لا تستغربون يمكن فيوم يطلعون لنا لوحات تنبيهيه بالشكل هذا ..

شوارعنا والمطبااااات .. معاناه لا يحس بها سوا قائدي السيارات فلذالك يرجى من الحريم انهم بس يتفرجون على معانتنا فقط علشان تفكرون انتم تبون تسوقون ولالا وتراجعون انفسكم بالموضوع هذا ..

ياحب وزارة المواصلات لخسارة مواطن لكفر توه مشتريه بذيك القيمة السنعه واخرتها يبنشر بسبب حفرة او مطب مايسووى ..


بما اني صديقن لنفسي واعلنها على الهواء مباشره ،،
تسألني أطال الله بعمرها ،، ليش شوارعكم كذا وانتم اغنى دولة بالعالم والكرة الارضية .. والناس برآآ تصرف الملايين والمليارات على شوارعها من حيث النظافة والحفر ..

وهنا الشوارع تحس ان صاايبها عنقز ومالقت علاج أو محد اعطاها وجه يعالجهها على نفقته الخاصة ويسوي عملية تجميل لها

بقولكم قصة المطبات هااذي اللي سببت لي احزان واحزان

مرة قررت اني اخربها واطقم للمزيونه كفرات جديدة
الوكاد اني بذاك اليوم مستانس على الكفرات وحااس ان سيارتي تبي تطير من الفرح

مريت لي مع شاارع به من المطبات انما ايـــه ..تاااخذ العقل ،،
والشاارع هذا مشهور عندنا فتبوك بالمطبات والحفر فاللي يعرفه ارسله تهديد بانه لا يمر معه
الوكاد اني اكلت لي مطبين عالسريع بس محد شافش حااقه
<< يالليل البلشة
وارجع للبنشري واقوله عن المعاناه ابيه يعوضني عن الكفر او يستبدله بواحد جديد ،،

شارع ااخر يسمى بشاارع مبارك
هذا الشارع تمشي معه تحس انك بحفلة لدار الاوبرا ،، فلذالك اللي يبي يسوي ريجيم انصحه انه يمر على هالشارع ويااخذ له شوط او شوطين على حسب النفسية لتخفيف فقط لا غير ..

من الاشياء اللي تقهرني بالعالم << شارع مبارك هذا << والبقالة اللي بجنب البيت اللي كل يوم وهي منسرقة وكل يوم ينضرب البنقالي رااعيها ،،

نفسي تقولي وتسولف علي تقول حلم حياتي اشوف شواارعكم من غير مطبات او حفر ...

بالمنااسبة : قصر الامير فهد بن سلطان اللي يعرفه الشوارع اللي حوله شوااارع نظيفه ومافيها اي حبة عنقز بالشووارع هااذي ،، بالمقاابل لو ترووح للحارة اللي مقاابل هالقصر وتجي مع شووارعها تكره السااعه اللي جيت معه ......

في النهااية ،، متى يتحقق حلم نفسي ونشووف شوارع نظيفة من غير حفر او مطبات

لكم

إقتباس اولا مبرووك الخطبه والله يتمم لك على خير قريت انك خاطب بعدين قريت التالي فتلخبط عندي الامور شوي بالنسبه للموضوع عادي هم يسون كذا علشان يزينونها لكم لكن انتم بس مستعجلين الله يهديكم يعني مافي شارع يضل محفور الى الابد بيجي وقت ويعدلونه ... اما عنوان موضوعك ذكرتني بسالفه لما رحنا عمرة وكنا مواصلين يوميين مانمنا جلسنا باخر السيارة وكان طريق المدينه كله حفر وتحويلات وسيارتنا جمس ومسرعين واذا جينا حفره نقزناها وصكت روسنا حنا ياللي بالاخير بسقف السيارة انا درت وجهي عكس الناس .. يعني اشوف لوح الطريق اللي جاي عكسنا وشوي الا لوحه انتبه امامك تحويله وانا اصرخ شوي مطب قدامنا مطب يعني مثل صاحب النكته وعذرا على القصه

الله يبارك بعمرك ،، تحياتي لك

،،

إقتباس السلام عليكم ورحمة الله وبركاته الله يبارك لكم ويبارك عليكم ويجمع بينكما بخير ويوفقكم دنيا وآخره ويسعدكم.... اما بالنسبة للمطبات انا اأيدها صراحه اولاً تخفف من السرعه وثانياً تقلل التفحيط <<من وجهة نظري واكيد لهم اهداف ثانيه اما الحفر لاتعليق صراحة وكفراتك الله يعوضك بأخير وابرك وليس لك سوى الصبر فالله يعينا ويااك شاكرة لك الطرح

الله يبارك عمرك ويستر عليك ،،
اما بالنسبة لرأيك فاختلاف الرأي لا يفسد للود قضية ،، تحياتي وشااكرلك

،،

إقتباس أخي داق لطمة : بالنسبة للطرق .... لا توجد دولة في العالم لاتخلو من مشاكل الطرق ... على سبيل المثال خالي زار عديد من دول شرق اسيا وسقول لم أجد شوراع دولة مثل شوراع السعودية .... أخوكـ أبو عزام

اخوي ابو عزام ،، شووارعنا كلها مطبات وحفر بشكل غير طبيعي يعني انا اللي تمنيته انهم يلقون لنا حل بالمشكلة ذي ،، تحياتي وشااكر لك

،،

إقتباس ايييييييييييييييييييييييييييييييييييييييييه يـ المطباااااااااااااااات مطبات وحفر وحومة تسبد ! الحين شارع حول بيتنا [ مقرن بن عبدالعزيز ] ! تخيل فيه 5 مطبات بـ اقل من 60 متر ! ولا واحد من هـ المطبات رصيف خخخخخخخخخخخ الله يعوضنا بس

معاناه وربي ،، تحياتي وشااكر لك

،،

إقتباس ي رجــال صار الواحد ما يفكر يشتري سياره جديده والسبب هالمطبات والحفر اللي بكل شارع بتبوك ما عدا شارع الخمسين ’

اتوقع الشارع الصااحي بتبوك شاارع خمسين ذا بس ،، تحياتي لك يا جااار

،،