخلوا عن مراكزهم والعوده للخلف لافتكاك الكره والحصول على الكرهـ لسببين اولهم عدم وجود محور دفاعي بحت كخالد عزيز او محمد القرني او عبداللطيف الغنام وبالتالي تم اجهاد لعيبة المنتصف من جهه وزيادة المسافه بينهم وبين المهاجمين من جهه اخرى مما سبب الشلل التام للادوار الهجوميه تماما واجهز عليها

3/ يجب على لاعبي الهجوم التحرك بدون كره للبحث عن مراكز يمكنهم فيها من التخلص من الرقابه وبالتالي امكانية استلام الكرهـ وهاذا شي مايعرفونه اللاعبين ابداً ولايعملون فيه مادري ليه يعني يستسلمون للرقابه

4/ عبدالله السديري انت مستقبل الهلال في الحراسه انا تابعتك في المنتخب السعودي للفئات السنيه من الناشئين للشباب واللي انت حارسه الاساسي في كأس العالم في كولمبيا ، لاتهتز ثقتك في نفسك ترا الاهداف انت مو مسؤل عنها ابداً

5/ انا اعرف انه من البديهي انه في حالة تعرضنا للكرات الركنيه وقوف لاعب عند كل قائم ، لكن حتى البديهيه الظاهر ماتبي الهلال يفوز البارحه غبر اللاتوفيق اللي ملازم الفريق في الاسيويه

6/ كالديرون من اكبر اخطائك بعد عدم اللعب بمحور دفاعي هو برودك وعدم وقوفك ورفع الصوت على اللاعبين لمطالبتهم بالحماس واللعب بجد اكثر

7/ الحماس لايعني ان تجلس على كرسي في الملعب وتتناول كافي اسبريسو مُرّ وتتقبل العزاء ودموعك اربع اربع !! لا .. الوضع اسهل من كذا ، الحماس يعني حتى لو خطة المدرب خطأ وتبديلاته خطأ وما ساعدتك في الملعب فانك تقاتل على الكره وتفتكها وتركض بعرض وطول الملعب وتوجه اخوانك اللاعبين وتتقبل توجيهاتهم وتلعب بدون كره لتفتح الثغرات للاختراق واتاحة الفرصه للتسديد

وين الردود ياشباب
شاركوني ترا موضوعي كان بقسم التقييم وتوهـ نازل هنا

المشكله بالمركز الاعلامي الهلالي
معروف عن الايرانين في كل مباريتهم
يتمذرون ويشتكون من سوء دفاعهم وحارسهم مصاب ومدري ايش
وهذا كل تخدير للخصم وعندنا ناس تاخذ الكلام وتهذر به على اللعيبه وتقول ترى فريقهم فيه كذا وكذا
واللاعب يضمن الفوز ويجيبون العيد بالملعب
وشغل الدلع مع اللعيبه ماينفع لاعب مايادي بالملعب مكانه الاحتياط مثل نامي واحمد علي اللي مدري وش لاقين فيه
والفريدي المفروض مايلعب قدام الفرق الايرانيه لانه يبرد اللعب مسوي فاهم وعنده خبره
المباراه الجايه لابد من لعب لي يونغ بدال نامي والزوري اضن رجع من الاصابه اذا يقدر يلعب ياليت يجي بدال شافي
وعزيز مع رادوي على طول والمحياني ولا ياسر احمد علي مانبيه وياليت مايجاملون احد من اللعيبه وشكرا

السبب واضح وجلي لعدم تقديم مستوى نأمله نحن الجمهور يتلخص في
سيطرة الروح الإنهزامية على الفريق & ضغط الإعلام على الفريق وكأن عدم تحقيق هذه البطولة سيضع الهلال مع مصاف فرق دوري الدرجة الأولى فـ أصبح دور الإعلام سلبي والمطلوب من إدارة الفريق تهيئة الفريق نفسياً والتعامل مع البطولة الآسيوية كأي بطولة أخرى للتخفيف من حدة الضغط على اللاعبين :)

محمد نامي نصيحتي لك " إعتزل كرة القدم " وتشكر على ماقدمته مع الهلال فخانتك أصبحت شارع عام بدون نظام ساهر :D تمريراتك لا يصح تسميتها إلا بـ " تمريرات النكبة "

فن التمركز بدون كرة لا يجيده إلا من يملك ذكاء كروي كـ ياسر ورادوي ونيفيز سابقاً أما الآن لسان حال لاعبينا [ شوفني يامدافع بأتجه لذاك المكان ]

عموماً : خسارة البارحة قضاء وقدر قبل كل شيء نتمنى التوفيق للزعيم في قادم الأيام بإذن الله


عوافي عزيزي على هذا الموضوع الرائع

بالنسبه لي...
كلام حلو بخصوص الدعم الايجابي والسلبي
بس القهر انه مايكون عندك مدرب يعترف بغلطه...
زي جريتس في نهائي كاس الملك قدام الاتحاد..
وقت ماحبس عزيز على البنش...
بس على الاقل اعترف ولعبه وخسرنا بضربات الحظ...
اما كالدي مرخبط التشكيله ملعب الواحد غير مكانه يلي يبدع فيه
اما بالنسبه لنامي كلنا ندري انه بالشق الدفاعي فاشل
يعني لازم يكون عندك لاعب ارتكاز دفاعي بحت يسد اغلاطه
وهذا يلي غلط فيه كالدي مدرب درب الهلال وللعب معه 15 مباره
وباقي مهو عارف نقاط وقوة كل لاعب
ياسلام اجل هذا المدرب يلي يجيب اسيا او حتى يحافظ على الدوري
ابطى........

