|
متجر الهلال خطوة اكثرمن رائعه بس ماتحس انه الاسعار مبالغ فيها شوي +صور السلام عليكم ورحمة الله وبركاته :d كأول موضوع لي بس حبيت اتناقش عن اسعار المتجر بعد ماقعدت يمكن اكثر من ساعتين انتظر اني ادخل للمتجر اشوف وش فيه قلت يمكن بطلعلي بكم شي تي شيرت من هنا ساعه من هنا جا دوري ودخلوني تفاجئة بشي ثاني !! معليش انا مب من الطبقه العاليه ولا من الطبقه المنخفضه ممكن بالوسط بس معليش الاسعار الي شفتها كانت مبالغ فيها اعطيكم كم مثال هذا شال عادي زي اي شال سعره ب327 !!! http:///2011-02-08/12971962851.jpg هذا دبدوب عجبني شكله قلت ذا يمكن يكون بحول ال50 اذا زاد http:///2011-02-08/12971965521.jpg ب117:s5s: ريال مشيت شوي لقيت طفاية عاديه قعدت ادور شعار الهلال يمين يسار المهم عاديه مافيها اي شكل شوفو بكم لقيتها http:///2011-02-08/12971965523.jpg 52 ريال :cry: والله كان ودي اطلع وشاري المحل بس معليش الاسعار مبالغ فيها شووي مادري وش رايكم انتم يمكن انا ابالغ بكالمي مادري |
إقتباس:
ششي طبيعي تكون عآلية لآنها منتجآت أصصلية بسس كل ششي يهون لعيوون الزعييم :ba::ba::ba: يعطيك ألف عآفية يآصصآحب الموضوع ودي:smilie47::rose: |
ياليت أحد يعطينا فكرة موجزة عن الأسعار |
متجر آلهلآل للتصوير والهرم ارخص والصيني آحسن السلام عليكم ورحمة الله وبركاته مبروك للجميع افتتاح متجر الهلال في مدينه الرياض وان شاء آلله آلسلسله تكتمل , عندي نقطه اتمنى الآدآره تعالجها اسعار متجر نادي الهلال قبل افتتاح المتجر رحت اتفرج وقدرت اني اصصور مجموعه صور للمتجر وسآلت الموظفين عن آلآسعار قآلوا آلآسعار بتكون مفاجئه بحيث انها بتكون اقـل من جميع آلمحلآت , وان شاء الله كل جماهير الهلال بتتفآجئ بآسعارنا اليوم آفتتح المتجر لعامه الشعب رحت وكنت مبسسوووط ونآوي اششتري المحل كله وناوي اخذ من 3 تيشيرتات الى اربعه او خمسه دخلت المحل آلمتجر جدآ رووعه وآبدآع في آلتصميم ويصلح للتصوير والكشخه بعدين رحت للتيشيرت الي من امس وانا افكر فيه مالقيت عليه سعر فـ نآديت احد موظفي آلمحل وخليته يجيب لي مقاسسي قلت بروح ادور على مايجيب الموظف الي طلبته شفت تيشيرت ثاني واعجبني لمن اخذته وشفت سعره انصدمت قيمته بـ 160 حول كذآ , فـ خفت من سعر التيشيرت الي ابيه لمن جابه طلع سعره مايقارب آلـ 180 فـ آنصدمت صرآحه وقلت يآليت يكون سعر تيشيرت الهلال بنفس ذآ آلقيمه رحت ولقيته بـ 320 آنصدمت صصرآحه برى آلتيشيرت بـ 290 وعند متجر آلنآدي بـ 320 آروح آشتريه من برى وانفع جيبي الزم من نفعت النادي آسعآر خيآليه صرآحه سمعت كثيرين يشتكون من آلمبآلغ آلمبآلغ فيها , وآمس عبدالرحمن بن مسآعد تكلم عن آلتقليد وقال اتمنى التقليد يمنع في آلمحلآت , كلآمك على العين الرآس يآبوفيصل لكن فيه نآس مآتقدر تشتريه بـ 320 فـ لذلك آلآن يجب دعم آلصيني وكثرت زيآره آلهرم بآكثر من آلسآبق اتمنى من آدآره نآدي آلهلآل معالجة آلآمر بآسرع وقت وآتمنى من آلجميع مشآركتي في الموضوع واتمنى الردود تكون بالذوق وبدون شطحات والف شكر , |
ياشباب نتمنى اي واحد منك راح المنتجر يعطينا فكره عامه على الاسعار اغلى شيء وارخص شيء وهيك واتمنى ان يتم فتحه موقع رسمي للبيع والله انه ودي اشتري من المتجر فاتمنى انه يفتحووون موقع في اسرع وقت وشكراا |
ان شاء الله يفتحون عندنا بحاائل فرع |
إقتباس:
هلا اخوي المتجر بصراحه ماقدر اصوفه لك بصراحه خياااالييي يبيع ملابس وجزمة الله يكرمك وكاسات فيه اشياء بعد والله ماذكرها |
إقتباس:
انا معك ماختلف بهالشي بس ارفع سعره بس مب لدرجة المبالغه للسعر توصل قطع صغيره ل300 وشوي |
ان شاء الله بروح بس ما اعرف موقعه بالتحديد وعطوني الاسعار ما عليكم امر ؟؟؟ وتسلمون |
| الوقت المعتمد في المنتدى بتوقيت جرينتش +3.
الوقت الان » 09:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd