████████████ لا تعليق █████████████ - صفحة رقم 2 - نادي الهلال السعودي - شبكة الزعيم

شمــ الهلال ــوخ · #16 27/02/2011, 04:51 AM

إقتباس

الرسالة الأصلية كتبت بواسطة زعيـــم الملاعب


	مشكلة والله اذا تبي فريق 24 ساعه فايز موب مكاين هم تراهم اوادم يتعبون ويجيهم ارهاق وقلق مثلك مثلهم بعدين وش دعوة الى الان تمنون عليهم بحضوركم لمباراة ذوب آهان ؟؟ خلاص شي صار وانتهى مدري ليش مصرين بعض الجماهير يقلبون صفحات الماضي عادي يا اخوي لا تحضر اذا ماودك محد بيطقك بعصا

تعجبني يآ شديد

..

من جد فيه نآس يحبون ينبشون في المآضي ! هآلشي صآر وأنتهى ـآ وإحنآ في هلآل اليوم مو أمس !
وإذآ مآ تبي تحضر فيه أهل الريآض كلهم بيحضرون

..

نزيه المشاعر · #17 27/02/2011, 05:00 AM

ان شاء الله راح يحضرون الجمهور يوم الثلاثاء

وانا باذن الله راح اكون موجود بالملعب

Carizma · #18 27/02/2011, 05:01 AM

إقتباس

الرسالة الأصلية كتبت بواسطة هــمــام


	ما راح أحضرإلا نصف النهائي .. إذا وصلناه بإذن الله أما غيره ما راح أتعب نفسي على لاعبين ما يحسون ولا يستاهلون من يتعب عشانهم .. حضرنا قدام ذوب آهن وتعبنا و 70,000 يساندون ونتفاجأ بمهزلة من اشباح الهلال ..

مآنت مجبور تجي ولا مجبور تشجع الهلال ،
نادي الهلال قدم ولازآآل يقدم لمحبيـــه الشي الكثثثيير الكثير

،
عيب تتمنن بحضورك
المشجع الهلالي الوفـي مايقول كذا يا زعيـم ،،

كوونو على الموعــد يآجمهور الوفـآإء ،،،
وكلنـا ثقـه بجماهير الزعيــم الوفيــه ،
بالتوفيق لـ الهلال بالاسيويــه

إبراهيم عقدي · #19 27/02/2011, 05:35 AM

جمهور الزعيم راح يحضر للملعب من غير ما تتوجهه

انفاس هلاليه · #20 27/02/2011, 05:47 AM

اتمنى نشوووف حضووور يلييق بالزعييييم

والله المبااراة صعبة خاصة في ظل النقص

لازم نعي الاعبيين دفعة معنوية بحضورنااا

ارجوكم لا تخيبووون ظني

sosoalkhaldi · #21 27/02/2011, 05:50 AM

ان ششآء الله يحضرون على اني ماتوقع كالعاده

جمهور الريآض هالمواسسم مش ولا بد

naif971 · #22 27/02/2011, 05:52 AM

انا من القصيم رايح للرياض لعيون الزعيم
نايف الهلالي
ينادي كل من يحب الزعيم
ليس الحب لاجل الفوز فقط
حلاة الزعيم بكل اوقاته وكل مراحلة
واتحدى اي هلالي يكره الهلال بعد الهزيمة
الا ما يزيده حب وعشق لهذا الكيان الازرق العظيم
هلمو يا شعب الهلال للدرة كي نغطيها
مشجع يماني يعشق الزعيم

wem11 · #23 27/02/2011, 05:52 AM

جمهور الهلال مرااااح يترك فريقه الزوووووووووووم نوقف معه ونسانده

هــمــام · #24 27/02/2011, 06:01 AM

إقتباس

الرسالة الأصلية كتبت بواسطة زعيـــم الملاعب


	مشكلة والله اذا تبي فريق 24 ساعه فايز موب مكاين هم تراهم اوادم يتعبون ويجيهم ارهاق وقلق مثلك مثلهم بعدين وش دعوة الى الان تمنون عليهم بحضوركم لمباراة ذوب آهان ؟؟ خلاص شي صار وانتهى مدري ليش مصرين بعض الجماهير يقلبون صفحات الماضي عادي يا اخوي لا تحضر اذا ماودك محد بيطقك بعصا

يا أخي ترى والله نفهم كورة .. لو الفريق أدى زي العالم و شفنا تفان وحماس في أرض الملعب عذرناهم وقلنا هذا اللي كتب الله .. أما استهتار و عدم احترام للجمهور الحاضر .. وتدافع عنهم !!

