بسم الله الرحمن الرحيم

الف مبروك الفوز والثلاث نقاط ان شاء الله تقربنا من تحقيق الدوري ..

بصرآحة استغرب الهجوم الشديد على احمد الفريدي والشي الغريب من بدايه الموسم بعد كل مباراه الكل يتحدث عن مستواه وبروده واللامبالاه صحيح الاعب السنه هذي مع جيريتس ماكان بالمستوى المطلوب لكن مع كالديرون عاد احمد اللي نعرفه واعتقد السبب انه ثبت بمركز صناعه اللعب ..

احمد لاعب كبير وموهوب وشي غريب اللي يصير له من الجمهور احس في اعضاء مو متقبلين منه اي شي اللي شاف مباراة اليوم وش الشي اللي ممكن يسويه غير اللي سواه بصراحه اشوفه افضل لاعب بالملعب يتحرك بكل مكان وهو مصدر الخطوره صنع 5 فرص وصنع هدف صحيح ضيع انفراد بس الغريب كل لاعبين الوسط والهجوم ضيعوا بنفس المباراه ليه اللوم على احمد ..

اللي يرجع لمباراة الاتحاد برغم انه ماكان بمستواه ابدا صنع فرصتين لياسر امام المرمى لاعب خطيررررر جدا وعلى فكره ستايل احمد نادر جدا لاعب يلعب بكل مراكز الوسط هجوميا ودفاعيا نفس المستوى واثق من نفسه وجريء مهاري ودائما لعبه مفيد لانه تقريبا معظم كراته طوليه ومايحب اللعب العرضي ويجيد الاختراق بشكل كبير ..

الاعب فيه عيوب ماننكر لكن ايجابياته كثير ولاعب يتحكم برتم الفريق بكل امانه يعيب احمد امام المرمى سيء جدا احمد لو في فريق غير الهلال متاكد كل الاعضاء راح تطالب فيه اذا سمحتوا خفوا الضغط عليه شوي وانتظروا اسطورة سعوديه قادمه .


نقـــــــــاط :

* السديري مكسب كبير لكن اتمنى الصبر والاصرار عليه مركز الحراسه خصوصا محتاج صبر .

* هوساوي الفترة الاخيرة عاد لمستواه الكبير بالتوفيق لهذا ( الرجل ) .

* رادوي الموسم هذا مو مثل اللي فات باصاته الخاطئه اكثر من الصحيحه للاسف .

* نامي افضل ظهير حاليا بالهلال .

* عزوز الدوسري والفريدي والقرني والسديري مستقبل الهلال باذن الله .

* لايوجد مهاجم بالهلال للاسف سوى المحياني في بعض الآحيآن .


اسف على الآطاله ..