الهلال بيتصدر الدوري .. وبيتصدر مجموعته في اسيآ .. وبيتأهل لـ نهائي ولي العهد .. وتذكروا كلامـــــــي !! - نادي الهلال السعودي - شبكة الزعيم

نآآيف · #1 02/03/2011, 09:28 AM

بسم الله الرحمن الرحيم

ما ودي أطول عليكم

يا جماعة الخير .. أنا ادري ان نصكم .. امس ماقدر ينام من القهر والغبببنه اللي فيه وضيقة الصدر

لكن وش نقول .. نبي نصبر ونشوف وش اخرتها ..

يا أخوان .. كالديرون انا أتفق معاكم 180ْ أنه كان مخطي امس في كل شيءءء ..

ويتحمل 50 % من نتيجه المباراة .. لـ دخوله بتشكيلة خاطئه .. ناهيك عن تبديلاته ؟

لكن .. هذي أول مره يخطي فيهاا !! ويحتاج فرصه ، مو من اول خساره نقول نبي نغير المدرب

اذا على كذا .. كل شهرين مدرب جديد !!

الاتحاد خرج من ولي العهد ولم يغير المدرب .. والشباب كذلك .. الأهلي من خساره لـ خسارة ومدربه يستقيل

وهم يبغونه !! والنصر مثلهم ؟

يا أخوان كالديرون .. امس اخطأ ومحد يقدر ينكر كذا .. بس وش ذنبه ، اذا ولهامسون اتكل على المرشدي

وجاء الهدف !! وش ذنبه اذا السديري اخطأ .. في الثانيه وجاء الثاني ؟

وش ذنبه اذا الاعبين خذلوه في هذي المباراة ؟

يا جماعة الخير .. كالديرون مدرب كبير .. وفي السنه الماضيه وصل الاتحاد الى نهائي اسيآ

للحين تونا في بداية المشوار .. بعدين .. اسمع بعضكم يقول هذا اول اختبار له وفشل ؟

يا أخي الكريم .. كالديرون أختبر قدام الاتحاد في جده وتعادل معاه .. اختبر امام الاهلي وناقصه 13 لاعب وتأهل

اختبر امام الشباب .. في الدوري وناقصه 10 لاعبين .. وفاز

ألحين فريقنا .. متصدر الدوري وبفارق 8 نقاط عن الثاني .. ادري اغلبكم يقول الدوري ضعيف ؟

طيب أدري الدوري الضعيف .. بس المدرب اخرج لنا اسماء شابه .. ولا تنسون اني قلت لكم

امس اخطأ المدرب .. بس ما يصلح من أول خطأ نجيب مدرب ثاني !!

أنا مثلكم مغبون وضايق صدري ، بس تونا في البدايه

ألحين هذي أول مباراة .. وباقي لنا 5 مباريات يعني = 15 نقطه .. السنه اللي راحت مع قريتس

تصدرنا بـ 11 نقطه ؟ وتأهلنا والفريق متصدر مجموعته .. الحين باقي لنا 5 مباريات 15 نقطه ؟

فريقنا .. ماعليه كلام .. بس الاصابات خانت المدرب .. ، مباراتنا القادمه مع الاهلي في جده ..

بإذن الله نفوز ونكمل الصداره .. وبعدها نلعب مع النصر .. وبإذن الله نفوز عليهم ونتأهل لـ النهائي

وبعدها نلعب مع الغرافه في قطر .. وبـ أذكركم .. بنفوز وبيتعدل الحال ..

وقولو نايف ما قال !!

ثاني .. شيء بخصوص .. اللي يقول : جمهور الهلال سلبي !!

ياخي وش هالككككلام ؟ اذا الاعبين ما قدموا اللي عليهم .. وش تبي الجمهور يسوي ؟

شوف اول ما سجل ولهامسون انتفض الجمهور !!

وهذا شيء طبيعي .. اذا الفريق ما يقدم اكيد الجمهور ما بيقدم شيء .. والعكس صحيّح

والا اللي يقول لو الجمهور حضر كان فاز الهلال - ياخي مباراة ذوب آهن حضر 80 ألف مشجع .. ولا يحتاج

اقول كم انتهت النتيجه ؟

يعني الجمهور من الأخير : ماعليهم ملامـه .. والله يلوم اللي يلومهم

..

* الفريدي : لو كنت مكان كالديرون .. والله ثم والله ثم والله .. ما تلعب ولا مباراة اساسي

ولا ألعبك الا اذا كان الفريق فايز فرق 4 أهــداف

* وليد الجيزاني .. اتمنى انه يكون آخر موسم لك .. مع الهلال .. فريق فوق مستواك ..

* ماجد المرشدي .. ماقصرت في هذي المباراة وكنت الأفضل .. بعد هوساوي و ولهامسون

* نامي .. ينطبق عليك كلام .. وليد

..

احمد علي !!

لاعب حماسي ومقاتل .. لكن للحين ما اندمج مع الفريق .. عطوه فرصه مثل نيفيز و ولهامسون ..

نيفيز اول ما جاء قلتوا عنه متعالي على الكوره ولا يصلح للهلال .. ولا عوض طارق التايب ؟

والحين يوم خسر الهلال .. تحسرتوا عليه وطالبتوا فيه ؟ وش هـ التنااااقض

احمد علي لاعب صندوق .. ما يصلح يلعب مهاجم لحاله .. ولا يصلح يلعب معاه لاعب مثل المحياني

ولا الجيزاني .. لازم يلعب معاه مهاجم سررررريع ..

