|
مهمة جداً: نقاط ضعف يتفق جميع الجماهيرعلى هؤلاء اللاعبون ويجب التدخل الإداري والفني لحلها وتطويرها أولا مبروك الفوز على الفتح والنقاط الثلاثة والصدارة التي لا تليق إلا بالزعيم :smilie47::smilie47::smilie47: نبدأ بموضوعنا s13ss13s:smilie47::alzaeem::smilie47:s13ss13s الحمد لله لدينا لاعبون يعدون من أفضل اللاعبين سواء على مستوى اللاعبين المحليين أو مستوى اللاعبين الأجانب ولكن يعيب بعض اللاعبين ببعض الأخطاء أو نقاط الضعف على الأرجح ولهذا تظهر تلك الأخطاء والتي تَهِد من عزم الفريق لتقديم المزيد من المتعة في أغلب المباريات فنطلب من اللاعبين والإدارة رجاءاً التركيز في نقاط الضعف تلك وتطويرها بالمزيد من التدريب وكثرة التمرين على تحسينها ولا يمنع من تدخل العلاجات النفسية فيها قد يكون اللاعب ليس عنده الثقة بها فلهذا يحتاج في بعض المهارات تدخل العلاج النفسي فيها سواء من طبيب نفسي أو من لاعب خبرة من لاعبين الهلال القدماء الذين يحسنون التعامل النفسي في تطوير اللاعبين فسأذكر هؤلاء اللاعبون والكثير من جماهير الزعيم يتفقون في تلك نقاط الضعف: - ياسر القحطاني : يعيبه التمركز في هجمات الهلال - أسامه هوساوي : الإحتفاظ الزائد بالكورة - حسن العتيبي : سوء الخروج في الكرات العرضية ( أنا كتبت هذا الموضوع مع هدف الفتح والتي جاء منها سوء الخروج للعتيبي مع هذه العرضية وغيرها فيا ليت يعطى التوجيه وكثرة التدريب على العرضيات) - أحمد الفريدي : البرود الزائد مع التأخر في التعامل مع الكورة حين الإنفراد بالكورة أمام الباب - نواف العابد : يعيبه الرفعات أو العرضيات للمهاجمين حتى أن يخيل لنا بأنها شوته وليست عرضية لأن عرضياته قوية فليس لديه التحكم في قياس قوة الشوت فأعتقد بأن قوة العرضية مقاربة لقوة الشوت عند نواف العابد - المرشدي : التمريرات الخاطئة والتسبب بأخطاء خطيرة كأخطاء ضربات الجزاء على الهلال فياليت ينتبه لها اللاعب ولا يتهور مع لاعبين الخصم بالدخول العنيف - نامي : يعيبه التمريرات العرضية الخاطئة والتحكم بحركة جسمه سواء مع الكورة أو حين اللحاق بلاعبين الخصم فتجده لا يستطيع التوقف بطريقة احترافية أو الإنحارف الجيد مع الكورة فلا يجيد إلا الركض على خطوط مستقيمه فياليت يدربونه بعمل مضمار متاهات كثير ويقولون له يالله اجري حتى يستطيع التحكم بحركة جسمه ويجد المرونة حين استلام الكورة والجري بها - ويليهامسون : ضربات الرأس لا يجيدها - عبدالعزيز الدوسري : البرود وليس الزائد كما في الفريدي ولكن لديه بعض من البرود وأيضا أحيانا نرى منه ضعف التمرير للاعبين نداءات: # حاجة الفريق إلى الآن إلى لاعب محترف كمهاجم صريح يكون سريع مهاري صاحب تسديد قوي وضربات رأس فهذه المواصفات ليست صعبة على الإدارة في البحث عنها #اكيد راح نستفيد أكثر بمشاركة أراء جميع الزعماء وطرح جميع أراؤنا على الإدارة الهلالية والجهاز الفني حتى يعجلوا في علاجها وتطويرها حيث أن للفريق الهلالي مشاركات مهمه في المستقبل سواء على الصعيد المحلي أو الخارجي :rose::rose: s13s:alzaeem:s13s |
وين انت تبي تنتقد اي شي !وين الدوسري برود ..! انت نظامك الا بتطلع عيب على اللاعب ! أمرك عجيـب ! |
إقتباس:
> < شكراً اخوي ع المشاركة وان شاء الله تشرفنا في موضوع ثاني تقبل تحيتي لك |
انا ارى ضرورة الاحتفاظ بالكوري لان نامي اخذ فرصه كافيه واثبت انه ( فنيا) غير مناسب للهلال يعني ينفع للحزم او الفيصيلي 00 |
طيب نقول كلامك عن العتيبي بالعرضيات سليم. بس الفريدي برود؟؟الفريدي من وجهة نظري هذي طريقة لعبه وسلوب خاص به. نامي صراحه مامنه رجاء نقطة ضعف واضحه والكل يذكر كيف اخرجه كالديرون مع الاهلي. واستغرب منك تنتقد ولي بضربات الراس وتتجاهل المهاجم وليد الجيزاني؟؟؟؟؟ |
كلامك سليم 100% والله كل اللي قلته موجودددددددد تسلم |
والله على الجرح كل اللي قلته بس الدوسري موب بارد لكن وجهة نظرك أما بنسبة للمهاجم فنحن بحاجته ومواصفاته كالتالي يجيد ضربات الرأس يجيد التمركز الصحيح يجيد اللعب خارج منطقة الجزاء وداخلها ما يرحم قدام المرمى يسجل من أنصاف الفرص والله حرام نفوز على الفتح في أخر الدقايق المفروض 3او 4 من زمان حاسمين المباراة وشكرا لك على تعبك |
وين انت تبي تنتقد اي شي !وين الدوسري برود ..! انت نظامك الا بتطلع عيب على اللاعب ! أمرك عجيـب ! |
إقتباس:
شكرا مره أخرى وشرفتنا في الموضوع |
- ياسر القحطاني : يعيبه التمركز في هجمات الهلال ------------------------ :ranting: تستهبل انت ياسر تمركزه ممتاز جداً غصب تطلع عيب في اللاعب ؟؟!! |
اتفق معك في ويلي : انه لا يجيد ضرباات الراس ,, بس ترى اللاعب اوب مهااجم صريح او راس حربه !! يعني مهوب لازم يمتلك مهاره ضرب الراس ,, المرشدي : اتفق معااك اما باقي اللاعبين فانا اختلف معااك يا حبيبي |
صبركم يازعماااء,,, ف النسر الفرعوني لديه الكثييييير وراح تتاكدون من كلامي اخوكم/ الكونجرس اول مشاكرة لي >>>:wub: |
يعطيك العافية على كل شي قلته والملاحظات اتفق معك فيها بس احب اقول لك ما فيه لاعب كامل تقبل مروري |
تستهبل انت ياسر تمركزه ممتاز جداً غصب تطلع عيب في اللاعب ؟؟!! |
من قعد وتنتقده بعد مافيه احد كامل الا وجهه سبحانه |
اهم شي نبي الفريدي يخلي البرووود الزائد عنه ......................... |
شكرا اخوي وااوقفك 90% انا مااتفق معك في ياسر ياسريجيد التمركز ولاكن يتفلفس ويحب يجيب هدف عالمي ويلي هو مهاجم عشان نطلب منه الكوره بالراس |
إقتباس:
طيب انت تقول طريقة لعبه وأسلوبه الخاص به هل يا ترى يعجبك حين ينفرد بالمرمى ويضيعها وتقول لي اسلوبه مع أن يمكنه التسديد أو المراوغة أو وضع الكورة في أي زاوية هذا العيب وأمه ياخي وهذا هو البرود وأبوه فياليت من الفريدي تكون عنده الجديه في التهديف والتسديد نحو المرمى كما هي عنده حين قطع الكرات من الخصوم :mad: |
محمد فلسطين هلالي شرفتونا على مروركم المعطر وعلى طرحكم الراقي أما بخصوص الدوسري وضحت ما اقصد به في بروده بروفشنل أحب اقول لك حياك وشرفتنا بس بطلتك |
إقتباس:
لا والله ما استهبل ولكن هذه الحقيقة وأدري أنها حقيقة مرة لجمهور ياسر القحطاني فياسر كم من كورة عرضية تمر مرور الكرام من أمام الباب فأين هو عنها أما كلمة غصب إني أطلع عيب والتي تكررت مع أكثر من واحد عجيب هالكلمة مع أن في نقاشاتي مع جماهير الزعيم يذكرون هالشي أو حين المتابعه لمباراة الهلال تجدهم يصارخون بهالشي بأن ياسر أصبح لا يتمركز كما كان يتمركز من قبل كلنا نحب ياسر ولكن لا يمنعنا ننتقد السئ لأجل الهلال ومصلحته فأعذروني ياجماهير اللاعبين :rose: |
, لأ أخٍوي , آنت زودتهآ مـعٍ آلدِوسرِي ويآسر , آلدوسٍري يتحرٍك ويصنع وتقول بآرد , ويآسر يعآب عليه ألبطئ , تحيآتي , |
كلامك سليم اخوي ... تعليق بسيط بالنسبه للفريدي بروده سر نجاحه ويعجبني اللاعب هذا ببروده لبى قلبه خاصه لما يلعب خلف ياسر محمد نامي والله انه لاعب مجتهد وافضل ظهير ايمن سعودي عندما اخرجه كالديرون مو لأنه فشل بل لتغيير التكتيك نريد وقفة مع اللاعبين لا نريد ان نخسرهم لان النقد الغير هادف يسبب للاعب احباط تقبل مروري |
انا اقول حسن من وجهة نظري ـ مكانه الدكه لاسيما ان السديري قدم مستوى متميز امام الاتحاد فهل جزاءه ان يعاقب في الدكه ـ لكن الغريب فالأمر هو انتقادك لأغلب نجوم الهلال ناسيا او متناسيا الفاشل وليد الجيزاني لا اجد مبرر لعدم نقدك للجيزاني الا انك ( عارف انه ما ينفع فيه التعديل ولا عنده ايجابيات علشان تنتقد سلبياته كل الي عنده سلبيات ) وانا من وجهة نظري الخاصه اقول لكم اسياء اكبر من خط الهجوم الهلالي بأستثناء ياسر اذا كان في مستواه الطبيعي |
اتمنى من الادارة الهلالية الاستفادة بشكل اكثر من شباب النادي( الاولمبي ودرجة الشباب) بعض اللاعبين اخذوا الفرصة كاملة ولم يقدموا المأمول مثل الجيزاني ونامي والله يوفق الزعيم . |
ياادارتنا رحلوا الجيراني والله الجهني افضل منه لاعب مايعرف يتصرف وازيد عليك يشيلون النكبة نامي ويجيبون اي لاعب من شباب النادي اصرف. منه عرضيات خطا التحام خطا شوت خطا تمريرات مربوشة يالبى. سلطان البيشي بس |
اقسم بالله انك وفرت علي كتابة موضوع نفس موضوعك.. جميع النقاط اللي ذكرتها في الصميم ,!!! واهــــم نقطتين اللي بخصوص المرشدي وهوساوي.وهذي اعتقد ما ينفع معهم الا انك تقابلهم شخصيا وتفهمهم هالنقطتين,لانهم حتى بالمنتخب نفس ها الاخطاء, يعني هذي طبيعه فيهم. اما بالنسبه للاخ محمد نامي: اقسم بالله العلي العظيم انه ما يعرف يلعب كرة قدم.يعني بالعربي ما ينفع معه لا توجيه ولا ترقيع.. ما ينفع الا تعطيه كم مليون وتقو له استريح بالبيت احسن لك, لانك راح تاخذ اثم اذا اعطيته اي نادي ثاني,لانه بيلعب فيهم لعب وبيضيع اي نادي يلعب له وبيتعبهم نفسيا.!!:ranting: يعطيك العافية على الموضووووع الرائع... |
أنت تستهبل ياسر زين التمركزه بس ثقيل الجسم |
انا اول مره اشوف موضوع زي كذا ياخي انت تطالب بلاعبين كلهم مستواهم 100% وهذي مستحيله ولا فيه فريق يملك لاعبين كاملين فالعالم كله كل لاعب له سلبيات اتفق معك في احضار مهاجم (افريقي) صريح مع بدايه الموسم لكن الموسم هذا ما عندنا الا هاللاعبين والله يوفقهم |
إقتباس:
> < عجيب ما كأنكم تتابعون مباريات الهلال وتركزون على لعب هؤلاء اللاعبين في الملعب :s5s: |
الزعيم الكونجرس 20 ما حنا صابرين وحنصبر كمان وشرفتني إن أول مشاركاتك في موضوعي الزعيم الجني الأزرق 9 عارفين ياخوي إن مافي فريق 100% ولكن انت ما فهمت قصدي ياخي هذي نقاط ضعف نتمنى لا أكثر تحسينها وتطويرها وعلاجها حتى يظهر الهلال بأحلى حلة وبأحلى طلة وخذ لك يا فن أفضل من إللي نشوفه فهمت قصدي الآن الزعيم الفارس الأزرق 8 و الزعيم جروووح الزعيم مكرر كلامكم وردي لا يتكرر مع الكلام المكرر حياكم وشرفتونا بطلتكم |
والله انتقاداتك للأسف ماهي بذيك الانتقادات الهادفة ياخي الدوسري مافيه ولا 5% برود لاعب سريع مهاري نشيط زيه زي العابد ولاعب منتخب تجي تقلي بارد والله حراام عليك الحين هو من أفضل اللاعبين الواعدين.. غير كذا هوساوي ما يحتفظ بالكورة كثير هوساوي عنده أخطاء مشتركة مع المرشدي في سوء التغطية احيانا يزيد عنه المرشدي بأنه تمريراته خاطئة ولديه بعض التهور بعدين احمد علي هذا إكس مالك أمل والله حرام يلعب في الهلال لأن الهلال أكبر منه لاكن ما ألوم الإدارة لأن الوقت ما امداهم لاكن مع بداية الموسم نبي مهاجم مع ياسر الحين احمد علي اكس الجيزاني اكس الجهني اصابة والمحياني اصابة ومافي غير ياسر راجع من اصابة طيب يا ادارة بالله وين المهاجم |
الزعيم 3bdulslam الزعيم ثامر العامري الزعيم هلالي مووت حياكم الله وشرفتونا بخصوص ياسر بس أقول لكم تابعوا آخر مباراة للهلال وعطوني وجهة نظركم من جديد ترى ياسر ما كان مثل ما كان من قبل الدوسري قلت من قبل فيه شوي من البرود فياليت ترجعون للمباريات السابقة أو القادمة حين عودته سالما معافى ان شاء الله زيزو الكرة السعودية والله ياناس اننا نحب كل اللاعبين ولكن ليس أكثر من النادي |
- ياسر القحطاني : يعيبه التمركز في هجمات الهلال ^^^^^^ هههههههههه والله انك ما عندك سالفه وربي انت شكلك ما تعرف الهلال من اصله ولا اول مره تشوف مباريات وبعدين لو تسأل اي محلل عن مميزات ياسر تلقاه اول ميزه التمركز |
الزعيم ابن الرس احترم رايك بنامي وهذا شي يخصك ولكن ليت من نامي ينمي بعض الأشياء التي تعيبه والتي ذكرتها في الموضوع وهي واضحه لكل من يشاهد المباريات التي يشارك فيها نامي |
