سلام يالربع

صباحكم عسل ومساكم سمن >>باقي البر ويزبط الفطور

شحالكم

رحلة عمر مواطن سعودي





مرحلة (التعرف على الأهل)

هذي يالربع اول مرحلة في عمر البزر ، تلقاه يتأمل بصمت وجيه من حوله ، ويحلل شخصياتهم ، ويحدد مصالحه الشخصيه معاهم ، وأول ما تجي تلاعب البزر في هالعمر تلقاه يتاملك باحتقار ، وانت في حماسك تلاعبه وتطلع اصوات غريبه تبي تشده ، وهو يناظر ويقول في خاطره "وش سالفه امه ذا الله يستر لا يكون ابوي " وللاسف تطلع ابوه ، فراح تلقاه يجاملك ويضحك لك لاجل اليوم الاسود اللي تمسك فيه عليه خطا ، طبعا الصبي في هالعمر راح يتعرف على امه لانها الممول الغذائي الاول ، ولما يتعرف على جدته تلقاه يحسب لها عمرها ويقول" اتوقع على هالخشه ياجده اذا وصل عمري سبع سنين انك في القبر " ، راح يعرف ان ابوه كل شي الا في وجود الجد وهذا يعطيه دافع للتعلق بالجد ، وبكذا يحدد البزرالسعودي أفراد مجتمعه القادمون .



مرحلة (حذيانك هي بطاقة احوالك)

هذي المرحله لما يكبر الصبي ويصير يمشي ، تلقاه يناظر في الحذايا ويقول هذا عمو وهذا بابا وهذي ماما وهذا صديق وهذا انا ، وطبعا يكره حذيان الرجال لانها متشابهه ، لكن ما يضيع في حذايا الحريم لانها اشكال وانواع وحركات ، وبعد التعرف على الهويات الوطنيه راح يبدا في احلى لعبه عرفها وتعرف عليها ، لعبه الحذايا السيارات ، ويصير كل حذيان عنده سياره ، وبعدها يطور الوضع وتصير الحذيان كوره ثم تصير عصى ثم تصير حجر واخر شي تصير ممله جدا فيقرر يلبسها .



مرحلة (طف اللمبه وولعها)

احلى لعبه للاطفال ، يحرق ام الفيوز ، يطفي ويولع يطفي يولع وما يطفش ، وتحليلي الشخصي انه يتعرف على قدراته في احداث فارق في الحياة وتغيير شي واضح زي النور ، ويطور الوضع الى التلفزيون ثم الجوال ثم الغساله ولكنه يصاب بخيبه امل كبيره حينما يحاول يطفي القمر وما يقدر وتبدأ رحلة حقده على القمر فيقرر الانتقام منه لاحقا في الوقت الذي فيه الطفل الغربي حينما لا يستطيع إطفاء القمر تبدأ رحله في الاعجاب بالقمر ويقرر السفر اليه لاحقا .



مرحلة (ودني معك السيارة)

البزر السعودي تبدا رحله في عشق السيارات منذو الصغر ، ويصبح شي فطري فيه ، فتجده يعشق الركوب بادب بادئ الامر ، ثم يتطور الوضع الا ضغاط الازرار ثم مسك القير ثم الدركسون ثم التمرد في التقليد ثم البوري واخيرا الجلوس في حظن السائق ، وتحليلي الشخصي هو ان الطفل يعشق القدره على التنقل من مكان الى مكان بسهوله ، ويبدأ حقده على مادة الفيزياء.



مرحلة (يوجد كائنات حولنا غيرنا)

وهي رحلة تعذيب الحيوانات ، والطفل السعودي لا يخشي أي حيوان على الاطلاق بادئ الامر الى ان يكبر ويعرف ، فتلقاه يبدأ بفغص النمل ، وملاحقة الصراصير ، وتذوق الخنافس ، وتخريب بيوت العنكبوت ، ثم يتطور الوضع الى ملاحقة الدجاج ، وخنق البط ، وركوب الخرفان ، ورجم البل ، واخيرا نتف ذيول القطط ، وتقليد صوت الكلاب ، ويبدأ حقده على مادة الاحياء.



مرحلة (كل الطعام كان حلا لبني اسرائيل)

كل شي عنده يوكل ، ابتداءا من الفاين وانتهائا باوراق الشجر ، تجده في هذا العمر حيوان مفترس ، ياكل كل شي من أي شي في أي شي وباي شي ، وهنا تبدأ رحلة الامراض ، ويبدأ حقده على مادة الكيمياء.



مرحلة (عد عند العشرة)

ما زال الطفل السعودي متحير جدا من ذي اللعبه ، يعني واذا عديت عند العشرة ياصير كويس ؟؟؟ ، وليه العشره بالذات ، ويبدا يكره اصابعه ، ويكره كل ما يمت بالعشرة بصله ، وكل ما جاهم ضيوف تلقى واحد يبوسه وقبل يقول يلا عد للعشره يقول واحد خمسه عشره خلصنا ، وهنا يبدأ حقده على مادة الرياضيات .



مرحلة (اختي الصغيرة جات)

وهي المرحلة اللي يجي على البيت ضيف جديد مستضعف ، وهي اخته الصغيره ، وبموجب الاخوه راح يحرمها المراحل السابقه ويبدا مرحلة جديده في حياته ، وهي مرحلة التجارب والتفاعلات البيوجيلوجيه ، وراح تكون الاخت الصغيره حقل التجارب ، كل ما ارد تجربته وهو صغير وخشي على نفسه العواقب راح يجربه على اخته ، مع العمر وتتالي السنين راح يطفش من التجارب العمليه وينتقل للتجارب النفسيه فيبدا بدب الرعب فيها وتخويفها واطفاء النور وحكايه قصة الجني مصاص دماء الاطفال ، ويخبره انها مو بنتهم وان هم لقوها في الوادي ، وفي النهاية يخبرها ان الناس كلهم يكرهونا وانه الوحيد اللي يحبها ، وراح يخليها تخطي ويستر عليها ويبتزها ليما ابتزاز ، وهنا يبدأ حقده على الهيئه .



مرحلة (انا طالب)

تبدأ بتسجيله في اولى ابتدائي ، وهنا يبدأ يتعرف على ناس غريبين من حوله ، ويعرف ان البيت ارحم ، راح يتصقف لين يعرف ان الله حق ، وراح يصفق لين يعرف ان معه حق ، راح يكون صداقات مبنيه على المصلحه فقط ، في نهاية المرحله يقرر بناء صداقة صادقه ويتراجع عن قراره لدواعي امنيه .



مرحلة (أنا صديق نفسي)

وهي تبدا بالمرحلة المتوسطه ، راح يترك صداقة الناس كلهم ، ويحس انه اطلق واحد في العالم ، وان الوقت ذا مو وقته ، راح تكون احلامه عظيمه ، وتلقاه يبي يصير لاعب وشاعر وعالم وفنان وشاطر وقوي وغني ومطوع وحلو وكل شي ، وفي الاخير يستحي يقول لاحد عن احلامه فيضل صديق نفسه الى الابد.



مرحلة (صرت رجال )

اغبى مراحل المواطن السعودي ، بين يوم وليله يصبح رجال ، ويلقى انه مسؤول عن افعاله ، وتبدأ معامله الاهل غريبه شوي ، لكنه في ذي المرحلة يكتشف ان العالم فيه شي اسمه صديق ، ويتوهق في الصداقه ويتم اختياره للصديق بغباء وفشل ، فيصادق اصحاب النفوذ والشعبيه وينصدم بتشعب العلاقه ليضطر في النهايه الى الرجوع الى مصادقة النفس .



مرحلة (طالب جامعي )

يبدأ في التحرر من القيود ، تبدأ رحلته مع المغازل والدخان ، بناءا على حقده السابق للمواد المذكوره انفا ، يبدأ يكره شي اسمه مستقبل ودراسه ، في هذا العمر الغيره تتوقد في قلبه ، يبدأ التفكير في الزواج ، وتبدأ مشاعره وعواطفه في التوهج ، وفي هذه المرحلة اذا كان لديه أي موهبه او ابداع فطري ، فسوف تتفجر لا شك ، واخيرا دائما ما يشعر بالندم على ما مضى في هذه المرحلة .



مرحلة (راعي بيت )

هنا يبدأ يكره النسوان ، ويكره البيت ، ويكره العثيم ، ويحب الدوام ، راح تنمو له كرشه مدورة مصنوعه بدقه وبراعه ، تلقاه يلبس طاقيه معظم الوقت ، يبدأ عشقه للتلفاز ، يحب البرامج الحواريه ، وتبدأ مرحله حبه لامه وابوه المتأخره ، يبدأ يعرف ان الفلوس كل شي في الحياة ، يتوصل لحقيقه انه لا وجود للحب اطلاقا ، يتورط في مسألة التربيه ، ويعرف ان ابوه كان صابر على عظيم ، ويبدأ تعلقه بربه ، وتجده كأنه غريب في المسجد.



مرحلة (طفوا اللمبات)

في هذا العمر تلقى المواطن السعودي همه يطفي لمبات البيت ، ويسقى الشجر اللي عند المدخل ، كل يوم يتهاوش مع الحارس وراعي البقاله ، وتلقاه يتابع العربيه ويقرا الشرق الاوسط ، اذا كان من متابعي الكوره تلقاه ينتقد كل شي ، ويبدأ مرحله هيه يازمان اول بس .



اخيرا مرحلة (تصنع العراقه)

تجد الشيبه في ذا العمر يتصنع القدم والعراقه ، فتجده يلبس بطريقه قديمه جدا ، ويكثر من سواليف اول ، ويجمع الشيبان عنده في البيت ، لقيت مره شيبه من شيبانا عمره 60 سنه بس يعني مو كبير وكان يقول سالفه لنا وهو يشوفنا صغار غير ان السالفه ما تدخل العقل وحنا نسلك له استعمل فيها مصطلحات غريبه جدا واسمعوا جملته ذي ، يقول لي يوم ولدت انه كان متحمس لوالدتي فقال " مصبح ولادتك كان النعس يداغفني مره يدغشني ومره ادغشه لين اوردت بك امك ولقيتك مغمش في خلق ما نذهب منك الا ملاجعك ومطابزك وانت مفغر الفاه صياح ونياح" التفسير لما قال " يوم ولادتك كان النوم ذابحني مره انعس ومره اصحى لين ولدت بك امك ولقيتك ملحف في لحاف ما اشوف منك الا خدودك وغمازات وجهك وانت فاتح فمك تبكي " وربي ضحكت عليه ضحك قلت ياعم ياشين التلغوى والتصنع فقال شباب هالزمن وش عرفكم بكلام جدانكم وقام معصب ، وفعلا في هالمرحلة الموت رحمه .


السالفه كلها ضحك
شاركونا بمواقفكم

لعبة طف اللبه وشغلها وأحرق أم الفيوز !
كنت محترف فيها , وجاني عروض من برى لكن ظروفي ماسمحت

رحلة عمر جداً جميله

الله يسعدك , موضوع ظريف وجميل ..

أشكرك..

إقتباس الرسالة الأصلية كتبت بواسطة Clasic لعبة طف اللبه وشغلها وأحرق أم الفيوز ! كنت محترف فيها , وجاني عروض من برى لكن ظروفي ماسمحت رحلة عمر جداً جميله الله يسعدك , موضوع ظريف وجميل .. أشكرك..

خساره ما احترفت ياخي في اوربا

حياك اخوي

إقتباس الرسالة الأصلية كتبت بواسطة مـوت ومـيـلآد ! ههههههههههههههههههههههههههههههههههه بـ النسبه لـ هذي المرحله ! مرحلة <--- (يوجد كائنات حولنا غيرنا) على ـآ كلآم أمي اني يوم كنت بزر أحبي مابعد مشيت بعد , واخوي اللي اكبر مني ثلآث سنوآت عمره ! المهم انه كآن يقتل النمل ويحطهآ قدآمي , وانا انآظرهآ واقعد افغصهآ ! ^ وتسسسسسسسسسسسسسبديه بسسس , كرهت عمري وقسسسم , بغيت أقول لـ أمي كآن قتلتيني ولا عرفت حقيقة نفسي ! ~ بس الجد مووضووعك جميل , الله يسسعدك على ـآإ هالصصبح !

عاد انتي تفعصينها عادي
اسالي من كان ياكل الخنافس >>>

بس لا تلوموني والله تقرمش

حياك اختي

إقتباس الرسالة الأصلية كتبت بواسطة الموسيقار المضياني مشكوور أخووي قصص ولا أحلى تقبل مروري...

العفو اخوي

حياك

إقتباس الرسالة الأصلية كتبت بواسطة عاشقة الشلهوووووب ههههههههههههههههههههههه اتذكر يوم كنت في الروضه ماروحلها الا بصياح مع تحايل أمي علي ماارضى اروح الا وهي معي ومره طلعت على انها بتروح معي وقلتلها يله اركبي قالت انتي اركبي اول أنا بقعد عند الباب وانا اركب الا وهي تصك باب الباص في وجهي وانا اشغل الونانويمشي الباص وانا الف اناظر أمي احس بشعور مدري وشو بس رديت الحركه كنا نحتري الباص وانا نسيت وجبتي وراحت تجيبها يالبى قلبها وقالت اذا جاء الباص قوليله يصبر شوي وأمي توها رايحه وهو يجي وانا أقوله رح مافي مدرسه ويوم جت أمي وتقعد تحتريه مستغربه وراه تأخر مادرت أني مروحته وعاد سألتني ماجاآ وانا بكل براءه الا جاء وروحته وأمي تعصب وتكرشني والله عاد نسيت هي جلدتني ولا بس الصتيمه سواق الباص شايفني لابسه لبس الروضه وفاتحتله باب الشارع احتريه ويروح ليه بس شكله ماصدق يبي يرتاح من الونان ويعطيك الف عافيه خيوو ع الموضوع التووحفه وتقبل مروري

عز الله ان راعي الباص يا اما حمار والا منغث منك ومن امك والظاهر انها الثانيه

بس حركات والله روضه شفتي عيال ودرستي معاهم

الله يعافيك اختي

وحياك

إنت مدهش .. إنت مبدع

أستاااااذ

تمتعت جدا جدا بقراءة هذه المراحل .. ربي يسعدك يابطل

إقتباس الرسالة الأصلية كتبت بواسطة ابو طـــــلال إنت مدهش .. إنت مبدع أستاااااذ تمتعت جدا جدا بقراءة هذه المراحل .. ربي يسعدك يابطل

حسيت اني اطلق واحد

اسعدني استمتاعك ابو طلال

حياك

ماآجمل بداياتك خصوصا وانت تكون صديق نفسك
حكمة رومانية
(( عندما تكون صديق نفسكـ فأعلم انكـ لست لوحدكـ))
قصتي ايام الابتدائي وآلى الاحتراف والوصول للثانوي
الســـلام عليــكم ورحمــهـ الله وبـركـاتهـ
انــتهـت الآختـبـارت وتنفس ابناء المملكة الصـعداء هذا بالنسبه للمرحله المتـوسـطة
اوما الثـانوي اقول لهـم خلاص بااقي بس بكرا خلاص مايحتاج مذاكرهـ

عـلى العـموم هـذا المـوضوع للتنـفيس عن النفس
وهذا مايسممى باللغهـ ((wanasaaah))ــ
اللي فوق مقـدمة
ــــــــــــــــــــــ
نجـي لصـلب موضوعي
مووضووعي بعنوان مرحلة في حيــاتكـ
عطنا يوم كنت صغير يوم انكـ قوي وكلن يخااف منكـ
نبي نشووف النـاس اللي يهـجون من الهوشـات
اليكم قصـتي من ايام الآبتدائية واحتراافي آلي الثــانويه
عـندمـا كنت بـالابتـدائيـه كنت استمتع بمـلاحـقة
القطط واحاول قدر المستطاع اني اصيبها
برميتي الناريه ولـكن تحـدث فاجعه مأساهـ بل وآجزم انها ربما اقوى من مأساة جدهـ اذ لم استطع من لحاقها آو آصابتها
وذلـكـ يعتـبر نقطة سوداء في تـاريخ ((علي)) اسمي علي

// المهم
كبـرت وتركـت هالسـوالف قـلت افا..؟ ياعلي الحين غـديت رجال ورحت للمتـوسط وانت تلاحق القطط قلت الواحد لازم يتـطور
ولازم يرفع من نفسهـ شيء قلت مابوهـ الا اني الآحق ركب التطور وبدال موب قطط نخليها تسلاب مو اي تسلاب فيوم من الآيام وهو آول يوم من المـتوسـطة كلمت نفسي وقلت ياعلي انت الحين لازم تتطور وتزيـد من التـسلاب لان التـسلاب مو حي الله تسلاب سريعه
حتى ان فيه تسلب عندنا يسمونه روبيرتو كارلوس

من سرعته
وصرت اتدرب لين زادت لياقتي
حتى من كثر ماني سريع يلقبوني سريعاان بتشديد الراء
وفي يوم من الايام كنت الاحق كلب مسـعور يوم شفته وقف ولسـان حاله يقول وش يبي ذا وآخرتها معهـ
وهو يجي ويلحقنا وانا اطلق سـاقي للرياااح وازبن والقى شاايب عند سيارتة واقف واجي اركض اركض واقمز فوق سيارته
والشـايب يبلش بالتسلب ويركب سيارتهـ هههههههههههههههههههه والكـلب ماعنده الا الهيـاط عندهـ كلمتين مزعجنا فيه الا وهي هو هو
والشايب يلآعن انزل الله لايباركـ فيكـ انزل يقصدني انا يقول ليش نحرتني ونحرتني باللغة الفصحي اي ليش تجي عنـدي ليش ماتروح لواحد ثاني والتسلب ابطى يصايح هو هو هو وقال التسلب قبل لا يمشي شكل ذولا مايسمعوون الشرهه علي انا اللي الاحقكم
ويوم راح واروح للبيت واتعوذ من ابليس
وصـارت السالفه ذي موعظة لي وتركت الملاحق وفي يوم من آلايـام بالـثانوي خلاص انا مسوي فيها ثقل
قلت انا وراي ما ارجع لهوايتي المفضله والمحببه
والاحق لي حدى هالتسلاب
ووالله ويجيني تسلب الله لايوريكم ويوم جيت وحذفت عليه حصاه ويجيني بكل سرعه والقى واحد من العيال امون عليه ويمون علي
واقف عند بابهم يدخن المهم واركض وادخل بيتهم واصك الباب والرجال هيه علي افتح افتح ههههههههههههههههه وافتح الباب
ونقعد لين ماراح التلسب
واعلنت آعتزالي للملاحق وقعـد ببيتنا
لكـن لاآخفيكم سرا اني ابسوي قريب حفل اعتزال وسيكون هناك موضوع مفصلا هنا بالشبكة
انتظروني

إقتباس الرسالة الأصلية كتبت بواسطة جار الزعيم مميز ماآجمل بداياتك خصوصا وانت تكون صديق نفسك حكمة رومانية (( عندما تكون صديق نفسكـ فأعلم انكـ لست لوحدكـ)) قصتي ايام الابتدائي وآلى الاحتراف والوصول للثانوي الســـلام عليــكم ورحمــهـ الله وبـركـاتهـ انــتهـت الآختـبـارت وتنفس ابناء المملكة الصـعداء هذا بالنسبه للمرحله المتـوسـطة اوما الثـانوي اقول لهـم خلاص بااقي بس بكرا خلاص مايحتاج مذاكرهـ عـلى العـموم هـذا المـوضوع للتنـفيس عن النفس وهذا مايسممى باللغهـ ((wanasaaah))ــ اللي فوق مقـدمة ــــــــــــــــــــــ نجـي لصـلب موضوعي مووضووعي بعنوان مرحلة في حيــاتكـ عطنا يوم كنت صغير يوم انكـ قوي وكلن يخااف منكـ نبي نشووف النـاس اللي يهـجون من الهوشـات اليكم قصـتي من ايام الآبتدائية واحتراافي آلي الثــانويه عـندمـا كنت بـالابتـدائيـه كنت استمتع بمـلاحـقة القطط واحاول قدر المستطاع اني اصيبها برميتي الناريه ولـكن تحـدث فاجعه مأساهـ بل وآجزم انها ربما اقوى من مأساة جدهـ اذ لم استطع من لحاقها آو آصابتها وذلـكـ يعتـبر نقطة سوداء في تـاريخ ((علي)) اسمي علي // المهم كبـرت وتركـت هالسـوالف قـلت افا..؟ ياعلي الحين غـديت رجال ورحت للمتـوسط وانت تلاحق القطط قلت الواحد لازم يتـطور ولازم يرفع من نفسهـ شيء قلت مابوهـ الا اني الآحق ركب التطور وبدال موب قطط نخليها تسلاب مو اي تسلاب فيوم من الآيام وهو آول يوم من المـتوسـطة كلمت نفسي وقلت ياعلي انت الحين لازم تتطور وتزيـد من التـسلاب لان التـسلاب مو حي الله تسلاب سريعه حتى ان فيه تسلب عندنا يسمونه روبيرتو كارلوس من سرعته وصرت اتدرب لين زادت لياقتي حتى من كثر ماني سريع يلقبوني سريعاان بتشديد الراء وفي يوم من الايام كنت الاحق كلب مسـعور يوم شفته وقف ولسـان حاله يقول وش يبي ذا وآخرتها معهـ وهو يجي ويلحقنا وانا اطلق سـاقي للرياااح وازبن والقى شاايب عند سيارتة واقف واجي اركض اركض واقمز فوق سيارته والشـايب يبلش بالتسلب ويركب سيارتهـ هههههههههههههههههههه والكـلب ماعنده الا الهيـاط عندهـ كلمتين مزعجنا فيه الا وهي هو هو والشايب يلآعن انزل الله لايباركـ فيكـ انزل يقصدني انا يقول ليش نحرتني ونحرتني باللغة الفصحي اي ليش تجي عنـدي ليش ماتروح لواحد ثاني والتسلب ابطى يصايح هو هو هو وقال التسلب قبل لا يمشي شكل ذولا مايسمعوون الشرهه علي انا اللي الاحقكم ويوم راح واروح للبيت واتعوذ من ابليس وصـارت السالفه ذي موعظة لي وتركت الملاحق وفي يوم من آلايـام بالـثانوي خلاص انا مسوي فيها ثقل قلت انا وراي ما ارجع لهوايتي المفضله والمحببه والاحق لي حدى هالتسلاب ووالله ويجيني تسلب الله لايوريكم ويوم جيت وحذفت عليه حصاه ويجيني بكل سرعه والقى واحد من العيال امون عليه ويمون علي واقف عند بابهم يدخن المهم واركض وادخل بيتهم واصك الباب والرجال هيه علي افتح افتح ههههههههههههههههه وافتح الباب ونقعد لين ماراح التلسب واعلنت آعتزالي للملاحق وقعـد ببيتنا لكـن لاآخفيكم سرا اني ابسوي قريب حفل اعتزال وسيكون هناك موضوع مفصلا هنا بالشبكة انتظروني

اوما عليك حياة

من هرر الى كلاب

بس اعجبتني يوم صكيت الباب علي خويك

في انتظار موضوعك بكامل تفاصيله اخوي

حياك

إقتباس الرسالة الأصلية كتبت بواسطة جار الزعيم مميز ماآجمل بداياتك خصوصا وانت تكون صديق نفسك حكمة رومانية (( عندما تكون صديق نفسكـ فأعلم انكـ لست لوحدكـ)) قصتي ايام الابتدائي وآلى الاحتراف والوصول للثانوي الســـلام عليــكم ورحمــهـ الله وبـركـاتهـ انــتهـت الآختـبـارت وتنفس ابناء المملكة الصـعداء هذا بالنسبه للمرحله المتـوسـطة اوما الثـانوي اقول لهـم خلاص بااقي بس بكرا خلاص مايحتاج مذاكرهـ عـلى العـموم هـذا المـوضوع للتنـفيس عن النفس وهذا مايسممى باللغهـ ((wanasaaah))ــ اللي فوق مقـدمة ــــــــــــــــــــــ نجـي لصـلب موضوعي مووضووعي بعنوان مرحلة في حيــاتكـ عطنا يوم كنت صغير يوم انكـ قوي وكلن يخااف منكـ نبي نشووف النـاس اللي يهـجون من الهوشـات اليكم قصـتي من ايام الآبتدائية واحتراافي آلي الثــانويه عـندمـا كنت بـالابتـدائيـه كنت استمتع بمـلاحـقة القطط واحاول قدر المستطاع اني اصيبها برميتي الناريه ولـكن تحـدث فاجعه مأساهـ بل وآجزم انها ربما اقوى من مأساة جدهـ اذ لم استطع من لحاقها آو آصابتها وذلـكـ يعتـبر نقطة سوداء في تـاريخ ((علي)) اسمي علي // المهم كبـرت وتركـت هالسـوالف قـلت افا..؟ ياعلي الحين غـديت رجال ورحت للمتـوسط وانت تلاحق القطط قلت الواحد لازم يتـطور ولازم يرفع من نفسهـ شيء قلت مابوهـ الا اني الآحق ركب التطور وبدال موب قطط نخليها تسلاب مو اي تسلاب فيوم من الآيام وهو آول يوم من المـتوسـطة كلمت نفسي وقلت ياعلي انت الحين لازم تتطور وتزيـد من التـسلاب لان التـسلاب مو حي الله تسلاب سريعه حتى ان فيه تسلب عندنا يسمونه روبيرتو كارلوس من سرعته وصرت اتدرب لين زادت لياقتي حتى من كثر ماني سريع يلقبوني سريعاان بتشديد الراء وفي يوم من الايام كنت الاحق كلب مسـعور يوم شفته وقف ولسـان حاله يقول وش يبي ذا وآخرتها معهـ وهو يجي ويلحقنا وانا اطلق سـاقي للرياااح وازبن والقى شاايب عند سيارتة واقف واجي اركض اركض واقمز فوق سيارته والشـايب يبلش بالتسلب ويركب سيارتهـ هههههههههههههههههههه والكـلب ماعنده الا الهيـاط عندهـ كلمتين مزعجنا فيه الا وهي هو هو والشايب يلآعن انزل الله لايباركـ فيكـ انزل يقصدني انا يقول ليش نحرتني ونحرتني باللغة الفصحي اي ليش تجي عنـدي ليش ماتروح لواحد ثاني والتسلب ابطى يصايح هو هو هو وقال التسلب قبل لا يمشي شكل ذولا مايسمعوون الشرهه علي انا اللي الاحقكم ويوم راح واروح للبيت واتعوذ من ابليس وصـارت السالفه ذي موعظة لي وتركت الملاحق وفي يوم من آلايـام بالـثانوي خلاص انا مسوي فيها ثقل قلت انا وراي ما ارجع لهوايتي المفضله والمحببه والاحق لي حدى هالتسلاب ووالله ويجيني تسلب الله لايوريكم ويوم جيت وحذفت عليه حصاه ويجيني بكل سرعه والقى واحد من العيال امون عليه ويمون علي واقف عند بابهم يدخن المهم واركض وادخل بيتهم واصك الباب والرجال هيه علي افتح افتح ههههههههههههههههه وافتح الباب ونقعد لين ماراح التلسب واعلنت آعتزالي للملاحق وقعـد ببيتنا لكـن لاآخفيكم سرا اني ابسوي قريب حفل اعتزال وسيكون هناك موضوع مفصلا هنا بالشبكة انتظروني

قسم بالله انك نكتة المفروض نسوي لك حفل على حساب النادي<<<<<قال ايش على حساب النادي انت جب لك فلوس بعدين قل على حساب النادي

وراح يكون في ساحة مفتوحة وراح يكون فريق الكلاب كامل ومكون من 11 لاعب وانت لحالك وراح نحجز لك غرفة بالعناية المركزة وسيارة اسعاف على حساب النادي <<<<<مرة ثانية على حساب النادي اقول خلك بنفسك