والدليل تخليصة هوساوي اللي جا منها الهدف .. و طرد لي يونق !! هذا أكبر دليل إنهم ما يحترمون أحد

الفريق ذاك اليوم يغبن .. لا أداء ولا حماس .. مجرد أشباح تركض .. ما منينا بالحضور .. لكن مافي دافع للحضور

وأنا أدري انه عادي ما احضر .. لكن هذا رأيي .. مثل ما انا احترمت رأيك احترم رأيي

أنا ما قلت لا أحد يحضر .. أنا قلت انا ما راح أحضر .. ولذلك ما اشوف في داعي تعقب على كلامي

mimowas · #25 27/02/2011, 07:53 AM

أنا من الناس اللي ما يأملون في جمهور الرياض شي ,, جمهور ما يجيك الملعب الا بالنادر ولو جاك للملعب ما تدري أن الملعب فل،!
أتمنى من الإداره الهلالية الواعية إنها تستغل مكانة بعض اللاعبين أمثال رادوي والقحطاني وولهامسون ، وتوجه عن طريقهم دعوة مؤازرة وحضور لتشجيع الفريق في الملعب.

وينك يالزعيم · #26 27/02/2011, 08:00 AM

.

إن شششآء الله نكون في الملعب من العصر

وملآحظتك لـ موبايلي مره مميزه وبالصميم - لآهنت آخوي

مجروح الهلال · #27 27/02/2011, 08:37 AM

إقتباس

الرسالة الأصلية كتبت بواسطة وينك يالزعيم


	. إن شششآء الله نكون في الملعب من العصر وملآحظتك لـ موبايلي مره مميزه وبالصميم - لآهنت آخوي

أن شالله حضور يرفع الراس
وأبد نبي اربعين ألف تكفي
وبالنسبه للملاحظه
والله من حرة مافيني
انا مشترك من أيام جوال الهلال قديـم
واشتركت بموبايلي الهلال .. مافيه رسايل تشجيعيه
ولا فيه أي حمــاس
كل رسائلهم قبل المباراة بشوي ولا رسايل طويله ممله تتكلم عن اللاعبين ورأيهم في المباراة
حنا نبي رسايل قبلها بيومين ثلاثه تذكرنا ان مباراه الهلال يوم كذا
ويرسلون لنا ياجمهور الهلال بيضوا وجيهنا
ورسائل تكون مختصره ومفيــده وحماسية لكن السرد والكلام الطويل والله مايجيب نتيجه

أيضــا أتمنى من المنتدى وبحكم انك باللجنــه الأعلاميـــه
قبل كل مباراة قويــه خاصه اننا مقبلين على مباريات قويــه
يتم تسجيل مقابلة مع لاعب او لاعبيـن من أعمــده الفريق يوجهون رســاله مباشره للجمهور
عبر المنتدى للحضور للملعب وتكون حافـز لهم ..

لك ان تتخيل ان رادوي مثلا يطلع بتسجيل
ويوجه رساله بتصوير يكون بسيط جـدا ويدعو الجماهير للحضور
والله العظيــم ان اللي ماراح يحضر ان يحضر .
لكن الله المستعان

ادوآآرد · #28 27/02/2011, 08:57 AM

جماهير الهلال ما عمره قصرت
ولاهي بتقصر انشالله
والملاعب تشهد
.................................

شمـ8ـوخ · #29 27/02/2011, 09:56 AM

الله يوفق الزعيم وبأذن الله جمهوور الهلآل رآح يكوون متوآجد للقيآدة الفريق للألتقآط أأول وأهم 3 نقآط من المستعصية
بسم الله ع جمهور الهلآل وجهه مششرفة في كل مكآن

ششف هـ المقطع ورآح تفهم علي
YouTube - ‫برنامج المجلس و جمهور الهلال السعودي‬‎

dr 20 · #30 27/02/2011, 10:14 AM

والله خذها مني اقولها لك وانا على يقين
مباراه يوم الثلاثاء اتحدا اتحدا اذا حضر اكثر من 10 الاف
لان جمهور الرياض للاسف جمهور مادري وش اقول عليه
الا انه مو كفووو نادي زي الهلال يكون عنده بالرياض
طبعا مو الكل بس الاغلبيه