وياليت يرجع ياسر بـ اسرع وقت عشان يلعب احمد علي في الصندوق وياسر بررا

بس انتوا عطوه الفرصه .. وهو بإذن الله بقيدم اللي عليه وبسعدكم .. وانا متأكد احمد علي مراح يطوف

فرصه مثله هذي ..

..

لكن من الموسم القادم ..

لازم يكون فيه صفقات حلوه للفريق !!

الهلال يحتاج .. ظهير يسار ويمين .. يحتاج قلب دفاع .. مثل هوساوي ..

يحتاج مهاجم محلي سريع ..

..

على الرغم من كل هذا .. بإذن الله الهلال بيرجع نفس قبل .. وأحسن

..

اسف على الاطاله .. واتعذر على عدم ترتيب الموضوع بس من القهر اللي فيني ..

على حب الهلال نلتقي

نآآيف · #2 02/03/2011, 01:00 PM

اشكرك أخـــــــوي .. للرفع ^

احمد بن عبد الله - · #3 02/03/2011, 01:42 PM

مشكووووووووووور وكلاااااااااااااااااام في الصميم ليت كل جمهور الهلال مثلك

د ح و م · #4 02/03/2011, 01:47 PM

مشكككووور والله يسمع منك يارب

محمد-1424 · #5 02/03/2011, 01:49 PM

لا تحلم كثيرا .....................................................

azoooz20 · #6 02/03/2011, 01:54 PM

خل الجماهيـــــر تقتنع
,,,,,,,,,,,,,,,,,,,,,,,,,,,

فيليبوانزاجي · #7 02/03/2011, 02:01 PM

إقتباس

الرسالة الأصلية كتبت بواسطة محمد-1424


	لا تحلم كثيرا .....................................................

متى ما صار انسان سلبي و فاشل ويائس مثلك

ما راح يحلم كثير

لكن لا تخاف لان كاتب الموضوع (أحسن منك)

abdulaziz al yassen · #8 02/03/2011, 06:37 PM

إقتباس

الرسالة الأصلية كتبت بواسطة محمد-1424


	لا تحلم كثيرا .....................................................

يا حبيبي مسجل من 2003 وجالس تخربط علينا وما عندك إلا كم نقطه اتحداااااااك إذا ماكنت فقراوي

ارين14 · #9 02/03/2011, 01:54 PM

كلامك رووووووووووووعه قلت كلي الي في خاطري

بس بدال مهاجم سريع صانع لعب على مستوى عاااالي جدا بدال نيفيز الي اكيد بنبيعه المهاجمين عندنا مافي اروع منهم لكن ماعندنا صانع لعب بمستوى الهلال

أقول الصرآحة · #10 02/03/2011, 01:57 PM

يا زين ذآ الموضوع ابقعد اقرآآآآره كلمآ دخلت الموقع .. يا شيخ لو صآآر بعضه غير صحيح بس يشرح صدركـ

نقول ان شاء الله نفوز على الأهلي والنصر والغرافة والاتحاد ان شاء الله

شكرا لكـ يا نايف على هذا التفائل

FAISAL AL7RBY · #11 02/03/2011, 01:59 PM

الله يعطيك الف عافيه

الهلال يلعب في مجموعة قووية

وعلى هالمستوى ماراح يتأهل

تحياتي لك

عــــــبدالعزيز · #12 02/03/2011, 01:59 PM

بأذن الله الهلال يتأهل .
ويصدرالمجموعه.

صافي هلالي · #13 02/03/2011, 02:03 PM

الله كريم ان شاء الله يتأهل

azoz-20 · #14 02/03/2011, 02:04 PM

وقولو نايف ما قال !!

انا اشششهد لك بان منطوقك هو السسسليم

وانا اظم صصصوتي لصصوتك بان الهلال راح يجيب لنا البطولات اللي عاندتنا

الاسوية بششكلها الجديد و كاس الملك ايضا الجديد

على حب الهلال نلتقي

ع الحلوة و المرهـ يا زعيم اسيا

لاتنسسسون مباراتنا مع الاهلي هي مهمه

جماهيره جده كونوا ع الموعد وانا اولكم

هلال اسيآ · #15 02/03/2011, 02:09 PM

إقتباس


	يا أخوان كالديرون .. امس اخطأ ومحد يقدر ينكر كذا .. بس وش ذنبه ، اذا ولهامسون اتكل على المرشدي وجاء الهدف !! وش ذنبه اذا السديري اخطأ .. في الثانيه وجاء الثاني ؟

الاهدآف صحيح بـ اخطاء لاعبين ..

بس ليش ماتكلمت ع المستوى الضعيف و المخجل !
و ليش ماتكلمت عن الضغط اللي ع الهلال و كأننا نلعب في ارض سباهان !

و بصراحه ما اتوقع نحقق اي بطوله ،
احتمال بسيط جدا نحقق ولي العهد بـ اعتبار اننا ننافس فرق ضعيفه تقريبا ( النصر - الاتفاق - الوحده )

بس لا تستغربون اذا خسرنا البطوله ، دام مدربنا كالديرون !