الزعيم قوة العين كل كلامك درر وهو العين وقوتها تسلم اخوي على مرورك الكريم وليت اللي سبقوك يدركون ما فهمت يا ايها النبيل شرفتني برأيك وطرحك وطلتك أن لم أطرح هالموضوع إلا بعد سلسلة من المتابعه المستمرة لكل لاعب وتسجيل ملاحظاتي وارائي الخاصة لكل لاعب والتي رأيتها نقاط ضعف لهؤلاء اللاعبون فمن لديه اراء أخرى فليطرحها ولكم جزيل الشكر لا أن تجعلوا الموضوع فيه من الشخصنة وشكرا |
معك في كل شي إلا عبدالعزيز الدوسري بصراحة ما أشوف فيهـ برود مثل الفريدي وأنا أطالب بإبعاد الفريدي عن التشكيل الأساسي حتى يقدّر الجمهور ويلعب بحماس مثل غيرهـ |
الزعيم مخاوي الهلال20 الزعيم reko 20 حياكم اخواني فعلا لا نريد أشباه اللاعبين في الهلال وان تبي رأيي في الجيزاني مع احترامي له إن العنبر أطلق منه شرفتونا اخواني |
إقتباس:
وحياك يا ايها الزعيم عطرت الموضوع بطلتك مشكور اخوي |
إقتباس:
ملاحظه يجب عليك ان تتحمل ما قد يواجهك من بعض الاعضاء اذا كتبت موضوع تنتقد فيه بعظ المستويات الاعبين لأني اعلم انه سوف تأتي ردود تشكك في هلاليتك :laugh: ليس لأنك مخطأ في نقدك لا بل لأن بعظ الاعظاء انتماءه الى لاعب ليس للكيان الهلالي العظيم وشكرا |
انا سبق ورديت على الموضوع وأضيف: الدوسري بطيء ؟! مثل ماقالوا اخواني الاعضاء .. غصب تطلع عيب في اللاعب ؟!.. |
اتفق معك في ويلي : انه لا يجيد ضرباات الراس |
هلالي من أولاي لاخري شكرا لمرورك إقتباس:
وشكرا لمرورك العطر |
نقول مهاجم اجنبي لين طفشنا واخرتها احمد على |
إقتباس:
أنا حينما اطرح موضوع ابين فيه نقاط ضعف واخطاء بعض اللاعبين وإن لم تكن صحيحة كلها ولكنها موجوده ومن ثم اطالب بتطويرها وتحسينها من هؤلاء اللاعبين ثم تجي وتقول لي ان موضوعي ما هو بهادف مع احترامي لك انت ما تعرف وش الهادف وشو اللي مو بهادف طيب هذه وجهة نظرك بالدوسري احترمها وتلك وجهة نظري أما بخصوص أسامه هوساوي فمن توقيعك اجدك احد جماهيره ومعجبيه فاحترم رايك فيه ولكن اطلب منك ترجع فقط للمباريات الآسيوية السابقة ومن ثم تعال ونقاش بهالموضوع في الفترة الأخيرة أنا معك ان هوساوي بدأ يقلل من هالإحتفاظ فما نريده يزيد من علاج هالخطأ والتي قد تنكب الفريق في أحيان كثيرة هوساوي لاعب كبير وثقته بنفسه والحمدلله كبيرة ولكن لا يزودها حبتين بالإحتفاظ حتى لا يخسر جمهوره ومن قبلهم الهلال أما عن أخطاؤه بالتغطية بالعكس أجد هوساوي يتمركز تمام بالتغطية أنا لم أتطرق لوليد الجيزاني لأن ليس هناك نقطه واحدة أو نقطتين بل نقاط كثيرة وبخصوص أحمد علي نعطيه وقت أكثر إلى 3 مباريات قادمة أو نص ما تبقى من مباريات الهلال حتى يثبت وجودة لا نستعجل عليه وطلبنا لمهاجم صريح مهاري صاحب تسديد وضربات رأس وقوي على الكورة ملحة في الهلال في الوقت الراهن شكرا على مرورك |
كلامك كله سليم ما عدا لاعبين ياسر ما يجيد التمركز؟؟؟ تستهبل انت؟؟ ياسر احسن واحد باسيا كلها يتمركز بس مشكلته انه يتفلسف بس لو ياسر يفتك من ذي العاده تشوفه هداف اما عن الدوسري بصراحه انت غلطان غلط كبير الدوسري مو بارد قصدك الدوسري مو سريع ماعنده سبرنت كويس |
إقتباس:
هل تعلم بأن الهلال أكثر فرق السعودية يصل إلى مرمى الخصوم وتضيع الفرص وتمر الكرة مرور الكرام من أمام المرمى لسوء تمركز مهاجمي الهلال بدون تحديد فأنظر من يلعب في الأمام هل يعقل بأن فريق بحجم الهلال وقوة وسطه ولاعبيه مهاجمهم لا يعد من هدافي الدوري من سنين إسأل نفسك لماذا؟ بالعقل والمنطق هل الشمراني أفضل من ياسر لعبا حتى يصبح هداف في كذا موسم وإلا العيب من اللاعب نفسه في تمركزه !!!!!!!!!!!!! هل الشباب أفضل من الهلال في اللعب حتى يقدموا لمهاجمهم الكورة على طبق من ذهب ومن ثم يسجل للشباب أم هناك سر مع الشمراني في التهديف وياسر في التمركز واختيار الموقع الصحيح حين الهجمات!!!!!!!!!11 - أنا اخترت لك واحد من المهاجمين والذي لا يوازي بمهارات ياسر بشئ ولكنه أفضل وأكثر منه في التهديف والتسجيل للمرمى فأسأل نفسك لماذا؟؟؟!!!!!!!!!!!!!!!!!!!!!!!!!!!!!!!!!!!!!!!!!!! لا أريد أن أتطرق لهذا أكثر فالشق أكبر من الرقعة إن لم تتداركه إدارة الهلال بإحضار مهاجم صريح سريع مهاري يأتي بالأهداف من أنصاف الفرص صاحب قدم قوية وضربات رأس هذه سهلة إن بحثنا في القارة السوداء شكرا لمرورك يا أيها الزعيم الضحوك :s2: |
مساء الخير اولا ماحد يرضى انك تجرح بلاعبين الهلال ونامي بالفيصلي ولا الحزم على قولتك ليه موب عاجبك << موب شرط يعجبك لان نامي لاعب كبير وحماسي وموب شرط انه مايخطي لو انه مايخطي وفنان كان تحصله بالدوري الاوربي بس هذي امكانيته ويكفي انه يعطي خانته والدوسري لاعب فنان ولا اشوف فييه برووود ابدن العابد افضل لاعب حاليا بالهلال وهوساوي نفس الكلام المررشدي << لاتعليق الفريدي صح بارد بس يكفيني انه يسوي كل شي بالمستطيل الاخضر وكوره من الفريدي عن مباراة كامله والباقين فيهم الخير والبركه واتمنى النقد البناء موب التجريح بااللاعبين |
ياسر عيبه ليس التمركز انما كنترول ضعيف |
لايهمكم هالمندس مافيه ولا لاعب هلالي مانقده ياسر والدوسري والعابد بعد وصله النقد وهوساوي من بقى بالله عليك وشرايك ننسق كل هاللاعبين ونخليهم لناديك الاغبر، ريحتك فايحه ودس السم بالعسل شبعنا منه، ثاني موضوع بنفس الوقت واحد مخصص عن ياسر والثاني عن لاعبي الهلال المميزين ومن ظمنهم ياسر يارباه كل هذا حقد وخوف قبل مواجهة ناديك الاغبر، |
إقتباس:
انت متأكد تبي ترد بموضوعي وإلا بالخطأ نزل عندي!!!! ما جبت طاري فيصلي ولا حزم فقط نقطة ضعف لنامي يعني نامي مو كله شين أما باقي ردك فهي وجهة نظرك واحترمها |
إقتباس:
|
والله انك صاااااااااااااااااااااااااااادق يبيلهم يهتمون |
| الوقت المعتمد في المنتدى بتوقيت جرينتش +3.
الوقت الان » 10:23 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd