== قصة مستشفى عرقه المهجور بالرياض ,, ولماذا هجر ؟ حقائق مدعمهـ بالصور رعب × رعب == - نادي الهلال السعودي - شبكة الزعيم

لاعب الزلفي الواعد · #1 28/02/2011, 09:59 PM

السلام عليكم ورحمة الله وبركاتهـ

يقووووووووووووووووول
السالفه يا اخوان ابتدت يوم كنا نحوس وندوس انا واخوياي في شوارع الرياض الجميله <<<ايه من جنبها

طبعا مهنا مكان نروح له
المهم احنا خمسه بذاك الوقت قلت لـ اخوياي : ترانا طفشنا من الدوجان نبي شي جديد
نقز خويي علي قالي : سمعت ان فيه مستشفى في عرقه مهجور ويقولون العيال ان مهجور من حرب الخليج جوه اخواننا الكويتيين وجلسو فيه وبعدها معد احد دخله
ويقولون فيه جن انا بس سمعت جن قلت له جايينه جايينه

عاد تعرفون مافي احد منا مايحب الجن ومايخاف منهم <<< كيف تجي ذي

مالكم بالطويله قلنا طيب تدله قال اييه قلنا خلاص تمام بكره نبي نروح له العصريه قالو الشباب تم

المهم على كلامنا تجمعنا العصريه ورحنا له
المستشفى كبير وفيه سكن اكبر منه مافيه ومهجور

من برى وقصم انه اطلق من مستشفى الشميسي

المهم قعدنا نحوس عليه من برى طبعا بالسياره مالقينا مدخل له
المهم قررنا ان احنا ننقز فوق السور طبعاً السور شوي عالي ومافيه صعوبه
لبقت السياره ونزلنا العيال في البدايه مسوين احنا الـ محنب خايفين من احد لكن من دخلنا ضاعت علومهم

المهم نقزنا وضبطنا امورنا جينا لـ باب مكسور نصه دخلنا معه
والمكان من داخل مغبببببر عليه اكوام تراب

المهم دخلنا والله بدا الظلام يجي طبعا مو الوقت لا المكان مظلم وموحش

دخلنا وكل واحد فاتح جواله وينور به طريقه
المهم قعدنا نحوس ونفرفر يمنتن ويسره طبعا هالحتسي كله بالدور الاول
المهم دخلنا الكافيتيريا وكان فيه درايش ومنور المكان

المصيبه اننا لقينا جريده الرياضيه محطوطه على وحده من من الطاولات ومفتوحه قرينا التاريخ لقيناه مايتعدى الثلاث اشهر

المهم سمعنا صوت قوووي مرررره في الدور الثاني العيال خاافو وكل واحد صفقته ام الركب

وماااتشوفون الا نعال تتطاير في السماء من النحشه

المهم طلعنا واحنا نشاهق من الخوف
ويوم طلعنا قابنا سيكورتي قال لنا : وش جابكم هنا بهالوقت .؟؟

قلنا لا والله بس واحد من العيال يقول ان هنا جن وحبينا نشوف قال اهاا
روحو ولعد اشوفكم هنا مرتن ثانيه قلنا ايه طيب <<< سلكنا له طبعا

بس الي لاحظنا عليه اننا نذب ذبات نبي نلطف الجو هو مايضحك ولا يغير نظراته

المهم طلعنا وتونا جايين بنركب السياره جت ورانا كامري شرطه سريه قال كل واحد اثباته عطيناه اثباتاتنا
قال وش جايبكم قدام هالمستشفى قلنا له الي قلناه للسيكورتي
قلنا له بس السيكورتي واحنا داخلين ما قال لنا شي
قال اي سيكورتي .؟
قلنا السيكورتي الي هنا
قال والله مافيه سيكورتي هنا من 9 سنين
احنا وجيهنا صارت كذا

قلنا اهااا
وركبنا السياره ومشينا
قلت لهم داخله داخله الله لايعوق بشر بس مهوب معكم يا الزلايب <<< طالعن منها الاخو
الا ان كان بتجون معي قالو تمام بس نبي نصير مجموعه مو تسذا ملحطين
77777
التكمله ان شاء الله الرد الجاي << لاتقولون روايه وما روايه بس تعبت من الكتابه وان شاء الله بخلي خويي يرسل لي الصور واسدحها لكم فيذا

التكمله !!

777777

المهم جينا مره ثانيه وكان عددنا حول الـ 18 شخص <<<<< جمعنا كل الي نعرفهم
معنا كشافات من هنا لليل
المهم وصلنا للمستشفى الساعه 2 ونص الليل <<< يقالك بنخربها

رحنا للموقع نفسه الي كنا فيه امس لقينا البوابه الي كانت مسكره صارت مفتوحه قلنا زين محنب ناقزين ولا شي ج< هذا الي هامكم يا مال الي منيب قايل

ورحنا للباب نفسه لقينا الباب كله مكسور امس كان نصه لا الحين كله مكسور
وقايلين العيال ان الدور الارضي والاول مافيه شي يخوف يقولون الادوار الي بعدها وثلاجه الموتى هي الي عليها الكلام

المهم واحد من الي جبناهم قد مره داخل المستشفى وشوي يعرف الي فيه
قلنا له وين ثلاجه الموتى
بقول لكم الوصف اول ما تدخل تمشي سيده بعدها تروح يسار تسيد شوي تروح يمين تجيك الثلاجه بـ وجهك <<< ومن قالك انهم بيدخلونه

المهم ماعلينا

رحنا لـ ثلاجه الموتى
ووالله على ما اقوله شهيد فيه دريشه على الباب طليت انا وواحد من اخوياي لقينا منور شوي وفيه ظل على الجدار ناس يمشوون كثيرييين وربي كثيرين

انا وخويي ماصفقتنا ام الركب الا صفقتنا ام النخاع الشوكي

المهم قلت للعيال قالو خلاص بنروح وبنشوف وش شفتو
راحو وشافو ومالقو شي بس نور ابيض المهم قالو الله يقلعكم هبلوتنا واخر شي مافيه احد

قالو خلاص بنرقى للدور الي بعده قلنا لا محنب جايين بنجلس هنا قالو طيب بكيفكم

قلنا هااااه لا خلاص بنجي بنجي ماينمزح معكم انتو

قالو خلاص طيب امشو ولا يكثر وجلست اتحلطم

<<< يقالك معصب

<<< يا حبني لي اذا عصبت

المهم رقينا للدور الي بعده ومالقينا فيه شي يجذب او يخوف
ورقينا الدور الثالث قالو الشباب احس ان شكلنا غلط خلنا نروح نرقى للدور الي بعده واذا لقينا شي شيات عطنياكم رنه <<< على طريقه الافلام يقالك

قلنا اوكي المهم فتشنا كل شي ما لقينا شي المهم رحنا للدور الرابع والخامس والسادس كلها مافيها نور ومافيه شي
المهم وصلنا للدور السابع لقينا الباب حقه مقفول بس واضح ان لو تهف الباب طاح

المهم وجينا بنوخره طاح وانكسر ووالله الدور منوور كللله شي غرررريب وفيه اثار رجول كأنها من شوي ماااره المهم رحنا ودخلنا غرفه العمليات وورب الي خلقكم اننا لقينا شاهي يطلع منه بخااار يعني توهم مسوينه

احنا طارت عيوننا

جلسنا ننادي يمكن يصير فيه احد ولاش

قلنا يمكن نصير متوهمين درنا في هالدور كله المهم ثنين من اخويانا قالو والله انكم موسوسين احنا بنرقى الدور الي بعده وانتو دورو يا سبايك

المهم هم رقو واحنا قاعدين ندور
ما وعينا الا نسمع صراااخ اخويانا الثنين

وركضنا للدرج بنشوف وش فيهم شطفونا داااعسييين نازلين لـ تحت والله وكلنا نلحقهم وواحد من العيال يقراء ايه الكرسي

قعدنا نلحقهم طولنا واحنا نركض وراهم الييين طلعنا
واحنا موب تعبانيين الا متقطعين من التعب المهم وقفناهم قلنا وش فيكم يا مال الوجع خرعتونا

واحد منهم طاقته ام الركب وساكت ما يتكلم رحنا للثاني قلنا وش فيك يالله بل يالله تكلم

المهم قال والله وبالله واقسم بالله اني صادق على كل كلمه اقولها قلنا عارفين بس قل
قال واحنا تونا داخلين الدور الثامن كان مظلم المهم وتعمقنا شوي بالدور فجاه دخلنا غرفه فيها ثلاثه ماشفنا الاظلال او لابسين شين اسود بس والله مافهمنا عليه من كلامه قاعد يتأتئ <<<< حاولو تقرونها
المهم يقول ركضو وسحبو يد خويي الي الحين ما يتكلم انا مسكت به وبعد جهد جهيد فكيته منهم ووصلنا للدرج وقمنا نصارخ وعاد بعدها شفتونا
المهم قالو واحد من العيال يمكن انهم حراميه ولا شي ويوم شافوهم قمطو قلنا خلاص نجي كلنا ونشوف قالو الثنين والله مانروح لو على قص رقبتنا
وثلاثه بعد قالو كذا وركبو السياره
احنا رقينا للدور الثامن وتونا واصلين له الا والله العظيم تطلعنا ثلاثه قطاوه سوووود وتشطفنا رايحتن للسطح واحنا والله جلسنا يمكن ربع دقيقه طاقتنا ام الركب فيها
بعدها ما تشوف الا قوه ركض صرنا ما شاء الله غزلان المهم طلعنا وشفنا الدور الثامن يولع ويطفي قلنا لا ما بدهاش ارفع ثوبك يا ولد <<< تسذب كان لابس جينز وتيشيرت

ونفرك ذيك الفركه الي مابعدها
ولاعد عتبنا عليه مره ثانيه
بس الشي الغريب ان فيه اجهزه جدييييييييييييييده مررره بكراتينها
وبعد ماسويت بحث يقولون انه انه مبني من عام 1400 في عهد الملك خالد الله يرحمه
وصدق خويي انهم جو فيه الكويتيين ومن بعدها انهجر المستشفى
بس والله شي يقهر اجهزه من اعلى المستويات << متعوب عليها
واشياء من جد سابقه عصرها
وان شاء الله الصور تثبت كلامي

والصور ان شاء الله بكره

ووالله ياشباب ويا صبايا ان مازدت ولا نقصت ولا حرف ناقلها لكم نصاً
والله على ما اقوله شهيد

والي مو مصدق يروح يدخله ويشوف

غرفة الحاسب الآلي حقهم

شوفوا ضخامة الاجهزهـ وتذكروا انها من عام 1400

منقووووووووول

A L 7 Z N · #2 28/02/2011, 10:24 PM

بسم الله الرحمن الرحيم
والله ودي اروح له < افلقني
يعطيك العافيه عالموضوع حمستني صراحه
شكلي باخذ لي مجموعة واروح

Dr.mjno0on · #3 28/02/2011, 11:08 PM

بالله تاخذوني معكم المرة الجاية
...
ههههههههههه امزح امزح بس والله اهنيكم على قوة قلوبكم
...
اجل شاهي يطلع منه بخار ولا لو هو انا ما انام سنتين قدااام يعطيك الف الفا عااااافيه
...
افضل موضوع قرئته في المجلس العااااام اهنيك يابطل

الكونكورد شيفا · #4 01/03/2011, 05:53 AM

يعطيك العافية وقد قريت هالقصة من سنة وشوي يمكن وكانت موجوده هنا بالشبكة

بالنسبة للمستشفى إذا جاء معي 50 نفر دخلته إن شاء الله استكشف خخخخخ

يعطيك العافية على النقل

رايــــق · #5 01/03/2011, 11:06 AM

والله لو تعطيني وزن الاعضاء كلهم ذهب مادخلته بعز الظهر
ابك السالفه فيها جن انت وين انت رايح

قطاو سود بعد ياقو قلبك لا وداخل غرفة الموتى بعد
اقول انت صاحي والا عقلك فيه شي

يالله لايطلع لي شي من موضوعك بعد
لاهنت

الشلهوب -10- · #6 01/03/2011, 11:28 AM

بسم الله الرحمن الرحيم
والله ودي اروح له < افلقني
يعطيك العافيه عالموضوع حمستني صراحه
شكلي باخذ لي مجموعة واروح

™® عــذب الســـجايا ®™ · #7 01/03/2011, 12:00 PM

ياكثر المواضيع عن هذا المستشفى المهجور
الظاهر بديت افكر ازوره هههه

كل مكان مهجور لايخلو من وجود الجن >>> كفانا الله واياكم الشر

سما هواها هلالي · #8 01/03/2011, 12:15 PM

ياامي والله شئ يخوف من جد الحمدلله اللي الله سلمكم
بس س - ايش قصد لما تقول انو لما قربت من الطاقة شوفت ناس كثير تمشي وشفت ماادري ظل واحد <<< مأثره عليا القصة

داق لطمة · #9 01/03/2011, 12:57 PM

،،

بس الصراحه انصدمت من الاجهزة الموجوده فيه يعني صرااحه الاجهزة متطوورة وساابقه عصرها

،،

يعطيك العافية

ولدالسلطانيه · #10 01/03/2011, 01:09 PM

والله اني ارتجفت وانا اقرأ وياك

حسيت اني وياكم يوم تنزلون من الدرج

والقصة حلوة ومن احسن الى احسن ان شاءالله

لاعب الزلفي الواعد · #11 01/03/2011, 02:33 PM

انا ساكن في ولآية زلفونيا
في صف اول متوسط
اخوي بثالث جامعهـ
المهم مرهـ رحنا لم الرياض مع اهلي
طلعنا مع ولد خالتي الله يحفظهـ
وهو يعرف الرياض من الشرق للغرب
واخوي قال عبدالرحمن تدل مستشفى في حي عرقهـ
والله قلبي ياقف رآآآآحت علوم الرجوله
لالا والله ما تروحون له الخوف
بس والله ما اكذب عليكم فيه سالفهـ مشهورهـ بحارتنا
مره واحد الحين في صف 4
اول يوم كان بالروضه لاصق في بيتهم بيت مهجور يمكن لهـ 14 - 16 سنه
والله لآقي قدام الباب 500 ريال

والله على وا اقوله شهيد
عطاها اخوه الكبير ذا يوم كان بزر يحسبها 10 ريال
واخوه سئل كل الحاره مع اهله محد ضاع منه شي

انا هلالي دوم · #12 01/03/2011, 05:38 PM

هههههههههههههههههههههههه

يالخوافين >> يقالي نتب خايف ض1

Juventini · #13 01/03/2011, 06:39 PM

يعطيك العافية

صدق انكم خوافيين

^
مسوي طالع منها

¥ňơơỖỖό๏ · #14 01/03/2011, 09:38 PM

شباب من يخاويني؟؟؟؟؟؟؟؟؟؟؟؟؟؟

لاعب الزلفي الواعد · #15 03/03/2011, 06:45 PM

^^^^
مسوي هههههه
ترا هذا مستشفى عرقه

لا تحسبه الحوش المهجور الي بجمب بيتكم
30 سنه والانوار تشتغل ولا طفت انت و وجهك
لا تبي نخاويك بعد
استهبل معك لا تزعل بس انصحك لا ترووح له
المهم ترا يجي 3 او 5 ايام ما دخلت يعني عادي