|
فريدي ..تعال شوي ابيك بكلمة رأس..!! السلام عليكم ورحمة الله وبركاته مساك/ صبحك الله بالخير احمد>>مصدق نفسه :s2: احمد انت لاعب كبير ونحتاج مثلك كثير بالكرة السعودية كنترولاتك تمام وتسديداتك تمام وتمريراتك تمام التمام فقط نحتاج منك الاهتمام والاحتراق من اجل الشعار مثلما كان يفعل من انت خليفته الي هو يوسف الثنيان مانبي ضياع كور سهلة مانبي لامبالاة منك مانبي الابتسامة بعد ضياع كرة سهلة ترا فيه ناس يحترقون لو انت ماتدري نبيك تلوم نفسك على الهجمة (قبل لا احد يلومك) وترجع تكرر الهجمة وتسجل قول يافريدي اذا انت تحس ان الفريق كله يعتمد عليك فأنت مخطئ الفريق 11 لاعب يلعبون ضمن مجموعة متكاملة كل واحد يأدي دوره بكل حماس تذكر لما جا قيريتس قرر ابعاد التائب نهائيا والغاء عقده تدري ليه يافريدي..؟؟ لان قيريتس قال مايبي الفريق يعتمد على التايب لحاله لان قيريتس يبي الفريق كله يلعب مايبي جملة ( اذا حضر التايب حضر الهلال) واذا الادارة ماستبعدتك فحتما ستُبعد وتشطب من قلوب الجماهير يافريدي وش تحس فيه يوم تضيع البلنتي قدام نجران..؟؟ اوك اللاعب يضيع بلنتي هذي ممكن اما انك تضيع ثلاث بلنتيات وياليت كل بلنتي بطريقة مختلفة كلها بنفس الطريقة ببرووووووودك ضيعت علينا كاس الملك قدام الاتحاد ببرووووووودك ضيعت علينا نتيجة تاريخية قدام نجران طيب يافريدي افرض جدلاً ان نجران بهاك المباراة قدر يعادلنا وش موقفك وقتها وش بتقول وقتها..!! تبي اعطيك ادلة على برودك وعدم اهتمامك واحتراقك من اجل الشعار..؟؟ ابشر يبو حميد مباراة الغرافة بالذهاب لما كانت لك هجمة قدام الباب بالضبط انت والحارس وتضيعها بكل برود وباليوم الثاني تطلعلنا وتقول " اوه سوري احسبها تسلل" تضحك على من خبلان حنا ولا ويش انت شايف..!! يعني لو سجلت هالهدف كان مابكيتنا وبكيت سامي واللعيبة والجماهير حتى ان الجماهير اغمى عليها بالاياب ياخي حسسسسسسسسس فينا انت لاعب كبير هذي خالصين منها لكن نبي اهتمامك ياشيخ يافريدي الجمهور هو الي طلعك لما كنت بالاولمبي ويقدر يرجعك مو للاولمبي لالا يرجعك للانصار هناك بالمدينة انا شفتلك مباريات يومنك بالاولمبي اقسم بالله ما ازين منك ابداع بمعنى الكلمة تدري ليه..؟ لان مافيه جمهور كثير يتابع الاولمبي لان الصحافة ماسلطت الضوء عليكم اما لما جيت للاول بديت تتكبر وتتعالى على الفريق فريدي صحح حساباتك انت لاعب كبير ومانبي تخسرك اذا شديت حيلك واهتميت وحسيت بالمسؤولية ابشر بعزك ياولد حرب اما اذا استهونت فنادي الانصار مفتوحة ابوابه تشاوو |
نرجو الرفع سررريعاً عوافي |
لا تقسوا على نجومنا ( الفريدي ) والله من أفضل اللاعبين اللي يلعبوا كرة قدم جميلة بس بحكم سنه الصغير يحتاج شوية خبره , وبنشوفه نجم يقارع كبار لاعبي آسيا ... |
كم عمر الفريدي؟؟؟؟؟ كم عمر عزوز الدوسري؟؟؟ كم عمر نواف العابد؟؟؟ |
كاتب غريب وعجيب باسلوب طفيلي عموما اشك ان عمرك خمسة عشر سنة او مرسل لهدم لاعبين الزعيم اتمنى ان تعرض كتابتك على من اكبر منك يا شاطر |
السلام عليكم ورحمة الله وبركاته استاذي الفاضل الفريدي مو شغلته يسجل اهداف الفريدي شغلته يصنع كور وبعدين الكابتن اللي انت حاط صورته بتوقعيك هو اكثر واحد يضيع فرص تقدر تقولي كم كورة حطها له الفريدي قدام الوحده وقدام الاتحاد وقدام وقدام انت نسيت وش مركز الفريدي على بالك هو مهاجم لازم يسجل الفريدي يبدع وهو مو بمركزه الاساسي يوم كان بالاولمبي كان يلعب خلف المهاجمين وبعدين اذا على مباراة الغرافة ترا ياسر كان يمديه يحسمها من الشوط الاول في مباراة الاياب وبدال ماتنتقد لاعب ينتج ويسوي اللي عليه انتقد لاعب مايسوي المطلوب منه وبعدين اتوقع انك مو افهم من المدربين اللي مرو على الهلال لكن انا ماعتب عليك لان نظرك الكوري يبدو انه قاصر عتبي على ادارتنا الغاليه ومشرفينا الاعزاء اللي رفعو لك هالموضوع يامشرفينا انا اطالب بعدم رفع مثل هذي المواضيع لانها معول هدم للاعبين تحياتي |
كلامك بمحله وأنا أوافقك فيه 100% .. يعطيك الف عافية وبإذن الله الفريدي راح يبدع الليلة .. |
كلامـك صـح وتـمـاام التـمـام وانـا كنت اقـوول كـذا وياللي تقـول انـه لاعـب صغـير ويحتاج خبره قــداام البـااب يـعنـي البـاب قـدامك يبيلـك خبــره عـشـان تـشـووت !!! |
صرااحة اشوف انك بالغت حيل الفريدي رغم برودته في المباراة الا انه له نهكه خاصة في الميدان وهذي وجهة نظري |
شباب انا معكم ان الفريدي وياسر اكثر اثنين يضيعون الفرص بس ياسر مايضحك او يستهتر في الفريق اما الفرين لاموبالي في الهلال وكيان الهلال وشوف ياسر قعدوه في الاحتياط ورجع بثلاثه انا من الي يطالبون ابعاد الفريدي عن التشكيله الهلاليه كم مبارراه وسوف يرجع ويعرف ان الله حق لازم يعرف ان في اي وقت سوف يخرج للاعب افضل منه والي جاب احمد يجيب غيره وهذي كلمتين لاحمد الفريدي اتمه لنفسك قبل ان تجد نفسك خارج قلوب الهلالين وخارج اسواه |
تسلم يالجوكر والله انك قلت كل اللي بقلبي كلامك 100% واللي يخالفك عاطفي جدا ً |
كبيـــــــــر يا فريدي لبى قلبكــ |
الفريدي موهوب ولاعب كبير وصحيح يعيب عليه البرود في بعض الأحيان لكن ماتوصل لكل هالانتقاد اللاذع وش اللي ترجعه للأنصار لايكون انت اللي جايبه من هناك واحنا ماندري وش هالكلام الماصخ وايش يعني صار هو اللاعب الوحيد في الهلال اللي عليه بعض العيوب طيب ليش ماتستلم الجيزاني وليش ماتستلم المحياني والادهى من هذا كله ياسر اللي حرق دمنا في كثير من المباريات واذا حبيت اسردها لك ماعندي مشكله بقولك بس آخرها مباراة الاتحاد وسق عليها كثييييييير فالله يرحم والديك ياتكتب موضوع زي العالم والناس والا استريح وتفرج على المواضيع اللي هنا وبلاش من المواضيع اللي تجيب المرض والعتب على المشرفين اللي رفعوا مثل هالمواضيع. |
الشجره المثمره هي من تلقى بالحجر وراكم مصختوها اكثر من الازم الفريدي ما راح يعجب 50% من جماهير الزعيم الا اذا حط جل على راسه وشال الشنب مع اللحيه انااقول هالكلام واحطه ذمتي ليش ما تنتقد الفاشل ياسراللي راز فيه بتوقيعك يوم يضيع كوره ويضحك وهذا المقطع الفيديو له ياسر يضيع هدف ويضحك ومع هذا راز فيه بتوقيعك معقوله حتى الرياضيه يخش فيها نفاق ولاكن االاعب الانيق واللي مهتم باستايله اكثر من الفريق هذا هو الاعب المحبوب من بعض الجمهور الهلالي وحتى لو اخطأ تكون هناك حملات له تدافع عنه وانت واشكالك تشجعون الاعب على شخصيته مو على لعبه وكان الفريدي قائد الفريق والمهاجم الفريدي شكله بيكره اللعب مع الهلال بسببكم فيه طفل وهو يعرف نفسه معصب على هدف الفريدي اللي استعرض فيه على المسيليم يقول تخيلو انه ضيع الهدف يعني ترك الهدف وراح يتخيل على انه ضاع الهدف وجاء ابو الشباب يقلل من اهميته وراكم مصختوها اكثر من الازم برودتك يالفريدي عسل على قلبي ولا تهمك الاطفال رح والقلب داعيلك |
مشكلة الفريدي بروده اللي يشوفك ياالجوكر يقول تكلم رادوي مباشرة |
| الوقت المعتمد في المنتدى بتوقيت جرينتش +3.
الوقت الان » 08:47 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd