اولا بسم الله الرحمن الرحيم ... حاولت امس بعد المباراة ادخل المنتدى الزعيم وانا في حاله صعبه من النرفزه ورفعة الضغط من العك اللي شفته في المباراة والحين انا بارد الاعصاب هادي ولله الحمد والشكر وخلونا ناصل لحل لفريقنا الهلالي اللي حاله الحين لايسر لاعدوا ولاصديق .....
خلونا نتكلم بواقعيه وبدون عواطف لان ماحد وصلنا للمواصيل هذي الا العواطف....

1- المباراة امس ماكان طرف فيها الهلال ابد وحنا ماشفنا بالملعب الا القمصان الزرقاء(قالها الامير نواف بعد مباراة المانيا) وحنا نقولها بعد مباراة الرائد.

2-المباراة امس كانت في الشوط الاول متوسطة المستوى واقل من قبل الهلال . وفي الشوط الثاني سيطر الرائد وملك المبادرة .

3-الهلال كان ضايع امس احس انا الفريق يلعب بدون خطه ومدرب والفريق ماشي بالبركه هينا سوال ليش الفريق يخسر من الرائد اللي انهزم من الاهلي خمسه والنصر سته انا عندي الحل تبي تقولون لانه يلعب قدام الزعيم انا اقولكم صح عليكم بس ليش الزعيم مايلعب في مستواه ويرضي جماهيره .

على العموم موضوعي هو محاسبه الاعبين عن مستوياتهم اللي كل الانديه تطبق هذا النظام ماعدا نادي الهلال النادي المثالي في هذا الشي واللي ماقد سمعت ان لاعب تعلرض لمسالة اومدرب تعرض لمسالة .... وانا الحين ابعطيكم بعض الامثله...

1-الاتحاد يوم مباراة مع الطائي تعادل معه وتعرض اوسكار لمساله واعلنت هذه المساله ويوم لعب مع الرائد وفاز عليه الاتحاد تعرض لمساله وهو فاز في المبارة وكان السوال والمسالة على المستوى ليش ياوسكار المستوى هابط؟ وفي الهلال تعادل مع الرياض والنصر والاتحاد والرائد وماسمعنا عن مسالة المدرب بالاتشي واظن ان هذا ماراح يصير الا اذا طلعنا من المربع .

تبي تقولون وش الفائده من المساله اقولةكم شوفوا مستوى الاتحاد الان وشوفوا وش سوت المساله للمدرب .

2-في الاهلي خسر الفريق اول الموسم من الاهلي الاماراتي وانقلبت الدنيا راسا على عقب الاعبون تغير نصفهم في المباريات في الدوري واوقف بعضهم وتغيرت الاداره في ظرف اربع وعشرين ساعه
ليش لان فيه شي في النادي ولازم يتصلح . وحنا في الهلال تعادلنا في اربع مباريات ولم نذق طعم الفوز منذ اكثر من اسبوعين والامور كما هي وكأن شي لم يكن (مكبرين الوساده).

والله ثم والله لوتفتح المحاسبه مع الاعبين والمدرب كان تشوفون وش بيصير خلونا نحلم ان تم محاسبة الاعبين في مباراة الامس تعالوا نشوف وش بيصير لكل لاعب:
الاعبـــــــــــــــون....
1- محمد الدعيع ليش المستوى مره فوق ومره تحت ليش المستوى متذبذب على العموم خصم 20% من الراتب.
2-عبدالله سليمان نفس الدعيع حاول ترفع مستواك لان المستوى من بطولة الخليج وهو هابط على العموم خصم 20% من الراتب وراح يزيد الخصم اذا مارفعت مستواك.
3- فيصل الصالح تمام بس المدرب القدير بالاتشي ملعبه محور وهو مركزه وسط ايمن وكلنا يذكر كيف كان مستوى الصالح في بطولة الامير فيصل العام الماضي مع ارثر جورج يعني اللي لازم يتحاسب على هذي هو بلاتشي. وبعدين حتى لوانت يالصالح في المركز الوسط الايمن ترا مستواك الله بالخير وهذا انذار لك واذا مافاد الانذار ترا نبي نشوف حل ثاني لك...
4-عبدالله الجمعان انت ياعبدالله تمام وانت توك راجع من الاصابه ومستواك تمام وماقصرت فعلا انت اللي نرفع الراس فيك بس عليك بعض الحركات مثل الغياب وعدم المسووليه اللي اتمنى انك تنتبه لنفسك تراك انت ثروه ولاعب فنان وانت تملك فنون في الكوره توهلك الاحتراف في ريال مدريد بس انتبه لنفسك .

5- خالد عزيز انت حالك حال ترا الدنيا يوم لك ويوم عليك وانتبه من الغرور واذا لعبت ناظر الملعب ولاتلعب وانت تناظر الارض تقل ادور فلوس على العموم انت والعمودي اللي طالبنا المدرب يعطيكم فرصه انتبهوا على حالكم واهتموا بنفسكم ترا هذا الهلال اللي توكم ماقدمتوا له اي شي الى الان وحنا نعتبر هذا انذار لكم وتراكم تحت المجهر من الان وصاعدا ..

6- محمد لطف انت يامحمد اعطيت فرصه بس ماقدرت الفرصه وحسبي الله على ماتورانا وبالاتشي اللي رجعوك بس الحل هو وحيد ولافيه غيره انت مشطوب ولا اقولك دورلك نادي ثاني انت موضوع على قائمة الانتقال.
7- المسعري انت نفس محمد لطف موضوع على القائمه وياليت بلاتشي تاخر في الوصول شوي وانت وقعت للرياض بس الله الي مقدر الامور ولااعتراض على حكم الله على العموم دورلك نادي ثاني وحنا في الهلال مانبي منك شي ترانا متنازلين عن قيمة انتقالك.
اما الاعبين الاجانب والله ثم والله لو نحسبهم من اليوم الى بكرا وبعده ماراح نخلص

حلوههههههههههههههههههههههههههههههههههههه علمك ليش لاني مدير مالي متخرج من اربع سنوات تخصص محاسبه

ما فيع شيء مفهووووووم