السلام عليكم ورحمة الله وبركاته

راح ندخل دغري في الموضوع ، ياجماعة والله تعبت من التعقيد والتمرمط اللي حنا عايشين فيه
يعني اي حق لك في الدنيا تبي تاخذه لازم تتمرمط شوي عشان تحس بقيمته مثلاً:

مستشفياتنا ، نروح مستشفى الملك فهد الجامعي يقولون: أنتوا تابعين لمركز صحي الراكة ، نروج الراكة
يقولون روح سوي اشعة في الدوحة نخلص من الدوحة نرجع للراكة يسوون لنا تحاليل لكن ...... فيها لكن بعد!!!!
نعم فيها لكن التحاليل ترسل لمستشفى الملك فهد ثم ترجع النتايج للراكة ثم يحولون اوراقنا كلها للعقربية؟؟!؟!؟!؟؟؟!!!

ايش رايكم في التمتير الجامد؟

المشهد الثاني: شركة الاتصالات ، كالعادة كل شهر لازم تدق عليهم اتطمن عليهم وتشوف احوالهم لان خطك مقطوع!!!
ليه؟ لازم نرسل فلبيني ... أوه آسف اقصد فني خلال 24 ساعة (لو بغيت تشترك ولا تزيد السرعة خلال دقايق يدبسونك لكن عطل لا)
طيب اليوم الثاني الصباح تجيني رسالة على جوالي بانه سوف يتم اصلاح الخدمة والفني (فلان) وجواله 5465468564.
أوكي الامور طيبه لكن اذن الظهر مافيه شيء ، أذن العصر سفط ، ادق على الفني مايرد مرة مرتين ثلاث ثم مشغول!!!
لييييييه ادق عليك ماترد ثم مشغول ، الجواب : ما أدري أكيد ما أدري لانه مارد علي بعد هذا سؤال الله يهديكم.
المهم اتصل على الاتصالات يقولون المفروض موعدك اليوم لكن ما ادري ليه اجلوه إلى بكرة ؟؟؟؟؟؟؟؟
خذوا جوالي عشان قسم التركيبات يكلموني بكرة ؟
النتيجة إلى كتابة هذا الموضوع (لاني جالس اكتبه في العمل) لم يأتي الفني ولم يتصل بي قسم التركيبات وياقلب لاتحزن...............................

المشهد الثالث والأخير:
بنك التسليف ، كملت اوراقي وقدمتها ، بعد فترة جاني اتصال منهم وقال لي:
اخوي ........ للاسف اللجنة اجتمعت وشافت اوراقك كلها سليمة لكن المشكلة انك كافل شخص ، لازم تلغي الكفالة ونمشي أوراقك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياجماعة الخير إذا كل كفيل مايقترض ماراج احصل كفيل أبد يعني لازم انتظر 5 سنوات إلى أن ينتهي القرض ثم اقدم
اعتقد انه نظام جائر......
ثانيا اللي عرفته انه مافيه شرط ولا نظام ينص على كذا رأي لجنة فقط

آسف على الإطالة لكن والله من القهر

والسلام عليكم ورحمة الله وبركاته