|
هنا المقارنة الحقيقة بين جماهير الأندية السعودية !! السلام عليكم ورحمة الله وبركاته .. صباحكم مسائكم زعامه .. :ba1: أول شي هاردلك المستوى السيء أمس وإن شاء الله تكون خطه من كالديرون عشان مدرب سابهان s121s:s2: إختصاراً وبدخل بالموضوع على طول وين بتكون المقارنة بين جماهير الأندية ؟ أنا أقول لكم !! بآسيا .. مباريات آسيا بتكون المقارنة الحقيقة .. إبتداء من أول يوم " الثلاثاء " جمهور الزعيم نبيكم تملون الملعب .. نبي الملعب يصير فل لدرجة مافيه ولا مكان فاضي!! أهل الرياض بنشوف جماهريتكم هالمره أتركوا عنكم المقاهي والله أزعجتونا نبيكم تحضرون !! أهل القصيم والمجمعة والخرج مايحتاج أوصي تعالوا هذي أول مباراة لاعبيننا يحتاجون دعم يحتاجون تشجيع ومؤازرة !! :yes: أهل الشرقية والغربية أعرف صعبه شوي بس عشان الزعيم كل شي يهون:cry: أهل الشمال والجنوب العشم فيكم لاتنسوون :wub: الي يقدر يغيب الإربعاء يغيب عشان الزعيم :alzaeem: يعني تمشون بدري الثلاثاء وإن شاء الله توصلون ع المغرب .. وممكن تغيبون الإربعاء ، يعني الإربعاء عادةً تكون المواد خفيفة وسهلة ومافيه ضرر تغيبون!!! شفتوا جمهور الأحساء الي أمس ؟ ماشاء الله عليكم نقدر نشوفكم بمباراة الثلاثاء ؟:s5s: نبي حضور ثلاثة أضعاف مباراة آسيا الأخيرة :d أتمنى هالموضوع يكون داعم لكم :ranting: نبيكم تحضرون وتشجعون بكل ما أوتيتم من قوه حتى بزرانكم لاتخلون ولا بزر جيبوا كل بزرانكم :s2: < - أهم نقطة هه :s2: ياجمهور نادي القرن العظيم ! الدره بإنتظاركم يوم الثلاثاء لمساندة الزعيم ! http://up.2sw2r.com/upfiles/PqK05123.gif نبي حضور مشرف نبي أكثر من 60 ألف :ranting: !!!! أتركوا عنكم المقاهي روحوا شجعوا زعيمكم :mad: لو سمحتوا لاتخيبون آمالنا وآمال اللاعبين .. يبون تشجيع !!!! * أستغرب مافيه مواضيع حملات لحضور المباراة مع إنها أول مباراة من مباريات آسيا !! نبي نوري سابهان جمهور الزعيم شلون يهز الأرض هز !! نبي نوريه جمهور نصف الأرض !!! نقطه حبيت أوضحها ترى هذي آسيا زي أي كأس يعني لاتتحمسون بزيادة أستغرب من الي بأخر مباراة مع ذوب آصفهان شلون حلف إنه مايحضر مباراة للهلال وهالكلام !! الحمدلله هلالنا كل سنه يفرحنا ببطوله وغيرنا يروح ويجي مايجيب بطولة !! وبعدين حنا 6 مرات أخذنا آسيا وبإذن الله بناخذها هالمره أهم شي روقوا ولاتتوترون بزيادة عشان اللاعبين مايتوترون!! لاتعطونها أكبر من حجمها!!! خليكم ريلاكس :) وبالتوفيق للزعيم وبإنتظار حضوركم ومساندتكم :cry::ba: |
شكرررررررررا على الرفع .. وينكم :( ؟ |
الله عليك يا كابتشينو ....وهذي حبة خشم .... اخوي والله اتمنى ان يحطون هالنقطه في بالهم جمهور الهلال اتمنى من الكل الحظور وعدم الأتكال ... انا من حائل. ...بأّن الله ظهر يوم الثلاثاء راح احرك من حائل وللدره ... بس اتمنى من اهل الرياض الي كل مباراة يخيب آآمالنا .... هالمره نتمنى حظوره ....وعدم الأتكاليه ,... واهل الشرقيه ... وصدقت والله كلامك واقعي احنا اصلاً ما نحظر علشان الكأس الأآسيوي وانما نحظر لكي نري القاره الآسيويه من هو الهلال .... ولو جت على البطوله كل سنه الحمد لله ناخذ بطوله وآسيا اخذناها 6مرات ... اتمنى من جمهور الرياض الحظور وجمهور القصيم وغيرهم من المدن .... وافــــــــــــــــــــــــــــــــــــــــــــــــــــــــــــي |
لاو الله الدرااسة اهم ومو شرط الواحد يغيب عن المدرسة او الدوام عشان يحضر الممباارة يمدي الواحد يحضر ويرجع البيت ويتعشى ويناام بعد لاتجيب طااري الغياب يابعدي وبالنسبة لي اذا امتلت الواجهة خير وبركة خصوصا انها اول مباراة ويوم ثلاثاء يعطيك العافيه وهذي وجهة نظري وان شاءالله الجمهور مايقصر |
إن شاء الله بأحضر انا بعد والله يوفق زعيمنا اللهم آمين , يعطيك العافيه اخوي |
نبي نسوي حمله ثاني زي حملت ذوب اهن نبيها فل طوال البطوله الاسويه |
مشكورين ع الردود .. سلطان الزعيم فيه ناس عادي عندهم يغيبون يعني أنا ماقلت غصب غيبوا بس الي ماتفرق عنده فهد إيه والله نبي حملات أنسوا مباراتنا الأخيرة بآسيا لاتفكرون بالماضي وأتراحه كي لاتكدرون صفو المستقبل > ياشيخ ههه |
الحضور الحضووووووووووووووووووور ياجمهور الزعيم تكفون ما نبي نخيب امل الهلاليين (الاداره والاعبين)فينا نبي نهز الملعب هزززززززززززززززززززز احنا زعيم نصف الارض يارجالات الزعيم وبالتوفيق ان شاء الله (سبحان الله وبحمده سبحان الله اعظيم) |
إن شاء الله نكو حاظرين وهالله هالله ياشباب وعقبال آسيا يارب ^^ دعواتكم بسس هذا إللي يبي الزعيم ^^ |
تسلمون .. نبي تشجييييع الحضور الحضور أهم شي .. ياجمهور نادي القرن العظيم .. الدره بإنتظاركم لمساندة الزعيم .. |
كل الشكر لك والله الله باحضور تكفون كلن لازم نحضر |
شششكراً : ) نورت الموضوع وننتظر باقي الزعماء |
وينكم ؟!!!!!!! بإنتظاركم ..... |
الرجال يا زعماااء يحظر الله الله يا هلاليين نبيها فل |
شكككراً نورت الموضوع أخوي وبإنتظار باقي الزعماء |
| الوقت المعتمد في المنتدى بتوقيت جرينتش +3.
الوقت الان » 02:03 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd