..╗◄(( ياسر لاعب غير وباقي لاعبين المملكة غير ))►╔.. - نادي الهلال السعودي - شبكة الزعيم

AlZ3eemah · #1 25/02/2011, 03:33 AM

هذا الموضوع ردا على موضوع

..╗◄(( هل ياسر لاعب غير وباقي الاعبين غير ))►╔..

و الجواب بدون عاطفة و لكن جواب فني بالاحصاء
ياسر غير
و باقي لاعبين المملكة العربية السعودية غير

نبدأ بسم الله

من الصورة الاولى يتضح لنا ان الكابتن ياسر القحطاني لعب 5 مباريات كاملة

من الصورة الثانية يتضح ان الكابتن ياسر القحطاني من ضمن اول خمس هدافين على الدوري السعودي برغم من قلة عدد الدقائق التي لعبها

و النتيجة هي

الكابتن ياسر القحطاني

يبقى افضل لاعب سعودي على الاطلاق لهذا الموسم
حتى الآن

بالرغم من كثرة الاصابات
و بالرغم من كثرة المنافسين
و بالرغم من كثرة المتفلسفين
و بالرغم من كثرة الحاقدين عليه

أرجو من جميع الزعماء في المنتدى ان يحذروا من بعض مواضيع الاعضاء المندسين و ان لا يفرقوا بين الكيان و اللاعبين مهما حدث

و ارجو من ادارة المنتدى ان تضع حدا لهذه المواضيع
خاصة في هذه الفترة الحرجة
و التي هي بصدد استحقاقات مهمة لهلالنا زعيم آسيا

و الله تعالى أعلى و أعلم

و السلام عليكم و رحمة الله و بركاته

احساس تميمي · #2 25/02/2011, 09:23 AM

تسلم يدينك ع الموضوع الملجم

مع الأصابات والأهازيج القذره اللي تعرض لها الكابتن ياسر ما زال يحارب

جمهور الزعيم ياسر محتاجنا ومحتاج وقفة الجمهور الهلالي معه لكي يعود ياسر 2007

هو يلقاها من جماهير الأصفرين وكلمات الشوارع اللي يرددونها او يلقاها من الأعلام اللي يهاجمه حتى وهو في مهمه وطنية

او من جماهير الهلال اللي حتى وياسر مصاب تنتقد وفي وقت حرج جدا وامامنا مباريات مهمه وحاسمه !!

ياسر ضحى بصحته عشان يرضينا وتحامل ع اصابته والرد يكون : (( ياسر لاعب غير وباقي لاعبين المملكة غير ))

صراحه احزن على المشجع الهلالي اللي يتأثر بالأعلام ويسمع كل من هب ودب

ياسر ضحى بصحته

الا يستاهل وقفة الجمهور معه ؟؟؟؟

عوافي عالموضوع

تقبلي مروري

F.C.H · #3 25/02/2011, 09:28 AM

**

صراحه احرجتيهم يالزعيمه
كنا نوقف مع ياسر ويقولون عنا مطبلين

وهالحين جبتي لهم الارقام وش بيقولون ؟؟

ياجماعه ياسر مافي مثلة وربي لاعب كبير وبحاجة جمهوره
لانصير ضده مع الحساد والأنذال.

الله يوفق الزعيم ويوفق ياسر

مشكورة وبجد هالموضوع يستاهل >

هلاليه نبضي ياسر · #4 25/02/2011, 09:30 AM

آلأرقآآآآآآآم يآ حبيتي آلأرقآآآآآآآم

!!

تلجم , تذبح , توجع , تقطع آلرزق

...

و آلحمدلله و آلمنه أبو عزوز في حضرة آلأرقآم توآجده يكون في آلأولويآت

!

أمآ في حضرة ( خزعبلآتهم ) فـ يجي على بآل آلعآقل أن إللي بـ آلبرآعم يتفوقون عليه !!

و مآ عذب قلوبهم إلآ هآ آلشي يجونه يميييين يصفعهم يسآر

...

لله دره يآ هو مجننهم

و كم يوم من آلنوم حرمهم

...

بعدين يآ زعيمه وربي في ردك على كل صغير عقل بـ تتعبين

؟!

لأنه بـ قرآرة نفسه جآزم أن يآسر آلأول و بدون منآزع

بس من آلحقد و آلغيره و " حُب آلتسلق على أكتآف آلكبآر " يجبر هآ آلأشكآل تنكر و ( تنقص )

و آلكبير كبيييييير و شوفيهم بـ كلآمهم مآ هزوه

...

لكن إللي يحز في آلنفس أن هلآليين آلمولد و آلنشآءه ينجرفون ورى هآ آلخرآبيط و يصدقونهآ !!

و آلمصيبه يطآلبون بـ أبعآد يآسر على أسآسهآ

.. ؟

أي عقول يملكون هذول !!

يعني بدآل مآ يوقفون مع ولد نآديهم إللي من جآء و هو رآسم آلبسمه على شفآتهم ( حتى في أصعب و أقسى ظروفه ) !

كذآ يجآزونه .. يوقفون بـ صف من يعآدونه

و الله غريبين و تصرفآت تزيد آلهم هم

...

يآسر عذآله و حسآده يكفون يجون بعد ( فئه حرآم ينقآل عنهآ من " أنصآره " ) يوفون آلنآقص

...

و الله يآ ( هلآليين ) < و إللي بين آلقوسين لـ آلبعض .. مو هذآ آلعشم فيكم و لآ يآسر يستآهل بهآ آلطريقه تجآزونه

...

أنتم أكبر من آلحملآت آلصفرآء إللي مآ أنبت إلآ عشآن تنهيه

!!

و الله يآسر مدري من وين يلآقيهآ حتى وهو بـ قمة مستويآته و ينآفس على صدآرة آلهدآفين

و في ظل تغيبه آلكثير عن بعض آلمبآريآت مو عآجبكم أجل بـ ربكم نتى يعجبكم

؟!

الله آلمستعآن بس

و يآ زعيمه ..

أدعي الله بس أنه يثبت عقولهم .. و يزيد يآسر و ينهيييييييييهم

...

و تسلم أنآملك على توضيح آلحقآئق .. و مآ تستآهلين إلآ مسمآر بـ جنب موضوعك

...

لآعدمنآك ...

sosoalkhaldi · #5 25/02/2011, 09:51 AM

يآلبى قليبك يالزعيييمه على هالموضوع المميز

كفيتي ووفيتي بهالموضوع وفالك التثبيت كله ادله وبراهين تثبت أفضلية

الكآسسسر حتى وهو يعيشش بجو مايسسآعد على النجوميه<<محاربة الجميع له

بمختلف الميول

لله درك يابوعزووووز والله يآجرك على قدر نيآتك

وموفق يآبو عزووووز

aseer_xixi · #6 25/02/2011, 10:17 AM

ياسر لاعب كبير ومحد سختلف عليه

لكنه للاسف متذبذب في المستوى وهذا اللي مزعل الجماهير منه

للامانه هذا الموسم قدم اداء كبير مع الهلال ونتمنى يرجع من الاصابه

احسن وافضل ,, بالتوفيق له لخدمه الزعيم

هلاليه نبضي ياسر · #7 25/02/2011, 10:36 AM

إقتباس

الرسالة الأصلية كتبت بواسطة ملكي هلالي سعودي


	......

نتنكسسس على ((( آلأرقآم ))) بعد

!!

مسكين ورب آلبيت فآهم آلتطبيل غلط

...

أكووووووووووووووووووووووووووي يآ يآسر

...

انا صاحيلهم · #8 25/02/2011, 10:41 AM

طيب الانتقادات اللي تجيه من جمهوره عشانه لاعب غير ووننتظر منه الافضل دائما

ولو انه العنبر او غيره

ماكان احد انتقده بهالشكل

ياسر لو كان بمستواه المعروف ماكان جبنا الجيزاني والجمعاان

لانضحك على بعض ونجيب ارقام

والا كان هالارقام نفعت ياسر وماصار الحين احتياط لاحمد علي

ماقصرتي اختي

F.C.H · #9 25/02/2011, 10:47 AM

إقتباس

الرسالة الأصلية كتبت بواسطة انا صاحيلهم


	طيب الانتقادات اللي تجيه من جمهوره عشانه لاعب غير ووننتظر منه الافضل دائما ولو انه العنبر او غيره ماكان احد انتقده بهالشكل ياسر لو كان بمستواه المعروف ماكان جبنا الجيزاني والجمعاان لانضحك على بعض ونجيب ارقام والا كان هالارقام نفعت ياسر وماصار الحين احتياط لاحمد علي ماقصرتي اختي

معليش بس كلامك مستفز لأبعد درجة
ذكرتني بعيال الحاره الي شجعوا الهلال عشان طارق التايب
والكباري والكعوب الي يسويها

الحين جايبين لك ارقام اقل لاعب يلعب ياسر ومع ذلك ينافس الهدافين
وش تبي من ياسر يسوي ؟؟؟ اقنعني ياخي يمكن انا ما فهم شي وانت احسن واحد
الله يرحم والديك لا تتأثر بالصرامي والطقه هذي لو تجيب لهم مليون رقم واحصائيه
واستفتاء يكذبونها ويعاندون ارحم حالك وحال ياسر تراك تطلب المستحيل

انا صاحيلهم · #10 25/02/2011, 10:58 AM

إقتباس

الرسالة الأصلية كتبت بواسطة F.C.H


	معليش بس كلامك مستفز لأبعد درجة ذكرتني بعيال الحاره الي شجعوا الهلال عشان طارق التايب والكباري والكعوب الي يسويها الحين جايبين لك ارقام اقل لاعب يلعب ياسر ومع ذلك ينافس الهدافين وش تبي من ياسر يسوي ؟؟؟ اقنعني ياخي يمكن انا ما فهم شي وانت احسن واحد الله يرحم والديك لا تتأثر بالصرامي والطقه هذي لو تجيب لهم مليون رقم واحصائيه واستفتاء يكذبونها ويعاندون ارحم حالك وحال ياسر تراك تطلب المستحيل

اخوي لو الارقام نفعت

كان نفعت العنبر أيام كوزمين

ورغم ذلك كنا نقول العنبر ماعندك احد المشكلة انه مسكتنا بالاهداف اللي يجيبهاا

انواع واشكال

وياليت لاتقولي عشان وراه لاعب مثل التايب وتحط الفضل عليه

بالنسبه لي ماعاد برد على موضوع فيه ياسر سواء مدح او ذم

عشان مازعل احد

تحسبوني يوم انتقد ياسر يعني اكرهه

ياليت تشوف مواضيعي كلهاا وتشوف قبل ويش كنت اقول عن ياسر

والحين ويش صرت اقول

تحياتي لك

MR-FA8D · #11 25/02/2011, 11:30 AM

الانتقادات انتقادات محبين
..
ويااسر رااجع باذن الله

absumt · #12 25/02/2011, 11:37 AM

موضوع مميز وبالارقام

طبعا انا عندي وجهة نظر بخصوص ياسر

فانا ارى انا مستواه منخفض بنسبة كبيرة

ولكن لا يزال افضل مهاجم في السعودية

وانا عندي قناعة لو كان ياسر يلعب بدون ضغوط

وبدون حروب نفسية ضده يصبح افضل مهاجم في تاريخ السعودية

وهذا ليس تطبيل ولكن ثقة في امكانيات لاعب موهوب بشكل كبير

فهو مثل نواف التمياط الذي مرت عليه ظروف الاصابات رغم امكاناته العالية

فاعتزل سريعا

ارجو ان لا يفسد الخلاف للود قضية وانا اعتقد ان مثل هذه المواضيع لاتفيد الاعب

والجمهور سواء كان الموضوع للثناء على اللاعب او انتقاده خاصة اذا كان هناك انقسام

بين الجماهير حول مستواه

تحياتي للجميع

الزعيمه لمووري · #13 25/02/2011, 11:47 AM

تسلم يدينك اختي الزعيمه

كفيتي ووفيتي .........للاسف لو جبتي احصائيات على ان الكابتن ياسر افضل لاعب في العالم

لما غيرتي قنعاتهم

سيبقى ياسر كبير كما كان وكما عهدناه

دمتي بخير اختي العزيزه

العقد الهلالي · #14 25/02/2011, 12:13 PM

نجم الهلال الان كالديرون الذى سيعيد الكرة السعودية الى مجدها عن طريق الهلال

وتمجيد اللاعبين لايخدم الرياضه الموهوب لايركن لماضيه فالكرة اليوم جهد وتركيز وعطاء

انتهى

شلنحوف · #15 25/02/2011, 01:45 PM

كلام سليييييييييييم

ويعطيك الف الف الف عافيه