|
مات... خبر خبر عاجل في يوم _ ذو الحجه 1432 توفي فلان ابن فلان تغمده الله بواسع رحمته اثر سكته مفاجئه انا لله وانا اليه راجعون.. كان رحمه الله عضو في منتدى وكانت له مواضيع كثيره وردود اكثر وله اصدقاء وله حبيبه وله والدين على قيد الحياه.. رحمة الله عليه.. تخيل ان هذا هو انت.. وتوفاك الله في هذه الايام قبل اغلاق السنه 1432 ... طبعا يوم توفيت ودوك للمستشفى وخلوك في الثلاجه عشان اجراءات شهادة الوفاة.. تركت غرفتك وجهازك وجوالك واصحابك.. واهلك وامك وابوك والدنيا كلها تبكي على فرقاك يجي اخوك يقول لامك يمه اخوي فلان توفى .. وامك تصرخ وتبكي ماتبيك تروح عنها ابد.. يتبادولون الرسايل وفلان ابن فلان او فلانه بنت فلان توفى وبيصلون عليه في المسجد الفلاني بكره الظهر.. جاء بكره واخوانك واهلك واصحابك ماناموا يبكوووووون عليك بجد.. جاء بكره الساعه 10 الصبح وجابوك للمغسله والكل جاك وسلم عليك وقبل جبينك.. وانت مغطى كفونك ..بالابيض ..وريحة السدر تفوح في كل مكان.. شالوك وودوك للمسجد وضعوك قدام الامام وابوك واخوانك واصحابك..تجمعوا كلهم في بيت الله.. في البيت اللي يناديك خمس مرات في اليوم وانت ولا هنا.. صااااااااح المؤذن وقال الصلآآآآآآآآآآة على الميت يرحمكم الله.. وكبر الامام الله اكبر والكل قرا عليك الفاتحه الله اكبر والكل دعا لك وتوسل لك عند اللي انت مقصر معه...وكبر وكبر وكبر وسلم.. السلام عليكم ورحمة الله والتفتوا لبعضهم وتوافدوا لابوك واخوانك (احسن الله عزاكم الله يغفر له ويرحمه) شالوك على كتوفهم وودووووك المقبره.. وكانوا فيه ناس هناك مجهزين قبرك والتراب جابوك وحطوك في الحفره ورصوك بكومه من الاحجار واللبن وكبو التراب ودعوا لك ومشوا وانت تسمع قرع نعالهم اقفوا وخلوووووووووووووووك.. وعزاك 3 ايام وينسووووونك.. وانت ماعندك ولاااااااااشي.. جيت ضيف عند اللي يناديك خمس مرات ياعبدي تعال ابيك ..ياعبدي حي على الصلاة ياااعبدي الصلاة خير من النووووم... جيت ضيف عند اللي رزقك وعزك عن الحاجه والسؤال.. جيت ضيف عند اللي خلاك في امان ..واغناك.. جيت ضيف عند اللي غلطت على عباده واذيتهم.. ياترى تتوقع ان فيه احد انت ظلمته يوم سمع بوفاتك قال ( الله لايحلله ولا يبيحه مات اللي اذاني)؟؟؟؟ ياترى تتوقع احد بيجيب خبرك مع اللي تسولف معهم في النت.. والله محد داري عنك.. ياترى حبيبتك اللي انت فرحان فيها ولا حتى تلعب عليهاااا ..وش بتسوي .. اتحداك تصيح عند اهلها وش تقول ؟؟؟ خويي مات.. بتسكت وبيعزونها صديقاتهاااا وبتمر الايام وبتتزوج وتسحب على الذكريات... غرفتك بتقول ياااارب انا غرفة فلان كان يسوي فيها ويسوي فيهااااا سيارتك بتحكي جوالك بينطق اي ارض مشيت عليها بتوقل يااارب فلان اللي مات سوى كذا وسوى كذاااا وانت ماعندك حتى كلمه قلتها من قلبك تحاج فيها ربك.. مت .. وناس زعلانه عليك.. مت اهلك ماذاقوا برك.. مت وانت لاهي مع اللي والله والله يجلسون معك بالساعات واذا قاموا نسووووووووووك.. مت .. واللي عزك وعلاك وكبرك.. الحنان المنان الرب الرحمن.. ماااااااااااااااااجلست معه جلسه تقول فيهااااا الله اكبر وتبدى بالحديث معه وتقول الحمدلله رب العالمين وتركع له وتسجد له خمس دقايق بس.. انا ماقلت هالكلام الا والله اخشى واخاف اني ما الحق على عام 1433 ويقدر ربي سبحانه ان 1432 اخر سنه اتنفس فيهاااا.. ارجوك حاسب نفسك ولاتعتذر للي ظلمته ولكن كف اذاءك عنه وصل فرضك رحمة من ربي تغفرلك ذنوبك يلا انت وهي اعزم وتوكل انك تخلي اخر هالسنه مسك.. والله ماتدري يمكن كل اللي قريته فوق يكون جد وصدق ويتحقق.. انا والله ماخفت الا من هذاااااااااااا الله ينجينااا منه يااااااااااااارب اللهم بلغت اللهم فاشهد اللهم بلغت اللهم فاشهد اللهم بلغت اللهم فاشهد وشكرا سامحوني على الاطالة منقول نعم .. |
الله يجزاك الف خير بالفعل نحن مقصرووون |
مدري وش تبغانا نسوي بالله ؟؟؟ نعتكف في المساجد والا نعيش في مكه ؟؟؟؟ موت والموت حق وش تبينا نسوي ... لا وتقول اللهم بلغت اللهم فاشهد كانك جايب كلام جديد... هذا كلام تعبنا وحنا نسمعه التخويف من الموت والقبر ومدري وش ... اللي يموت يرحمه الله واللي يعيش يهديه الله ... والحديث عن الموت يلزمه حسن وصف وقوه بلاغيه وكلامك صراحه ما يهز وما يثير في النفس .... يعني موضوعك زحمه وكلامك بصيغة الغايب والتنكير زاد من ركاكه الموضوع ... كان بامكانك لمس مشاعرنا بالافصاح عن الميت واللي نعلمه جيدا .... لا تعتقد انك بمجرد حديثك عن الموت ستثيرنا .... لو انك كنت ابسط وتكلمت عن عاداتنا دون ذكر الموت لكان اوفق للحديث... هذا رايي وقد اكون مخطأ... بارك الله فيك ورحم اموات المسلمين وربي ما ياخذ ارواحنا الا ةحنا على طاعة ... |
إقتباس:
اللي يسمعك يقول ضامن الجنه يالحبيب ياخي الرجال سوا اللي عليه نصح معجبك الموضوع رد مو معجبك لاتقوم تفلسف على روسنا يالواثق واحد قالك اعتكف في المسجد الرجال قال صل اللي عليك اجل الميت الله يرحمه والحي الله يهديه حتى اسلوب ماعندك ياخي حسن اسلوبك بعدين تعال رد على المواضيع بعدين اذا ما اثارك الحديث عن الموت وش اللي يثيرك حديث عن لاعب عن فنان عن مسلسل لاحول ولاقوة الا بالله الله يهديك بس انت ماارح تعرف معنى كلام الرجال الين تفقد غالي عليك وتذكر كلامي زين يالواثق |
جزاك الله خير على مشاعرك الطيبة والله يرحمنا برحمتة كل اللي قلتة بيصير لنا الله يعفي عنا |
الله يرحم ميتكم ويسكن أعظــامه الجنه , جزاك الله خــير على النصيحه ,, الاخ عبدالعزيز اليامي مــا أقول الا الله لايحطك في موقف صاحب الموضوع . الدِّيـــــــنُ النَّصِيـــــــحَةُ عن أبي رُقَيَّةَ تَمِيمِ بنِ أوْسٍ الدَّارِيِّ رضي اللهُ عنه: أَنَّ النَّبي صلى الله عليه وسلم قالَ:"الدِّينُ النَّصِيحَةُ". قُلْنَا: لِمَنْ ؟ قالَ: "للهِ، ولِكِتَابِهِ، ولِرَسُولِهِ، ولِلأَئِمةِ المُسْلِمِينَ، وعامَّتِهِمْ" رواه مسلم. |
إقتباس:
يارجل تبي تسوي لي فيها مسلسل درامي اللحين ... شخص ما ومات تصير الف مره في اليوم ليش تبي تجعل منها حاله فرديه ... الاخ صاحب الموضوع واللي انت متبني الدفاع عنه حسسنا ان الدنيا تنتهي بالموت ... وبعدين تعال هنا ليش ما اظمن نفسي ؟؟؟؟ انا اظمن من الله كل خير وارجو منه ما يمسك روحي الا على خير وان ينيلني من خيره كل خير ... تبيني اتشائم من الموت واخواف يومي كله ... دامني معد للقبر عده فما للخوف داعي والله ما يضيع عبد رجاه ... يا اخي الكريم الموت حق لا بد منه والخوف منه هدايه لكن ذلك لا يمنعني من ممارسة عيشي دون التفكير في عاقبة الموت كل لحظه... فلو ان العرب كان هاجسها الموت لما بنيت المدن وعمرت الارض وانتشر الدين .... انت اخذت الموضوع والذي اكرر انك لست صاحبه بشكل شخصي وبحساسية مفرطه ... وانا ذيلت ردي بانه راي شخصي قد اكون فيه مخطأ ... وانت تهين في اسلوبي وتقول ان اعجبك رد وان ما اعجبك لا ترد... انا رديت وعليك ان تحترم ردي فاما ان يعجبك واما لا ... في كلا الحالتين لست مخول للرد علي فانت لست صاحب الموضوع .... |
إقتباس:
الله يرحمه .. يعني مدري ما تعتقدون اني للحين ما فقدت غالي وقريب مني ؟؟؟؟ الا افقد وازعل لكن لي في الله الرضى وما اغير حياتي عشان ميت ... لو الدنيا وقفت على موت بشر وقفت على موت رسول الله ... مازلتم عرب شعب عاطفي من الدرجه الاولى .... يموت رجل فتبكونه دهرا ... |
ياخي ماحد يضمن انه حياته طرفه عين كيف تجي تقولي الا ضامن اذا كنت معد عده جيده للقبر بعدين انت اللي اخذت الموضوع بحساسيه انا اللي خلاني اخذه بحساسيه اسلوبك اللي يتسفز كان الرجال سب اوش شتم لكن اعيد واقول ماراح تحس باللي قاله الين يموت لك عزيز عليك وتتاكد بعدين تقول مازلتم عرب شعب عاطفي ليه الاخ سويدي والا نرويجي |
الحين انت يالكنق ياشنب ياللي مايهزك موت عزيز ~~ مسوي بطل قدام الاعضاء انك ماتتاثر بموت احد تبغى نصفق لك ونقول حيو عبداللعزيز ياخي وربي انك انسان بدون احساس لو شفت الناس يوم يدفنون الميت وربي لتموت وانت حي ياخي انا دفنت خويي اعز خوي مر علي علي بحياتي بديني تبغاني اطلع من المقبرة واشغلي رابح صقر واتنكس ياخي انا على خطاء بحياني كلها ماضمن اني انام الحين واصحى بكرة ياخي الواحد ينصح ويعتبر من اللي يشوفه وربي لو ماننصح كان الشعب ضايع تبغى يموت اعز شخص مر بحياتي واسكت اناظر طيب ليه مااثر انا في حياة الناس واخلي كثير من اللي عندهم احساس مثل العضو وافي في زمن خوان يعتبرون طبعآ انت واللي على شكلك عيشتك بدنيا اكل نوم ووناسة وبس المهم اذا ماتبغى اجر لاتاخذ سيئات ياشاطر |
إقتباس:
اول شي انا ما قلت اني ظامن عمري وما يظمن عمره الا خبل ... انا قلت انا ظامن من ربي الخير .... والله يقول ادعوني استجب لكم وانا دعيته وحق عليه الاستجابه... لكذا ظمانتي عند ربي بموجب وعده ورحمته لا بموجب عملي ... ثاني شي : يا اخي الكريم ورب البيت انه لا يمر علي عام دون ان افقد غالي وعزيز ... ولكني تعودت ان اقسي قلبي وارضى بالله وما قدره... لذلك انا اعجب ممن يتهول من الموت وكانه حادثه غريبه او جديده .... نعم انا معد للقبر عدته وارجو من الله ان كان في عمري خيرا ان يمده وان لم يكن لي فيه خيرا ان يتوفاني مسلما عاجلا غير اجل .... والله اني اقولها وبكل ثقه ولا يهمني ما تعتقد في سريرة نفسك .. اقسم بالله اني لا اخاف الموت كثيرا واني اتمناه يوما بعد يوما فرحا في لقيا المولى وهربا من دنيا الهوى .... وان كان اسلوبي قد استفزك فاعتذر عن الاسلوب لا عن فحوى الكلام .. والله يغفر عن موتى المسلمين :rose: |
إقتباس:
ياللي دفنت خويك انا دفنت عمي واربعه من اخواني وعمتي وولد اخوي وجدي .... دفنتهم وصليت عليهم وبكيتهم وترحمت عليهم ... لا تسوي لي فيها انك الملاك اللي يحب خويه ... ان كانك تشوف خويك على ضلال او ذنوب قبل موته فالله يغفر له والستر زين... وان كانك تستغل موقف وموت خويك لاجل ترص لنا موضوع تكشخ به في المجلس فاستحي على وجهك... وان كانك تبي النصح زي ما تقول ما ردبت هالرد وانتظرت من ربك يعطيك على قد النيه .... انا ما ابي احد يصفق لي ولا احد يناظرني ويعجب بي ... انتو ماخذين الامر شخصي جدا جدا جدا ..... وانا كنت ابدي راي فقط في الموضوع ... عموما اقولها واعيدها واكررها لعل الذكرى تنفع المسلمين ... الله يرحم ميتكم ويعظم اجر اهله ويغفر لنا اليوم ان اذنبنا ويوفق القلوب على طاعته اخواني ... |
ومآ من كآتب الا سينفى..ويبقي الدهر مآكتبت يدآه الله يجزآك الخير آخوي على تذكيرك.. تقبل مروري |
انتي باللي سويت لي زحمة ابرد عليك يافيلسوف يعني احد يكشخ في موت خويه ليه ماعندي احساس علشان انزل موضوع علشان احد يمدحني تصدق انك انتي مسوي بطل تذكرني بواحد اسمه انس يسوي الشي علشان الناس يمدحونه بس الحين الموضوع منزله انا يوم ماعندك رد زي الناس وشو له قاط خشتك هينا بعدين اذا انت ماتبي تحكي شي صار لك وتبي الناس تعتبر وتكون انت سبب بعد الله في هداية احد لاترد على المواضيع والمشكلة مسوي قلبك قاسي وحق افلام رعب ماحد قدك تقول مقسي قلبي لزمن اقول رح بعيد حبيبي واذا لرجال متوفي بسرطان وماتبيني ادعي له واترحم عليه اذا ماترحمت عليه من بترحم عليه اجل الله يغفر لنا ويصلح بعض افكار الناس اللي قلوبهم قاسية على قولتهم |
إقتباس:
هذا اخر رد لي في موضوعك الجميل :rose: |
| الوقت المعتمد في المنتدى بتوقيت جرينتش +3.
الوقت الان » 05:27 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd