خلاااااص ما ابغاها خلوها عندكم ,,, بس رجعووو لي حــــقي ... - نادي الهلال السعودي - شبكة الزعيم

زيزوم الزعيم · #1 06/02/2011, 05:55 AM

السلام عليكم ورحمة الله وبركاته

ابعطيكم قصتي من الـ أ الى الـ ي

في يوم من الايام

مسكت الجوال و قلت برفع سرعة اتصال النت عندي...

لاني اصلا ما اعرف كم سرعة اتصالي...

المهم و اتصلت على 906

و انتظرت و انتظرت و انتظرت و انتظرت

رحت تعشيت و تقهويت مع الشباب

ثم رحنا و تمشينا و طلعنا للشرقيه و خذينا لنا فترة نقاها اسبوع

ثم رجعنا و نمت يوم جا الصباح...

شفت الجوال الا توهم يردون...حسبي الله عليهم

قلت ابغا ارقي سرعة النت عندي وش الحل

قالي الموظف .. وعطاني تفاصيل السرعات و الباقات

قلتله اوك ابغا اشترك في برود باند جود بلس...

قال اوك الحين افعلك اياها و نرسل على جوالك رساله بالباسوورد و اليوزر نيم...

قلت طيب بالانتظار و الفرحه تملأ عيناي اربغا اجرب السرعه الجديده

الا بالوقت يمر ... ساعه ... ثم ساعتان .. ثم ثلاث

قمت و رفعت السماعه و هممت بالاتصال عليهم...

و انتظرت و انتظرت و انتظرت و انتظرت

رحت تعشيت و تقهويت مع الشباب...إلخ

عاد انتو عارفين الباقي...

قلتله كل شي...قال اسفين عالتاخير و في الاربع ساعات القادمه راح توصلك الرساله

قلت حلو...ثم راحت سبع ساعات و ماجاني شي...

اتصلت عليهم قالو لي الاربع و عشرين ساعه القادمه بتوصلك...

شوي الا وفصل النت عندي و الباقه ما تفعلت

و جلست يوم كامل ما عندي نت كل ما اتصل عليهم يقولون ما نقدر...

ثم اتصلت على واحد بالشركه و قال اصبر اسويلك تحديث و تشتغل ثم اشتغلت...

يعني كل هالمرمطه و اخرتها مجرد تحديث و يشتغل و هم يقولون ما نقدر...

ثم صرت اتصل عليهم عشان (الباقه) وهم يقولون فيه امر بتنفيذه بس فيه خطأ في النظام

وانا و هم وانا وهم وانا وهم و الساعات تمر

ثم اتصلت على 906 قالي الموظف المشكله من اجهزة 907 اتصل عليهم

اتصلت على 907 قالي الموظف مو صحيح اجهزتنا تختلف عن اجهزتهم اتصل عليهم مشكلتك عندهم...

و انا وهم وانا وهم و الساعات تمر

ثم صارلي اسبوع تقريبا وانا بلا (باقه) ولا (خدماتي) الاولى

حيث انه مع مرور الايام فصل عندي الـ(كاشف) وما عاد اشتغل

و من بعده فصلت جميع الخدمات من ظمنها الانتظار و ما شابه...

و الـ(باقه) طول الله بعمرها ما بعد وصلت ولا تفعلت

واتصل عليهم يقولون في الساعات القادمه بترجع الخدمات لما تتفعل عندك الـ(باقه)

’,

انا قلتلهم والله ما عاد ابغاها (الباقه) خلاص رجعوني مثل اول و خلو (باقتكم) عندكم

يقولون لا ما عاد نقدر الامر في التنفيذ جاري...<<اسبوع يجري متى بيوصل؟؟؟؟

و على ذالحال...

والى الان وانا كل يوم فاصلين خدمه و اقولهم خلاااص

والله ماعاد ابغا الباقه بس اتركوني في حالي...

’,

وقمة البجاحه اليوم مرسلين لي رسالة عالجوال نصها الآتي:

لكي تكوني أم مميزه

ارسلي رقم:

12: لكي تكوني انيقه

الرقم باسمي يعني ما تدرون..؟؟؟

’,

أتمنى تكون قصة هالمعاناة تكون اعجبتكم

قصة: واقعيه

سيناريو: STC حياة مرمطه و هم و غم

حسبي الله على هالشركه الفاسده

ترا يمكن ما اقدر ارد على ردودكم لانه يمكن بعد شوي يفصلون النت عندي

4th Hokage · #2 06/02/2011, 06:47 AM

شي طبيعي جدا جدا جدا!!
نفس الشي صار معي بس رحتلهم المكتب و نفخت في وجه مدير الفرع و اليوم الثاني جاني اليوزرنيم و الباسوورد

ناس تخاف ما تستحي..

the king yasser · #3 06/02/2011, 11:20 AM

على قوله الي فوقي

عادي وطبيعي جداً

انا أشتراكي 4 ميقا مدري قيقا

ومايعطيني الا 1 ومرات 500

ولا عمره وصل لـ 4

والفلوس الي ندفعها على ان سرعتي 4

والحياه متواصله والامور طيبه واحنا بخير

بلو كادي · #4 06/02/2011, 12:06 PM

وعليكم السلام ورحمة الله وبركاته

هههههههه هاذا حال هالشركة ماجبت شي وانا اختك كلمالهم ويستمرون في التغذيييب
حسبنا الله ونعم الوكيل هاذاالللي اقدر اقوله

تركي السلماني · #5 06/02/2011, 12:35 PM

شئ طبيعي :

أنا يوم أشترك عندهم خذوا اسبوع و كلمتهم قلت يأخوي خلاص أبي ألغي الخدمة

>> عافها الخاطر

قال خلاص و ساعتين و هي تشتغل ..

>> ورتهم العين الحمراء

ازعاج · #6 06/02/2011, 12:51 PM

مثل ما قال اخوي تركي دق عليهم قل خلاص ابلغي الخدمه علطول

يسوون لك الي تبي << اسئل مجرب

المشجع الوفي · #7 06/02/2011, 01:13 PM

لا يجب ان تستغرب اخوووي

يعني المفروووض أنت تجهز نفسك لهذا الشيء....

مو أنت إقرأ قصص الناس و تزيد خبره...

خخخخخ

و بعدين هم لم و لن يفيدو المستخدم بدون ما يضرونه,,,

و الله يسآآعدك

حاتم · #8 06/02/2011, 02:08 PM

الله يعطيك العاافية

لاجديد هذه شركـة النهب والسلب

انا الا صاار معي مثلك بـس اخر شي قولو لزم نحفر قدااام البيت ومن هالكلام بالأخير حفرو ومشو ما شفتهم لبعد اسبووع

فكرت انهم يدورون نفط مو يصلحون اسلاك بـس بالأخير وبعد تعذيب الأتصال حاليا اوك

U S A M O V I C · #9 06/02/2011, 03:22 PM

والله انا عندي 20 ميجا ..

وماشي معي حلو ..

سرعة التحميل توصل بالتورنت حوالي 2.1 ميجا ..

اما الروابط المباشره عالميديا فاير يوصل اكثر شي 1.8

اما برودباند جود مصصخره

على فكرة هم كاتبين بالعرض تصل لـ4 يعني ما قالوا سرعتها 4 !!

وهي عند اغلب الناس ما تعدى 1

محبة الرحمن · #10 06/02/2011, 03:41 PM

أهلآ وسهلآ بك أخي الفآضل ..

ريح بآلك .. شئ مو جديد عليهم ..
حول ع موبايلي .. شركة محترمة .. تحترم عملآهآ ..
وخدمآتهآ رآئعة .. وتشغل في كل مكآن .. حتى وسط الصحراء .. وقيمة اشتركآتك وخدمآتك بتروح للهلآل ..
احسن بمليون مرة من ذي ..

يعطيك العآفية .. الله يكون بعونك ..

دمت في حفظ الرحمن ..

Haмs Alseβa · #11 06/02/2011, 03:48 PM

لاجــديــد مع stc

ونفس المعــاناه والــكاااشف فـصــلوووه بعد من عنـدنـا بعد مافتحـولي الصصفر
ولي يومين اتصصل ابيهم يرجعونه والى الآن ماسسوا ششي

المششكله يقول المــوظف / بس هذي مششكلتك خلاص دقايق ويرجع الكاشف

والى الان ماعينت الكـاشف

أبوجواد العرابي · #12 06/02/2011, 04:22 PM

حبيبي انت غلطااااااان

المفروض تدق من الجوال المسجل لشركة يعني رقمكم مثلا 8304524

مسجل بإسم ابوك

وبوك حاط جواله لشركة

تاخذ جوال ابوك وتدق عليهم

ض1

انا صارت لي المشكلة بس العلة انهم ادوني الباس واليوزر بس مازادت السرعه وجننت اهلهم كل ساعه ونا متصل على واحد

الين ما 906 صار يدق علي بدال مانا ادق عليهم هع

والحمد لله ماطولت يومين والسرعه 4 ميقا

التوتو2 · #13 06/02/2011, 04:40 PM

ههههههههههههههههههههه
الله يعينك وعادي لاجديد هذي هي stc من يومها وهي بربسه

9متيمة الزعيم9 · #14 07/02/2011, 05:33 AM

ههههههههههه أسلوبك ظريف حتى وإنت تكتب ومقهور منهم
الله يرجّهم مآيبغآلهم إلا العين الحمرآ
يبغآلك تسوّي زي أول وآحد رد عالموضوع رآح ونفخ عليهم<<أمزح
بس تصدق هالمشكلة نآقشوهآ في المسلسل الكوميدي (37درجة

)
تقريبآ نفس السينآريو مآأقول الا الله يعينّآ عليهم

انفاس هلاليه · #15 07/02/2011, 05:48 AM

ههههههههههههههههههه
خلاص لازم نتعود على حركة شركة الاختلاسااات

والله انوااع التعذيييب معاااهم

حسبي الله ونعم الوكيييل علييييهم