دمت تخلفاً ايها الشعب السعودي الكبير ..! - نادي الهلال السعودي - شبكة الزعيم

هلالي معالي · #1 25/02/2011, 12:49 AM

السلام عليكم

عآرف عنوان الموضوع درآمي بزيآده

اخباركم شلونكم يا مجلسآويه < قديم هالمصطلح صح ؟

بصرآحه اليوم طلعت و يآ ليتني ما طلعت اقسم بالله يآن شعبنا رآيح وطي قسم بالله

المنآظر بالشآرع الآن تعتبر احتفالات ؟

مغير ترزز و شوفوني انا سعودي و احب الملك و مدري ايش و ان فتح له الشارع سنننه بسيطه كرف ام البنزين يستعرض

على ايييش يآ حسره ؟

طيب انا الحين جآني ظرف طآرئ و لازم مستشفى اطلع مع طريق العروبه يبيلي كم اوصل للحمآدي؟

اطلع مع طريق الملك عبدالله يبيلي كم اوصل لمركز شعآع طبي؟

و كل الطرق ثآنيه نفس الحآله و بعدين يعني

شعب فآهم ام الاحتفالات غلط شعب فآهم كل شي غلط قسم بالله

طلعتو صكيتو الطرق بس ترآكم مهنا احتفالات

اجل اشغل اغاني اجنبيه كلها سب و رآفع علم السعوديه

امس وديت الوالده الله يحفظها الى مركز شعاع الي بطريق الملك عبدالله بحي الورود

العآده مع الحفريات و الزحمه الي فيه من يومه ما يآخذ نص ساعه امس اخذ معي ساعه و زود و اشتدت الحآله عند الوالده نزلت كملت رجليه من "الاحتفالات" الي صآيره

و الوراعين معهم كاميرات و يمشون حسسوني انهم ايش يا شيخ قسم بالله ولا حقين التغطيات الي مع MBC

و اذا وقف في اشاره طلع لك يرقص و رآبط علم السعوديه على خصره و متلثم بشمآغ

اي نوع من التخلف او اي درجه من التخلف وصلنا حنا ؟

قسم بالله شعب غبي تبون تمشون قدآم و معشقين ريوس

والله عينات في هالشعب قسم بالله ممدري وش اقول

تبي تحتفل احتفل يخوي محد منعك بس موب بالطريقه هذي هذا موب احتفال

هذا من موقفي انا اشوفه عذر للسمآح للشخص بالتصرف كـ " متخلف " دون محآسبته

الكلآم موجهه للي يقآلهم احتفلوا برجوع الملك عبدالله

موضوع طآلع فضآوه و قهر و التعليق لكم احبتي

(FLAH) · #2 25/02/2011, 01:06 AM

الله يعين بس

اذا فاز المنتخب اذا خسر المنتخب في اي مناسبه تحصل نفس هـ الامور

تحسهم ما يصدقون يسمعون خبر علشان يطلعون يفحطون ويرقصون

ما راح يتغير هـ الشي خلاص صارت ثقافـه عندنا

يعجبني غرورك · #3 25/02/2011, 01:21 AM

مايصدقون ان فيه اجازه ولابعد يوم واحد ..

بطل · #4 25/02/2011, 01:40 AM

هؤلاء يفسدون فرحة الشعب بعودة الملك
ثم الشكر لك يا بو معالي على تطرقك للموضوع ،

ام الجميع · #5 25/02/2011, 01:51 AM

الله اكبر من قال قصدهم هذي المناسبة

والله ياعيالي يبون الهصية وسعة الصدر

اللهم اصلح شباب الاسلام

وينك يالزعيم · #6 25/02/2011, 02:12 AM

.

شسمه من جد صآرت آحسب الف حسآب قبل لأطلع من البيت

زحمة , ومسيرآت على غير سنع , مفروض يكون فيه تنسيق مع امانه
منطقة الرياض ويجمعونهم بمكآن وآحد , أو عروض ولأ اي شيئ يشغلونهم به

..

آمـس على طآري الإحتفالات مريت من شارع إلآ شباب يرقصون ووآحد حاط
شعآر النصر

قصم قمت اضحك الين وصلت البيت

هـــ الشماسيةـــلالي · #7 25/02/2011, 02:17 AM

سلامي واحترامي لكـ ياصديقي , أنعم والله بكـ وبخدمتكـ لوالدتكـ أطال الله بقاءها
وأسعدكـ ببرها , ومتعها بالصحة والعافية ,

أولئك المحتفلون هم عرابجة مفحطون مفحطون بفوز فريق أو بنزول مطر أو بنهاية اختبار أو بيوم عيد أو ... أو .. .
فلا حرمة لطريق ولا قداسة لمصلى ولا توقير لكبير ولا مراعاة لمشاعر أيًّا كان ,
ومع هذا غاب العقاب وحللت عليهم مناسبة يُغض الطرف ويباح فيها ( مظاهر الفرح ) فحينها لا تسأل ولا تنتظر الاستعفاف ولا الاستقلال فبلاؤهم مستطير وإزعاجهم عامٌّ مستديم ,,
وأمنيتي أن يتم توفير ميدان ليمارسوا هواياتهم ويفرغوا طاقاتهم , يتم توفير وسائل السلامة لهم وأماكن للمتفرجين , ويكون بعيدًا عن الأحياء والطرقات الحية .

0000

the 9 wolf · #8 25/02/2011, 02:28 AM

والله جبتها يا أخوي

من جد فاهمين الاحتفالات غلط !!

ياخي ماأحد مسكك احتفل بس بدون ايذاء للعالم بدون تقفيل طرق

مثل ماقلت وتفضلت انت وصار لك موقف طاريء فيه ناس مثل حالتك

وهالناس الي تحتفل ماتقدر هالظروف والله يرقص ويقفل الشارع ولايهمه

الواحد اذا جاءت مناسبات واحتفالات وطنية والله يفضل الجلوس بالبيت

على انه يطلع ويشوف هالمناظر والتخلف الي يصير !!

x iTz II KRoOoM · #9 25/02/2011, 12:57 PM

اووه ما نقدر ما نقرا الموضوع وابو معالي الي كاتبه

والله يا ابو معالي لا وطنيه ولا هم يحزنون ،، شعب ينتظر اي مناسبه عشان يروح يزعج الناس فيها

ما نقول لا تفرحون بس على الاقل افرحوا بدون ازعاج وقلة حياء

امس طالع اجيب لاهلي عشاء ،، المطعم يبعد عندي ولا 7 كيلو ،، مع الزحمه خذا فوق الساعة !!

والله لا حريمنا ولا عيالنا كلهم يبيلهم ضبط !

ياخي معاد الواحد يبي يسمع خبر زين عن ديرته في الايام هذي ،، اليوم الوطني ونشوف الدشره الي فيه وتعافي ابو متعب الله يحفظه نشوف هالازعاجات والاعياد مافيه الا قوة ترزز وناظروني ومن هالقبيل !!

المفروض يخصصون اماكن يحتفلون فيها الناس بدال هالزحمات والقرف الي حنى عايشينه .

امس على ثلاثين العليا فيه اجنبي من الشام صاك ام المسجل على كاظم الساهر وفاتح الدرايش !! بتقنعني ان كل هذا عشان الملك ؟؟!!

**الـــــــــواوا** · #10 25/02/2011, 02:52 PM

قلة حيــاء ومصصصخره... كل مناسبه
تمر على المملكه وإحنا نعاني من هالظاهره ... وين أمن المهمات

كان بالامكان تقفيل مداخل ومخارج الشوارع ايــآآآهــا.

محبة الرحمن · #11 25/02/2011, 03:15 PM

أإهلآ وسهلآ بك أإخي الفآضل ..

الله يخلي لك أإمك .. ويرزقك الجنة ..
أإخي أإعذرني .. ليش التعميم ..؟
أإنا أإوفقك .. أإن هالاحتفآلآت مزعجة ..
وتخلف .. وفيهآ سوء أإستخدم اوقآت الفرآغ ..
وأإخلفك بالتعميم .. ليس كل الشعب متخلف ..!

يعطيك العآإفية .. شكرا لك ..
الله يحفظ الوالده ويخليهآ لك .. ويشفيهآ ..

دمت في حفظ الرحممن

#12 25/02/2011, 03:24 PM

الله يعين بس .. اجل كل ذآ حب للملك .. اشك في ذلك !!

STS2005 · #13 25/02/2011, 05:25 PM

وانت مصدق ان كل هالهياط والاستعراض في الشوارع حب في الملك ؟ شباب وبنات يبون يستهبلون بأي طريقة ويدورون اي فرصه عشان الرقص والاستعراض .

شعب يبي يرقص وبس وعنده كبت في صبغ الوجه بالاخضر وتلوين السيارات وكل واحد يبي يطلع عقدته في الشارع . ولو تسأل اي واحد فيهم وش مكتوب في العلم اللي هم شايلينه بيقولون ما ندري ؟

والمصيبة نصف اللي في الشوارع يدوجون عاطلين عن العمل وخريجات جامعه ما توظفوا و يبيون الدنيا تتغير كيف تتغير وانتم ما تعرفون حتى تعبرون عن انفسكم مثل الناس .