|
لا جمهور ولا غيره برود اللاعبين وتغييرات المدرب هي السبب |
. يآعمي آللآعبين آليوم يلعبون بدون رووح .. وتبيني آثبتلك آن آلجمآهير مآلهم دخل .. ؟ تذكّر مبآرآتنآ مع آصفهآن آلذهآب آلي كآنت في آيرآن .. وآلله لعبنآبهم لعب .. بس ويلي ضيع بلنتي ولخبط آلدنيآ .. . |
اللعيبه ماكانو بالمستوى والسبب كالديرون كالديرون كالديرون ولانسى الاعبين بصراحه برود غير طبيعي ومافيه رووووووح اكررررر الروووووح خاصه الفريدي وقت المهمات الصعبه مانشوفه ليه مادري؟ حسبي الله ونعم الوكيل حسبي الله ونعم الوكيل حسبي الله ونعم الوكيل |
الجماهير اللي حضرت اليوم جت عشان تشوف فريقها وتستمتع و ربنا ما كتب هالشي لاسباب معينة يمكن ناقشها في موضوع مستقل لكن اننا نربط حضورنا بشرط ان المبارة تكون على هوانا والا ما نحضر !! يا زعماء الكورة فوز وخسارة وخسارة مبارة يمكن تكون خيرة لنا خصوصا ان الفريق قريب من تحقيق بطولة الدوري والكاس ان شاء الله ولو فزنا اليوم يمكن يأثر على نفسيات اللاعبين ويعطيهم ثقة اكثر من اللازم ويحصل ما لايحمد عقباه |
اقوووووووول ياصبر الارض بس الحين وش دخل الجمهور يعني العام 70 الف مشجع طلعوا زعلانين امام ذوبهان ولا امداكم تنسون الجمهور الهلالي عمره ماقصر بس الاعبيين قصروا في حق النادي اللي يلعبون له ولا قدروا لا شعار ولا جمهور وبالله فكونا من سالفة الجمهور من جد حاااااااااااااامت كبدي |
ياخي مو كل شي على الجمهور !!!! هذا فريق الشباب بدون جمهور ويبدع ويمتع في الملعب ،،، بلا فراج بلا هم |
اخر مباراة ب دوري اسيا الملعب فل وانهزمنا تحطون كل على الجمهووور --> منشفه الجمهور عندكم و الله السبب الاعبين اللي بدوون رووح شهره - مال ==> و ما طقوا لنا خبر :( |
افهم من كلامك سبب الخساره الجمهور وكالديرون واللاعبين طالعين منها اقول ريح بسسس |
بصراحة لاعبي الهلال لم يوفقوا هذه المباراه وليست خسارتنا ليلة البارحة هي نهاية المطاف .. وبإذن الله سيعوضونها الأبطال بس لا تضغطون عليهم تكفوووووووووووووووووووووووون .. بس فيه شي البارح احزنني حيل حيل وهو خروج الجمهور قبل نهايه المباراه بوقت طويل .. ليه ياجمهورنا كذا المفروض نكون مع لاعبينا في كل حالاتهم وتأكدوا ان الاعيبه بشر ويخطؤون .. ولا تنسوا إن الفريق لعب ناقص 6 لاعبين من أهم العناصر التي يعتمد عليها الفريق |
انت تبي تضحك على مين بالضبط بموضوعك هذا قال ايه قال جمهـــور تراها مباراه بنص الاسبوع والناس دوامات وناس جتك من برا الرياض ويكفي الجمهور اللي حضــر ماقصر المستوى فاشل لو سبعين الف ولا عشره لكن انتم تبون ترقعون للفريق بأي طريقه واحد يقول نحضر عشان شعار الهلال مو عشان اللعيبه والثاني يقولي حضــور تراك بين جمهـــور الهلال مو اي جمهور ثاني حنا العقل والفكر والثقافه جمهورنا مو اكثر شعبيه ولعبة اكثر شعبيه يجي الفراج يقط كلمتين طرتــوا وراهـ الفراج معروف وش تفكيره ووش مخططاته ولا حضرنا عشان الفراج حنااا وتعرفون ليش حضرنا رأأيي وحرية رأي دمتـــمـ......... |
الهلال هو الفريق الوحيد الذي أمتلأت مدرجات الدرة بجماهيرة الغفيرة 100% عدة مرات منذ التسعينيات الميلادية واخرتها مباراة ذوب أهن قبل اشهر قليلة جداً.. وحصر جماهيرية فريق في مباراة واحدة هي سقطة غبية من الفراج.. تحياتي |
يا أخي ودي يكون الملعب بدوووون جمهور وبدوووون رابطة ولا أي شيء عشان يسحون اللاعبين والمدرب بقدر الجمهوووور كل سنة وخصوصا في آسيا نضحك على أنفسنا ونملىء الملعب والمدرجات وآخرتهاااااااااااا خساااااااااااير وخروووووووووج مذل |
الفراج ماقاله مجرد تحفيز للجمهور بالحضور وماصرح به يعتبر مطلع لمواضيع مستقبليه يتم مناقشتها مع ضيوفه .. اسلوب اعلامي بحت لجذب المتلقي ركز على الهلال لانه يعلم بشعبية جماهيره . بصراحه تكتيك المدرب وتغييراته هلكت الفريق بتاتاً . متفائلين خيراً بهذه الهزيمه ولعلها تكون صحوه . مشكور على الموضوع .. |
اقول رح احضر انت لحالك وتفرج على الفريق وصفق لهم بعد اما حنا ما نروح لفريق مافيه روح يلعبون بدون نفس كنهم مغصوبين وتقول بعد المشكلة في الجمهور :ranting: |
الحضور الجماهيري والدعوات الي تشوفها ما لها الا دور واحد وهو دعم النادي مادياً واترك عنك الشعارات الي تربط الفوز بالجمهور |
| الوقت المعتمد في المنتدى بتوقيت جرينتش +3.
الوقت الان » 04:27 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd