19 سنة .... واحداث بسيطه من حياتي

السلام عليكم ورحمة الله وبركاته








اول شي لاتضحكون على العنوان لانه الصراحه متعوب عليه
وبما اني اول مره اسوي موضوع ولكن قد قريت مواضيع
و انا بالنسبه لي اكره مقدمة ماعندي مقدمة

وبكذا كونت فوق مقدمه تتكون من ثلاث سطور وبدون لا استخدم مقدمة (ماعندي مقدمه)>>> اللهم فهمتوا

المهم الي ما فهم شي من الي مكتوب فوق مو لازم لانه مو مهم المهم الي تحت





الحدث الاول

يوم شفت حلقة طاش ما طاش عن الاسعاف
YouTube - ‫تصرفات بعض رجال الاسعاف‬‎
كنت اقول بيني وبين نفسي صح فيه قصور بالاسعاف بس مو لـ هالدرجة الي وصفها ناصر القصبي

بس كنت اقول عادي المسلسل كوميدي ولازم يبالغ

عاد مرت الايام والسنين

ونسيت الحلقة

المهم في يوم من الايام من هالسنة
قررنا انا والشباب نتجمع ونلع كره بملعب

المهم لعبنا واستانسنا وفلينها وجبت هاتريك
يوم خلصنا المبارة بدا الموقف
انه في واحد من الشباب الي لعب معنا جاه ضيق تنفس
والرجال عاد متين واثقل من البعير ما شاء الله
المهم جا واحد من الشباب كلم الاسعاف
وبكل برود بدا يساله عن العمر والاسم ومعلومات بطاقة الاحوال كامله

>>>>> الولد زاد على الضيق والاسعاف باقي يسال
المهم يوم قعد ساعه ياخذ معلومات الي يكلم
قاعد ساعه ثانيه ياخذ معلومات الميت >>> استغفر الله اقصد الي بغى يموت
ويوم قعد ساعه ياخذ معلومات الميت
قعد ساعه ياخذ الوصف مع العلم اننا ما كنا بالرياض او جده علشان نقول المدينه كبيره و مايفهم
كنا بالهفوف كبر حي من احياء الرياض
وبعد طول انتظار ولا جاء الاسعاف
قلنا مافيه الا نشيل الولد ونحطه بالسياره وعلى المستشفى
بس المشكله مثل ما ذكرنا سابقا الولد بعير ولا قدرنا نشيله وتركناه بالملعب

عاد شفنا دوريه راح واحد من الشباب يقولهم ترا فيه واحد بالملعب ماندري هو يبي يموت ولا مات الرجال ما قصر تفاعل معنا وقال توني شايف اسعاف يفرفر هنا وراح وجابه
يوم وصل الاسعاف وياليته ما وصل
المفترض والمتعارف عليه انه الولد بيموت وهم تاخرو حيل المفترض انه يجي يركض
بس للاسف كان قاعد يكمل الساالفه لخويه السواق >>>>> العن ام البرود
جا ء واحد قال له ياخي تحرك الولد يبي يموت وانت قاعد تسولف وبكل وقاحه جاء الاسعاف يبي يتهاوش يقول له لا تنافخ علي
قاله ياخي انا اسف بس تعال شف الولد
واخيرا وصل للولد واخذوه ودوه للمستشفى
والحمد لله الولد قام بسلامه
انتهى....




الحدث الثاني
شوارعنا الله يخلف على الي هندسها واشرف عليها واي واحد له علاقه بها

قسم قسمات الناس صارت تبطل تشتري سيارات من سبب هالشوارع

1)فيه مره من المرات كنت انا وخويي نمشي باحد الطرق العامه وبنص الطريق طرا على بالنا نعد ( ياربي وش تسمونهن ) مادري وش اسمهن بس الزبده الصحون حقات المجاري اكرمكم الله

فوق 14 صحن بنص الطريق طبعا هذا غير الحفر والمطبات

2) يوم ان شركة الكهرباء يكسرون الشارع الي قدام بيتنا بساعات ويخلصون شغلتهم بساعات اقل

بس يرجع الشارع مثل ما كان يقعد له شهر ليـــــــــــــــــــــــــش

3) في احد شوارع الدمام فيه شارع عام حفر مكسر صحون مجاري وكل شي شين موجود بالشارع

وكان عليه مشروع سكني لاحد الامراء خلص المشروع واستبشرنا خير ان الامير بيجي يشوف مشروعه ويصلحون الشارع

الغريب انه قدرو يعدلون الشارع بوقت خرافي بس القهر الشارع رايح جاي ما صلحوه كله بس صلحو الشارع الي مر عليه الامير ياخي العن ام النذاله طيب وش ضارهم لو كملوه كله

الحدث الثالث

المصاريه وش يحسون فيه
ليش منقهرين ؟؟!

*المصري حق المطعم رحت باركت له على سقوط الطاغيه مبارك راح رد وهو بقمة فرحته الله يبارك فيك
بعدين قال عقبالكم قلت له ليش عقبالنا الحمد لله حنا مرتاحين مع ملكنا الله يرجعه بالسلامه

بعدين قال الا تقدرون جيت قلت له وش دخل نقدر ولا ما نقدر انا اقول لك مرتاحين تقول تقدرون قال اها على بالي تقول مش قادرين (طبعا انا الكلمه الي قلـتها له مرتاحين وهو سمعها مش قادرين )


*مدرس مصري يقول ياخي حكومة السعوديه نفس حكومة مصر قلت له اقول ابلع العافيه لو نفسها ماجيت تدور رزقك هنا



*الاعلامي المصري الميرازي مادري مرززاي وش حارق رزه يوم يقول الاعلام السعودي ما يقدر ينتقد العاهل السعودي
ياخي ننتقد ما ننتقد مالك شغل

صح حنا عندنا فساد ادراي ومالي
وعندنا سرقات
وشوارعنا خايسه
وعندنا سيول
بس مافيه ذاك الظلم والفساد من الحكومه الي يستدعي ان الشعب يسوي انقلاب

ياخي الي يقارن المملكه بدول الخليج من حيث الرواتب طيب ياحبيبي رح شف عندهم طبق البيض بكم

وبعدين يكفي ان الحكومه تحكم بالشريعه الاسلاميه
واالظاهر انها الدولة الوحيده الي تصرف لطلاب الجامعات مكافات

وبعدين اصلا الخروج على ولي الامر حرااام

(ومن خرج من الطاعة وفارق الجماعة، فمات مات ميتة جاهلية) رواه أحمد (2/ 296)، ومسلم (1847) من حديث أبي هريرة رضي الله عنه.

يعني يالمصاريه اهجدوا ولا يكثر





*ولا تدققون على الموضوع لان هذا الظاهر هو اول مادري ثاني موضوع


ايه صح تذكرت كاني قريت موضوع يقول ان الملك عبد الله قال لتوجري يفتح صفحه بالفيس بوك مادري يابو بتقنعني ان الملك عبد الله يعرف وشو الفيس بوك










شطحه : عبد العزيز اليامي وش يحس فيه ما خلا مخلوق حي الا عذبه انا حدي اروح عند الاستراحات اقط (ارمي) حصى على الكلاب واهج

احس اني حطيت كل شي اعرفه بحياتي هنا بالموضوع

خلاص خلص الموضوع مع السلامه

إقتباس السلام عليكم ورحمة الله وبركاته

و عليكم السلام

إقتباس قسم قسمات الناس صارت تبطل تشتري سيارات من سبب هالشوارع

هذي عجبتني قسم قسمات

إقتباس فيه مره من المرات كنت انا وخويي نمشي باحد الطرق العامه وبنص الطريق طرا على بالنا نعد ( ياربي وش تسمونهن ) مادري وش اسمهن بس الزبده الصحون حقات المجاري اكرمكم الله

بالوعـــه و انت بكرامه

إقتباس ياخي الي يقارن المملكه بدول الخليج من حيث الرواتب طيب ياحبيبي رح شف عندهم طبق البيض بكم

بخمسة رياال

إقتباس ايه صح تذكرت كاني قريت موضوع يقول ان الملك عبد الله قال لتوجري يفتح صفحه بالفيس بوك مادري يابو بتقنعني ان الملك عبد الله يعرف وشو الفيس بوك

إقتباس شطحه : عبد العزيز اليامي وش يحس فيه ما خلا مخلوق حي الا عذبه انا حدي اروح عند الاستراحات اقط (ارمي) حصى على الكلاب واهج

كل هالموضوع عشان ع الشطحة

إقتباس احس اني حطيت كل شي اعرفه بحياتي هنا بالموضوع

الله يعطيك طولت العمر

إقتباس خلاص خلص الموضوع مع السلامه

اللــه يحفظك

،،

إقتباس الحدث الثالث المصاريه وش يحسون فيه ليش منقهرين ؟؟! *المصري حق المطعم رحت باركت له على سقوط الطاغيه مبارك راح رد وهو بقمة فرحته الله يبارك فيك بعدين قال عقبالكم قلت له ليش عقبالنا الحمد لله حنا مرتاحين مع ملكنا الله يرجعه بالسلامه بعدين قال الا تقدرون جيت قلت له وش دخل نقدر ولا ما نقدر انا اقول لك مرتاحين تقول تقدرون قال اها على بالي تقول مش قادرين (طبعا انا الكلمه الي قلـتها له مرتاحين وهو سمعها مش قادرين ) *مدرس مصري يقول ياخي حكومة السعوديه نفس حكومة مصر قلت له اقول ابلع العافيه لو نفسها ماجيت تدور رزقك هنا *الاعلامي المصري الميرازي مادري مرززاي وش حارق رزه يوم يقول الاعلام السعودي ما يقدر ينتقد العاهل السعودي ياخي ننتقد ما ننتقد مالك شغل صح حنا عندنا فساد ادراي ومالي وعندنا سرقات وشوارعنا خايسه وعندنا سيول بس مافيه ذاك الظلم والفساد من الحكومه الي يستدعي ان الشعب يسوي انقلاب

على الفساد المنتشر في بلدنا ،، ترا والله اننا محسودين على دولتنا ماهو هياط ولا كذب بالمشااعر لكن هذا الصدق ،، اقول ( الله يعزك يا وطن )

،،

لك اخووي