أمنيات .. تساؤلات ... حيرة وهم ...بس ضحك يالربع ...
 

سلام يالربع :d




<o:p></o:p>
<o:p></o:p>
امنيات من الزمن الغابر

<o:p></o:p>
<o:p>http:///2011-02-12/12974857075.jpg</o:p>
<o:p></o:p>
عصى موكلي:d

حلم كل فتى سعودي في الثمانينات من القرن الماضي ، فعلا العصى ذيك كانت حلم يراود كل صبي في السعوديه ، وياليت لاغراض سلميه والا كشخه ، اللي يبي يفجخ راس مدرس :d واللي ناوي على دريشه واللي على عيال الحاره :ba1: ، المهم ان اخر همهم يستخدمونها في صيد والا مقاتلة شرخان :d ، وطبعا الجميع جرب يسوي عصى زيها لكن ينصدمون ان بنت اللذين اذا حذفوها ما تعود :d ، واذكر اخوي كنا انا وهو في بستان عمي الله يرحمه ندور شغبة خذاف (مدري كيف اترجمها لكم بس شفتوا النباطه على قولة اخوانا العرب الشغبه هي العصى اللي على شكل سبعه :d ) المهم شفت غصن تين طيب وقلت لاخوي شرايك في هالغصن يصلح شغبه قال انت تشوف اللي انا اشوفه قلت وش قال ناظر الجوافه (شجرة الجواف) قلت وش فيها قال ناظر عصى موكلي في ذاك الغصن :d ، وحنا والله اللي نعدل عن الشغبه ونتوجه لعصى موكلي ونكسر الغصن كله عشانها :d ونزبطها وانواع التلصيق والشطرطون عليها :d واول تجربه جربناها في الوادي وكان ذاك اخر علمنا :d بها لان السيل جرفها وما رجعت بنت الكلب :cry: ، لكن كسبنا خبره الا وهي ان عصى موكلي ما ترجع الا لموكلي لحاله :d ....<o:p></o:p>
<o:p></o:p>
<o:p>http:///2011-02-12/12974857086.jpg </o:p>
<o:p></o:p>
عيش هايدي :d

تعرفون هايدي يالربع والا ؟؟ ذيك البزر النشبه اللي راحت لجدها وغثت ابو عيشته في الجبل ترعى الغنم مع ابن الاجواد بيتر :d ، المهم تعرفون سريرها ذاك اللي من التبن نفسي ارقد فيه :d ، السرير مو موضوعنا :to: ، شفتوا لما قامت الصبح ولقت جدها يسوي الفطور ثم جاك فطورهم كوب حليب وهنا عيش ياكلونه متنفخ كنه صامولي ، اموت واطعمه ذاك العيش ياخي تحس انه زبده مو عيش يذوب في الفم :d ، وربي ما خليت بعيشنا وسيله ابيه يجي زي عيش هايدي لكن معصي وربي انه انشف من الطحينيه لو غمسته في سطل حليب :d ، ورحت مره لامي وسحبتها على وجهها للتلفزيون وقلت لها تشوفين هالعيش اللي تاكله البنت ذي مع شيبتها ابغى زيه من سما والا من قاع انا رجال خارم على هالعيش :d ، طبعا ناظرتني امي بكل حنيه :ba1::ba1: وقالت ياولدي هذي كراتين الله يصلحك مو صدق اللي فيها ، قلت عن كلام العجايز وسوي لي زيه والا والله تبريت منك ومن القبيله كلها :d ، قالت ما فيه الا بر في تنور تبغاه والا ترى يمدحون التبن وانا امك :d ، وصراحه انا عصبت عليها :mad: وقلت اسمعي ياعجوز خلاص ابغى خبز بر في تنور :d ...
<o:p></o:p>
<o:p>http:///2011-02-12/12974857072.jpg</o:p>
<o:p></o:p>
جبنة جيري مدري توم :d
<o:p></o:p>
اللحين بس سوال من الفار فيهم ومن الهر :d لاني صراحه ما اعرف اساميهم زين من توم ومن جيري فيهم :d ، ماعلينا المهم اني اتكلم عن الفار راعي الجبنه الصفراء المخرمه اللي كنها كيكه :d ، وربي خاشه مزاجي ابغى اطعمها ، لاني حسبتها بالعقل معقوله الفار الاغبر ذا يواجه الصعاب ذي كلها ويغامر عشان جبنه الا وهي تستاهل التعب :d ، المهم انا رجال وقتها ما اعرف الا جبن البقرة الفاهيه الحمراء والجبن الحامض حق الطحينيه :d ، لكن هيهات هيهات وربي مافيه زي جبنة الفار الاغبر ذيك ، احس لو تدهن الجبنه المخرمه على خبز هايدي انه راح تكون وجبه من اروع ما يكون :d ....<o:p></o:p>
<o:p></o:p>
<o:p>http:///2011-02-12/12974857073.jpg</o:p>
<o:p></o:p>
هبرة عبسي :d
<o:p></o:p>
هيييه ياعبسي وربي لك وحشه :d ، اللي قاهرني في عدنان ولينا ان ملابسهم طول المسلسل ما تغيرت الا حلقتين يوم وصلوا القريه ذيك وربي حللوا ام ثيابهم :d ، اوما لينا راعية الروب الاحمر والبكله الصفراء يافيها دلع هالبنت والله لوني من عدنان لارميها في القلعه هي وجدها الاعور ابو راس مستطيل :d ، ما علينا حنا في عبسي النشبه :d ، تعرفون يوم سوو اهل القريه عزومه لعدنان ولينا بعد ما جاوا من القلعه ؟؟ كان بين الزاد اللي على الطاوله لحمه هبر كبيره ما فيه الا عظم صغير لونها بني غامق :d ، ورب البيت نفسي فيها ، ناس قالوا لي انه لحم خنزير وناس قالوا بقر ، صراحه ما يهمني لو هي لحم ديناصور انا ناوي لها بس وين القاها :d ، فريت بنده التميمي والعثيم والسدحان ، وربي كني خبل اقول لهم عندكم ذيك اللحمه حقت عبسي :d ، وهم يفهون في وجهي ويقولون من عبسي اول ونشوف اذا لحمته عندنا :d ......

