احد افضل الاهداف اللي شفتها في حياتي , هدف سينمائي صور في هوليوود وركبوه عالمباراة.
اللي اعطى الراحة لروني دخول بربا , الشوط الاول روني محشور ولعبه يسد النفس , لين دخل بربا وشفنا الولد تحرر , الدليل هدفه ماعنده اي واحد مضايقه وماخذ راحته عالااااخر.
هدف مثل هالهدف ماهو بس دفعة معنوية لروني , دفعة معنوية لفريق كامل , ايفرا بعد الهدف ماسك راسه ماهو مصدق خخخخخخخخخ.
شوط اول ساااامج , مستحوذين عالكورة وكاتمينهم , بس لعبنا عرضيات عرضيات عرضيات عرضيات , مابقى احد بالفريق ما عرض , ورغم كذا مافيه الا عرضية وحدة سليمة من جيجز على راس فليتشر.
وهدفنا كان من كورة من العمق , ما ادري وش كان ينتظر السير بالضبط!
العالم يرفعون بناني وانا ما اشوفه سوى شي اليوم اللهم كورتين الهدفين , والا عرضيات خطأ وتشويت على قل سنع ورفعة ضغط من بداية المباراة !
الشوط الثاني استلمونا ببدايته وسجلوا هدف لين سحب السير اندي دخل بربا , هنا تحرر روني وبدينا نلعب كورة منظمة والنتيجة هدف .
يمسك لاعب , لاعبين , ثلاثة لاعبين بحاله ما عندك اي مشكلة , قسمًا بالله عيب مقارنته بأي قلب دفاع ثاني لأنه حاليًا افضل مدافع في العالم بدون منازع!
هو خط دفاع بحاله , الكورة اللي اشترك فيها السوبر سار مع كومباني الظاهر وخلصها فيديتش بكل فدائية تلخص لك مستواه , مجرد سرعة بديهته ما احد توقع تتخلص بهالسرعة.
للمرة الالف نكررها افضل قرار هو قرار اعطائه الكابتنية , فيديتش الحين احد اهم اركان الفريق , هو خط الدفاع بكل اختصار.
ثقة
ابرك من شوفة ايفانز , يخلص بكل احترافية ويسحب ولا كأنه لاعب صغير يلعب في اول ديربياته.
اخر عشر دقايق ؟ خرااااااااااااااااااااااااااااااااااافي
اما جيجز , الدقيقة 92 وقاعد يركض ولا عنده اي مشكلة باللياقة , قسمًا بالله بديت اشك هل عمره 37 صدق والا كيف؟!
انتظر خبر التجديد معه , المسألة ما تحتاج رأي فني او مدرب , اثره واضح عالفريق وشايله في الفترة الحالية , اسيسته خرااااافي بهدف ناني.
عالبركة مانشستراوية , هاردلك الجانب المظلم من مانشستر
المباراة أوفت بكامل وعودها .. خصوصاً بعد دخول دزيكو بدينا نشوف كورة حلوة .. وأعتقد أن الخسارة قاسيه كثير على السيتيزين .. أعتقد أنهم كانوا يستاهلون التعادل .
غريب أمر هالمدرب .. دايماً القمطه عنوانه .. سواءاً المباراة على ملعبه أو خارج ملعبه .. هو اليوم في تكتيكه مايلام عليه لأنها على ملعب المانيو والمانيو يبي يفوز اللي هي به .. لكن الغريب إنه دايماً ضد الفرق الكبيرة يقمط وماتفرق عنده على ملعبه أو خارجه وعندة لاعبين على مستوى عالي جداً سواءاً كأساسين أو احتياط !!
يامجنوووووووووووووووووووووووووووووون
على العموم مبروك مانشستراويه تستاهلون وهدف روني يكفي وإن شاء الله نشوف مسلسل مكسيكي ثاني في الشوط الثاني ضد آرسنال
مبروك يَ معشر الريدفيلز هارد لكم حآتم ومعشر السيتزن مباراة تنشف الريق وامتعتنا بكل شيء , بالتكتيك ودراسة الخصم من الجانبين وشفنا فيها المجازفه من المدربين بالخصوص بالشوط الثاني وفتح اللعب من الطرفين وهالشيء زاد من جمالية الديربي بين الشوطين تخوفت كثير من بثارة سيلفا ودخول دزيكو , هـ اللاعبين اذا كانوا بالفورمه يغيرون موازين المباراة , وفي المقابل خايف من كثرة الظغط على سمالينغ واجباره على الخطأ من طرف لاعبين السيتي , لكن ولله الحمد سمالينغ واصل تألقه اللي كان بالشوط الأول , بأتكلم عن ما يخص فريقي , تشكيلة اساسية بطلة بتواجد 3 محاورللحد من خطورة وسط السيتي المشبّع بالنجوم بالخصوص اننا نعرف بأن مانشيني يعتمد كثير على الاستحواذ على وسط الملعب وهالشيء يسهل له بأن تكون المباراة في صالحه وأتفق كثير مع السير بالتشكيلة الاساسية روني كان مختفي تقريبا طوال المباراة الى لحظة دخول بربا , تبديل بربا كان واضح انه لـ فك الرقابه عن روني وشفنا كيف كان اسلوب بربا بأنه يحاول يرجع خارج المنطقة لسحب لاعب او لاعبين معه , وبكذا يكون تحرر روني بعض الشيء كنت اتمنى بعد الهدف الثاني دخول كاريك بدل جيجز للمحافظه على النتيجة لكن اتوقع السير فكر بأن النتيجة مو مطمئنه بحيث ان الفارق هدف وربما نحتاج لـ جيجز وابقى على جيجز ، هارد لكم ليفربوليه , ما تلاحظون ان داغليش غلط بسحب ميرليس والنتيجة 1-0 ؟ مبروك ارسناليه / ولله الحمد ان بيرسي مب موجود من بداية الموسم بالله ما ودكم تدفنون الشماخ الحين؟ :$ ، هدف جيآن على طريقة بربا بالتوفيق للسبيرز
الوضع العادي
