|
رادوي يلقاها منكم ولا من الحـاقدين ..!! استغرب كثيرا الردود من بعض جماهير الهلال التي شنت حمله على رادوي وطالبت بعاقبه !! استغرب وانا اقول وينكم يوم ينطرد لو يونج في مباراة ذوب اصفهان ؟ وينكم عن طرد اكثر من لاعب لم تكون ردة الفعل مثلما حدثت مع رادوي !! رادوي افضل لاعب هلالي بدون منازع يجب ان يدعم والشد من آزره هو لاعب محترف وكل لاعب معرض للطرد.. في 3 مباريات متتاليه المسلسل يتكرر بمحاولة " الاعتداء " عليه ومحاولة اذاءه بتعمد اولهم كان تركي الثقفي ثم محمد نور واخيرا لاعب الوحده اليوم.. هذا وهو لاعب محور ارتكاز يتعرض الى هذا العنف اجل لو انه مهاجم ولا جناح ؟!! لابد علينا من دعم رادوي ومعاقبته ام لا ستكون داخليه وسريه من قبل ادارة الهلال وليس في رأيي مقبوله ان تظهر للاعلام . اخيرا اقول رادوي يلقاها من الاعلام النصراوي ولا من بعض المحسوبين على جمهور الهلال !! شكرا للجميع |
لابيلقاها منا ولا من الحاقدين بيلقاها من لجنة الانضباط الي لها فتره نايمه وبتصحى على رادوي :( :( الله يسسستر بسسس ولا رادوي هو اخطأ ولكن اخذ حقه بيدهـ ولانشجع مثل هذا التصرف فلذلكـ سيلقى اللوم من قبل بعض المحسوبين على الجماهير الهلاليه .. ولكن يبقى نجم نجم نجم الله يحفظه للهلال يااااارب اختكم .. ميمي |
شكرا لك .. لاعب يركل لاعب آخر بتعمد و تهور و من ثم يوجه لكمة أيضا للاعب آخر ..أعتقد أن مثل هذا اللاعب لا يستحق التعاطف ..!! |
والله طردت رادوي نكدت علينا فرحة الفوز مصدووومة الى الحين<< |
يا أخي كلامك صحيح وتشكر عليه هؤلاء فقراوية قذرين عاملين طابور خامس .... وبعض ربعنا مع الخيل يا شقراء ! ! |
الاعب اخطأ ولا أحد ينكر ذلك الا جآهل .. والعقآب يأتي من الأدآره .. .. لكن الجميل في موضوع رآدوي انو خلال ساعتين فقط تبينوآ الأعضاء الحاقدين والمندسين واللي يدسون السم في العسل .. ومن اللي استغل ويستغل حتى الأن غضب الجمهور وعدم تركيزهم .. ومن اللي غآضب على رآدوي ولكن بحكمه وعقلانيه ويحرص على مصلحة الهلآل ويهمه الكيآن .. هذا وقت المشرفين يتتبعون ردود الأعضاء .. ويوقفون كل من تعدى الخطوط الحمرآء وبدأ يستغل الوضع .. |
نقول رادوي يستحق الاحمر وبقوه .. ويستحق عقوبه ادارية خصم او غيره .. انتيهنا .. الي يطالب باكثر من كذا .. بقوله اذا لاعب محور معرض للكروت اكثر من غيره ولا ياخذ كثر لاعب وسط مثل حسام غالي لما كان بالنصر .. وبرضو حسام غالي ماتشوهت صورته مثل رادوي لان عندنا جمهور صار يسمع للغير ويتاثر بالي يسمعه .. اسولف انا ونصراوي قبل فترة قال رادوي المفروض يشطب .. ضحكت قلت له وتفاريس الجزار ؟ ضحك وقال لا خلاص صار حبيب دامه انتقل منكم يعني حتى هم عارفين هالامور بدواخلهم لكن الغريب يجي شخص يقول انا هلالي ويقول رادوي يتوقف لا يقل عن 4 مباريات !! تقوله اسامه المولد ماتوقف الا لانه اخذ بالموسم 3 كروت حمر .. يقول (ولو) يستاهل رادوي والا هذي حركه ؟؟ وغيره يقول على اقرب طياره !! شي عجيب بجد |
بصراحه ماله داعي رادوي شفت لو انها فعل ورده فعل كان عادي بس المشكله محد جاه |
الله يسسستر من لجنــة الانضبـآط والله يدي على قلبي :cry: |
اي والله جد مايعرف لكم وجه وارضاء الناس غاية لاتدرك اتمنى منكم عدم القسوة على رادوي أكثر من كذا والعقوبه ستكون بينه وبين الإداره وأتمنى ماتكون معلنه ف الاعلام والله يستر من ظلم لجنة الإنضباط وتربصاتها بنجوم الزعيم |
خلوا عنكم والله انه بطل:d شاف الادارة ساكتة قال اخذ حقي بيدي ولا برجلي:naughty: شبيه الريح مايخفى عليك ان رادوي هو اللاعب الوحيد اللي يستفز بالملعب لانهم يدرون انه نفسه قصير وماراح يسكت مدة طويلة ويتعمدون اغاضته عشان يصير له اللي صار له امس لانهم يشوفون ان رادوي عمود من اعمدة هالفريق وخروجه من الملعب شي مطمئن ومافيه شك خايفين من المزعات ومن الصواريخ المهم انك تشوف له حل وتقوله ان كان وده يدبج احد لايدبجه الا والكورة معه :d هو يشوف ياسر ينغبن من المدرجات ولا احد تحرك شاف لاعبين الاندية الاخرى يتفلتون عليه ويستفزونه والحكم يتعامى انا عن نفسي اقوليارادوي ليتك ماخذه رجله معك للبيت تسند عليها طاولة الاكل فدى اجل يقول ان حط يده على وجه رادوي؟ حط نفسك في مكانه غير تفصلها له من بطنة..! وفي ناس بالمدرجات يقولون الوحداوي مب خالي محارش رادوي يستاهل ماجاه,,رادوي غلط انه ضرب من غير كرة فقط رادوي خسرناه بالمباريات القادمة والحمدلله على كل حال لكن مانبغى نخسره مرة ثانية:smilie47: تؤبرني شو رجّال:d |
إقتباس:
+100000000 هههههههههههههههههههههههههههههههه الله يسسسعدكـ مت من الضحكـ :s2: احلى تعليق الي للان قريته عن ماحصل لرادوي بعد تعليق طبعا هلاليه محترفه :smilie47::wub: |
أخي الذهب يظل ذهب .. لاننكر حبنا جميعاً للكابتن رادوي وماله من تاثير على الفريق بل على الدوري بأكمله .. لكن ياأخي اللاعب غلط وكثرة تصرفاته الرعناء تخيل بالله انك تلعب نهائي آسيوي وحدث مثل ماحدث البارح .. انا اقول لابد منا محاسبته واقول على الجمهور مقابلته بصافرات الاستهجان مثل مافعل مع الخلوق اسامه هوساوي مع اول غلطة ارتكبها وتحديدا بعد مباراة ذوب اهن الايراني ... فيجب ان نبعد العاطفة قليلاً ونحكم العقل في ذلك .. ولانسكت عن هذا الموقف وهذه المرة الله ستر ولطف .. واتمنى التوفيق للزعيم .. ولايطلع احد ويقولي مندس والا عميل .. انا اعشق الزعيم من عمري ست سنين ومش محتاج ابرر لااحد .. بس لابد من اتخاذ موقف ... هل انتم فاعلون ؟ وكافي دلال ودلع.. وتقبل مروري أخي العزيز ... |
إقتباس:
شكرا لك |
أنا ما كنت ابي ارد على موضوعك لكن ازعجتني كلمه بعص " المحسوبين " الجماهير الهلاليه اعتقد انك خانك التعبير فيها! فمن وجهة نظري كلمة محسوبين هو تقليل من هذا المشجع او الطعن والتشكيك في حبه للهلال ! يعني أنا انتقدت رادوي هل هذا معناه إني مو هلالي ! الا هلالي وهلالي صميم ومن قبل مانعرف رادوي بالنسبه لردة فعل رادوي ! في الليقا اكثر لاعب تعرض للعنف هو كريستيانو رونالدو ولكن مانشوف من ردة فعل عكسيه وياخذ حقه بيده ! اعتقد ان الاعب اذا قدم مستوى جيد بنصفق له ونسانده واذا اخطأ من رادوي بنقول نحبك صح بس الهلال فوق الجميع يارادوي وشوية ضبط للأعصاب واتمنى من الإداره الخصم من راتبه عشان مايعود لتصرفه الشنيع ويورطنا ونحنا في منعطف صعب ومهم نحتاج جهد كل اللاعبين وشكرا |
| الوقت المعتمد في المنتدى بتوقيت جرينتش +3.
الوقت الان » 11:58 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd