|
هـاذي متـوسطة ماهيب جـامعة !! الســلآم علــيكم ورحمة الله وبركاتة.. كان ودّي يكون أول موضوع لي بالمنتدى والشبكة عامة أفضل من كذا بس الشكوى لله... رجعت الدراسة وبدى الفصل الدراسي.. وزي مايعرف أي جامعي الأسبوع الأول غالبا للجداول تعديل - حذف - اضافة... ألخ المهم.. يوم السبت دخلت موقع الجامعة وشيكت على الجدول وضبطته.. باقي بس أطبعه قلت أروح للجامعة اطبعه هناك أحسن .. أغير جو وأتفقّد الكلية مبطي عنه >>حاذف الفصل اللي راح:sleep: مامسكت الا اليوم أني أروح.. طبعا رحت مواصل لأني اذا نمت صعب اني أقوم.. حركت من البيت الساعة ست ونص (أحب التفاصيل المملة:d ) وصلت بحمد الله.. وقفت الموتر .. صعدت الى ساحة الجامعة .. مرّيت الكوفي واخذت لاتيه يدفي ضلوعي البردانة.. هرعت الى الكلّية.. صعدت الدرج تلو الدرج الى الطابق الثاني عند قسم الحاسب.. لمحت الساعة.. سبع وعشر دقايق ( مع العلم أني عارف أن موظفين الحاسب مايشرفون الا الساعة ثمان بس عشان الزحمة جيت بدري) يووه وش ابقضي وقتي فيه .. هنا حمدت ربّي ان عندي جوال يسمونه آيفون:smilie47: ممتلئ بالألعاب المتنوعة.. وخذلك لعب لعب مرة واقف مرة جالس وأدخل ألعاب أول مرة أدري انها بجوالي>> حمل وأمش:d وكل شوي المح الساعة .. دخت والنوم طب علي.. جان شد عضلي من كثرة الوقوف.. وبدت الشكوك.. أروح ماأروح .. أقعد ماأقعد .. ابيع الجوال ولا ماأبيع:d وأخيرا وصلو الموظفين .. وأنقز عند الباب أول واحد .. فجأة سمعت صوت يقول : اللي مالبس شماغ يرجع ويلبس ولا مافيه جدول.. هههه قلت شكلي بديت أهلوس من السهر..أنت ماتسمع يالله أرجع.. أنا:ai:.. أيه أنت مالبست شماغ مافيه لحظة صمت مرت علي.. شريط الذكريات مر أمام عيني >> حشى غرقان بقاع البحر:d يابن الحلال من جدّك أنت وش شماغة.. سمعت الكلام يالله أرجع يابن الحلال انا جاي اخذ جدول ماجيت أقدّم على وظيفة.. أقول ترى اباخذ أسمك و.. و.. ( هياط بهياط ) معقولة لي ساعة هنا ورجولي تكسرت وجاي مواصل.. طيب ليش مانبهتوا بالموقع ليييش؟؟ نويت شرّ بس تعوذت من أبليس ورحت.. تبي تاخذ جدولك من الجامعة ألبس شماغ.. فيه مهزلة أكبر من كذا .. فيه لعانة أقوى من كذا.. ياعيال قسم بالله ماأصدق اللي صاير والله لو أني مهب مواصل ودايخ أني لا أستقعد له لو أوصلها وين ماتوصل.. هل هي من قوانين الجامعة.. أحد يقولي لأني أنا أول مرة أعرف.. وبس .. أكتب الموضوع وأنا مواصل فـ أعذرون اذا ضيعت شوي.. برب نووووووووووووم |
يابن الحلال جامعتنا مسخرة بكل شيء طول بالك انت ولاجاء اخر ترم خربه |
جامعه القصيم فاشله من جميع النواحي من وين ما تطقها عويه |
الله يعينك اخوي والله مشكله |
ياخوي احمد ربك ما قالو لك روح البس جزمة سوداء وشراب اخضر مقلم بيني وبينك مسخرة متعودين عليها من زماااااااااااااااااان صحيح نعشق الوطن ونحب اللباس الوطني بس ياخي محل عن محل يفرق مشي مشي أخوي ونشوف الى أين سنصل ؟! |
الله يكون بعونكم يارب العالمين موفقين خير ~| |
ما أٌقول الا كما قال ابو الطيب حينما زار مصر ..:d أغاية الدين ان تحفوا شواربكم ** يا أمة ضحكت من جهلها الامم :( بصراحة ما كنت اتوقع توصل الامور الى كذا :s5s: اهم شي عساك دبرت امورك وتسلفت شماغ :D حياك اخوي بالمجلس :smilie47: واحسن ما في الموضوع التفاصيل الممله دمت بخير ,,, |
يقلع ام السبب البايخ طيب :ranting: فوق ماهم متأخرين ولازم بـ شماغ :s5s: وش الحكمه طيب ..؟؟ |
لازم تلبس شماغ هذا معروف في الدوائر الحكومية يعنني مدري<<صاحب الموضوع:d |
السلام عليكم ,’,’,’, بصراحة خلونا نكون واقعيين أكثر ,’,’,’,’, بالنسبة للزي السعودي والمراجعة في الدوائر الحكويمة شيء معروف ومطبق اما ان الشخص يدخل على الموضع كدش ولا شوشه ولا قصه ولا لابس جنز ولا بدله رياضه يا اخي هذا كله ما يصلح ولا هب لائق أبدا فانا أعرف دكتور جامعه إذا دخل عليه الطالب لابس جزل ومربي كدش يطلعه يمس السبورة ثمن يقوله مبروك شافوك الطلاب مشخص ( : ثمن يقوله مع السلامة لأعد أشوف جايني باللبس هذا ! معه حق انت دع نفسك مكان الموضف وجاك واحد لابس شماغ لكن مسوي في شعره أنواع الأشجار والحوسات وش بتسوي ؟ |
بس طلب منك شماغ :ap: احمد ربك ما حدد لك نوع الشماغ :naughty: تبغي الصراحة احسنs121s كل مكان جينز و خرابيط :ranting: لدرجة ان فيه ناس ما تلبس الكندورة الا بالعيد :mad: بالتوفيق :rose: |
إقتباس:
يعني الآن إتباع النظام صآر ظآهري .. لبس الشمآغ ... طيب إلتزم بمواعيد الحضوريالموظف .... إلتزم بأمور أكبر من كذا ... يعني نمر على نفس الديباجه ... فيه اولويات أكبر ... وفيه أمور أهم .... ليت بس يوم يجي تلقى الواحد يفكر في حاله ... ويترك عنه الوصآيه على خلق الله |
يا رجال الحين البوابه الالكترونيه معلقه الله يعين انت تقصد جامعة سعود ض1 |
اللي اعرفه ان المراجعة بالدوائر الحكومية لازم تلبس فيها الزي السعودي كامل .. ما أدري هل أهم يكفي الثوب ؟ بس أعتقد لازم شماغ و سروال الأصيل :d .. |
يا رجال الشماغ يهون ! شف المهزله بتعديل الجدآول ! فاتح خشتي اليوم وبضبط الشعب واخرتها الشعب تغلق قدامي والبوابه مهنكه !! والى الان البوابه مضروبه ضرب الله راس العدو ع1 |
| الوقت المعتمد في المنتدى بتوقيت جرينتش +3.
الوقت الان » 05:02 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd