على كثرت مواضيع المتجر مو كاتبين وين موقعه ؟؟ السلام عليكم جمعه مباركه عليكم مبروك علينا افتتاح متجر الهلال الي راح يكون ناجح ان شالله بكل المقايس والهلال دائماً مثل يحتذى به يعني بكره راح نشوف الاندية الثانيه تقلد الهلال وتفتح متجر مماثل سؤالي يا أخوان مليت وانا ادورفي مواضيع الصور الي ماليه المنتدى عن موقع المتجر ؟ في اي شارع يقع ومقابل ايش؟ وهل يفتح الجمعه؟ وشكراً مقدماً |
يقع في شارع التحلية اما متى يفتح وكذا مدري!! وموضوعك تقدر تحطه في الاستفسارات افضل من هنا |
في شآرع التحليه .. الموقع مكتوب في موآضيع كثير ,, بس شكلك آنت اللي كنت نآيم ,, ^_^ تـ ح ـيآتي ,, مع حبي |
الموقع شارع الامير محمد بن عبدالعزيز شارع التحلية |
شكرا اخوي بس وين في بالضبط في التحليه ايش اقرب شي له |
شارع التحلية .. بالضبط قبل فرع موبايلي مانصحك تروح له الحين .. الناس طااافة فيه وزحمة مواقف الحضور واصله لقبال مطعم تشيليز اصبر له انصحك خاصة مع الدراسة اتوقع بتخف زحمته |
يا اخوان شارع التحليه من تركي الاول الا شارع الضباب وين بالضبط |
شآرع التحليه ~ اول مآتدخل الشآرع تشوفه منورر كعآدته ~ |
عزام يعطيك الف عافيه حبيبي اجل بكره احسن رايك |
اذا انت جاي لشارع التحلية من جهة الضباب فالمتجر يقع على يسارك بعد تقريبا 500 متر وامام البنك العربي الوطني تحياتي |
شارع التحليه هذا اسمه عند الشعب :d لكن اسمه الرسمي هو شارع الأمير محمد بن عبدالعزيز لو جيت مع شارع العليا العام وخليت برج الفيصليه على يسارك يصير اتجاهك للشمال تتعدا الفيصليه تابع بعدها اللوحات بيجيك لوحه مكتوب فيها شارع الأمير محمد بن عبدالعزيز يمين خش معها وامش سيده لاتروح يمين ولا يسار بيجيك في هالشارع 3 إشارات مروريه تعدهم طبعا بينهم مسافه بعد ثالث إشاره مباشره بيجيك مطعم تيشليز هو بعده بمسافة 100 متر تقريبا وبتلاحظ بجانب المتجر فرع لموبايلي بس بينهم شارع |
كثرة المواضيع عن موقعه وبعضهم رسم رسم كروكي لموقعه وينك ياخوووووي العزيز |
والله توني جاي منه انا انا رحت له من عند التخصصي .. أول مارقيت المخرج لفيت يسار ( يكون ماك على يسارك ) ثاني اشاره خذ معها يمين تمشي حوالي 3 أو 4 اشارات وتلقاه يمينك بعد تشيليز .. والله اني تحسفت يوم رحت كانت معي كاميرا وبصور وبشوف الأسعار . صورت ملابس الأطفال والأسعار نسيتها .. خلها وسط الأسبوع أو بعد اسبوعين ثلاثه .. تروح وتشوف على راحتك .. وللمعلوميه سمعت أنهم بيفتحون السبح الساعه 9 من الأسبوع الجاي أفضل لك وربي ترى |
الوقت المعتمد في المنتدى بتوقيت جرينتش +3.
الوقت الان » 06:14 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd