والله حرام هوساوي سنتين لوحده في الدفاع ارحموه يارجال الهلال - نادي الهلال السعودي - شبكة الزعيم

صقر المدينة · #1 02/03/2011, 04:50 AM

حال الهلال هو حال الكره السعوديه خارجياً

إنتهت ايام المقاتلين ... تصدقون انا كل ماجاب المخرج صوره للاعب هلالي اقرب من الشاشة بشوف اللاعب يمكن

الاقي اثار العرق بسبب الجهد والروح القتالية في المباراة .... لالالاتعليق

اقول خلاص ماني مكثر في هالموضوع وخليني في الموضوع الاساسي هوساوي

انا اقترح ومن مبدأ العدل والمساواة أن يصرف لاسامة هوساوي راتبين اي نعم راتبين

لانه يلعب عن لاعبين ... تظنون اني ابالغ ... طيب

ارجعوا لجميع المباريات خلال السنتين الماضية ... تلاقون هوساوي يتحمل العبء الدفاعي كاملاً

لما كان الزوري والمرشدي يلعبون معه كان يغطي خانته والخانة اليسار كلها

لما يلعب المرشدي ونامي يغطي خانته ويغطي اخطاء المرشدي ونامي

لما يلعب المرشدي والزوري ونامي ... كان المسكين رايح جاي يغطي الدفاع كله

المشكلة مو بس لما يكون اللاعب اللي جنبك ضعيف المشكلة لما يكون هو سبب النكبات

المرشدي اووووووت والله اوووووووت من وجهة نظري لاعب يقدم الهدايا للمهاجم لايقدمها له زميله

يقدم الهدايا للفرق المنافسة بطريقة غبيه

والله بمجرد اني اشوف المرشدي اتوقع في اي وقت وفي اي استلام للكره ان هذه بقعته اليوم لانه لازم يخربها

بيجيك مطفي النور الحين ويقولك المرشدي لاعب كبير ( عطني اماره ) لا تقول كبير وتسكت

بيجيك مطفي النور يقول هوساوي افشل مدافع ( قولي في سنتين كم غلطه ) والا ماتبيه يغلط

على فكره الركنية اللي جا منها الهدف كيف جات ... والهدف الاول فين كان المرشدي

العتب على المدرب وسامي ... يعني ماتشوفوا الفنان المرشدي وايش قاعد يسوي في كل مباراه

وجهة نظر...

قافلة الزعماء · #2 02/03/2011, 06:59 AM

والله كلامك صح ونقول هوساوي مستواه نزل ياجماعه هذا يقرف في الدفااع محد معااه وعلى طاري المرشدي انا سمعت انه يحب البر وطلعات البر خلاص ياخوي خذ لك خيمه وروح وفكنا الله يرحم والديك والله العظيم ان الدفاع في وادي واخونا المرشدي في وادي

هلالية العشق · #3 02/03/2011, 07:28 AM

معك حق هوساوي مو شايل الدفاع وبس هوساوي تحسه شوي ويحرس ويصنع دف ويسجل ببساطه اسامه شايل الهلال كله ياليت كل لعيبة الهلال مثل كان من زماااااااااااااااااان محققين البطولة

@ـــلاليه بالوراثه · #4 02/03/2011, 07:36 AM

حتى الهجمات تجي من عند المرشدي لو تلاحظووووووووون
المرشدي يراجع حساباته والله انه نكبه
هوساوي الله يبعد عنه الاصابات شايل الدفااع وربي ..،

cot6 · #5 02/03/2011, 08:06 AM

طيب وبعدين ،،

ياخي حتى لو راح المرشدي من يغطي خانته

البطولة يبي لها مهر ،، ومهرها غالي جداً

اجل تبي تاخذ اسيا وانت مركز على الدوري ..؟

$ عيون الزعيم $ · #6 02/03/2011, 08:18 AM

الله يخلي لنا اسامه والله انه شايل الدفاع بالحاله مسكين

آآآآآآآآآآآآآآآآه متى يرجع خيرات بس

هلالي ديار حاتم · #7 02/03/2011, 08:24 AM

اخالفك في وجهات النظر امس ماجد المرشدي هو اللي مغطي على اسامه صح ان اسامه نجم كبير ونحبه لاكن امس اعتقد ان المرشدي لعب مباراه كبيره وغطى على هوساوي

أ.تركي · #8 02/03/2011, 09:03 AM

لاتحملون المرشدي وهوساوي الهلال لازم محورين محور ثابت ويكون عزيز ومحور متحرك رادوي لان لاعبين الوسط الشهلوب ضعيف دفاعيا ويلهامسون اذ كانو مصرين علي اشراك الشلهوب لازم محورين اجل قدام الفتح محورين وقدام الفريق الايراني محور

9هلالي مالك ومالي9 · #9 02/03/2011, 09:26 AM

فيه ناس يردون ودك تمسك الواحد وو ؟؟؟؟؟؟
المرشدي هذا بالله مدافع والله ثم والله إن المفرج أصرف منه على الأقل يلعب بروح وفدائية هذا اللاعب مكانه المناسب مع الفقراوية والله يمكن يكرشونه بعد وياحسرتي يالزعيم بعد النعيمة والبيشي وأشرف قاسم وليتانا والشريدة وتفاريس تجيبون النكبة المرشدي وتبون الآسيوية؟؟؟؟
والله مانحلم فيها والمرشدي وأشكاله أساسيين

أفلاطون الزعيم · #10 02/03/2011, 09:43 AM

إقتباس

الرسالة الأصلية كتبت بواسطة هلالي ديار حاتم


	اخالفك في وجهات النظر امس ماجد المرشدي هو اللي مغطي على اسامه صح ان اسامه نجم كبير ونحبه لاكن امس اعتقد ان المرشدي لعب مباراه كبيره وغطى على هوساوي

يا خوووي خل منك الفزعااااااااااااات الي مال امها داعي اصلن باين من نكك !!!

المرشدي فاااااااااااااااااااااااشل وسلااااااااااااامتك قسم برب النعمة ما ينكبنا الا هو !!

الهدف الاول مين السبب فيه !! بالله احد يخلي مهاجم وراه ؟؟

ثاني مره لا تعتقد وخل الناس تنتقد بمصداقية مو تقودك العصبية لولد ديرتك !!

قمرااي · #11 02/03/2011, 10:14 AM

في الامس لم يكون سوى هوساوي

يادي ماعليه تجده يقطع يمرر يبني هجمه يفعل المطلوب منه واكثر

يجب التفكير في قلب بجانب هوساوي بدلا من المرشدي المفلس

وظهير ايمن حقيقي احتياطي لليو يونق

اللهم وفق الهلال فوق كل ارض وتحت كل سماء

شكرا اخوي لك على الموضوع

قمرااي...

B3eed · #12 02/03/2011, 10:15 AM

المرشدي في المباريات الاخيرة سيء جدا و98% من الاهداف بسببه

ملاااوح · #13 02/03/2011, 10:16 AM

المرشدي : لايستحق اللعب للهلال

السبب : انه يفتقد لأبجديات المدافع وهي الوقوف الصحيح

باختصار لاعب ضعيف جداا ونقطة ضعف واضحه في الفريــــــق

وبالنسبه لهوساوي انا اختلف معاك نصرفله راتبين : ثلاث رواتــب

سعوديه والهلال ناديه · #14 02/03/2011, 10:24 AM

طيب ليش كالدي مايجرب الخالدي بجنب هوساوي

او عبدالله الدوسري دامها الدنيا كلها تجارب

والدوسري والله مستواه حلو

عاشق الشعار · #15 02/03/2011, 10:28 AM

اخوي صقر المدينه

كلامك راي لك خاص بك
لك الحريه في ماتقول

لاكن انا لااتفق معك المرشدي لاعب كبير
عنده مميزات ماهي عند غيره من الدفاع
البنيه الجسمانيه تخليص العرضيات
ارتقاء

كلامك هذا هو من مسسبات الظغط على اللعيبه
ساندوهم في مثل هذي الظروف
شكرا من القلب
ودمتم بود