يعطيك العافية اخوي الغالي واسمح لي ولو كنت قاسي في ردي فالكلام ليس موجه لك لوحدك وانما للكثير ممن ينتمون لنادي الهلال

ويتمنوا أن يشعر لاعبي الهلال بالمسؤولية بينما صدقني البعض منا لا يشعر ابداً بمسؤولية تشجيعهم لنادٍ كبير بحجم نادي الهلال

أولاً يا عزيزي .. موسم كامل للهلال لم يخسر الا مباراة واحدة وهي أول مباراة في المشوار الآسيوي اللذي أتمنى أن يطول حتى تحقيق الكأس

هل من المعقول والمنطق والواقع (وكل ماتريد ان تسميه) ان نتكلم بمثل هذا الكلام عن لاعبين حققوا الانتصارات والفوز ولم يخسروا أي مباراة

من أجل خسارة مباراة واحدة؟؟؟!!!! تركنا كل شيء وتركنا موسم كامل من أجل مباراة واحدة؟؟؟؟!!!

يا أخي الغالي رفقاً باللاعبين وبمعنوياتهم ومشاعرهم فخسارة مباراة واحد فقط طوال الموسم نجاح باهر حتى ولم يقدموا أي شي في هذه المباراة

(أنظر لمصائب الفرق الثانية وتهون عليك هذي الخسارة)

ثانياً اسمح لي التعليق على كلامك في بدايته بأنه متناقض فكيف تكون متيم بالهلال وتتابع اول عشرين دقيقة من خلالها تحكم بمواصلة مشاهدة مباراة الهلال او عدم المشاهدة

فهل هذا ما يفعله المتيمون؟؟!!

اسمح لي فهذا عمل من يريد البطولات فقط ولا يهمه مايتعرض له النادي ولا اللاعبين

ياخي والله ثم والله اني الين ثالث متوسط وانا كنت ابكي اذا انهزم الهلال وتنزل دموعي عليه من عشقي للهلال وحبي له والحين في الثلاثينات ومازال هذا العشق والهيام ولن ينقطع باذن الله

اذا كنت متيم والله ما تتحسر على 90 دقيقة يلعب فيها الهلال بأسوأ مستوياته يا أخي على الاقل شاركهم حزنهم كما تشاركهم أفراحهم

يا أخي احزن شوي لان اللاعبين حزينين مثلك ترى ماهم طالعين يضحكون ويقولون الف مبروك انا انهزمنا؟؟!!

هذه ليست دعوة للحزن أبعدها الله عنك وعنا وعن الجميع ولكن دعوة للوفاء فهذه الحياة يوم لك ويوم عليك بينما الهلال جعلها خمسين يوم لك ويوم عليك :)

ثالثا تطالب بمحاسبة اللاعبين واستخدام تحفيز سلبي وانت تمدح حارس المرمى عبدالله السديري وتقول بأن جميع الأهداف لم يكن سبباً فيها بأي شكل من الأشكال

بينما كان سبب مباشر 100% في الهدف الثاني

وهنا لا أقول ان نتهجم على السديري ولكن لابد أن يعي بأنه سبب في الهدف الثاني ولكن نرفع من معنوياته بأن الجميع يخطئ ونستخدم أسلوب نفسي مميز لكي يتجاوز هذا الخطأ من أن يكون له أثر سلبي عليه.


أخيراً يا عزيزي مباراة الهلال مع الفريق الايراني لا تحتاج لمشاهدتها 20 دقيقة لتعرف بأنها أفلتت من أيدي اللاعبين

والله اني من شفت الشلهوب محور وأنا عارف ان كالديرون جاب العيد وان المباراة ولت وانتهت واقول بس عسى ربي يستر علينا

والمصيبة والطامة الكبرى انه كان واضح الخلل في المحور ومع ذلك السيد كالديرون ما كلف على نفسه يسد الثغرة والخلل الواضح بين الشوطين

اذن صدقني في الاخير

عساها تكون اكبر خسايرنا ودامنا نخسر مباراة ونفوز عشرين ماعندنا مشكلة لان غيرنا وده يفوز ولا لقى الفوز ومع الهلال فايز ولا خسران :)

دمت بخير

انا من يوم شفت الشلهوب ورادوي وهم الخبرة في الفريق يلعبو ن الكورنر فوق عرضياتهم عالية
غسلت يدي من المبارة

والله اخطأ مو من كالي لحاله .. حارس قليل خبره ,, دفاع شوارع ,, وسط تائه ,, هجوم اناني .. مدرب زفت ,, رئيس ما يدفع

يا رئيس الهلال .. قلت انك تبي مهاجم رخيص .. و اختاره سامي و قال اذا فشل فأنا بتحمل المسؤليه .. هذاهو فشل !!
تبون لاعب رخيص .. خذوا مستوى رخيص :ranting:

الرابطه البحرينيه طلعت عيونها تترجاكم عشان تتكفلون فيها .. و النهايه !! سيفووووووووووووووون :ranting:
ما كأن الهلال هو المستفيد من الرابطه :ranting: الرابطه جت بحسابها الخاص بدون رابطة المحرق :ranting::ranting:

و المدرب !!!!
كالدي مدررررب بااااااارد و الهلال ما ينفع معه مدرب بارد !! يحتااج مدرب يلعن خيرهم مثل جيرتس !!

تبديلات ما اعرف وش تبي من الحيااة !!!!!

بالله علييك لاعب مهااري مثل عزيز تخليه احتياااط !!!




بأختصااار الهلال صاير مهزله :ranting::ranting: