السلام عليكم . ورحمة الله وبركاته ..

من خلال متابعتي لتحليل الثلاثي السابق . مع حفظ الالقاب لهم . بعد المباريات سواء في الاستوديو او في اذاعة يو اف ام لهم لاحظت شي انهم يوضحون الاخطاء اللي يقع فيها سامي وبدقة . مع اهمال اشياء تحسب له مثل :
ان الشوط الثاني المسمى شوط المدربين . لم يخسر فيه سامي ابدا .
واكثر اهداف الهلال في الشوط الثاني بواقع 25 هدف
ايضا نسبة عالية من الاهداف في الربع ساعة الاخير .
ايضا في الدقيقة 90 سجل الهلال 6 اهداف.
ممكن البعض يقول ما نفوز الا بشق الانفس .
وانا ارد عليه بان هذا يعود للروح و الاصرار .
ايضا معدل اللياقة عالي عند اللاعبين .

هل انا على صواب في ملاحظتي او لا .افيدوني ؟؟؟؟
واذا كنت على صواب وش هدفهم من هذا ؟؟؟

مهما كان نريد زعيم آسيا من بداية المباراة مليء بالروح والعطاء وليس بشق الأنفس ..

الي ذكرته صحيح أخي الكريم , سامي يقرأ الخصم بشكل جيد خلال الشوط الأول و في الشوط الثاني تغييراته تصنع الفارق .. تحدث أكثر من مرة أن الفريق يحاول أن يسجل مبكرا لحسم المباراة وإعطاء أريحية أكثر للاعبين ولكن المشكلة ضعف الدفاع واستقباله للأهداف مما يسبب إحباط لدى الجميع بما فيهم اللاعبين

في النهايه الله اعلم بالنوايا لكن لماذا يتحسس البعض من أي نقد لسامي او غيره ؟ انت شخصيه عملها يوجب الحديث والتحليل والواجب ان تسمع الكل وتحلل مايفيدك تاخذه والباقي وجهة نظر تستطيع الرد عليها في الملعب . الهلال يحتاج ظهير ايمن وان يلعب الشهراني بالظهير او الوسط الايسر وان يلعب الفرج بالوسط الايسر وان يلعب عزوز مهاجم ثاني لو اقتنع سامي باعادتهم لمراكزهم عندها تنحل 30% من مشاكل الفريق وابعاد كاستيلو ينهي 10% وفريقنا جيد بنسبة 60% ولو استمع سامي للعقلاء وجلب بديل لهرسبش مدرب الحراس اصبح لديه فريق جيد ونهاية الموسم يقيم عمل مساعديه ويغير ويبدل عندها يكون عمله في السليم ويستطيع الاستمرار فتره أطول . وللعلم الاداره دورها سلبي اذن سامي عليه حمل ثقيل ...
وشكرا

كلو إلا الحسيني... يرفض يدرب الفآت السنيه.. محله برا النادي...

خلوا القياده لسامي واحنا مالنا الا المدررج
احضر وشجع وساند الفريق والله يكتب الي فيه الخير

إقتباس الرسالة الأصلية كتبت بواسطة أردني عاشق للهلال الي ذكرته صحيح أخي الكريم , سامي يقرأ الخصم بشكل جيد خلال الشوط الأول و في الشوط الثاني تغييراته تصنع الفارق .. تحدث أكثر من مرة أن الفريق يحاول أن يسجل مبكرا لحسم المباراة وإعطاء أريحية أكثر للاعبين ولكن المشكلة ضعف الدفاع واستقباله للأهداف مما يسبب إحباط لدى الجميع بما فيهم اللاعبين

بتوفيق للهلال تقبلوا تحياتي

شكرا للجميع المرورالكريم . والهدف والله مصلحة الزعيم .
واتمنى صراحة من محبي الزعيم ايصال الملاحظات .لسامي او الادارة .
خصوصا من له باع في التدريب .

كلامك صحيح اخوي وذولا المحللين اللي المفروض يظهرون يقرون المباراه صح بدون انتقاد

هذا شي طيب ان المواضيع والأمور الايجابية توصل لسامي عن طريق يو اف ام

وامس افرحني جدا كابتن شتالي في بين اثنين على يو اف ام وكأني فهمت ان طارق الحماد يوجه

رسالة غير مباشرة لسامي ان شتالي يعرض لك الأمور السلبية اللي ما يطبقها لاعبينك

واهمها الضغط على حامل الكرة وان المهاجمين هم أول من يبدأ بالدفاع



الفريق لو ما يسجل مو مشكلة خليه يتأخر بالتسجيل بس لا يجي فيه هدف لأنه يشتت الفريق لابد الخطوط الخلفية تكون واااااااعية وما تغفل وتكون جاهزة لمفاجآت الخصم سواء ً من مرتدة تسديدة تمركز لاعبين وتغافل المدافعين هذه الأمور حساسة جدا ً وتؤثر على تغير المجريات في المباراة

الفريق لو ما سجل يحاول ويحاول ويحاول حتى يأتي الهدف بعدها تأكدوا ان المباراة راح تكون مفتوحة حتى لو الفريق ضعيف


بمجرد أني اجيب فيه هدف انا اريح فريقي واخليهم في المود والثقة تكون عالية والتركيز اكبر واكبر بعدها يجي التفكير في الهدف الثاني وهكذا




يوما ما ستشرق شمس الزعامة من جديد 54

سامي مع اكتمال دفاعه نحكم عليه

الاسماء الي ذكرتها بعيده كل البعد عن الاساءه للهلال او الانتقاص منه ومن المدرب ...

اتمنى ذلك . لكن التفصيل الدقيق يكفي مدرب الفريق المقابل يتابع تحليلهم . و يبنى خطته بدون تعب .
للمعلومية انا احترم الثلاثة كثيرا .

اخوي .. كل مدرب له فلسفه خاصه ..
عاصرت كثير من المدربين مع الهلال. ورأيت اصناف الخطط التدريبيه.
سامي من المدربين الذين يتفنون الخطط الهجوميه. والدليل ان الهلال سجل في كل مبارياته.
ولكن شهاده بالله اني اول مره اشوف الهلال ملخبط في الدفاع بهذه الصوره..
مع قيريتس نفس المدافعين وفي كل المباريات في الدوري تلقى فقط 18 هدف..
بتقولون فيه مدربين مروا على الهلال ولم يسجل فيهم الا 6 او 12 هدف .. اقول صح .. ولكن انا اتكلم عن مدربين هجوميين. لان فيه مدربين يلغبون بطرق دفاعيه وما يهمه يسجل قدر ما يهمه ان ما يتسجل فيه اهداف. لكن انا ذكرت قيريتس لانه اخر المدربين الهجوميين وسامي كان يعمل معاه كمدير للفريق وسامي متأثر جدا باسلوب فيريتس.
مشكلة سامي التخطيط للدفاع سيء وارجو ان لا يغضب احد فيعلم الله اني محب لسامي وفخور بتدريبه للهلال. ولكن يجب ان نكون صريحين مع انفسنا ومع سامينا.
لا يمكن ان تجد مدافعين لا يسجل فيهم اهداف وبقية اللاعبين المهاجمين يتفرجون على الفريق الاخر وهم يقطعون الكره ويحضرون لهجمه ويختارون من وين يبداون هجمتهم بكل راحه وتقول لا يسجلون اهداف.
الضغط على حامل الكره فور انقطاعها من الهلال يجب ان يكون اهم ميزه اذا كنت تريد ان تفتح الفريق للهجوم. هذا الشيء بضوح مع قيريتس. وكنا نشوفه مع سامي في المباريات الوديه اللي سبقت الدوري واستبشرنا بهلال لا يقهر. ولكن ما ان بدا الدوري حتى تغير الهلال وتغير سامي.
واصبحت الفرق تقطع الكوره وترتد علينا بسرعه وينكشف الدفاع ولاعبينا يتفرجون. ونصارخ ونقول دفاعنا هش .. وكان اللي لعبوا مع قيريتس ما هم نفس المدافعين.
صدقني يا عزيزي كل اللي اختلف الاسلوب في الدفاع. فلاعبي الوسط والمهاجمين لا يدافعون من بدري. وارتداد الهجمات اصبح سهل لكل فريق.
اللي يحتاجه سامي مستشااار في الخطط الدفاعيه .. لو يجيب صالح النعيمه ما اظنه عيب. بالعكس اتوقع ان صالح وسامي يشكلون افضل ثنائي للتدريب.

النقد هو توضيح الجوانب السلبية ، عشان الواحد يستفيد منها .. اما المدح محد يحتاجه