|
الاعب توه ماله 3 مبارايات يعني باقي شفتو ويلي اول ماجا على طول حكمتو عليه قلتو فاشل وطلع ابوفيصل وقال اصبرو على الاعب وفعلا ابدع يعني انا اقول اصبرو عليه ومشكور يالغالي |
اللاعب اسطوره وداهيه وهداف خطير وسجل مئتين وخمسين هدف بس يحتاج للصبر لانه لساته برعم وناشئ ويحتاج تدريبات خاصه تعلمه ابجديات كره القدم بس وان شالله يطلع مستواه ويسجل بكل مباراه ست اهداف بين الشوطين ثلاث وبعد المباراه هدفين وقبلها هدف.. خاصه ضربات الرأس ياهو داهيه داهيه وربي اني اضحك بشكل مايتخيله بشر انا بس ودي احد يتابعه شلون يقفز وكيف يوجه راسه وجسمه واذا وصلت لراسه شلون يضربها واستلام الكره وتسليمها هذا اذا اصلا ضبط الكنترول عليها ماراحت خمس امتار عنه فن وابداع شئ خيال.. اذكر انه اوقفت عضويتي عن كتابه المواضيع فتره والسبب لاعب حرام يقال عنه لاعب ليلو اللي تعاقدوا معاه بمليون يورو وتاليتها رجعوه مجانا بس اهم شئ يفكون الهلال منه والمشكله فيه ناس ماتدري وش الكوره كانوا يتكلمون اعطوه فرصه ,,فرصه وهو لاعب محترف وكبير ومصري عربي منسجم مع كل شئ مايحتاج الا كم تدريب ومباراتين بالكثير ويقدم كل اللي عنده بس قالوا انفخ ياشريم قال مامن برطم وسلامتكم توضيح بسيط بعض الاعضاء اللي يطالبون بأعطاء اللاعب فرصه ودي اسألهم هل اللاعب يمتلك مقومات لاعب وهداف ولااا |
اعتقد صعب ان تحكم آلان اللاعب حماسي مقاتل من الدرجة الاولي لكن كلمة حق اللاعب كنتروله ضعيف |
لعله يكون مثل كماتشو وتفاريس النقد لا فائدة منه نؤجله لنهاية الموسم لسبب أنه لا طائل منه الحمدلله الفريق متصدر بفارق نقطي ومنافس على الكأس وسيدخل البطولة الآسيوية فكلام في الماضي لاجدوى منه التعاقد تم وندعو الله أن يوفقه ويوفق الزعيم ملاحظة وبالنسبة للاعبي الأندية الصغيرة كالفيصلي وغيره سبب تألقهم وجودهم في تلك الفرق فلا رقابة لصيقة ولا تكتيك يحد من تحركاتهم بسبب نظرة المدربين واللاعبين لتلك الفرق فيجد لاعبوالفرق الصغيرة الاجانب فرصا اكبر وأريحية لن يجدوها لو كانو في فريق كبير |
ارى انه افضل من المحياني والجيزاني في التحرك بدون كرة وفي التحكم في الكرة ،،،،،،،،، وارى انه المناسب مع ياسر في خط المقدمة وحتى انه افضل من ياسر في الحركة وازعاج الدفاع ،،، بينما نشاهد ياسر واقف اكثر منه متحرك |
ياخي اللاعب هلالي ترى اعجبك والا ماعجبك هو هلالي الين نهاية الموسم ماله داعي هالمواضيع ترى الرجال بدخل ويقرا قسم انه فيكم من طبايع الفقراويه خلاص دامه مسجل مع الهلال ادعمه الين فترة الانتقالات وبعدين سب فيه زي ماتبي الحين لو قرى كلامك وحنا ماعندنا مهاجم غيره بسبب اصابه ياسر وعيسى بتطيح معنوياته وش تستفيد وقتها ؟؟ فكروا ياعاااااااااااااااااااااااااالم مو لازم تكتبون موضوع |
كلام سليم واحمد علي لاعب عادي جدا للاسف |
لآكنترول لآ مهآره لآسرعه اموت ضحك اذا ركض يذكرني في أخوي اذا جآء يشيل كيس رز ولآ اسمنت وهو شآيلهآ يركض واسبقه وأنآ أمشي هذآ حآل أحمد علي ثقيييييييييل |
انا ضد الحكم المبكر على أي لاعب ولكن الواضح ان اللاعب المصري لا يعمل لكي يثبت نفسه بدليل اننا لم نرى له تميزا في أي شيء حتى انه انفرد كثيرا دون جدوى واعتقد بان الفريق أكبر من امكانيات اللاعب بكثير .. |
اتفق معك يجب ان تشد من ازر لعبنا المصري حماده بدلا من الانتقاد فهو لاعب جدددددا مميز والايام سوف تثبت لك |
وبالأسحار هم يستغفرون ياليت بدال هالحش تدعمون اللاعب قدامنا استحقاقات كثيرة ماله داعي مثل هالنقد الجارح في وقت لايجدي اذا انتهت فترة اعارته او قربت عطنا وقتها وجهة نظرك والسلام |
إقتباس:
من هو المنتخب المصري ؟؟؟؟ وكانك تقول البرازيل ولا الارجنتين ياخي ترا ريانه بلاله لاعب بالمنتخب السعودي يعني اللاعب كويس لاتقيس على كذا اعتقد تاريخ الهلال اكبر من تاريخ مصر شوف احمد على راح ينجح مع الزعيم واي لاعب كرة قدم يكون مكانه بينجح الهلال فيه مقومات تعطى اي لاعب فرصه انه يبرز ومافيه لاعب اجنبي خرج من الهلال دون انجازات وان صفقة فاشله هناك تفاوت بالمستويات فقط |
عجلتكم طيرت البرازيلي الى صار هداف دورى اليابان وطيرة الرويسى الى اصبح هداف تونس وطيرت لليو مبيلي وصار هداف الدورى السوداني هل وسط الهلال تعاون مع احمد على ام هو من يصنع الكور تعلم انه لم يلعب في المنطقة من يوم مالعب يا اخوان اذا لعب شوط في الصندوق ولم يعطى واجبات اخرى حينها احكموا اللاعب مبرووك وسترون الخير من ابوعلى ان شاء الله |
هو لاعب حماسي ...وراااح نشووفه بالمباريات القادمه مميز والكل يمدحه .... |
اختلف معك كثير اللاعب ليس مستواة سئ لهذة الدرجة لعب مع الاتحاد ربع ساعة وقدم مستوى جيد لعب مع الاهلي وسجل هدف وكان ممتاز في المبارة لعب مع الشباب وتسبب في ضربة جزاء وكان وحيدا في الهجوم إلا انة سبب قلق كبير على المدافع الصلب تفاريس ومساعد ندا لعب مع الفتح شوط واحد وشفنا وش صار بعد خروجة ضاع الهجوم بوجود الفاشل الجيزاني آآآآآه يالضغط وبس اعتقد صعب ان تحكم آلان اللاعب حماسي مقاتل من الدرجة الاولي ... |
| الوقت المعتمد في المنتدى بتوقيت جرينتش +3.
الوقت الان » 06:58 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd