للي يقول أنه ( إذا اليوفي تفوق على الإنتر فهو بسبب قلة خبرة ليو فقط ! ) أقوله تطمن ولا تشيل هم صحيح أن اليوفي الموسم المآضي ما هو مثل الموسم الحآلي إلا أن اليوفي لم يتطور كثيراً ولا زآل يجد الصعوبة في تحقيق الفوز بغض النظر عن المنافس. فما بآلك بأن المنافس هو حآمل اللقب ! أضف على ذلك أن ليو استطاع هزيمة اليوفي بالموسم المآضي ذهاباً وإياباً بنفس النتيجة وبفريق " ميلان " الأقل القوة آن ذاك من الفريق الحالي " الإنتر "
خخخخخخخخخخخخخ سواليف .؟! خلاص ديل نيري مأدب انتر موري ( بالارقام ) الي هو افضل من ليو , المباراه بالجيب ولانيب شايفها ( لاحظ انها اكثر اقناع من ما ذكرت ) ..!! اجل لا حظ ان ليو الداهيه استطاع هزيمة اليوفنتوس بثلاثيه رايح جاي , كله من دهاء السيد ليو , لتعلم يا عزيزي ان اليوفنتوس يمر باسوء حالاته والعام الماضي هو اسوء موسم له منذ الخمسينات ..!! يعني حتى باليرمو ( الفريق الوحيد بتاريخ الدوري الايطالي ) فاز على اليوفي بارض اليوفي 3 مرات متتاليه , معناه افضل من غيره ..؟! فعادي جداً ما فعله ميلان الموسم الماضي وليس ( ليو لحاله ) , حتى ميلان العام الماضي كان ورقي منفوخ ولم يكن بتلك القوه , فاذا فعلها باليرمو تستغربها على ميلان ..؟!
اجل فعلها ميلان ليو الاقل قوة من انتر ذلك العام , وليه ماتصير زي يوفي رانيري ( الداج ) الي عفط بميلان انشيلوتي رايح جاي ..؟!
باوصل معلومه من هاللحسه كلها .. كل مباراة له ظروفها من اصابات وغيره , وكل مدرب له سجل مع فريق ما ( يشيله ) معه مع فريق آخر , ونوعية المباراه ( كلاسيكو ايطاليا ) لا تخضع لمقاييس بالغالب ..!!
إقتباس
أما أن اليوفي استحق الفوز على الميلان بمباراة الذهاب فكلامك صحيح لكن مو بالمعنى اللي تبي توصله لنا ، اليوفي استغل سذاجة المدافع سكراتيس وجاب الهدف وفاز ، من ناحيتي أنا ما أتوقع أن اليوفي بيقدر يفوز لو كان سيلفا موجود مع نيستا والأرقام تقول أن سيلفا مع نيستا ميلان ما يخسر أبد أما مجمل المباراة فكان الميلان هو اللي مقدم مباراة حلوة ومستوى طيب
خخخخخخخخخخ الا بالغصب استحقار للفوز طبيعي جداً جداً اذا سجلت هدف امام منافس كبير على ( ارضه ) انه يتقدم وانا اتراجع .. ولا ؟! ولا ؟! ( يعني تبي اليوفي يجلد في السانسيرو بدون رحمه مثل السداسيه الشهيره بقيادة ليبي وزيدان امام ميلان ساكي ) ولا فريق بايخ وما يستاهل ..؟! من ميلان ما شفنا الا عشوائيه وحواق بدرجة امتياز , لين ختمها الملك ..!! وتذكر مره اخرى يا عزيزي .. الارقام لا تنزل للملعب , لانه اذا اعتمدنا عليها فمبروك لليوفي امام الجميع مقدماً ..!!
إقتباس
ومباراة روما اللي جلسنا نحفر في بابهم إلا أن جاء بونيرا ودلاخته ثم كملها إيمليا وأهدى روما هدف النقاط الثلاث
وش ذا الميلان الخارق يا ناس ؟! يا اننا شايفين مباراه ثانيه , ياانك كل الفرق قدامي محظوظين , واذا خسرنا فاتتكم عوارض العوارض ,,, اجل روما الذهاب
إقتباس
أنا قلت كلامي للي يقولون أن لو اليوفي فاز على الإنتر فهو بسبب : أن المدرب ليو قليل خبرة وليس لأن اليوفي ضعيف أو الأنتر قوي .. فيه ناس قالت هالكلام ببداية الاستديو وأنا رديت عليهم بهالرد اللي ما أعجبك .
هذا الكلام مضمون اذا كان ليو امامه هيدينك المدرب وهيتسفيلد المساعد ديل نيري مدرب جيد , يعني ربط اللقاء ( كله ) بحال ليو الداهيه غريب جداً ..!! يا عزيزي .. المباراه بين اللاعبين بعد مو بس المدربين ( بنسبه اكثر للاعبين ) ..!! ( على سبيل المثال وش ذنب رافا بنيتيز يوم ينجلد الظهير الافضل في العالم مايكون مع الكابيتانو زانيتي امام الورع جاريث بال ) ..؟!
دام فيها الملك اليكس , فالكلمه العليا له باذن الله له , لا ليو ولاهم يحزنون ..!!
إقتباس
الشيء الثاني / اليوفي أنهى موسمه المآضي وهو السابع ، والآن هو الثامن .
إقتباس
بالله وين التغيير الجذري اللي جالس تتكلم عنه ، ممكن أحاول أتفق معك لو قلت تغيير بسيط
أما جذري فما أدري وش تعريفها بالنسبة لك !
اولاً : اظن ان الفرق بين ( انهى ) ولا زال في ( منتصف ) الدوري امر كبير ولا ؟! فرق كانت متصدره بفارق 13 نقطه في ( منتصف الدوري ) وخسرت الدوري في ( النهايه ) كمانيو 1998 وبرشا 2007 ..!! ثانياً : لاعبين جدد , اداره جديد , مدرب جديد , حتى مدير انتقالات جديد ..!! لازم اجيب كريس وكاكا عشان اتغير جذرياً ..!! اسالك بالله جد عرف لي الانتقال الجذري ؟
صح صح .. تقارن لي مستوى الكالتشيو وعدد المنافسين وقوته بـ العام الماضي ؟
إقتباس
والله يا أخوي الفآضل إذا أنت مستانس بفوز اليوفي بهالطريقة اللي فاز فيها على الميلان
إقتباس
وبهالمستوى اللي قدمه بذيك المباراة فاعذرني أقولك أن طموحك لا يتعدى طموح
أحد الجماهير الواقفة بأحد الحانات ينتظر نهاية المباراة بفوز اليوفي حتى يحتفل بالمجان وممكن ترددها لنا في كل استديو وفي كل مكان ترا عادي لأن هذا منطقك ونحترمه . وبإمكاني أقول أن الميلان فاز على الإنتر حامل اللقب وأمام جماهيره وبلاعبهم السابق لكني وقتها بأصير بلا طموح أجل من بلنتي وبعدها صرنا ندافع إلى الدقيقة 90 ثم تبيني أحتفل بفوز جاء بهالطريقة ؟! لا لا معليش ما أقدر
خخخخخخخخخخخخخخخخخخخخخ سجل على ارضك , رجعت تخبط مب تهاجم , لقمك بثاني على ارضك وش احسن من كذا سيناريو ... الا اذا كان فريقك بريشيا ولا ميلان ساكي الاسطوري خخخخخخخخخخ هنا كلام ثاني واعتذر لك ,,,
يعنني ما فرحت يوم فزنا على انتر بهالمستوى , يعنني 6 سيرجينهو نكررها كل موسم ولا ارضى بغيرها ( والله العالم انك تشقلبت يوم تعادلتوا مع مدريد بمستوى اقل ما يقال عنه انه جنوب فريقي مع كذا ماحد جاب طاري المستوى ) ..!!
إقتباس
آآها متهالك وعادي جدا جدا وتصدرنا من زماااااان وإلى الآن ..
إقتباس
وش ذا الدوري البآيخ اللي أزلب فريق فيه يتصدر الترتيب
اسالك بالله , دام انك اهم شي عندك المستوى اهم من النتيجه .. ميلان الحين فريق يخارج ؟ تخبط الانتر تخبط لو انه بدوري ثاني كان ينافس على مقعد للابطال مثل تشيلسي في البريمر , وفجأه حول المتصدر ..!! واذكر كلامي للاسف .. الدوري انتراوي للمره السادسه على التوالي ..!! ما اقول الا يا بخت توتنهام والله ( والله اقولها بكل تجرد من اي عاطفه ) ,,,
طآل عمرك في طاعة الرحمن
المقصد مو أن الميلان أقوى من اليوفي أو العكس سواء الآن أو بالمآضي
يعني بالله طلعوا سالفة ميلان واليوفي ..
كل الحكاية هي أن :
( سابقاً ) ليو اللي ما عنده خبرة في التدريب + معه فريق متهالك << أقصد ميلان الموسم الماضي = فاز على اليوفي بأهداف محترمة ونتيجة طيبة .
( الآن ) ليو اللي يملك خبرة سنة تدريب + معه فريق قوي وحامل اللقب = أترك الإجابة لكم ! منطقياً المفروض يفوز على اليوفي اللي ما تغير فيه شيء عن الموسم المآضي كمستوى وأداء وليس كأسماء لاعبين وإدارة .
بالعربي السالفة عن ليوناردو فقط مو عن ميلان ، فبغيت أقول اللي قدر يفوز على اليوفي وهو مع فريق سيء ما هو عاجز أنه يفوز على اليوفي مرة ثانية بفريق قوي .
يا رب تكون الفكرة وصلت
لأني لا زآلت أشوف البعض يتهم ليو بقلة فقهه للكورة فنياً !!
أوكي أنا معكم أنه لا يملك خبرة ، لكنه فاهم وش جالس يسوي مع الميلان سابقاً ومع الإنتر الآن
* الرجال عمل مع الميلان ما يقارب الـ 13 سنة واستفاد من هالمدة فنياً ،، ودرس وتعلم
وأغلب الخبراء اتفقوا على اعتبار موسمه مع الميلان ( بالنجاح ) والكبوتين اللي كلاها بالأربعة من الأنتر والمانيو
فهي بسبب إصابات الفريق القاتلة آن ذاك ، كما لا ننسى أن أي مدرب عالمي معرض لمثل هذه النتيجة في مسيرته .
* يعني تخيل معي مورينهو مع نجوم الريال أكل خمسة من برشلونة بالكلاسيكو الأخير
وكابيللو أكل أربعة في كأس العالم 2010
وفينغر أكل أربعة من تشلسي على ملعب الإمارات الموسم المآضي أو اللي قبله
وفيرغسون أيام كريس أكل أربعة من ليفربول على الأولد ترافورد بالموسم قبل المآضي.
* وأنا الآن ما أدري إذا حلال على مورينهو وكابيللو وفينغر وفيرغسون أنهم ياكلون خمسات وأربعات ،
لكن حرام على ليوناردو ياكل أربعة من مورينهو أو فيرغسون ؟؟؟
وانا متفائل بالفوز على الاينتر لان ليو هو بالدكه لو ان بينيتيز موجود ماتفائلت
تكفى تعال شف المباراة عندي أبي أشوف ملامح وجهك بعد المباراة كيف
من جد عزيز انتظر زيارتك .. ودي أجيك أنا لكن أخاف تطردني بعد المباراة
إقتباس
الرسالة الأصلية كتبت بواسطة العسيماوي
الوكاد إن سعد يوفاوي يوم الأحد
أكيد أكيد ولو أن اليوفي بيخيب ظني
لكن وش نسوي نبيهم يوقفون الإنتر ونبتعد بالصدارة أكثر وأكثر
باقي ردود الشباب أشوف أن مالها دخل بصلب الموضوع ومن اللخمة قاموا يتخبطون ومانيو 98 وبرشلونة مدري متى
ومن الآن أقولها كـ رد لسؤال واحد من الشباب هنا بالأستديو .. ميلان كمستوى مو مقنع ؟
نعم في نظري غير مقنع والسبب المدرب ألليغري اللي غرني بداية الموسم بسبب نتائج ميلان الطيبة
لكن بعد مباراة روما وكاتانيا ولاتسيو عرفت أن أليغري ما وراه سالفة ..
لو تصدرنا وكسبنا السكوديتو فهو بسبب النجوم والأبطال اللي بالمعلب أبياتي ونيستا وسيلفا وبيرلو وكاسانو وإبرا وباتو وروبينهو وبواتينغ
أما لو خسرنا فهو بسبب غباء ألليغري في تعامله مع المباريات ..
لأن فريق بأسماء مثل هذي عيب والله تخسر من روما أو تتعادل مع كاتانيا
أشوف أن مالها دخل بصلب الموضوع ومن اللخمة قاموا يتخبطون ومانيو 98 وبرشلونة مدري متى
اظن اننا وصلنا لنقطة اتفاق , وهي انك ما تفرق بين فريق انهى الدوري في المركز الثامن وفريق في المركز السابع ولكن ( منتصف الدوري ) , او انك ( متعصب جداً ) وهو الاقرب و ( على ضمانتي ) ..!!
شئ رائع انك ما علقت على شي ثاني , اظننا متفقين على الباقي ..!!
يا صاحبي تبي تحقر بفريق تكرهه وان حتى فوزه صدافي حتى لو فوزه يخدمك ضد اقوى منافسينك
ياخي احقر زين وبأدله وحجه مب كذا , وادري انك تكره اليوفي كره اجزم انه فوق كره الانتر بعد احدى المباريات في رابطتكم , فعشان كذا والله ما استغربت منك كل هالكلام والاستحقارلـ ( زعيم ) ايطاليا والتعظيم المبالغ لفريقك ..!!
لا حول ولا قوة إلا بالله
منتشي بالزعامة << اشفيك زعلان ؟
ومن جاب طاري حقران اليوفي الحين ؟
كل اللي قلته أن ليو ما يستحق كل هالإهانات من الأعضاء ، وبررت منطقي في ردودي السابقة ، وعشان أبرر لازم نتطرق لمباريات اليوفي
ثم ترا قبل الكورة والأندية حنا أخوان
يعني إذا ما أعجبتك طريقتي في التشجيع ترا مو بلازم ترد علي << يا أخي تجاهلني .. استمتع مع غيري وأنا بسلامتي
يعني عشان أنا ما فرحت بفوز فريقي على الإنتر ، وشفت أن اليوفي ما استحق الفوز على الميلان ، تقوم تزعل علي إلى هالدرجة ؟؟
يعني مشكلتي أن طموحي عالي ولا أرضى بالفوز إلا إذا اقترن بالمستوى المشرف لشعار فريقي ؟
الناس أجناس ، والطموحات تختلف ، والتفكير يختلف .. مو كل الناس سوا ولا كل الناس لازم يفكرون مثلك أو مثلي .
الله يصلح الحال بس ويعطي كل واحد على قدر نيته يا أخوي
اليوفي × الإنتر
جولة مثيرة بكل تأكيد فيها ديربي إيطالي اليوفي والإنتر ! .. ديربي ما يتفوت ، اليوفي ظهر بشكل جيد في المباراة الأخيرة
ضد كالياري وإستطاع أن ينتصر بثلاثية مع الظهور المميز لـ المهاجم الجديد ماتري بعد ماكان يعاني السيدة العجوز في الجولات
الثلاث الأخـيرة من سامبدوريا بالتعادل مروراً بالأودينيزي وباليرمو بالخسارة ! ويسعى في هاللقاء إلى التقدم في سلم الترتيب
وخصوصاً أن المركز الثامن لا يليق باليوفي في الكالتشيو ! ، في الطـرف الثاني الإنتر المنتشي بفوز كبير على روما بخماسية
ومستمر على هالمستوى المميز في الجولات الماضية ، أتمنى يستمر على هالوضع وبالتوفيق لـ الإنتر وإن شاء الله الفـوز
من نصيب النيرازوري
" إنها مبارارة خاصه , كونها مهمه من ناحية النفسيه ومهمه من ناحية تحديد المراكز في الدوري ,الهزيمه قد تنزلنا للأسفل والفوز يرفعنا عالياً "
" نحن نتدرب بشكل ممتاز لأننا نريد الفوز مهما كلف الأمر , الفوز على كالياري اعطى لنا المجال لـ الصراع على مقاعد التشامبينز ليق , يجب علينا ان نقاتل في كل مباراة متبقيه "
][ لوتشيانو مودجي : الإنتر سيكون قوي جداً على اليوفي ][
" وشهد شاهد من أهلها "
حتى موجي خويكم صاير في صفي ويرشح فوز الأنتر وبقوة على اليوفي ، لأن هذا الوآقع.
زعلانين مني ليه طيب ؟
عموماً سواءً أنا أو موجي أو غيرنا فكل واحد له وجهة نظره الشخصية اللي تخصه
وكل واحد مسؤول عن آراءه وتصريحاته .
بالعربي السالفة عن ليوناردو فقط مو عن ميلان ، فبغيت أقول اللي قدر يفوز على اليوفي وهو مع فريق سيء ما هو عاجز أنه يفوز على اليوفي مرة ثانية بفريق قوي .
يا رب تكون الفكرة وصلت
اسف سعد بس بهالنقطة انت غلطان
لو على هالكلام كان قبل مباراتنا معكم بالذهاب طفينا التلفزيون وقلنا مبروك ميلان فاز والله يستر من تاريخيه
لانه ديل نيري مع فريق قوي مثل سامبدوريا العام انلقم بخمسه من ميلان بالسان سيرو عجز يلقم خمسه ضدهم هالسنة ومع فريق متهالك على كلامك ؟
بالمفيد المختصر الشباب فهموك غلط لا اكثر ولا اقل
هالسنة اتوقع ميلان بطل للاسكوديتو واتمنى هذا الشي لان الميلان دائما اقرب لي من الانتر وعشان ما يحطمون الرقم القياسي اللي حققه اليوفي وتورينو فقط بالفوز بـ 6 اسكوديتي ورا بعض
صحيح أن اليوفي الموسم المآضي ما هو مثل الموسم الحآلي 
سواليف .؟!
الملك اليكس , فالكلمه العليا له باذن الله له , لا ليو ولاهم يحزنون ..!!
؟
؟
, فعشان كذا والله ما استغربت منك كل هالكلام والاستحقارلـ ( زعيم ) ايطاليا والتعظيم المبالغ لفريقك ..!!
الوضع العادي