http:///2011-02-12/12974857074.jpg
<o:p></o:p>
<o:p></o:p>
زبدة لورباك :d
<o:p></o:p>
تعرفون اعلانات الدنمركيين حقت الزبده ، لما حطوا لك الزبده على صحن فضي وقشعوا شوي منها بالسكين ذيك اللي مو حقت قطع :d ، لما شفت هاللقطه تتحرك فيني مشاعر وتنفتح شهيتي على الاخر :d ، عموما محسوبكم ما وفر الزبده ذي وسويت كل شي لكن بدال الصحن الفضي حطيت صحن بلاستيك :d وبدال السكين حقتهم جبت شفرة ذبح بعد العيد عاد الدم في حوافها :d وجيت اقشع من فوق فقشعت الزبده كلها من عالصحن :d ، طبعا الزبده ساحت من جونا قبل افكر اقشعها ، وبالنسبه لطعمها انصحكم لا تجربون ابد :d ، الا على طاري الدنمركيين وتتدليعهم للبقر ، مره جات عندنا في الدوام بنت دلوعه مرررررره تحس الدلع يقطر منها :wub: ، المهم اني ما ارتحت لها واجد وكنت نشبه في حلقها لاني اكره البنات خلقه عاد اذا صاروا دلوعات ما ادناهم :d ، المهم وحنا في اجتماع مكتظ بالبشريه والروس الكبيره ، كنت اشرح وجهة نظري في ماده من الدستور (مسوي فيها حسني مبارك :d ) لا جد اشرح ماده في المشروع وقاطعنتي بكل وقاحه وقالت معليش ما فهمت خيو ممكن تعيد :wub: ، فناظرتها شوي وقلت لها تدرين وش وجه الشبه بين اهلك والدنمركيين ؟؟ قالت بكل ثقه ودل ع وات خيو ؟ :wub: قلت كلهم يدلعون بقرهم :d وحي بقرهم يجي منها والا انتي ما منك الا مقاطعه الرجال وهم يتكلمون :d ......
<o:p></o:p>
<o:p>http:///2011-02-12/12974857071.jpg</o:p>
<o:p></o:p>
<o:p></o:p>
تبن بباي:d
<o:p></o:p>
تعرفون بباي المهايطي :d ؟؟؟ شفتوا لما صار رخمه ثم خذ قوطي فول مدمس وطلع منه تبن اخضر وخلاه قوي :d ؟؟؟ ياما انحطيت في مواقف وكلت فيها تبن وتمنيت وقتها التبن حق بباي :d ، يعني حلمي اصير قوي باقل جهد ممكن ، ومو جهد قليل وبس الا واكل بعد ، يعني بالله عليكم هذا مو طموح أي طفل سعودي انه ياكل ويصير قوي ؟؟؟ :d ، عموما انا رجال هاوشت عيال عمي مره ولعنوا شكلي ضرب :d ، والله مدري من وين الضرب يجيني يالربع :d ، المهم اني تحمست ودخلت مطبخنا وخذت علبه لوبيا لانها الوحيده اللي كان لونها اخضر :d ، واحطها في جيبي وربي شدت ام الثوب :d ، وطلعت على عيال عمي وطلعت العلبه قدامهم وافغص فيها لين تكسر اصابعي عيت بنت الكلب تنفغص وهم يضحكون علي :d عاد انا ما انحشر خذت العلبه وصكيتها في اقرب جبهه فيهم :d وهات يادم ودنيا وهجو الباقين :d ، فقلت في نفسي من لم يمت بالبقس مات بعلبة :d....

<o:p></o:p>
تساؤلات اخرى s121s
الذيب حق ليلى الحمراء يوم ياكل العجوز المعفنه وش يحس فيه ؟؟؟ام القرف ياشيخ واذا كانت العجوز اكبر من سلة ليلي ليه ما شبع وخلاص ؟؟؟:mad:<o:p></o:p>
لينا وعدنان في الاخير تزوجوا والا لأ ؟؟ والروب الاحمر حق لينا يوم كبرت ضاق والا المخرج معزم انها ما تكبر ؟؟ والقبطان نامغ ما قد تقطعت قبعته اكثر من مليون مره من وين هو يجيب قبعات جديده ؟؟:mad:<o:p></o:p>
بيتر اللي مع هايدي ما معه اهل ؟؟؟ يعني اربعه وعشرين ساعه مسنتر عند الجد ذاك وغنمه ما معه ام والا بيت يضفه والا شي ؟؟؟؟:mad:
بباي اموت واعرف وش عاجبه في حرمتة العود؟؟؟ لا جمال ولا جسم ولا عقل ولا خشم زي العالم ؟؟؟وش الله حاده عليها ؟؟؟:mad:
اخيرا وليس اخرا موكلي الشجاع ما انتبه انه انسان طول ما هو عايش مع الذيابه ؟؟؟ يعني لو قلنا طامر على الشجر ولبس من غير هدوم على قولة العم عادل امام وتحزم بعصاه صار ذيب ؟؟؟؟:mad:<o:p></o:p>
<o:p></o:p>
<o:p></o:p>
صراحه بعض الامور تجعل رجل برئ مثلي في حيرة من امره :d

بحجز اول رد
................................................

الموضوع ياطوله طولاااااااه

بقعد سنه حتى اخلصه ض1 ض2 ..

أاتمنى يكون لي عوده بعد كم ساعه ض1 ض2


باك ..


:

المدخل : شي جميل جدا :yes::ba1:

أعجبني أسلوبك المرح (الفكاهي ) :s2: في سرد هالاشياءات ض1

بس ماشاء الله تبارك الله عليك مانسيت هذيك الاشياءات ض1 :s3s:
عليك ذاكرة 3 جيجا <تف تف ماشاء الله تبارك الله ..:s3s:

بعد ماقريت كم سطر ..

اراجع واقول اسلوبك مرح ويخيلي الواحد يقرا ولا يمل <<احلفي ض1

باباي ياحبي له هو وزيتونه ..:ba1::ba1::ba1::ba1:
أما انك اكلت تبن ض1 ض2 :ap:

*ذكرتني بموقف صار لي ب ثالث ثانوي <<كنت اخاف ع الدرجه
مره قلت ل أستاذه مريم عندنا بالحصه الثالثه استاذه زيتونه <<لأن استاذتنا أسماء كانت نحيفه بقوووه :cry:
وهي ضحكت ومشت ولا من بوكرا ينادوني بالطابور تعالي وقعي تعهد ابو 15 درجه
وشوفي كيف دموعي تقووووطر
وتمر علي حياتي المستقبليه وان ولا جامعه مستحيل تقبلني واترجاها وهيك حكي
ثم قالو روحي تأسفي منها ض1
قلت أحب رجولها ماعندي مانع ض1
والحمدلله عدت ع خير ض1

تساؤلاتك :ap:..
فعلا حتى وحنا كبار يوجد عندنا تساؤلات بالذات لما تشوف اي نهايه بمسلسل او روايه او برنامج او قصصصه او اي شي يجينا انواع الفضول ض1 ..

إقتباس:

بباي اموت واعرف وش عاجبه في حرمتة العود؟؟؟ لا جمال ولا جسم ولا عقل ولا خشم زي العالم ؟؟؟وش الله حاده عليها ؟؟؟:mad:

اي والله هالتساؤل جا ببالي ض1 :s2:
اتوقع الخصر ض1 :ap::s3s:


^^ماتوقعت أخلص موضوعك بسسسرعه ض1 ض2
لونته وكشخته وكذا حركتات :s2:
^^اليوم فيني شي
بس جالسه أرد ع المواضيع :d

ههههههههههه
 

:dحـــــــــــــــــــــــجــــــــــــــــــــــــــز :naughty:
جييييييييييييييييييييييييت

عصى ماوكلي:d
أنآ وأنآ بنت كنت أحلم إن عندي عصى ماوكلي
صراحة مرررة كان عقلي طاير فيهآ من جد مصدقين إنها ترجع والله من الفهاوة اللي فينا

عيش هآيدي:d
والله شوف هو كل أفلام الكرتون عيشهم شكله يجنن ومدفدف_منتفخ_على قولتك
أومآ انك رحت لأمك تبيهآ تسّوي مثله هههههههههههه

جبنة جيري:d
والله بمآ إن الفآرة تشيل فـ هالجبنة ولا بعد مسوية فيهآ مغآرات وتدخل من فتحة وتطلع من الثانية
أعتقد هالشي كافي يخليك تعآفهآ بالله وش عاجبك فيهآ خخخخخ

هبرة عبسي
والله هالمسلسل مآحصليش الشرف أتآبعه<من زينه عآد:s3s:
بس أحسه غبي مرررة وبعدين شخصيآته مثلوهآ خليجين<يعني وآضح النشآز شوّهوا لغتنا
طبعآ بما إني ماتآبعت هالمسلسل فـ طبيعي مآأعرف هبرة عبسي
بس متخيلة شكلهآ:smilie47:

زبدة لورباك&تبن بأباي
طبعآ باين إنك مطلّع حرتك عالحريم فـ هالفقرتين:s4s:
وبعدين تعآل أي تبن وأي لوبيآ هذاك سبآنخ من أفيد الخضروآت بس مآله شعبية:yes:

الذيب حق ليلى الحمراء يوم ياكل العجوز المعفنه وش يحس فيه ؟؟؟ام القرف ياشيخ واذا كانت العجوز اكبر من سلة ليلي ليه ما شبع وخلاص ؟؟؟
يآشيخ هو يبي يجرّب يآكل شي مقرمش تبغآه يآكل مين؟؟ ليلى الغضّة مثلآ:d

بآقي التسآؤلات مأعندي أي إجآبة عليهآ
إن شآء الله بآقي الأعضآء يجآبونك

عوأإأإأفي يالموهــــ10ــــوب عالموضوع الفكآهي :rose:
وكثّررر الله لايهينك:s2:
بإنتظآر جديدك

وش ذا الرد اللي اطول من موضوعي :d

تبين الصدق كان الموضوع طويل جدا بس قلت ما لها داعي تبذلون طاقه وتقرون فخليت اللي معجبني بس :d

هههههههههههههههههههههه اجل تعهد ابو 15 درجه :d

قسم بالله ودي تشوفين ملفي كله تعهدات ابو سجن :d

احسن واحد يوقع تعهدات انا :d

والله ان عادني راحم المدرس المصري اللي احرقنا سيارته مدري يسامحنا :cry:

على طاري التعهدات جاني انذار في الجامعه >>عنده مناعه من الانذارات :d

لاني ذبيت على دكتور هندي قلت له والله ياصديق ان ما في راسك الا دابر املا :d

عموما ردك رهيب عشانه ملون :d

وبالنسبه للذاكره تريني من ذولاك اللي رهيبين ما ينسون :d

طبعا الا الدراسه ننساها بدون شك عشان اثبت هويتي الوطنيه :d

حياك شلهوبه دايما ردودك زيك مميزة:rose:

ياعجزكم يالسعودين حتى في القراية :d

بس اعجبني اصرارك يوم تقراه كله :d

احسك بذلت طاقه نوويه ياشيخ :d

وتقديرا لقراءتك للموضوع تم ارسال طلب صداقه لك :smilie47:

حياك اخوي :rose:

ههههههههههههههههههههههه
الظاهر انك بنقالي منت سعودي زينا

لأن موضوعك حلو ولآ ماقريته ض1

أوووف أرررحم النوويه يا شيخ:s2:


الله يحييك وكل يوم أكتب موضوع زي ذا :yes:


تحيآتي لكـ :rose:

,,,,,,,,,,,,,,,,,,,,,,,,,,,,,,,,,,,,,,,,,,,,,,


لي باك

ههههههههه يقطع ابليسك يا شيخ من مبطي ماضحكت من قلب ...

- تعرف الشوربة اللي فأفلام الكرتون فيها زي قطع اللحم اشتهيت اذوقها مرة ~
- والمراية اللي تكلمها مرت ابو فلة > ياطولها خخخخ ’ تعبت وانا اكلمها ماترد علي , بعدين عرفت ان السكوت علامة الرضا ~ :d

بالنسبة لتساؤلك عن مرت باباي زيتونة وش عاجبه فيها ؟؟ يااخي الأخلاق نسيتها :ap:

موضوعك يوسع الصصدر


وسبحان الله دايم مواضيعك مسليه و ترفع عن الواحد


وبخصوص الجبنه حقت الفار صح شكلها كذا ودك تاكلها و صامولية ماركو

أجل توصل الخرمة انك تبي خبز هااايدي هههههههههههه

ياخي والله حالتك صعبة لاعاد تشوف افلام كرتون .

بس بصراحة .. يحق لك تخرم على جبنة الفار :D

حجز

..
.

اها طلعت الامنيات الغبيه :d

اجل شوربة ابو قطع لحم اللي لونها احمر :d

بالنسبه للمراية ذي مدري ما كانت في جيلي يمكن في جيلكم يالبزران :d

حتى والله الاخلاق مافيه شي حرام ان الحرمه ذيك فراغ من داخل ومن برى اقولك والله ما تشغل حيز من الفراغ :mad:

لكن اهم شي ضحكتي وانبسطتي :d

حياك منورة سارونه :rose: